Openrice Logo
登記 |  登入 |  Eng

首頁 | 餐廳 | 食評 | 優惠 | 我的餐廳
地區: 澳門 | 深圳   特集: 自助餐

大漠
地址 : 土瓜灣北帝街27號C地舖
地圖 : 顯示地圖
電話 : 35860098
類別 : 新疆菜 | 中菜館
消費 : $101-$200
總評分 : 3.7
食評 : 好133, OK37, 劣19


相片>> 收藏>>
其他資料

招牌菜:羊肉、羊腿、羊鞍
營業時間:星期一至星期日:18:00-23:30
星期二休息
座位數目:40
付款方式:Visa、Master、現金
酒精飲品:
自帶酒水: 可以, 開瓶費:$50
切餅費: , $50
泊車: , 新山道、馬坑涌道有室內停車場
電話訂座:
加一服務費:

網上食家評語

第1至5篇 (共204篇食評):
下一頁>

冬天食羊好選擇!好
2016-11-03
TszWaiLam (共有1篇食評)

朋友們去完絲綢之路,很想回味返個味道,於是上網搵到呢間係土瓜灣北帝開立左超過12年做新疆菜的大漠,真是食羊首選!頭盤小吃吐魯番哈密瓜老虎菜雞絲,味道酸酸甜甜,好開胃。新疆燒烤雜拼盤,雞肉串同羊肉串味道濃郁而且很滑。like新疆烤餅聽店員講,完全由師傅每天人手造,試一試發現鬆軟,中間夾住羊肉一齊食味道更好。不得不說,店鋪招牌羊架,味道濃滑,少少羊蘇味,平時少食羊既朋友都接受到smileheart整體,特色菜來講價錢合理,食物心機水準高,服務優質,鋪面整潔,值得一食再食!likelike

推介美食: 羊架, 燒羊鞍, 羊肉串, 大漠羊鬆手抓卷
用餐日期: 2016-11-02
堂食等位時間: 5 分鐘
是次消費: HK$150 (晚餐)
評分 :   味道5   環境4   服務5   衛生4   抵食4

羊餐慶男友生日OK
2016-10-18
Mtso47 (共有2篇食評)

男友不食牛, 每年生日都會找食羊的餐廳, 今年就找到大漠。 睇食評就好壞差平, 但都一早就訂好位, 並巧3號風球, 仲依為可以包場, 隔咗一陣就來了3枱客, 地方不大靜靜享受都不錯lollol
我先點了2杯飮品, 青檸梳打及玫瑰xx (忘記了名)cry, 其他菜名真的忘記了。
羊鞍好味
串燒鴨我唔like塊皮
蜜瓜xx老虎菜開胃
羊鬆手抓餅有點乾, 都不錯
炒什菌好食
實在太飽食不到羊奶凍, 可惜yuk

推介美食: 鎮店清真古法極品燒羊鞍
用餐日期: 2016-10-17
堂食等位時間: 0 分鐘
慶祝紀念: 生日
是次消費: HK$270
評分 :   味道3   環境4   服務4   衛生3   抵食3

羊鞍的確係好食!好
2016-09-08
NANA2046 (共有63篇食評)

新彊菜係香港應該算好少有, 未必人人敢挑戰因為怕食唔慣香料。還好身邊有愛食羊既朋友陪我來試菜, 希望唔會中伏。

店就係北帝街最旺既位置, 好易搵到。店內約30坐位, 剛好有枱人開PARTY, 超級嘈, 真係好應聲。奇怪有2枱都係D講半英半中既人, 唔通新彊菜係吸引ABC食既!?really可能真係有好多人帶酒黎飲, MEUN第一頁已寫坐帶酒同CAKE係收$50 charge, 又幾公道wo。
meun成個紅色好有風味! 特色菜黎講咁既價錢唔算貴。
先來個頭盤-->吐魯蕃哈密瓜伴老虎菜雞絲
哈密瓜同雞絲既比例係3比1, 好似淨係食緊哈密瓜咁, 當時覺得肉都唔多條, 但而家諗返, 吐魯蕃哈密瓜先係主角wo! 人地俾得多先係正確!但作為頭盤更似飯後生果盤, 調味既汁係咸咸地, 帶出哈密瓜既味更甜, 又愛又恨既味道。

跟住炒個靚菜-->烏魯木齊古法峰蜜炒紫椰菜
呢個菜甜到不得了, 而且好油下, 可能因為椰菜要用較多油去炒先淋, 紫椰菜同平時食到既椰菜味道差唔多。
食到咁上下見到原來係有堤子乾, 幾得意。

