【日嚐作乐】Staycation 松一松 4间酒店住宿连餐饮推介
2021-03-18

疫症已经横行咗超过一年,对我哋嘅日常生活当然有好多影响,亦改变咗大家唔少嘅习惯。不过即使喺疫情下,我哋都可以从新常态中,寻找趣味!年度盛事「OpenRice优秀开饭热店大赏」即将开始接受投票喇,今年以「日嚐作乐」为主题,希望大家从每日品嚐到嘅美食中创造乐趣,从探索餐厅中感受香港「味」力。3月24号就开始可以一人一票投选你心目中嘅本土出色热店!而喺未开始投票前,大家都可以先参与「有奖分享活动」,有机会赢取奖品总值超过30万!想知点玩?记得睇到最尾!

「好想去旅行呀~」不过讲极都未去到,就惟有去住酒店,玩staycation啦。一样都可以放松到自己,逃离平日繁忙嘅生活。嚟紧就快又有长假期,又可以去宅度假啦~ 以下呢几个staycation plan,有啲啱一家大细嘅,有啲啱闺蜜,或者系以前一齐去旅行嘅旅伴啊。

香港迪士尼乐园酒店  国宾厅  仙杜瑞拉/魔雪奇缘下午茶套餐


迪士尼一向都畀人梦幻、童话嘅感觉,几乎个个细路都锺意,一年去十几次都唔会闷。国宾厅有两个主题套房同埋搭配嘅下午茶主题套餐,分别系仙杜瑞拉同魔雪奇缘呀。仙杜瑞拉嘅下午茶套餐以故事中嘅南瓜车同灰姑娘为灵感,制作一系列点心,而魔雪奇缘下午茶就以三层架装上九款点心,配合埋浅蓝色为主嘅碗碟,够晒优雅。小朋友嚟到一定劲开心,可以做一日公主疯狂打卡!

香港港丽酒店  意宁谷 周末香槟早午餐住宿体验


如果想叹得豪华啲,港丽酒店嘅“Bliss & Brunch” Royale住宿专案就啱晒啦~住嘅系豪华客房,食嘅有双人周末香槟早午餐,开心畅饮巴黎之花香槟,兼喺59楼嘅行政贵宾廊一边俯瞰维港靓景,一边享用双人国际自助早餐、下午茶同黄昏鸡尾酒,chill到爆。

香港朗廷酒店   廷廊  「宝格丽(BVLGARI)玫香金漾」二人下午茶+欧陆双人早餐 

呢一间就最啱同闺蜜嚟啦!先莫讲可以玩足36个钟,由朝玩到晚唔使赶check out,够晒爽,呢个豪华住宿套餐仲会赠送「宝格丽(BVLGARI)玫香金漾」二人下午茶同欧陆双人早餐,下午茶以限量版宝格丽玫香金漾香水为创作灵感,揉合朗廷酒店品牌专属嘅粉红色调,最啱就系影打卡相,俘虏一众少女嘅心。下午茶包括咸点同甜点各四款,自家焗制嘅英式松饼同樱花提子松饼,松软湿润,配上厚忌廉、士多啤梨同玫瑰花酱,简直系视觉同味觉双重享受,性价比十足~

香港维港凯悦尚萃酒店    The Farmhouse  韩式双人自助早餐 

一众韩国迷不能错过嘅staycation 套餐~呢间酒店同唔同嘅韩国团体推出用韩国做主题嘅嘅住宿计划,希望畀锺意韩国嘅旅友有种「回乡」嘅感觉,套餐包括咗双人自助早餐,全部食物都加入咗传统韩国饮食文化元素。如果想再叹啲嘅更可以升级套餐食埋佢哋嘅自助午餐或者自助晚餐。而且仲包埋韩服体验同虚拟实景体验添,直情好似飞咗转韩国探oppa咁~


投票未正式开始前,您可以先分享一张与美食的快乐时刻😋到个人FB/IG (必须设定为公开),加Hashtag #日嚐作乐 #OpenRice。完成整个投票活动後,即有机会赢取奖品总值超过30万!

投票和奖品详情将於3月24日正式公布,密切期待:https://bit.ly/3bRsGaH
*活动须受条款及细则约束



文:Hailey
编:Kar


关键字
早餐
酒店
下午茶
迪士尼
北角
金钟
尖沙咀
韩国
staycation
日嚐作乐
优秀开饭热店大赏
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
4天前
【2021生日优惠】持续更新!6月寿星送海鲜拼盘
2021-06-01
《优秀开饭热店大赏2021》赛果公布
2021-05-24
5月份好评餐厅十强
2021-06-04
一秒变出 招牌十八层海胆杯 佐敦小店全新体验 魔术X铁板烧
2021-06-11