【又到圣诞】唔想做送礼勤?精选圣诞礼物建议返
2018-12-17

虽然话就话送礼物嘅嘢系讲心意,唔使限定咩纪念日或者节日先送。不过圣诞节始终都系送礼物嘅好时机嚟。听到好多个「圣诞老人」嘅呼唤表示送咗好多年礼物,唔知今年送乜好。所以就特地搜罗咗多款又睇得又食得嘅圣诞礼物畀大家参考下:

可爱系Sanrio糖果礼盒   Sugarfina

呢间精品糖果店联乘Sanrio家族成员,推出咗多款靓靓嘅糖果礼盒。Hello Kitty、Keroppi、My Melody、蛋黄哥、布甸狗、XO等等都喺齐度,有啲装住朱古力、有啲装住姜饼……成个包装嘅可爱值破表啦!

降姐品牌法式糕点  Junon

张敬轩间法国菜餐厅今年首次推出圣诞礼包,大家都知降姐一出手,啲嘢一定有保证地靓!呢次礼包糕点嘅铁盒,就特别邀请咗本地着名插画家郭咏嘉画插画,真心靓。三款hampers都有餐厅品牌美酒、自制法式糕点等等,个袋仲可以拎返去餐厅度免费加烫金字,降姐粉是咪好想要?

敏之曲奇限定口味   祝奇饼

呢个手制曲奇品牌,陈敏之都有份投资。趁圣诞就推出咗几款圣诞限定口味,包括姜饼人、肉桂苹果批、薄荷朱古力同飘雪红桑子,几只味都好有冬日节庆嘅感觉,连埋靓靓缤纷铁罐,都几应节。

KiKi拌面圣诞老人礼盒     KiKi食品杂货

圣诞肚饿嘅话,我就煮唔到面畀你食嘞,送个面畀你都仲得嘅。台湾人气拌面KiKi嘅圣诞礼盒装有两款,一款系可爱圣诞老人,另一款系型格黑金特别圣诞树,分别装有葱油拌面、老醋辣拌面等同川味牛肉汤面。

萌爆Line Friends派对雪糕      Häagen-Dazs

如果你身边有Line Friends粉,都唔使多谂喇,一定系买Haagen Dazs畀佢哋啦。争在系买劲得意嘅造型雪糕火锅炉,定系萌萌der冰袋派对套装啫。两样都包埋雪糕,前者就有多包朱古力酱同榛子朱古力酱打边边用;後者嘅别注版有季节限定嘅忌廉芝士麻糬同意大利芝士饼麻糬味。

西班牙风味圣诞      Bellota-Bellota

去人哋屋企开圣诞party嘅话,冇奶油两手空空送梳蕉㗎?呢set 伊比利亚风乾火腿就啱晒,有风乾火腿有猪柳肉;有芝士有亚枝竹芯等,开餐时即场开埋嚟加餸一齐食都得,够晒开心。

浪漫小王子零食     一田eGift

行到冇晒脚骨力都未拣到礼物嗰阵真心sosad,网上店拣就冇呢个痛苦喇。一田网上店推出咗19款特色嘅圣诞礼盒,送畀日本系朋友嘅拣洋菓子、畀酒鬼嘅就拣派对美酒,当中有个要特别推介嘅,系小王子系列。虽然呢啲零食不过系饼乾或者朱古力等,但净系小王子个包装就已经足够令你冧掂你个friend (女神)啦。

星战朱古力日历 马莎

唔止除夕要倒数,圣诞都要倒数,仲要早成个月开始倒数先开心。收到呢个星球大战嘅朱古力日历就最开心啦,日日都可以食粒牛奶朱古力等圣诞。又或者好多小朋友都锺意嘅呢只猪仔,都有圣诞版牛油饼呀,好cute cute猪。

酒鬼最爱圣诞精酿     HK Brewcraft

身为一个精酿啤迷,闲时除咗锺意饮返两杯之外,仲应该有舖储樽瘾。呢个时候如果有人送set圣诞限定包装嘅精酿啤酒过佢哋,包保送礼勤一定会得到大大嘅欢心,好感度大增!呢个礼盒有4款独家啤酒、2只品酒杯同1个开瓶器㗎,谂咁多做咩?冇人送咪自己送畀自己罗~  饮啦~

复古英国糖果礼物篮 Mr Simms

想送份得体又有品味嘅礼物篮尽显到心思畀对方?Mr Simms嘅经典英伦糖果圣诞礼物篮就一定唔失礼啦!里面嘅糖同埋朱古力等,全部都系由欧洲入口,有走成熟路线嘅传统英式糖果:奶油软糖或者手制朱古力块,仲有圣诞卡通造型嘅朱古力同棉花糖棒畀童心未泯嘅你。保证食得又睇得!

瑞士莲新口味朱古力 LINDOR

一到圣诞自不然谂起 「瑞士莲软心朱古力,系朱古力大师嘅杰作」呢句经典广告。今个冬天,作为经典嘅佢都带嚟咗新口味,就系大家最爱嘅抹茶!香甜嘅白朱古力外壳包住幼滑甘醇嘅抹茶软心,呢只味仲系亚洲market独有㗎!想圣诞买嚟送畀人,仲有唔同靓靓包装畀你拣。

本地诚意手作朱古力 Hakawa Chocolate

少数本地非连锁嘅手作朱古力品牌Hakawa,今年都推出圣诞朱古力礼盒!佢哋嘅朱古力本身都好受朱古力迷推崇。由一粒可可豆,到成品嘅朱古力,都一手一脚落足心血整。手工朱古力要经过非常繁复嘅工序先出到世,仲要产量唔多,呢点绝对系突显心意细腻嘅选择呀!而今年圣诞礼盒就有多款口味嘅配搭选择,例如玫瑰开心果、可可果仁、夏威夷果仁朱古力等,我代表定朱古力控多谢你先~ 


文:Kar


关键字
圣诞节
圣诞礼物
中环
尖沙咀
湾仔
雪糕
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】最後倒数!即将结业的老字号及人气小店
2020-07-21
【随时更新】零食速报 每周新款零食、酒品点评
2020-07-31
全城抗炎!北角酒店最新应变 自助餐都有得外卖?
2020-07-17
全城抗炎!送上门懒人煮食包及套餐大合集2.0 花胶炖汤/火锅/铁板烧
2020-07-30
好人好店! 餐厅全日禁堂食 民间自发开放午膳空间地点一览
2020-07-29