【特约分享】食得有意义 食匀美食博览社企摊档
2019-08-15

识食,一定系喺美食博览前,睇定有咩正嘢食。我都知大家已经mark定晒目标摊档,但系有啲摊档可能无咁显眼,但其实抵食又好食,仲有嘢送𠻹,讲紧嘅就系社企摊档啦。社企喺社会上可能唔太显眼,其实佢哋做嘅嘢好有意义,一直默默耕耘协助弱势社群由受助变自强,甚至为佢哋重燃希望。快啲睇睇1E展览厅A18号嘅社企摊档有咩食啦,记得喺美食博览支持佢哋呀!

好好社企香港社会服务联会-社会企业商务中心属下)只在81516日参展

为香港各间社企提供平台售卖食品、日用品,同时精选公平贸易、有机、本土制作等具社会意义嘅产品。今年喺美食博览,更联同本地大学同学推出月饼,有四色月饼、菠萝包月饼同QQ月饼,月饼包装全由学生设计,月饼仲系100%手工烘焙!

月饼包装系由理工大学设计系学生负责。

呢度可以买到唔同社企嘅食品。

土作坊(圣雅各福群会)

嚟到土作坊摊档,可以买到各类有机食品,包括手工饼、手工糖、茶叶等等。土作坊喺2007年成立,透过支持本土农业、改善农民生活,为社区长者同妇女提供就业同培训机会,等佢哋可以喺土作坊学制作、包装或售卖有机农作物等。

手工饼有有机姜饼、芝麻饼腰果饼。

手工糖轻甜烟韧,同样有芝麻、花生同腰果3款口味。

可以试啱口味先买。

绿家居(仁爱堂有限公司)

绿家居系仁爱堂第一间社企,今次就带咗有机米面、有机零食同天然果醋等嚟美食博览。咁多有机嘢,就系因为绿家居系售卖对环境友善嘅食品同饮品,好似有机蔬菜、环保产品同有机礼品服务等。藉此推广绿色有机生活模式,同时仲可以为妇女提供就业同培训机会。

呢度健康食品选择好多,推荐台湾即饮果醋,方便消滞又健康。

由真正粟米制造嘅零食,放喺办公室或屋企就啱晒啦!

生活好点(圣公会圣基道儿童院有限公司)

生活好点想向市民推广健康生活,所以主要售卖有机食品同天然产品,同时亦为青年人同基层人士提供就业同培训机会。今次就带咗果乾脆片、有机米、中式汤包茶包同健康冲剂等嚟美食博览,一齐食得健康啲啦!

HK$100就买到3包茶包或汤包。

又有多款果乾同蔬菜乾拣。

员工好有心机讲解每款食品特点

苏炉(明朗服务有限公司-香港善导会辖下社会企业)

苏炉面包店为更生人士提供工作机会,由面包师傅教佢哋烘焙面包、唐饼、甜品同到会小食,帮佢哋重新融入社会,将来可以靠自己技能生活。喺美食博览就可以买到佢哋嘅手制曲奇、唐饼酥点、小食同月饼。

有多款唐饼拣,全部都系人手焗制,好酥香

仲可以买手制月饼过中秋。

买5盒月饼以上有85折。

安其儿有限公司(星星堂)

帮自闭症青年就业,提供机会畀佢哋学整、包装同出售健康食品,令佢哋更容易融入社会。市民又可以食到少油、少糖、少盐、无防腐剂、无人造色素等嘅健康食品,嚟试吓佢哋嘅曲奇、汤包、手工面、花果茶同健康饮品啦!

各款花果茶,都有唔同嘅养生效果。

手工面用唔同天然食材制成

博爱 Café(博爱医院)

喺天水围嘅博爱 Café为区内青年提供就业机会,驻场社工陪着每一位青年咖啡师,一齐学整咖啡、研发新食品、营运咖啡室。佢哋仲会喺自己嘅农地种植香草入馔,好有心机同诚意!今次就有机会,食到佢哋用自家香草整嘅手工曲奇、香草茶,亦有全手制鸟结糖,好烟韧好特别。

手工制鸟结糖特别烟韧,因为无防腐剂,买返屋企尽快食喔!

香草曲奇嘅香草系佢哋自家种植,健康无农药。

营康荟(香港复康会)

残疾人士同慢性病患者都想靠自己能力生活,营康荟就为佢哋提供就业同培训机会,喺店舖售卖奇亚籽、蜜糖、苹果醋、果汁、豆奶同冷压果片等,今次美食博览都可以买到

呢度有好多款健康食品,例如无糖饼、甘栗同果乾等。

饮品就有南非原味国宝茶,同埋意大利非基因改造米浆、荳浆等。

天天加油站(加油香港基金有限公司)

呢间社区一定好受街坊欢迎,因为佢哋目标系为区内街坊提供平价而优质嘅日用品,亦希望可提供就业机会同职业培训畀区内青年同妇女,大家可以用抵价买到粮油同有机食品,例如即食甘栗、黑豆、奶粉等。

呢度可以用划算价钱,买到日用食品,例如米、油等。

特别系芥花籽油,比坊间更平呢!

支持社企 仲有精美纪念品送!

头两日(即8月15至16日)喺社企摊位买够一定金额货品,仲有精美纪念品送,要把握机会喔!(数量有限,送完即止)

一齐嚟支持香港社企啦!

餐具纪念品好环保实用。

客户专讯
本月热门
【随时更新】零食速报 每周新款零食、酒品点评
1天前
日本吉列牛排店京都胜牛进驻铜锣湾 黄金六十秒炸法 推介京都胜牛三味套餐
2021-02-18
楚捻记新line!荃湾新开饺子店 必试黑松露什菌饺+香煎潮汕韭菜粿
2021-02-10
食肉兽必收藏!牛年到 五间品牛餐厅介绍返
2021-02-11
1月份好评餐厅十强
2021-02-09