【亚洲素食展2020】潮流大热植物肉+现场工作坊 实行有得买、 有得学、有得玩
2020-10-23

素食界嘅年度盛事又嚟喇!第 9 届乐活博览暨第 6 届亚洲素食展即将於 2020 年 10 月 23 至 25 日於香港会议展览中心展览厅 3F 及 3G 举行,展会将会为参观人士带嚟今年最新、最具特色嘅素食及绿色生活产品,如今年大热嘅植物肉、超级食物、创意素食,仲有现场工作坊及超多优惠折扣,一齐嚟睇睇有咩重点推介。


今年展会焦点系近年大受欢迎嘅植物肉及超级食物。现场将展示超过 4,000 种产品, 包括健康食品及营养补充品、果仁及乾果、蔬果、纯素个人护理品等。

1) 植物肉

近年好受欢迎嘅植物肉菜式,口感同味道都好像真嘅创新植物性产品,摊位Common Good(F01,F05)有新餐肉、新猪肉、新肉丝及未来汉堡扒,而素茂就有素式柠檬鸡丁、素鱼片头等,啱晒新手踏入素食世界!


2) 超级食物

来自世界各地,极具营养价值嘅珍贵食物,包括创之杰(E06)嘅有机超营奇亚 籽、吗哪有机站(F10)有机羽衣甘蓝粉、Nicole's Kitchen(E08-5)嘅红菜头草莓奇亚籽果茶以及MyRoots Superfoods (F16)嘅有机卡姆果粉、有机玛卡粉等。


3) 品味素食

超人气、适合相机食先嘅创意素产品,例如宏展(香港)(G13)手工花瓣朱古力、 First Green Day(F14)嘅粉红椰青水、SOCOCO(E19)嘅纯素雪糕及TAAC FOOD(E16) 嘅舞茸牛肝菌意大利饭等,健康之余仲可以呃like!


4) 绿色用品

唔单止食,现场仲有多个售卖绿色用品嘅摊位,添利行有限公司(宝卫美®)系一间一直致力推动衞生环保嘅公司。公司专营研发及生产优质消毒产品,自设厂房,产品全为香港制造,主要产品为PYRAMID®PhD除菌消毒喷液,抗疫期间都可以用得放心。另外仲有主打纯天然竹浆纸巾嘅绿色生活360(G16)及纯素润唇膏嘅阿喜皂房工作室有限公司(G20)等。


另外现场亦有制作趣味手作品嘅工作坊,实行「有得买、 有得学、有得玩」。Taste of Veg (TOV) 系专为素食及追求健康人士而设嘅全方位平台,提供各类素食及绿色生活资讯。平台由一群立志推动绿色生活嘅人士所创立,当中信念,系健康生活及饮食方式,长远能为保护地球作出贡献。今次佢哋一连三日都会於素食展内举行工作坊,包括咖啡渣紮染、环保磨砂玻璃樽、自制精油及植物漂染等,令大众增进环保及健康知识。想玩可以去官网报名先。


除咗有得食有得玩,仲推出好多优惠折扣,「早鸟优惠」就系於首天(10月23日)头100位进场公众人士,可获Jax Coco 纯椰子水一支。於现场正价20元购票,即送本地设计获奖产品Green One Lab「壹对饮管」,送完即止。另外有20多间展商推出现场优惠,仲未完仲未完,今年更同20间素食餐厅/有素食餐单嘅餐厅合作,推出联乘优惠,於10月23至26日惠顾并出示亚洲素食展场刊或着数指南,即享高达8折优惠,港九新界区都有得食!


抗疫时期,大会安排咗全面防疫措拖。所有进场人士都必须量体温及带口罩,售票处及主办机构摊位均设有 1.5 米排队距离指示以及展馆内、展馆场外登记处等以 PYRAMID®PhD 宝卫美除菌消毒喷液装置作空间消毒,咁大家就买同玩得放心喇。

亚洲素食展展会网站:http://vegfoodasia.com/

乐活博览展会网站:http://www.lohasexpohk.com/ 



关键字
素食
亚洲素食展2020
湾仔
开饭专题
开饭仔为你提供各类型最新饮食情报及优惠,全面照顾你的饮食喜好。
本月热门
【随时更新】零食速报 每周新款零食、酒品点评
4天前
【2021生日优惠】超爽着数!免费任饮任食日式烧肉/火锅(持续更新)
2021-04-12
【最平$298最贵$938】佐敦新开日式和牛烧肉放题 独家引入鹿儿岛小田和牛
2021-04-09
带妈妈味游异国!母亲节Brunch六选
2021-04-20
3月份好评餐厅十强
2021-04-08