昨天2022年10月10號，平日諗住普通食個晚餐，想叫個紅菜頭沙律，話冇紅菜頭，咁我Caesar Salad，同我講冇Caesar，我即時吓左一聲，羅馬菜啫都冇？咁我最尾要芝士焗西蘭花，侍應同事叫佢出惠康買西蘭花番黎煮？乜依家啲餐廳吾洗備貨架咩？星期一咋啵！我真係未試過咁樣既用餐體驗，野食普通就算，果日客又吾多，我入到去得一枱客，我要杯暖水，飲完之後叫加水，佢又斟番凍水比我，得兩枱客咁都記吾到？係我人生中食過最不知所謂既一餐，食茶餐廳都好過你，仲要比左$378食到我成肚火，建議大家唔好去幫襯，免得中伏！

今日同朋友黎佐敦試下新加坡菜 係佐敦站E出口恆豐酒店附近 位置都算方便 一入到去見到環境都吾錯 就坐低試下啦 設計雖然簡單但都有心思 我叫左個海南雞叻沙套餐加熱咖啡($64) 話哂都係主打 而朋友就叫左個海南雞飯套餐加凍新加坡拉茶($66) 價錢係佐敦食個晚飯黎講都算平 最啱我呢啲未出糧但又吾想食太頹既人 😂 侍應用一個盆上哂啲野食 方便快捷😎 碗叻沙真心好大碗 啲雞肉非常嫩滑 配埋啲湯汁無得彈朋友都大讚啲雞肉好正 不過就嫌碗雞油飯鹹左少少 不過都仍然推薦大家黎試下

樂富食好西第三集今次試下食早餐 好幸運咁坐窗口位可以望下街景 內在裝修都吾錯 睇下Menu先 早晨黎講算多款 今日決定食豪啲 叫左個A2醒晨早餐 入面有西冷扒 茄汁豆 沙律同埋五谷多士 ($62) 沙律菜上面有蜜糖芥末汁 幾過癮 五谷多士有兩塊 脆脆地 配牛油或者茄汁豆都好夾 西冷扒肉汁鮮嫩 七成熟左右 筋位淨係佔好少 真材實料 個餐包埋野飲 我揀左橙汁 醒神開胃 成個餐好豐富 大滿足 飽到Lunch應該食少少就得 雖然$62係早餐黎講偏貴 但係個味道值得 而且侍應態度都好Nice 下次食埋個Lunch同Dinner先

知道葵涌有間新戲院 同朋友去睇小丑🤡 入到戲院發覺有Cafe 就順便試下野食 首先叫左個龍蝦湯海鮮喇沙($68)，勁大碗 入面既材料都算多 有2隻青口 2隻蝦 4個魷魚圈 2個豆卜 1粒大魚蛋同埋1舊白蘿蔔 個個材料都好好食除左白蘿蔔之外 舊白蘿蔔偏硬 應該煮得吾夠耐 不過最值得一讚既係湯底 少少辣但好鮮甜 冇停過飲 朋友就叫左個蜜桃汁雞扒飯($58) 同我講番個汁酸酸甜甜好開胃 但個雞扒吾夠鮮嫩 不過不失啦 2個人$142其實算平 而且職員服務態度都好好 下次睇戲會再黎食

樂富商場大裝修 見到呢間新開既餐廳就同朋友試下佢地個下午茶啦 坐低即刻睇下個menu先 下午茶黎講款式都算多 任君選擇 朋友話好耐冇食啲邪惡野 所以叫左個金磚西多士配英倫糖漿($28) 面頭有大大塊牛油 成個金磚西多士好鬆脆 點埋個英倫糖漿更加好味 甜甜脆脆咁好正 我呢就叫左個經典碗仔翅配輕量肉燥半焗流心蛋飯($32) 見到個menu話個半焗流心蛋好正咁就試下啦 碗仔翅大大碗 就算吾落汁本身都好夠味 隻流心蛋果然冇令人失望 同啲肉燥飯撈埋一齊食出奇地夾 佢地呢到冇加一 最尾$60埋單 超值 推介大家黎試下

