地理位置優越，係時代廣場行幾步就到。 平日下午5點左右去到，都要排3-4分鐘，都算多人幫襯。 入到去，坐就緊係唔好坐架喇，卡位一拆二，坐到我呢d肥仔好辛苦呀！ 侍應姐姐手腳快，但都有禮貌既 魚蛋河 - 聽到好多人叫，但我覺得麻麻地，魚片魚蛋d味唔出，但河粉質地爽而滑，總括而言中規中矩啦。 菜心 - 呢個份量對得住$18 牛腩麵 - 牛腩份量麵算多，有4-5大舊既，又唔會太硬，唔會太淋，口感適中。麵就出色喇，食落係有蛋香味既，推薦大家試下個麵

其實都好耐無打食評喇 今次本身都唔諗住寫的 但由於實在太伏喇！ 忍唔住要寫番篇食評先對得住自己良心 所以d相都係食到一半先影，講各位見諒 午餐 牛扒 - 肉鬆粉扒 我未試過食牛扒，食唔到牛味，剩係食到肉鬆粉既味。 講真，個質素真係連茶記50蚊扒都不如 邊有西式牛扒會落咁多肉鬆粉，實在匪夷所思！ 咖哩雞扒飯 - 啲飯太多水，成舊癡埋一舊既，直頭食粥咁，實在接受唔到！ Latte 好甜，味道完全唔係果回事，似3合1即溶粉沖出黎咁！ 我見OpenRice 上面，呢間野仲要咁多好評 唔知係晚市同午市唔同廚師定點啦 總結：間野d裝修係dum本，環境好靚既，又坐得舒服，員工有禮。但食身質素認真趕客！希望餐廳能夠改善啦。

經OpenRice book位 Main courses 上的食品有6折 注意：只有main course，其他小食同飲品都係無六折的，要正價收費 叫左個16oz燒美國肉眼扒 賣相討好 味道相當有水準 有燒既味道 又有牛味 薯條正常發揮 無咩特別 6折後 $203 完全物超所值 另外叫左set lunch （set lunch無6折） 加16蚊既湯 賣相幾好 味道正常 90蚊既半隻燒雞 相當juicy 雞肉嫩滑 不足係雞隻份量比較少 最後埋單每人 $176 相當抵食

呢間「赤沙冰室」個位都幾難搵 係唔近地鐵站既 最近係何文田站行15分鐘 入到去 環境都算乾淨 裝修都唔錯既 唔會好似有d茶餐廳 污污糟糟無清潔打掃咁 煎蛋有鑊氣 個底少少少焦 唔錯 多士正常發揮 不過不失 雞排都算大塊 但係就乾柴左少少 餐肉幾厚 唔錯 其他 腸仔 牛油方包 正常質素 雞絲火腿 有驚喜 分量竟然幾多下 唯獨個豬潤湯底 無乜豬潤咪 舊豬潤仲要唔太熟既 今次真係失望 因為都黎食過幾次 之前呢個豬潤湯係好好食既 個湯有豬潤味 唔似一段味精湯 埋單兩個人73蚊 除番每人$36.6 總結：價錢廉宜，水準飄忽，但都算性價比高既早餐，值得一試

呢間餐廳可以話係香港先係頂級嘅茶餐廳， 佢嘅麵包係新鮮出爐嘅， 麵唔會好似其他茶餐廳咁一早煮定，然後加湯上碟。佢波羅油真係必叫，油凍包熱。其實呢間食過好多次，麵包每次都可以保持水準！

環境好 坐位舒適
食物質素新鮮
但侍應服務態度一般 以人均消費一千來講, 呢個服務態度直程係唔合格


湯底叫左醉生夢鍋 入面再細分5個湯底
每個湯底都唔錯 可以配搭唔同既食材
好多選擇

手切肥牛牛味重, 好好食
再叫左A5和牛同象拔蚌 呢個A5和牛係可以生食
但生食黎講就太凍 唔係幾食到牛味
拎黎打邊爐既話 就脂肪太多

結論：和牛都係比較適合 煎, 打邊爐黎講 都係最岩叫番手切肥牛

最近要係東涌工作，都試左附近既餐廳。呢間快餐店係連鎖式既 原來都幾多分店。 我都係第一次食。 佢同一般快餐店唔同， 佢所有野都係即煮，當日叫左午市套餐，一隻雞，一個焗飯，跟汽水。 佢唔似一般快餐店煮定，所以比較脆同熱。 十分惹味， 特別要推介佢個香辣海鮮焗飯。

店內環境尚算衛生 服務唔錯 侍應會主動幫你加湯 唔洗自己叫

講左重點先
7個人食 埋單每人270
仲有免費啤酒
只要 兩小時內埋單 就送一人一枝
打邊爐 飲埋酒 飲飽食醉 每人都唔洗300
相當抵食湯底叫左 蕃茄蝴蝶腩鍋 $148 蕃茄略嫌不足 蝴蝶腩味道唔錯手切本地肥牛 $280 滿心期待 但結果好失望
首先 完全唔似手切
切到薄一薄 完全無人地手切切到好厚果種口感!
其次 完全無牛味咁濟

份量少 無牛味 唔掂!!! 唔建議大家叫呢碟手切本地肥牛 安格斯肥牛 $250
呢碟就正常好多喇
齋睇個樣都靚靚仔仔
食落幾夠牛味
仲要平過 果碟所謂手切本地肥牛30蚊!
所以大家去百利火鍋 唔洗叫 手切喇 , 淨係叫呢隻 安格斯 就得喇 椒鹽魚托 $55
食左哂咁濟先記得影
食落夠哂香脆 送啤酒一流!海蜇涼伴拍青瓜 $32 海蜇好爽脆 好食美國桶蠔 $138 正常發揮 鴨粉腸 $53
食落 苦苦地 唔建議大家叫

係openrice 見到每個食評都大讚料足。放假有時間，專登由青衣城搭小巴入去拜訪拜訪。 估唔到真係出乎意料之外 佢真係十分足料 有蜆有蝦 而且蜆呢真係真係十分足料。 個湯我係叫咗喇沙湯底佢都幾似之前係新加坡食過既喇沙。

因為工作關係，係openrice 搵到呢間位於黃泥屋村既泰國餐廳。呢間餐廳因為地方比較偏僻 所以人比較少而且唔洗等位。 最好係揸車去，逸東村都隔幾遠下。 位置其實係醫院背後， 無車位，要泊係餐廳出面。 午飯時間可能會有警察抄牌，所以都要留意下自己架車。 當日我食既係泰式豬手飯， 十分正宗。 伴菜都十分多 有青瓜 蕃茄 蛋， 一般午市都好少有雞蛋。 隻雞蛋完完全全係bonus。 佢同時會配兩個汁俾你，各有千秋。一個係泰式酸辣，一個係甜甜地既汁。$47 有湯有熱飲 算係正常價錢吧。