【煲仔饭食谱】达人煲仔饭做法!100%煮出香脆饭焦+简易洗煲秘技
2020-12-30

大牌档美食煲仔饭暖笠笠又好味,饭焦香脆可口,是冬天必备美食。虽然因为疫情关系,晚餐无法到大牌档食煲仔饭,幸好今年大家变成疫境厨神,这个冬天就来自煮煲仔饭吧!不过要煮到一个完美焦香的煲仔饭,一个好的煲仔饭食谱切不可少。这次就找来煲仔饭专门店「点煲」负责人,有多年入厨经验的陈万雄(雄哥)分享煮煲仔饭秘技,教你达人煲仔饭做法,首次煮煲仔饭就煮出香脆饭焦!


浸米太耐易断米 唔想难洗要买陶层煲

看到不少食谱教煮煲仔饭,第一步多数是浸米,雄哥提醒浸米时间无需长,「其实浸几分钟就Ok,有时候啲人浸得耐系想缩短煲饭时间,但其实浸太多有机会做成断米。」在浸米时,就可以准备好煮饭的「煲仔」。

浸米浸太耐,会影响米粒的口感。


「以前旧式煲仔饭会用砂煲,明火煮多几次就会烂,所以我建议买啲有陶层嘅煲,虽然贵3至4倍,但起码唔会痴底,整起饭焦又易啲,洗起上嚟都无咁烦又用得耐。」雄哥边说边帮煲仔内胆上油,「其实你想像下饭焦就好似炸米咁,咁你涂啲油上去,当收水时自然会炸起饭焦。」当成功刮起饭焦後,煲自然容易洗。

想要有饭焦?秘技之一就是记得在煲内涂上一层均匀的油。


米水比例1:1 无烟即收水

有饭点可以无餸?但其实煲仔饭的配料甚麽时候落,都是一种技巧。「如果系腌制品,即系腊肠腊肉嗰啲,早啲放都无问题。」雄哥表示,肉类在简单调味过後,同样在煲煮7至10分钟就可以放入煲仔里,但海鲜因为易熟,所以只需在完成煲仔饭前4分钟放落去即可。

腊肠跟腊肉因为煮耐一点,也不太会影响口感,因此早点放在饭面也没有问题。

为免海鲜过熟,千祈不要太早落海鲜。


而大家最关心的米水比例,亦非常简单,大概1:1即可。「一开火就用大火,嗰时你会见到个煲好大烟,其实即系收紧水。水滚後就可以转细火,然後见到无咩烟後,焗一焗就食得。」这时雄哥亦重提,为何浸米时间要短,「因为浸米耐,煮嘅时间变短,火候就会差啲,亦会造成饭焦唔够平均同埋太厚。」他提醒,想要煮到一个靓煲仔饭,记得不要不停开闩煲盖,「煲仔饭系靠蒸焗原理去整熟个饭,不停开闩盖就会影响到个煮饭嘅过程。」雄哥说,一般一个煲仔饭大概20分钟就可以上枱。

假如控制好火候的话,你已经接近完成一个靓的煲仔饭一大半!


完成煲仔饭後,大家可以小刀围着煲仔𠝹一圈,再用汤匙轻轻一刮就可以将整个饭焦弄起,在这个寒冷的冬天就品嚐到跟大牌档同样美味的煲仔饭!

只要跟足以上秘技,就可以在冻冰冰的冬天享受到一个媲美大牌档的美味煲仔饭!


煲仔饭专门店「点煲」负责人雄哥有多年入厨经验,对煮煲仔饭甚有心得。


原文(按此)

如欲睇更多食谱制作,可(按此浏览)


※上述内容纯属作者个人意见,不代表本网立场。※



关键字
Yahoo
专栏
食谱
煲仔饭
Yahoo Food
Yahoo Food齐集本地各区最新饮食资讯、餐厅优惠、小店故事、饮食知识、大厨食谱等不同类型的文章及影片,为你推介最潮的吃喝玩乐体验。
本月热门
悠长假期 复活节下午茶推介
2021-03-26
【只想专注做好牛腩】金融经纪转行湾仔开浓汤牛腩面店 招牌牛骨浓汤崩沙腩河
2021-04-01
【优秀开饭热店大赏2021】新店人气王 甜品Cafe过江龙健康炖汤样样齐
2021-03-31
【小店要支持】大围罕有西班牙餐厅 每年只光顾四、五天的「熟客」
2021-03-29
自家原创焦糖酥皮曲奇Pookie、流心抹茶口味 香港人气曲奇网店实体店登陆大坑
2021-03-31