今日帶大家發掘下樂富既好野食 6點幾入座 吾算好多人 位置安排都算闊 一坐底侍應就送上熱辣辣既茶 睇下個menu食咩好 最後叫左個唐芹鮮肉水餃($38)同埋黃魚煨麵($68) 兩道菜都冇令我失望 唐芹鮮肉水餃有6隻 水餃皮厚度適中 咬落去有啲肉汁“咇”出黎 仲有淡淡既唐芹味 用料好足而且肉質好鮮嫩 值得一讚 主角黃魚煨麵上黎啦 真心好大碗 上面有啲雪菜做裝飾啲麵食極都有同埋彈牙 黃魚嫩滑而且吸收哂湯既精華 一個字：正特別要讚既係湯底 飲得出真係用左好多條魚煲成既湯底 而吾係味精湯 小編都忍吾住一路食一路飲 最尾淨番一半湯 實在太大碗啦 連埋茶位費4蚊以$121結賬 非常值得

葵芳黎講葵廣阿新都會廣場阿大家就行得多啦 今次要推介既餐廳係隱世小店 要行多幾條街先去到不過非常值得 我同朋友兩個食肉獸一坐低已經蠢蠢欲動 望到餐牌仲有其他飯同意粉 不過都係想食扒 我叫左個頂級肉眼扒10oz ($158) 左上角既醬係士多啤梨乳酪醬 配沙律菜同扒都出奇地夾 中間幾條粗薯塊 上面有少少黑椒 右下角既焗蒜頭 非常推薦大家優先食左蒜頭先 趁熱食超正 主角肉眼扒一咬落去啲肉汁爆出黎 好鮮嫩入味估吾到呢個價錢可以食到咁既質素既肉眼扒 真係喜出望外 朋友就叫左美國安格斯西冷 ($128) 同肉眼扒一樣都冇令我地失望 下次有機會一定試埋佢地既羊架同其他菜式

有朋友住附近見到間野好啱打卡咁 決定黎試下 強烈建議大家要book位 店舖不大 我同朋友2個人 walk in等左大約15分鐘先有位 入度去覺得幾靚 好有少女心 裝修都係以粉紅色為主調 我同朋友被安排係靠窗既位置 有吾同既擺設比大家影下相咁 啲公仔都幾可愛 如果想坐係傳說中既打卡位影相既話就一定要book位 就係下面呢個位 同朋友叫左兩個set lunch 包兩杯餐飲 打卡既話係吾錯 野食既話坦白講非常之普通 食得落口但吾會食第二次 50分最多 食完叫左個士多啤梨乳酪蛋糕 希望開心番啲 點知道但係令我地最失望既野食順帶一提 員工既服務態度真係有待改善 食完主菜舉手叫佢地上甜品 啲店員本身㩒緊手機即刻扮忙 等到有人應都催左4次先出到個甜品 等左30幾分鐘 當時成個場包括我地在內得一枱4位 3枱2位啫 真心吾明點解要等咁耐 希望佢地可以改善下 上到黎個賣相吾錯 打算原諒佢地果陣 一咬落去 士多啤梨既味 乳酪既味 同蛋糕既味都冇 真係吾知自己食緊咩 最好食係旁邊兩粒心形既棉花糖 仲要等左半個鐘 淨係想打卡呃下like既話係ok既 但追求食物既質素同服務既話就吾建議大家黎呢度啦

我同朋友都好鍾意食羊 今次黎到呢間係觀塘專食黑山羊既餐廳 決定試下最出名既羊肉 一入到間餐廳就覺得好親切 環境同平時茶餐廳差吾多 望下個餐牌先 有飯有面 任君選擇 我就當然試下最出名既羊肉大碗米線啦($60) 朋友就叫左牛羊雙拼大碗米線($50) 店員一拎上黎 我同朋友都“嘩”左一聲 真係好大碗 個碗好深 如果早上有食早餐既朋友建議細碗已經好足夠 羊肉大碗米線應該落左兩至三包米線 食極都仲有 羊肉都有15塊左右 非常濃既羊味但又吾會太騷 筋同肉既比例都非常好 推薦比鍾意食羊肉既你地

今日中秋節 當然成日都要食好西啦 夜晚已經要去酒樓飲茶 中午就試下其他野啦 本身係APM一路行一路諗緊食咩好 見到呢間吾洗等好耐就決定試下佢地個set lunch啦 叫左個上級牛肉燒肉套餐 ($129) 侍應拎黎果陣覺得會吾會吾夠食呢 望落有啲細份 點知有反轉 逐樣講下啦😂 左上角既伴菜少少鹹 不過好啱送飯 海帶湯飲落淡淡地 應該吾係落左好多味精 啲飯同平時出街食既壽司飯差吾多 比較軟身 主角牛肉總共有10塊 侍應仲好細心咁教我點樣燒得好食啲 比個讚佢 食落甜甜地 應該用蜜糖醃製 啱哂我呢啲小朋友口味既人