上星期跟同事去食，叫左個喇沙米set lunch及香蕉薄餅，覺得喇沙湯底香濃，香蕉薄餅外脆內軟，值得encore,今個星期就再去密密食。 上星期：喇沙米、凍拉茶、香蕉薄餅 星期一： 蝦麵、熱拉茶 星期二：海南雞飯、凍檸水 星期三：咖哩牛腩印度薄餅、奶茶 主食係樣樣都會有驚喜♥ 喇沙湯底及蝦麵湯底香濃、海南雞飯醬同咖喱好有東南亞風味😋 飲品就普通茶記質素，個人覺得拉茶普通。去過沙巴當地飲二色/三色拉茶，感覺較好。🤔 不過你要接受到員工嘅服務態度真係麻麻，要爽手、大聲、午飯人多環境窄。🙄 到今年10月結業，希望起結業前多食兩餐，同埋希望佢地搵到新鋪位，讓高質味道得以承傳。

我喺灣仔返工，高檔拿咋嘅食店都食過唔少，但係未見過新店都污糟嘅食店。 前排見仲係試業，今日經過見係正式營業，走左去試下。menu 癡立立，叫咗個紅燒牛肉麵同凍冬瓜茶（$88） 紅燒牛肉麵睇落正常， 牛肉太大件（2件），仲厚同粗過司華力腸，嘗試咬開佢嘅時候會辣傷口腔，而且太un，咬好耐先咬得開。 湯底好似水溝味精，但未撈勻咁嘅味。食麵發現有昆蟲攝咗喺麵中間，即刻放低筷子唔食。 凍冬瓜茶太甜，甜到一個點你飲咗兩啖飲唔落去。 但係佢哋冇講到個甜度有得揀，好似expect你識知道有分十級八級甜度。 灣仔都有唔少“拿咋”中式點心舖，但係未見過新店衛生都咁差。 真心如果未ready好就唔好開業。咪指意我有下次幫襯。