【开饭热店入围名单巡礼】湾仔铜锣湾美食特搜 集高档平民於一身 
2017-03-07
今年开饭仔特别搵咗自命对追求味觉有强烈使命感嘅「特种开饭团」,进行十面埋伏、吖唔系、系全面巡逻全港九新界,一日食足十餐帮大家地毡式搜索,从唔同地区、唔同菜式当中搵出真正本土滋味!
 


想约朋友出街食饭,湾仔、铜锣湾区经常都系不二之选,想知道边啲地方最啱三五知己一齐gathering?问团结步兵Infantry就啱晒喇!喺湾仔、铜锣湾区,想食得高档嘅话有西餐厅、居酒屋,想食得平民一啲亦有汉堡店、中菜馆,今次就等Infantry为大家逐一介绍下依区嘅美食喇,睇完大家记住为地区组别投票啊。

温馨西餐小店 阿麦厨房

 

想喺铜锣湾搵一间好食嘅西餐唔难,但系要搵一间性价比高嘅西餐小店就一啲都唔容易,而阿麦厨房就系难得一间好食又抵食嘅西餐小店,几乎每晚都爆场,唔book枱都好难食到。其中食客必叫嘅有德国烧咸猪手,份量多,全只猪手烧至脆身,再配上炸薯条,的确系一味邪恶但又难以抗拒嘅菜色。


豪食高质串烧 鸟居居酒屋

用过百蚊嘅价钱去叫一份串烧,听落好似好奢侈,但偶然总会有啲特别日子想食豪啲,喺呢个时候,鸟居居酒屋会系一个唔错嘅选择。依到主打一系列日式串烧、烧物,价钱收得贵绝对系有道理,因为佢地一向选用高品质食材,而且大部分食物都系即叫即烧。几款大热串烧当中,厚切牛舌嚼劲十足,烧得非常入味,咬落去充满肉汁;烧味噌龙虾肉质弹爽口弹牙,配上芝士同味噌酱烧至金黄色,卖相十分讨好。


大热得奖汉堡 Burgeroom

 
图:Voracious

相信大家对Burgeroom唔会陌生,依间汉堡店喺上年获得OpenRice开饭至尊大奖,足以证明依到嘅汉堡有几咁受欢迎。Burgeroom嘅汉堡尺寸唔系一般嘅大,相信女仔一个人都未必食得晒全个,但偏偏呢到汉堡嘅款式有成三十几种,真系款款都想试,唔知点拣好!当中,双层牛肉芝士汉堡嘅牛肉厚到吓亲人,芝士背後仲埋藏住浓郁肉汁,单睇外表已经令人食指大动。


合理价钱极尚享受 极尚大瀛喜日本料理


食放题嘅精髓一定系在於用一个抵食嘅价钱任食平时唔舍得单叫嘅刺身、烧物、寿司、天妇罗……要逐样数晒出嚟几乎系无可能,因为放题实在太多选择喇!但今时今日嘅放题只系多选式系唔够,就好似依间极尚大瀛喜日本料理咁,食物质素高,落order叫几多份量就嚟几多,绝不偷工减料!而且价钱合理抵食,难怪咁多人大赞喇!


延续韩式炸鸡热潮 Sodam Chicken

韩式炸鸡热潮喺香港已经持续咗一段时间,至今仍然可以keep得住人流嘅餐厅都一定系实力派,Sodam Chicken就系其中一间。呢到唔只有一般韩式炸鸡,仲有卖相好吸引嘅太阳芝士炸鸡,农夫包烘得外脆内软,配上芝士炸鸡,真系不得了!芝士迷觉得仲未够喉?呢到仲有暖笠笠嘅芝士火锅,配上猪仔骨、手工流心芝士年糕、脆面包粒、薯条等等。美食当前,减肥单野就暂时放埋一边先喇!


平民价钱气派中菜 名馆

图:Hunter115

食得多外国菜难免会想食返餐中菜,去一般酒楼食晚饭总系怕份量太多,又怕食嚟食去都系果几款,无啲新意。名馆就唔同喇,菜色创新,份量适中,价钱相宜,而且可以一边食中菜一边饱览铜锣湾夜景,的确系物超所值。一味简单嘅饭焦凤凰虾,巧妙地用上饭焦同白饭一齐炒,令你可以同时享受双重口感。必叫嘅厚切叉烧皇,半肥瘦叉烧肉质松软,蜜汁非常入味,送饭一流。

咪走住,湾仔铜锣湾区嘅入围餐厅唔只上面几间嫁,仲有The Pudding NouveauATUM DesserantHeSheEat京林屋。大家记得拣好心水餐厅就click入以下网站投票喇,特种开饭团等紧大家。



文:Dap


其他开饭热店入围名单巡礼:
当新潮遇上传统 广东菜馆之选
关键字
开饭热店大赏
入围名单
湾仔
铜锣湾
小店
开饭专题
开饭仔为你提供各类型最新饮食情报及优惠,全面照顾你的饮食喜好。
相关文章
【开饭热店入围名单巡礼】来一场正宗葡萄牙盛宴
2017-02-27
【优秀开饭热店大赏 2017】颁奖礼盛况
2017-05-17
【开饭热店入围名单巡礼】走访各路中式饭店感动胃儿
2017-03-08
【开饭热店入围名单巡礼】小城地道茶记面档寻滋味
2017-02-27
【开饭热店入围名单巡礼】尽享酒店的五星餐饮体验
2017-03-08
【开饭热店入围名单巡礼】渡过美好的小食甜点时光
2017-02-27
餐厅资料
更多
收起
本月热门
【随时更新】便利店寻宝 每周新品速报
6天前
给自己一个休息时间 10-11月下午茶推介
2019-10-25
鼎王来了!味道服务媲美台湾 必食麻辣鸭血锅及员工教路秘制鼎王饭
2019-11-01
粮尾打气!5间湾仔平价饭堂推介
2019-10-24
【外卖自取】台式茶饮店限定优惠 $2花豹泰茶、$3黑糖珍珠乌龙奶茶
2019-10-15