【特约分享】Happy Hour饮番杯Schweppes®期间限定特饮!9间必去铜锣湾餐厅(下)
2021-08-31

返咗成日工,收工自然要约埋三五知己饮杯嘢放松下!源自1783年嘅Schweppes®曾获颁英国「皇家认证」,气泡绵密流长,啖啖都有气泡口感。加上Mixers有5款唔同嘅口味,好啱做成Cocktail,呈现更多层次。今次「品味经典餐厅周」Schweppes®同多间餐厅合作,即日起至9月23日推出Schweppes®期间限定特饮、配搭美食令各位同亲朋好友嘅聚餐更Chill更难忘!
 

澳洲特色亲民扒房  Outback

以澳洲中部地带Outback为名,餐厅装修亦以当地特色为主,气氛轻松。餐厅推出两款特饮,Bottle Odora以Schweppes®有气辣姜啤饮品同毡酒为基调,加上覆盆子同蓝莓,味道酸甜。Sheila's Puppy采用Schweppes®汤力水混合西柚汁,杯边沾上盐粒提味,清爽怡人。惠顾香煎黑椒日式黄鳍吞拿鱼或者香煎黑椒日式黄鳍吞拿鱼沙律,仲可以用套餐价享用两款特饮!


(左)Bottle Odora、Sheila's Puppy,(右)香煎黑椒日式黄鳍吞拿鱼、香煎黑椒日式黄鳍吞拿鱼沙律

 

本地牛扒专家  Top Blade Steak Lab

以低价呈现高质牛扒,一直都系呢间扒房嘅理念。各位嚟到除咗可以享受招牌平铁牛扒配免费任食嘅薯条,仲饮到Schweppes®期间限定特饮Dirty Lemonade!以Schweppes®梳打水嘅持久气泡带出餐厅自家制焦糖柠檬汁嘅焦香同迷迭香嘅木调,将清爽鲜酸嘅味道融为一体,醒胃解腻。


(左)Dirty Lemonade,(右)美国390日榖饲Prime级平铁牛扒

 

创意Fusion菜餐馆  Around Wellington

餐厅主打多国Fusion菜,卖相吸引而且唔少食材配搭都相当新颖,包括招牌花雕醉鸡配冷稻庭乌冬、蟹籽蟹肉盖饭配甲罗烧等。想食得更爽仲有一系列无酒精鸡尾酒,Mango Mule以Schweppes®有气辣姜啤饮品配搭芒果同青瓜,入口甜而不腻,加上绵密嘅气泡,感觉更Chill!


(左)Mango Mule,(右)招牌花雕醉鸡配冷稻庭乌冬

 

楼上丛林风酒吧  Ravin

酒吧名Ravin源自一种出现喺神话、艺术及文学中,灵敏而聪明嘅渡鸦(Raven),装修以墨绿色为主,加上树叶摆设,犹如置身丛林当中。今次三款鸡尾酒各有特色,Gin Seng以Schweppes®汤力水同浸泡班兰叶嘅毡酒为基调,再混合咖啡酒等,风味独特。

Caribbean Monkey则以Schweppes®乾姜味汽水配搭威士忌、热情果同杏脯甜酒,呈现出热带水果嘅香气,建议配搭脆炸虾多士,因为威士忌酒精浓度较高,可以减低炸物嘅油腻感。而蓝色嘅Ravin Forest就用Schweppes®梳打水加上自家浸泡过蝶豆花嘅毡酒,再混合伯爵茶利口酒同接骨木花,花香及草本调均衡。配先炒再炸、唔过於呛辣嘅炸洋葱圈啱啱好。 
 


(左)Gin Seng,(右)Caribbean Monkey


(左)Ravin Forest,(右)Ravin环境

 

客户专讯
本月热门
【2021生日优惠】持续更新!10月寿星半价叹自助晚餐/免费放题
2021-09-30
【随时更新】零食速报 每周新款零食、酒品点评
2021-10-15
4间大闸蟹食店集合!米芝莲食府大闸蟹宴+最平$368任食大闸蟹
2021-10-06
9月份好评餐厅十强
2021-10-08
初秋甜蜜蜜!10月份下午茶提案
2021-10-07