【即睇10月生日】酒店半价放题 Tiffany & Co.旗舰店导赏
2020-10-06

10月生日嘅你,应该好多生日饭局陆续约紧喇。心大心细唔知去边好,睇吓10月生日饭有咩着数啦!想疯狂食嘢嘅话有六国酒店嘅半价任食放题激抵;想同闺蜜影相嘅话一定要去埋Tiffany Blue Box Cafe呀!

六国酒店 半价任食放题

酒店入面嘅Le Menu 推出咗「极尚和风 X 西班牙黑豚肉任点任食放题」,一改以往自助餐形式,变成任点任食嘅放题式食得更安心,而且坐定定等食就得都几爽㗎,西班牙黑豚肉、澳洲和牛、刺身系回本必食,同场仲有日本街头小食大阪烧、串烧等。

图:jennyk1523

图:祺琪

10月生日优惠:「极尚和风 X 西班牙黑豚肉任点任食放题」晚市,每四位同行,同行之一位该月生日顾客可享半价优惠。

香港半岛酒店大堂茶座 晚餐送精致生日蛋糕

最近兴起喺香港Staycation,但无时间两日一夜嘅话都可以喺半岛酒店食晚餐庆生。半岛推出咗「快乐生辰奖赏」。72小时前订座,每位生日之星於生日月份内,惠顾大堂茶座晚市套餐2位或以上,即可享生日蛋糕一个,蛋糕相当精致,为生日晚餐点缀吓。

图:香港半岛酒店

图:Feast with me

10月生日优惠:72小时前订座,每位生日之星於生日月份内,惠顾大堂茶座晚市套餐2位或以上,即可享生日蛋糕一个。

Tiffany Blue Box Cafe 送生日蛋糕+Tiffany & Co. 旗舰店导赏

Tiffany Blue Box Cafe 用上梦幻蓝色玻璃设计,环境透光柔和,好啱闺蜜、情侣影相。前菜可拣龙虾沙律或香煎鹅肝;主菜则有黑松露酱烤鸡三文治、龙虾扁意粉等选择。生日礼遇会送一个彷如Tiffany & Co. 经典礼物盒嘅迷你Blue Box Cake;并为你导览Tiffany & Co. 旗舰店 15 分钟,由专人带领欣赏店内艺术品及高级珠宝,分享传奇品牌背後故事。

图:kodykody苏珊 Meow

图:Tiffany Blue Box Cafe

10月生日优惠:凡两位以上订座并Order 一份全日供应套餐,即可享一份迷你 Blue Box Cake 及於Tiffany & Co. 旗舰店导览体验。

Assaggio Trattoria Italiana 湾仔靓景享免费Tiramisu 杯

生日喺湾仔海傍散步睇日落後,可以漫步去湾仔艺术中心嘅Assaggio Trattoria Italiana 食埋生日饭。呢度主打正宗意国菜,开扬景观可以眺望维港景,几好Feel 㗎。4位以上同行并经网上表格预订晚市,即可免费获享Tiramisu 庆祝杯一客(价值HK$188)。

图:Dr Leo Wong

图:bellywongs

10月生日优惠:凡4位或以上,经网上表格预订Assaggio 晚市时段庆祝生日,即可免费获享Tiramisu庆祝杯一客 (价值: $188)。每日优惠名额有限,先到先得,送完即止。

生日饭局
好友生日饭局的环境、食物质素、惊喜等因素都很重要,开饭仔集合各类最适合庆生的餐厅,方便饭局搞手。
餐厅资料
更多
收起
本月热门
【随时更新】零食速报 每周新款零食、酒品点评
5天前
全城抗炎!送上门懒人煮食包及套餐大合集2.0 花胶炖汤/火锅/铁板烧
2020-10-07
牛大人火锅姊妹店!旺角新开台式烧肉吃到饱 任食澳洲 M5 和牛、SRF极黑牛霜降牛肉眼
2020-10-19
【即睇10月生日】酒店半价放题 Tiffany & Co.旗舰店导赏
2020-10-06
高级意大利菜餐厅尖沙咀重开 拥无敌海景 即席炮制经典芝士黑松露意粉+抵食3道菜午餐
2020-10-12