「糉」有得拣! 8大咸甜新糉+素糉 榴槤/绿茶口味都有!
2022-05-20

正所谓有得拣,先至系老板。嚟紧端午节,当然都大把糉你拣啦。开饭仔精心挑选咗8款创新口味嘅糉介绍畀大家,咸甜口味都有,最特别嘅系居然连榴槤、绿茶口味嘅糉都有,完全超出想像呢,有兴趣嘅要试试咯。

麦米花生莲蓉硷水桂花糉  龙景轩

 酒店中菜行政总厨设计咗2款新口味嘅糭,一咸一甜,分别系鸡枞菌元贝响螺糉同麦米花生莲蓉硷水桂花糉。前者食材矜贵,微辣带嚼感;後者莲蓉馅仲要系流心,享用时可以加埋桂花蜜,令层次变得更丰富。购买礼盒嘅话重会送埋雪片蜜兰单丛茶叶呢。

西班牙黑毛猪XO酱糉  大师姐

一向有出品自家XO酱系列嘅大师姐,就将自家火腿XO酱加入制作新糉——西班牙黑毛猪XO酱糉。100%香港人手制作,无添加味精、色素或防腐剂。成只糉都非常惹味,微微香辣,唔使再点其他酱料,专心享受糯米香同肉香就可。

门市:海港城City’super、太古城APITA(25/5开始)

榴槤咖央酱糯米甜糭  天外天

众所周知,Hotel icon最出名就系佢哋嘅榴槤Buffet,今年端午节首次推出糭子礼盒,除咗有传统裹蒸糭外,更有创新嘅榴槤咖央酱糯米甜糭!榴槤甜糭有三只色,绿、黄、蓝分别以班兰、黄姜同蝶豆花制成天然色素。之後再酿入榴槤果肉同埋由新鲜班兰叶汁所制成嘅自家制榴槤咖央酱,糯米仲有香甜嘅椰浆味,榴槤控必试。

绿茶红豆蓉西米糉  点盒子 

川菜厅出嘅糉当然都充满四川嘅风味,其中有款四川麻辣野菌黑豚肉黑糯米糉,麻香突出,食糉都有种刺激感。另外,将糉当做甜品都唔系冇得谂,佢哋有款绿茶红豆蓉西米糉,加咗果皮制作,几清新架。

韩式泡菜黑豚肉粽  奇华饼家

泡菜呢个食材真系几百搭,同端午糉一齐食都几夹。老字号饼店推出新口味韩式泡菜黑豚肉糉,糯米索晒香辣嘅泡菜汁,系新尝试嘅配搭,食咗咁多年糉试下新嘢,话唔定有惊喜。

素粽
愈嚟愈多朋友仔食素,所以而家都有唔少酒店同餐厅推出素糉,照顾唔同人嘅需要。

八宝荟萃新猪肉素裹蒸糉  逸东轩

佐敦呢间星级酒店,以全植物性材料制成嘅OmniPork 新猪肉,代替新鲜猪肉入馔,制作八宝荟萃新猪肉素裹蒸糉,八宝食材包括日本花菇、红腰豆、栗子、花生、莲子等,而新猪肉独有嘅纯素蛋白质配方主要来自豌豆、非基因改造大豆、冬菇同米,食落有淡淡豆香。

三色有机养生糭  Royal Delights

三款有机糭包括松茸桂圆薏仁糭、羊肚菌金栗新猪肉糭同埋桂花藜麦甜豆糭,各有特色。松茸桂圆薏仁糭既有香菇酱又有灵芝菇同云南松茸,成只糭都充满菌香;羊肚菌金栗新猪肉糭味道浓郁,而桂花藜麦甜豆糭就系口感同颜色都最丰富嘅,集齐红腰豆、大红花豆、大白云豆、黑豆同白奶花豆5种豆,加埋有机三色藜麦制作,更渗出阵阵桂花嘅清甜。

养生牛肝菌五色豆素粽  富豪酒店

各位注重健康嘅朋友仔,食糭最怕就系食到好大嚿肥猪肉。呢款啱晒,加入黄豆、绿豆边、红腰豆、眉豆同黑豆,另有云南牛肝菌,健康得嚟一样充满豆香同菌香。


文:Kar


关键字
端午节
榴槤
绿茶
素糉
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
4天前
【2022生日优惠】持续更新!7月寿星免费叹自助餐/海鲜烧肉放题半价
3天前
5月份好评餐厅十强
2022-06-06
酒店新出「北欧神话」下午茶 10款咸甜点色彩缤纷 多款海鲜入馔
2022-06-10
夏日果香!6-7月下午茶之选
2022-06-17