【开饭热店入围名单巡礼】当新潮遇上传统 广东菜馆之选
2017-02-21
今年开饭仔特别搵咗自命对追求味觉有强烈使命感嘅「特种开饭团」,进行十面埋伏、吖唔系、系全面巡逻全港九新界,一日食足十餐帮大家地毡式搜索,从唔同地区、唔同菜式当中搵出真正本土滋味!
 



提到广东菜馆,就一定要请教够镬气火炮兵Artilleryman,事关广东菜入面有佢最爱嘅镬气小炒,相信佢平时一定食唔少!以下落嚟,一於等镬气火炮兵为大家介绍一下今次入围嘅广东菜馆啦。大家睇完食完之後记得要去投票喇,你嘅一票系好重要嫁!
 

禾杆冚珍珠风味小炒 煮打菜打冷小菜馆

图:Kan LeeGlacierz

筲箕湾呢间煮打菜打冷小菜馆,名符其实系唔少港岛人心目中嘅主打菜。舖头门面低调简单,当你食完之後就会发现大有惊喜。招牌菜笼仔荷香蒸爆牙肉饼系大部分食客嘅必叫之选,食客可以自己拣咸蛋、土鱿、鲜鱿、银鱼、咸鱼同梅菜当中两款配料同肉饼一齐蒸,口感爽口弹牙,同其他地方食到嘅蒸肉饼与别不同。蜜汁吊烧骨肉质鲜嫩,外层以香浓蜜汁同果仁包围,只系卖相已经令人垂涎三尺。
 

工厦入面嘅健康住家菜 新蒸武门

图:鬈毛妹

平日出街食嘢好难避免食到味精,系时候要食返餐健康嘅住家菜清下肠胃。新蒸武门位於观塘嘅工厦入面,主张唔落味精,誓要为食客提供住家感觉嘅健康菜色。点菜前,店员会为每位客人提供一杯养生八宝茶,味道清甜自然,为平日繁忙工作嘅自己降一降火。笼仔蒸班头腩鱼身结实多肉,配上蒜蓉清蒸,下面嘅粉丝同豆卜吸收晒鱼嘅鲜味同蒜蓉香,捞饭食一流!鸡肉煮得够滑,味道清淡而且唔多脂肪,健康又滋味。
 

睇得又食得嘅Kitty迷天堂 Hello Kitty 中菜轩

图:Sonata.J

有去过其他卡通人物主题餐厅嘅人一定会明白中伏嘅机率系有几高,但系Hello Kitty 中菜轩入面嘅菜色就唔只系得个样,味道亦非常安全。入到去,你会发现依到嘅装修、食物同餐具都布满咗Hello Kitty嘅踪影,就算你唔系Kitty迷,相信都会忍唔住疯狂影相,重拾童真。爱心酿豆腐同Hello Kitty流沙包两款卖相都好cute,令人唔舍得食,虽然味道唔算非常突出,但单靠食物外表相信已经加晒分。
 

老师傅功架私房菜 御膳

图:eat_eat_everyday

同新蒸武门一样,御膳同样位於一座观塘工厦内,开业已经三年有多,仍然可以喺云云竞争者入面突围而出,绝对系唔简单。一味看似简单嘅士多啤梨骨,酱汁浓稠度调得恰到好处,配上啖啖肉嘅嫩腍猪肉骨,两者竟然系出奇地夹,再加上新鲜士多啤梨,十分开胃。蒜蓉粉丝蒸大蛏子口感弹牙、鲜味十足,上面再放上炸蒜,成个配搭非常美味可口。
 

新潮型格点心 饮茶

图:为食MoJil

今时今日传统饮茶已经唔足以满足到追求新鲜嘅香港人,即使系饮茶都要饮得够「潮」够「型」先架势。饮茶就系一间新派广东菜馆,包保同时满足你嘅眼球同味蕾。流心奶黄包外表趣怪得意,咬落去香浓嘅奶黄流晒出嚟,无得弹。陈皮炖梨用上桂花、杞子、陈皮煲成糖水,再加入原个雪梨,都好难唔滋润,味道清新脱俗,唔会觉得甜腻。
 

古色古香气派中菜 城寨风味

图: Eating Kingwendy.ng

城寨风味嘅装修古色古香,具有中国古代传统建筑嘅感觉,单系气派已经令人拍案叫绝,但系依到嘅菜色亦不容忽视。招牌糯米蒸顶角膏蟹以蟹盖蟹身铺满蒸笼,糯米饭放喺底部蒸,将大部分蟹膏蟹汁嘅精华吸收,食完真系令人有身处天堂嘅感觉。而且蟹肉饱满鲜甜,整个菜色嘅好食到令人难以忘怀。
 

 
睇完上面六间入围嘅广东菜馆之後,唔好唔记得广东菜馆组别仲有乐天皇朝唐宫小聚名馆依三间入围嘅餐厅啊。各位拣完自己嘅心水餐厅就去以下网站投票啦!

投票网站:https://www.openrice.com/info/awards2017/index.html


文:Dap


随时接收最新资讯
赞好OpenRice专页!

关键字
开饭热店大赏
入围名单
广东菜
住家菜
工厦
开饭专题
开饭仔为你提供各类型最新饮食情报及优惠,全面照顾你的饮食喜好。
相关文章
【开饭热店入围名单巡礼】来一场正宗葡萄牙盛宴
2017-02-27
【优秀开饭热店大赏 2017】颁奖礼盛况
2017-05-17
【开饭热店入围名单巡礼】走访各路中式饭店感动胃儿
2017-03-08
【开饭热店入围名单巡礼】尽享酒店的五星餐饮体验
2017-03-08
【开饭热店入围名单巡礼】小城地道茶记面档寻滋味
2017-02-27
【开饭热店入围名单巡礼】渡过美好的小食甜点时光
2017-02-27
餐厅资料
更多
收起
本月热门
【随时更新】零食速报 每周新款零食、酒品点评
7天前
【2021生日优惠】持续更新!5月食日本直送海鲜送西班牙红/白酒
3天前
带妈妈味游异国!母亲节Brunch六选
2021-04-20
期间限定$1抹茶菠萝包、$3竹炭菠萝油 佐敦新开 2500 尺新派点心小厨
2021-04-30
荃湾新开 人气名古屋班戟分店 首推冲绳紫薯梳乎厘班戟+班戟汉堡
2021-04-15