更多
2007-08-16
4 瀏覽
前幾日去沙田做嘢，記得上幾個禮拜睇地鉄報紙介紹新城市廣場一期新食肆就走去。一落電梯就見一間紅色又坐咗好多人嘅新Shakey’s pizza ，隔籬就有博多拉麵。兜個圈有Pokka 同Hip sushi…3 間以前都食過，咁就揀新嘢食pizza 啦! 我哋一行5個，等咗10零分鐘啦…嗰陣係5:30左右首先叫咗3杯Mocktail特飲:-Green Light -綠茶果凍加七喜- 幾解渴唔太甜，可以多D綠茶味。Mangoccino -芒果特飲-唔錯飲落幾特別。Purple Party -巨峰提子果凍沙冰-試咗一啖好正，女仔一定鍾意。雜錦拼盤- 脆薯+吉列炸蝦+黑椒雞翼跟沙沙醬&田園醬(每款4件)Mojo脆薯-原隻薯仔切片加多種香料炸脆，外面好脆，入面好薯仔，勁好味。 第一啖有啲唔識形容好似有少少咖喱香料味但唔太辣，好特別。肯定你未試過!吉列炸蝦–點沙沙醬幾好食，口感唔錯黑椒雞翼–麻麻啦，唔喺好辣，入面唔夠滑主菜:King Lobster Pizza深海龍皇-超抵!! $198有成隻龍蝦，忌廉汁好好味同好多磨菇，賣相相當吸引。個pizza皮夠薄好脆，熱辣辣，自己加芝士粉同黑椒仲好味。
首先叫咗3杯Mocktail特飲:-
Green Light -綠茶果凍加七喜- 幾解渴唔太甜，可以多D綠茶味。
Mangoccino -芒果特飲-唔錯飲落幾特別。
Purple Party -巨峰提子果凍沙冰-試咗一啖好正，女仔一定鍾意。
雜錦拼盤- 脆薯+吉列炸蝦+黑椒雞翼跟沙沙醬&田園醬(每款4件)
Mojo脆薯-原隻薯仔切片加多種香料炸脆，外面好脆，入面好薯仔，勁好味。
第一啖有啲唔識形容好似有少少咖喱香料味但唔太辣，好特別。肯定你未試過!
吉列炸蝦–點沙沙醬幾好食，口感唔錯
黑椒雞翼–麻麻啦，唔喺好辣，入面唔夠滑
主菜:
King Lobster Pizza深海龍皇-超抵!! $198有成隻龍蝦，忌廉汁好好味同好多磨菇，賣相相當吸引。個pizza皮夠薄好脆，熱辣辣，自己加芝士粉同黑椒仲好味。
意粉三重奏-一睇就想自己食哂! 佢地將3種意粉用3種煮法，以意大利國旗3種颜色放在一碟極有心思。其中我最愛煙肉蛋忌廉汁長通粉(白)，跟著香草天使麵(綠)同鮮茄海鮮意粉(紅)都好味。一個價錢3款口味，超值!
Baby Back Ribs豬肋骨-賣相good。D肉偏廋但唔韌又唔太淋，有蜜糖BBQ汁跟上，點咗好食D(我個人喜歡豬肉肥D同濃味D)
甜品Pizza Raspberry Pearl…幾吸引，就叫個試試。果然好靚好得意! Size 只有6吋上面有Raspberry，荔枝同有D好似cream cheese，唧咗朱古力&士多啤梨糖漿，唔漏又唔太甜，得! 一定再食
結賬時經理問意見，又推介炸脆雞話下次一定要試，係佢地嘅招牌菜之一。裝修好有美國feel，有條柱型磚牆印咗Shakey’s Logo寫since 1954。老字號噃~~
張貼
