【牛年新春】新年新口味 创新贺年糕点逐个睇
2021-02-01

年,又过年,希望牛年会是个好年吧。新年梗系要试新嘢,喺大家都准备买糕过年嘅时候,畀啲新嘢大家先~有唔少餐厅同品牌都推出咗创新口味嘅贺年糕点呀,唔止口味创新连造型都创新,有Kitty造型年糕添啊,即刻睇睇!


芫茜萝卜糕 EATLA

芫茜控留意喇!呢间网店居然推出咗芫茜萝卜糕,於传统萝卜糕底上加入大量新鲜芫茜,惹味腊⾁配上劲浓芫茜味道,芫茜控⼀定锺意~虽然芫茜萝卜糕早喺一星期前已经售罄~由於唔想令咁多芫茜fans失望,店主决定於新年前最後加推!想买真系要衬手呀~

购买方法: https://www.eatla.co/


黑糖姜汁年糕及有机萝卜糕  莫忘煮食

本地品牌莫忘煮食创办人Antony推出嘅金箔冲绳黑糖姜汁年糕及有机萝卜糕!有机萝卜糕选用新鲜有机萝卜,相对一般嘅萝卜糕更清甜,配上独家秘方,比起传统丝状嘅萝卜糕更具有口感。金箔冲绳黑糖姜汁年糕利用健康嘅黑糖带出主要甘味,同时减去传统年糕过甜嘅油腻感,加埋姜汁就更有层次。


Hello Kitty姜汁年糕+Hello Kitty奶皇年糕 Twinkle Baker Décor

HELLO KITTY粉丝一秒变心心眼啦!新年有咩理由唔食佢?唔舍得罗。呢两款年糕,用六角型轮盘装住,仲可以喺轮盘写上唔同贺词,齐齐转出祝福行大运,玩味十足~年糕有姜汁同奶皇味,前者有淡淡辣味,但配上甜味中和,即使小朋友都啱食,口感烟韧;後者嘅蛋奶味同吉士味浓郁,椰浆清甜。

椰香锡兰年糕 营致会馆 

就咁睇样可能会觉得呢个年糕同以往食开嘅差唔多,但食落就知内有乾坤呢~ 由米芝莲二星粤菜餐厅推出嘅创新椰香锡兰年糕,味道甜而不腻,糕身软滑,有阵阵椰香味,加入锡兰红茶後就更加香醇。而且无添加任何防腐剂,够晒天然。

雪莲红豆玉米糁糕+发财莲藕五谷丰收糕 帝京饼店

每年都要有新口味嘅年糕创作都唔容易呢,佢哋今年仲有两款:发财莲藕五谷丰收糕、雪莲红豆玉米糁糕。前者啱晒要管理体重但又想应节嘅朋友仔,材料包括有鲜冬菇、灵芝菇同鸡脾菇,啖啖菇菌香气。再混合莲藕五谷米同藜麦等健康食材,食多几件都唔怕咯!而後者则以雪莲子为主,滋补养颜,口味清新,淡淡香甜,粒粒雪莲子同红豆仲好有口感添。

八十年陈皮十胜红豆年糕  夏宫 

陈皮同红豆,呢两款大缆都扯唔埋嘅材料,竟然可以摆埋一齐做年糕?呢款中日结合嘅年糕,用上八十年陈皮,配甜而不腻嘅十胜红豆,撞撞下又几夹喎,粒粒红豆有咬口。

冻龄啖啖蚝皇鲍鱼萝卜糕 尚鲍

呢间主打南非鲍鱼嘅舖头,就将鲍鱼融合落萝卜糕度,同名厨合作,首创出冻龄啖啖蚝皇鲍鱼萝卜糕。将南非慢煮鲍鱼煨入独门秘制嘅蚝皇鲍汁,再配搭乾瑶柱、腊味、虾米等制成萝卜糕。除咗有丝丝甜香萝卜丝,每啖都仲会有埋鲍鱼嘅鲜味,蒸又得煎又得。点埋秘制XO酱,多多层辣味,层次更加丰富。另外,更会附送SUN+ 维他命D纳米口溶片2片呢。

黑珍珠奶黄年糕礼盒  唐宫小聚

黑糖珍珠兴咗几年,今年更加变埋做年糕口味。珍珠以木薯粉制作,奶黄年糕则加入咸蛋黄同吉士制作,粒粒烟韧珍珠咬下咬下,几有口感。

鲜淮山杂菌素糕 奇华

素食盛行,当然都要有素年糕啦——鲜淮山杂菌素糕以鲜淮山为主,混入颗粒分明嘅南瓜,并加入多款清香嘅杂菌,层次鲜明。而且仲贴心咁采用素食蚝油提鲜,完全照顾到素食朋友仔嘅需要!

南瓜姜黄红藜麦燕麦奶年糕  Kind KitchenGreen Common

呢个品牌一直致力推广素食,纯素贺年糕点又点少得佢哋?全部都采用植物性食材同超级食材,不含人造色素同味精,营养丰富。其中特别推荐全新口味——南瓜姜黄红藜麦燕麦奶年糕,口感软糯,层次感十足。糕点中加入可以抗氧化嘅新鲜南瓜同姜黄。姜黄仲有效抗炎,增强免疫力添,另外加埋有好高膳食纤维嘅红藜麦,绝对系健康之选呢!


重要优惠

另外,即日起凡经OpenRice购买贺年食品嘅餐饮券,输入优惠码【CNY200】,满HK$200即减HK$40,输入优惠码【CNY500】,满HK$500即减HK$120!优惠名额有限,先到先得,额满即止。(详情按此


文:Hailey
编:Kar





关键字
新年
糕点
贺年
健康
纯素
素食
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
2021-04-01
悠长假期 复活节下午茶推介
2021-03-26
【只想专注做好牛腩】金融经纪转行湾仔开浓汤牛腩面店 招牌牛骨浓汤崩沙腩河
2021-04-01
【优秀开饭热店大赏2021】新店人气王 甜品Cafe过江龙健康炖汤样样齐
2021-03-31
【小店要支持】大围罕有西班牙餐厅 每年只光顾四、五天的「熟客」
2021-03-29