以前睇电视,听老一辈讲做厨房学师会畀人虾,早到迟走又要负责洗碗,到底系咪真?等旺角一间西餐厅嘅大厨Herman同大家拆解下餐厅厨房工嘅迷思啦。
Herman喺加拿大出世,细细个就过咗嚟香港,现职Sky726嘅大厨,入行大约20年。Btw,Sky726搵我哋帮手招聘初级西厨,无需经验(招聘详情按此)!
问:所谓学师,大致上会包括咩内容?
答:其实我哋餐厅系冇学师, 所有同事一埋位已经要落手做。所有嘅junior同事都会有on-job training,由简单嘅切菜开始。每个新同事都会有另一个资深嘅同事带住,教佢哋处理食材。而家所有嘅餐厅都会有洗碗姐姐, 所以唔会需要洗碗呀。
问:一个新同事由咩经验都冇,一张白纸去到可以煮一道菜畀客人, 大约需要几耐呢?
答:睇下系咩菜啦。如果系沙律或者其他头盘, 其实只需要2-3日;但如果系主菜嘅话就可能要一年以上喇。
问:咁大厨你自己系点入行?
答:我自己都系Part time做厨房入行,以前喺加拿大读书要自己照顾自己。识得煮嘢食除咗搵到钱之外,仲可以令自己食得好啲。我中间都有做过其他行业嘅,但都系觉得做厨最好。
问:做厨房最开心嘅事系咩?
答:当你好用心煮好啲嘢食,见到啲客好锺意食,呢啲感觉系一路以嚟自己最开心嘅,亦都系呢种感觉令我一直留喺呢个行业入面, 绝对系钱买唔到嘅体验嚟。
OpenRice餐饮笋工专区,无论前线营运以至後勤部门,致力为各饮食及服务业界配对最啱你嘅工!
(详情按此)