【最平$298最贵$938】佐敦新开日式和牛烧肉放题 独家引入鹿儿岛小田和牛
2021-04-09

烧肉放题喺香港都好多选择,最近又有一间新派日式烧肉品牌进驻佐敦。餐厅引入全港独家供应嘅「小田A4和牛」,来自日本鹿儿岛县萨摩半岛南部嘅牛舍,特别采用混合十二种唔同材料嘅饲料喂饲小田和牛,油花呈大理石状。另外餐厅亦使用智能化送餐模式,用全港首创嘅「烧肉新干线」将烧肉送到客人面前。


2021年4月19更新:
*因食材成本上涨,餐厅放题等级最新价钱更改至由最平$348至最贵$1098,而无限量自助甜品、沙律及饮品区价钱改为$68(星期四一至星期四)及$78(星期五至星期日)。

120分钟和牛烧肉放题价钱方面分成六个等级A、B、C、D、E及F (F为最高等级),价钱由平日最平$298到假日最贵$938不等,对比起一般烧肉放题价钱较贵,但最贵嘅等级系可以食晒菜单上嘅品项共105款,包括鹿儿岛小田A4和牛特选盛合7 种类、小田和牛稀有部位及极上牛舌等,如果你系牛魔王兼大胃王可以试吓。中间嘅等级都供应小田和牛部份部位,而最平嘅A等级就主要供应美国及澳洲和牛。不过除咗牛肉,都仲有鸡肉、豚肉、海鲜、野菜、肉类刺身、牛舌及九州料理等,选择都几多元化。


鹿儿岛小田A4和牛特选盛合7 种类(F)

呢个小田和牛盛合包括7 种部位,有里脊肉、牛肋肉、牛肩肉、西冷、辣椒肉、中复肉及三筋,印象较深刻系三筋,入口即溶有牛香,而牛肩肉相对较有口感。。


是日宝箱(D、E、F)

宝箱内其实系当日新鲜即切嘅小田和牛,呈现方式好特别,会将和牛放入一个充满乾冰嘅宝箱内,然後透过烧肉新干线送到客人面前,啱晒打卡!


舟・盛合(A-F)

想每款都试少少,可以叫呢个舟・盛合,包括美国及澳洲和牛、豚肉、鸡肉、海鲜及野菜。


牛舌寿司、香葱牛腹肉碎寿司(D、E、F)、生牛肉寿司(A-F)及牛大腹肉寿司(E、F)

餐厅供应几款肉刺身寿司,牛大腹肉寿司有惊喜,入口即溶无腥味,牛舌寿司坊间都比较少见,生嘅牛舌入口肉质软腍,同熟牛舌嘅口感截然不同,如果想味道再丰富啲,可以加埋鱼子酱、海胆或三文鱼籽呀。

更多【新店直击】:
1. 自家原创焦糖酥皮曲奇Pookie、流心抹茶口味 香港人气曲奇网店实体店登陆大坑
2. 必试招牌台式葱油鸡+香浓奶油虾煲 太子人气台湾菜小店荔枝角重开
3. 超过1200万打造!佐敦全新50年代旧香港风主题火锅店 超靓花花主题牛肉拼盘+牛乳玫瑰锅


炙烧寿喜烧寿司(E、F)

将一大片小田和牛烧香後加上寿喜烧酱汁点生蛋食,味道香甜惹味。


ICHIRO 双色意式冷盘(E、F)

食得多烧肉想换吓口味,可以试吓由小田牛刺身及澳洲牛舌刺身组成嘅ICHIRO 双色意式冷盘,鲜味十足。


另外除咗肉类,都有多款嘅海鲜及日式料理选择,如鲍鱼、蚝、明太子海鲜煎饼、明太子薯仔沙律及食烧肉必配嘅香葱海苔温泉蛋拌饭等。


自助区更供应多款沙律及甜品,所以话真系啱晒大胃王嚟挑战!


和牛烧肉一郎

地址: 佐敦佐敦道31-37号百诚大厦3楼





文: Yanica

相: Tom Li

关键字
日本菜
烧肉
和牛
放题
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
4天前
【2021生日优惠】持续更新!5月食日本直送海鲜送西班牙红/白酒
2021-05-07
带妈妈味游异国!母亲节Brunch六选
2021-04-20
期间限定$1抹茶菠萝包、$3竹炭菠萝油 佐敦新开 2500 尺新派点心小厨
2021-04-30
4月份好评餐厅十强
2021-05-06