然後來到主菜-->"鎮店"清真古法極品羊鞍

呢個羊等左好耐先黎, 中間食完菜之後等到我更餓, 但見佢燒得咁靚就算啦

請返個羊, 肉好嫩, 有少少酥味但完全接受到, 再加上香料粉真係好好食, 同平時既西餐煮法好唔同, 無咁飽滯, 食完想即刻食第2舊, 同埋奇怪係之前2碟菜既份量都唔算多, 但呢碟羊就有5大件, 好抵食

初初驚唔夠飽, 再點左炒飯同清真燒南瓜條

炒飯都幾普通, 同平時食到既炒飯無特別, 炒得好乾身的, 幾好食

最後先上既清真燒南瓜條就成為成晚最失色既一道菜, 完全無味, 而且南瓜比我平時係街市買到的更無甜味, 就係食緊一舊高纖野, 唔好味.....

總結整晚既食物都係好食既! 特別係羊鞍一定要再食~

推介美食: "鎮店"清真古法極品羊鞍
用餐日期: 2016-08-19
堂食等位時間: 0 分鐘
是次消費: HK$150 (晚餐)
評分 :   味道4   環境3   服務3   衛生3   抵食3

咁先夠「疆」好
2016-08-13
Fly-Cloud (共有7篇食評)

念 新疆。黎 大漠

去過新疆嘅,一定會掛住當地的靚景同美食!Search下openrice, 香港都係得十幾間新疆菜館。這間唔係連鎖,取名「大漠」亦別有一番風味,一於去試下。

不過本人唔多食羊,所以都叫了羊以外的菜式,都有好多選擇呀。
先來一個吐魯蕃哈蜜瓜老虎菜伴雞絲。嘩,隔左成9年,食返吐魯蕃哈蜜瓜嘅味道真係好感動呀cry超清甜開胃,果然係再次帶我進入新疆的味覺之旅。
新疆串燒又點少得呢,這個牛肉串好香口,裡面仲好juicy添。而孜然、辣椒粉係自己落嘅。原味一嚐牛的鮮味係唔錯,但想食返當地風味,我都係情願師傅落埋調味比我。
新疆大盤雞,味道一流!花椒、八角、三色椒等香料充足,雞球入味。係賣相差少少,用碗裝嘅?唔係用盤裝嘅?在嘉峪關、烏魯木齊等地食嘅大盤雞,係用一個大銀盤盛載,就好似香港大排檔、打冷咁有feel㗎!如今只可以叫大「碗」雞了。如果唔想碗底的粉皮黏住難分,可以一開始撈一撈到落底先,d汁撈埋粉皮簡直係絕配呀flower
新疆蔥花烤餅則稍為遜色,沒有蔥的香味,亦偏厚和乾身。4人分還可以,2人分則有點滯,建議點咖哩吃。
新疆特式椒絲爆紹菜,有點膻味,不過咁先夠「疆」,而且仲加入紅椒青椒花生,仲有清甜提子乾,好吐魯蕃,真係好好味!只售$55,炒菜黎講相當抵食。
店鋪不算很大,置身其中卻感受到民族風情。

無叫羊都有咁多好野食,何況叫埋?
快d黎試下,支持一帶一路......呀唔係,係支持小店啦!最好先訂枱呀。

交通溫馨提示:土瓜灣又唔算太難去既,旺角先達有紅van, 附近又有綠van 28M,難唔倒你嘅。

推介美食: 大盤雞, 吐魯蕃哈蜜瓜伴老虎菜雞絲, 牛肉串
用餐日期: 2016-08-04
堂食等位時間: 0 分鐘
慶祝紀念: 生日
評分 :   味道5   環境4   服務5   衛生4   抵食4

說好的羊不見了劣
2016-05-19
幸福表姐 (共有29篇食評)

每次經過都有長長的人龍,以為一定好食啦
今日見冇人龍,就試下
一坐低就會放下前菜,呢樣好好食,紫椰菜炒得好香濃
羊肉粉絲湯見個個都叫,諗住實冇死。黎到只係見到細細舊羊,同好多菇,飲落去根本冇羊味,得D芫荽味,粉絲更係小得可憐
羊肉夾餅,擺得好靚!碎羊肉食落去又係冇羊味,反而似D湯渣入面既肉
反而個夾餅幾特式,單食厚厚的,香草味都幾濃,口感有D似 牛脷酥

評分 :   味道1   環境2   服務3   衛生3   抵食1

下一頁>

桌面版   登入


Copyright © 1999 - 2016 Openrice Group Inc. 版權所有 不得轉載
全港最受歡迎飲食資訊媒體
Hong Kong's Most Popular Dining Guide,
with restaurant search, restaurants reviews, and dining coupons.

如你在使用本網上服務時需要協助 可致電OpenRice客戶服務部 電話:(852)21703280 電郵地址:CS@OpenRice.com