Openrice Logo
登記 |  登入 |  Eng

首頁 | 餐廳 | 食評 | 優惠 | 我的餐廳
地區: 澳門 | 深圳   特集: 自助餐

正記菜館
地址 : 元朗金輝徑28號好盛洋樓地下4號舖
地圖 : 顯示地圖
電話 : 2443 3319
類別 : 粵菜 (廣東) | 港式 | 大牌檔
消費 : $51-$100
總評分 : 3.3
食評 : 好29, OK10, 劣7


相片>> 收藏>>
其他資料

營業時間:星期一至日: 17:30-04:00
座位數目:100
付款方式:現金
酒精飲品:
外賣服務:
加一服務費: 沒有
室外座位:
電視播放:

網上食家評語

第1至5篇 (共49篇食評):
下一頁>

大排檔風味OK
2016-12-03
zingss (共有27篇食評)

呢間炸野非常好味,特別推薦食魷魚,魷魚鬚係粗身個種,咬落去超彈牙,魷魚感覺係新鮮個種,好鮮味。怕炸野膩,可以點佢個汁一樣好味。

蠔餅都不錯,所用嘅蠔都幾大粒。美中不足係偏油左少少。如果鐘意食蠔餅推介你食元朗另一間係大坑渠邊。

評分 :   味道4   環境4   服務4   衛生3   抵食4

半夜餓醒好火滾🔥劣
2016-11-01
派冒專員 (共有38篇食評)

頭盤咕撈肉🔥皮林 肉un 

再黎蠔餅-d蠔小到都唔知以為叫左炸餅跟住黎左隻豉油蔥雞勁肥勁大舊唔知以為去左食大雞大勁難食跟住炸大腸可以個皮又係林裡面又林咬左幾廿秒望望隔離位兄弟原來都重係咬緊 食香口膠嗎?⋯🔥🔥已經火都黎,再黎蝦醬鮮魷西蘭花✌🏻全晚食最多一定係👍🏻西蘭花 ✌🏻因為佢用滾水整熟左起碼落到肚跟住應該名堂係椒鹽炒蝦能夠將咁細隻蝦捉番黎再拎去賣我都唔識講💥照食⋯一咬落去能夠食到用熱水整熟既蝦味「我叫左白灼嗎,但成碟係炸出黎🔥」係大家非常無奈之際同估計四十蚊隻既粉絲元貝係壓軸登場👍🏻你嗌海鮮類會最尾出場嗎?我真係細佬仔最小出去食飯,同我估計無錯能夠將隻元貝蒸到變成扇貝size⋯我決定咬下去 為左配合呢段文章我會形容呢隻元貝係扇貝既樣榣柱既口感👍🏻

💯💯💯💯💯💯💯💯💯💯💯💯💯火滾

評分 :   味道1   環境2   服務2   衛生2   抵食3

食物非常靠得住💕好
2016-10-24
yanlamshum (共有19篇食評)

今日同朋友一齊去慶祝生日諗左好耐食乜又有5個人 於是就決定食大排擋叫d小菜一齊share食😋
好彩時間都算早大約7點左右到左一到就有位坐啦~我地坐左係樓上地方都幾大坐得幾舒服 於是我地就叫左4碟小菜同埋3個白飯黎share食🤘🏻佢雖然唔包野飲但係就有免費既茶同水任斟~野食上得有dd慢 可能係即整既關係啦
第1道菜就係蜜糖蒜香牛柳粒($83)
佢一上枱就係啱啱炒起既 牛柳粒同埋薯仔上面有一層香噴噴既炸蒜😋然後牛柳粒同薯仔撈埋d蜜糖汁簡直係完美😆雖然佢係甜甜地既但係都好啱送飯 而且d薯仔好似輕輕炸過加埋d蜜糖汁食起甜甜地好似蕃薯咁既味好特別
跟手好快就上左第2道菜-椒鹽炒鮮魷($88)
呢碟鮮魷炸得脆卜卜超級好食然後加埋d椒鹽炒起勁香又惹味佢仲跟左碟少少既喼汁 點埋黎食竟然更加好味有少少酸酸地真係超開胃 佢炒個陣應該都落左少少蒜所以食起黎好香😛但唯一美中不足既就係d鮮魷得好少但價錢就相對比較貴
隔左陣上埋第3道菜-肥牛粉絲煲($75)
個煲一上枱既時間係熱辣辣既同埋洋蔥同大蔥味好香 d粉絲撈埋d汁食超級好味送飯又係一流既 但又唔會話好咸 而d肥牛都好軟腍腍唔會話因爲煲太耐而變硬左~~
最尾就係比較清既西蘭花炒花枝($83)
呢味菜係比較清淡既所以跟左碟蝦醬仔但都好食 落左少少蒜去炒令到個餸更香而d花枝都唔會話好韌夾口得黎都算係腍既 d西蘭花就比較硬左少少但係用呢道菜黎總結都算唔錯 因為清清地又係菜會比較健康☺️
總括呢間大排擋食物份量唔多但係味道好好 而且店面坐得好舒服店員態度都唔錯 下次多人既話會再黎食過👍🏻

