【特约分享】海洋公园全新泰式餐厅 让你味觉畅游泰国
2019-05-10

暑假一定要去海洋公园玩! 玩咗成日,就紧系要食野充饥!海洋公园全新泰式餐厅「Ginger Grill  炉炭烧」,主打泰式地道菜式、明火炭烧及多款以姜入馔嘅料理,酸酸辣辣嘅味道,即使夏天无胃口,都立即令你味蕾大开!

而家就一齐睇下海洋公园嘅独特泰式消暑良方,让味觉畅游泰国!

「Ginger Grill  炉炭烧」坐立於海洋公园梦幻水都,设计以大自然园林为主题,以大地色为色彩基调,墙上清雅嘅姜花为人手绘制,更设有一幅别致嘅绿色植物主题墙壁,大型玻璃窗户让自然阳光照射到餐厅内,令客人犹如置身园林美景之中。

餐厅更设有酒吧枱,同三五知己一齐饮酒谈心最适合!

「泰」滋味     极致嘅味觉享受

呢度嘅泰式料理系以泰北农间村落及传统文化为创作概念,厨师推介包括「泰式烧葵花鸡」、「炉炭烧大虾酸辣汤」及「泰式船面」。 

相机食先?呢道原只「泰式烧葵花鸡」一定系你嘅不二之选!大厨先将鸡用各种香料腌足全日,以清汤浸泡後,再风乾一日,最後烤焗至皮脆肉嫩,单食呢个鸡嘅功夫,已值回票价!上枱时,店员会燃点鸡身内嘅香茅枝、斑兰叶及青胡椒,令香料气味一次尽情散发!

泰式烧葵花鸡

「炉炭烧大头虾酸辣汤」视觉效果非常吸引,一只大头虾就咁「趴」系碗上,非常浮夸!酸辣汤用上多种香料煮成,以备长炭烤去香茅、柠檬叶嘅过多水份後,加入汤中,令香料味道更浓。最後加入大头虾一齐煮,令虾身尽吸汤嘅精华鲜味,放入嘴中汤头会瞬间爆发!

炉炭烧大虾酸辣汤

每日限售150碗嘅地道「泰式船面」,汤底以猪骨熬制两日而成,加入猪腩肉、猪肉丸等多种猪类食材配料以及脆卜卜嘅炸猪皮,香口惹味。

泰式船面

明火炭烧     视觉、嗅觉与味觉多种感官刺激

「Ginger Grill  炉炭烧」另一主打食物就系炭烧美食。为咗俾客人一个集视觉、嗅觉与味觉嘅独特体验,餐厅系中央放置明火炭烧炉,客人可围坐系炉边,观赏厨师以精湛嘅手艺即席烤制各类海鲜及肉食。

明火炭烧炉

餐厅更特别选用「备长炭」烧烤食材,令食物外脆内软,仲能够快速有效地锁住肉汁,逼出油脂,比一般炭烧出嚟嘅食物更香口滋味。为咗进一步提升食物嘅味道,大厨以自制香茅枝代替一般烧烤用嘅油扫,将香料扫上各式烧物,将香茅及香料等味道同时带入食物中。  

明火炭烧推介料理包括「美国有骨牛肉眼扒」,牛肉眼扒肉质鲜嫩,油脂经炭火一烤,油香四溢又能锁紧肉汁,肉质更添嚼劲,滋味无穷。

美国有骨牛肉眼扒

至「姜」风味     融入酱料、饮品与甜品中

餐厅个名已经话你知食物系有姜嘅元素。呢度嘅泰式酱汁系鲜磨研制,当中嘅「特色姜味酱」同「姜黄薄荷沙律酱」更系以姜嘅香味及其他香料相互融合,配搭唔同嘅食物,引发出唔同嘅味道。

多种自家鲜磨研制泰式酱汁

大厨创意无限,以姜嘅元素注入甜品及饮品中,将「姜」玩至极致!姜味特饮「暖恋夕阳」系用咗丰富营养素嘅姜、西柚及甘笋等新鲜食材调制而成,系配搭炭烧辛辣美食嘅健康之选!夏日炎炎想饮返杯酒可以点杯「姜聚时刻」,佢系由波本威士忌、生姜、姜黄、梳打及糖浆混合而成,杯边以砂糖点缀,辣中带甜。

 左:暖恋夕阳 右:姜聚时刻

姜味甜品方面有以香滑炖蛋、黄姜及蜜糖作调味主角嘅「蜜糖姜汁炖蛋」,甜辣两味交错,层次丰富曼妙,用佢做一餐嘅总结最适合不过!

蜜糖姜汁炖蛋

「Ginger Grill  炉炭烧」

地点:海洋公园梦幻水都

查询电话:3923 2323

*餐厅客人如享用晚餐,晚上6时30分後可免费入场,更可获得4小时免费泊车优惠。有关条款详情,请参阅:https://bit.ly/2PJ3R3X

特约分享:海洋公园

关键字
Ocean Park
客户专讯
本月热门
【随时更新】零食速报 每周新款零食、酒品点评
2021-06-17
【2021生日优惠】持续更新!6月寿星送海鲜拼盘
2021-06-01
5月份好评餐厅十强
2021-06-04
一秒变出 招牌十八层海胆杯 佐敦小店全新体验 魔术X铁板烧
2021-06-11
京都昭和风吃茶店登陆旺角 必试自家焙煎虹吸咖啡+香港限定忌廉焦糖吉士布甸
2021-05-28