評分 :   味道5   環境4   服務4   衛生4   抵食3

好味又抵食!好
2016-10-24
nghonggg (共有15篇食評)

幾年前食過正記,隔左好耐都冇食過大排檔,有d掛住大排檔既鑊氣,於是就黎左食啦😆

7點幾左右到,去到都已經幾多人,樓上岩岩好仲有幾張台,我地都唔洗等位,但係我地坐低之後10分鐘左右都坐滿晒,睇黎都幾多人黎呢到食。

我地一共叫左4個餸,5個人食岩岩好。

首先上既係:
蒜香蜜汁牛柳粒 $83 👍🏻👍🏻👍🏻👍🏻👍🏻
一上望到碟嘢黑蚊蚊,估唔到食落有驚喜。呢碟係有牛柳粒加薯仔,再有d炸蒜同蜜糖汁。一開始食面頭d薯仔已經覺得唔錯,d薯仔係炸過既,再加上蜜糖汁,有微微嘅甜味,非常夾。神奇嘅係食到底d薯仔會變到好似蕃薯嘅味道,因為底嘅蜜糖汁比較多,但係都好味,而牛肉就普通可以接受。但成碟既味道都好豐富,我最鐘意呢碟餸😍

第二樣:
椒鹽鮮魷 $88
椒鹽分量落得岩岩好,唔會太䶢,仲有少少辣味,而且都炸得好脆,魷魚又唔會韌,送飯食都幾正。

第三樣:
沙嗲粉絲肥牛煲 $75
煲入面有肥牛、粉絲、青椒、芽菜、菠蘿,配料都幾多,但個嘅味道同想像中有大出入,個煲係清嘅,食唔到有沙嗲味。但因為前兩個送都比較濃味,食番呢個清既中和下都可以接受,但如果繁係想食沙嗲既味道咁你就唔好叫呢個啦。

第四樣:

西蘭花花枝片 $83
最後用左個菜做收結😋呢碟味道岩岩好,唔會太鹹,個花枝片姐係魷魚,冇咩特別。

感覺上大排檔嘅呀姐態度都比較差,但呢間d呀姐都唔錯,我地仲係咁叫佢幫我地加水,哈哈!而且環境都幾乾淨,坐得闊落又舒服。
賣單每人100有找!

整體黎講,好味又抵食😆😆

堂食等位時間: 0 分鐘
是次消費: HK$70 (晚餐)
評分 :   味道4   環境4   服務4   衛生3   抵食5

大排檔風味小菜館好
2016-10-12
愛吃的貓 (共有99篇食評)

上星期難得放3日假,入咗元朗搵朋友玩。

跟住夜晚就食朋友推介嘅呢間小菜館。

我地4個人叫咗5樣嘢,包括口水雞、蠔餅、豬手、蝦醬炒通菜同埋椒鹽鮮魷。

呢到個口水雞同豬手都整得幾出色,口水雞唔太辣但係雞夠滑,汁又開胃。豬手皮脆肉嫩。yummy其他嘢就中上。

而且價錢都幾平,飲埋兩支酒,埋單都係每人一百蚊左右。

會再嚟幫襯。

推介美食: 豬手, 口水雞
用餐日期: 2016-10-09
堂食等位時間: 0 分鐘
是次消費: HK$100 (晚餐)
評分 :   味道4   環境3   服務3   衛生4   抵食4

下一頁>

桌面版   登入


Copyright © 1999 - 2016 Openrice Group Inc. 版權所有 不得轉載
全港最受歡迎飲食資訊媒體
Hong Kong's Most Popular Dining Guide,
with restaurant search, restaurants reviews, and dining coupons.

如你在使用本網上服務時需要協助 可致電OpenRice客戶服務部 電話:(852)21703280 電郵地址:CS@OpenRice.com