開飯20年, OpenRice特意推出多重驚喜體驗!每個體驗都包含了各位美食家對吃。喝。玩。樂。打卡的不同要求,好好享受用餐的樂趣之餘,更為你帶來前所未有的「知 ・ 味」體驗,和至愛親朋留下難忘回憶 !


第四撃現已開始接受報名 ,詳情如下:
關於威士忌,香港人喝得多,但卻了解得少。OpenRice今次與Prime House Whisky Lounge的駐場英國威士忌大使 Alvin & Derek將會帶領你走進變化多端的精品威士忌世界,發掘你的品酒喜好,從而學習品嘗威士忌的知識、當中的故事及建立對威士忌的鑑賞能力。Prime House Whisky Lounge更特別挑選幾款不同年份的威士忌與大家分享,藉此帶來一場難以忘懷的味覺旅程!
立即把握時機寫低你嘅資料報名啦! 名額只有10個咋(每位會員可帶同一位朋友免費出席活動)!

Date

2019年11月14日
(星期四)

Time

7:30 PM ~
9:30 PM

Fee

費用全免

Location

觀塘創業街15號 萬泰利廣場11樓 G 室

2019年11月11日晚上11:59

  • 00

    DAYS

  • 00

    HOURS

  • 00

    MINUTES

  • 00

    SECONDS

難忘時刻

同朋友約會總是出街食飯?不如攪攪新煮意!大家不妨切磋廚藝,發掘多個共同興趣和回憶! OpenRice今次與Towngas Cooking Centre舉辦滋味20年工作坊,由課程總監指導及逐步示範,教大家以明火炮製終極神秘菜式。

OpenRice x Towngas 滋味20年工作坊 資深導師帶領會員重拾煮飯仔樂趣

開飯啦陪伴咗大家原來已經20年啦!為慶祝20週年來臨,OpenRice將會舉行一連串20週年慶祝活動。而首發就係呢個同煤氣烹飪中心合作舉辦嘅「滋味20年工作坊」,喺眾多會員中成功挑出24組幸運兒一齊煮嘢食!今次活動導師Pauline將會喺三小時內同大家一齊煮鱆魚燴五花腩及奇脆雞棗兩味菜,以及示範如何烹調鮑汁雞腳。

「技巧收埋落個袋無用,最重要就係傳授到畀人。」呢個就係Pauline二十多年來教煮食嘅宗旨,佢話希望大家上完佢課堂後,會覺得煮嘢食係一件輕鬆事,提升學生對烹飪嘅興趣。而且Pauline唔單止教煮食方法,仲會教埋大家如何保存食材添。

Elanie同Iris兩年前曾經參與過OpenRice舉辦嘅中秋整月餅活動,體驗良好,所以期待咗呢個活動已經兩年啦。佢哋覺得今次活動安排順暢,而且導師Pauline仲好有幽默感,而且菜式望落雖然好複雜,但其實比想像中簡單!

情侶Emily及Eric就話因為平時無咩機會煮食,所以就嚟參加今次活動。佢哋認為活動安排細心,準備晒所有材料,而且導師講解清晰,簡直就好似簡易烹飪咁。

在餐牌上經常看到避風塘雞翼、避風塘茄子,但在真的避風塘吃正宗的避風塘菜你又試過未? OpenRice今次與信記舉辦避風塘之夜,讓大家遠離繁囂,邊享受真正的避風塘菜,邊欣賞五光十色的香港夜景。

開飯啦陪伴咗大家原來已經20年啦!為慶祝20週年來臨,OpenRice開始舉行一連串20週年慶祝活動。繼上次同煤氣烹飪中心合作舉辦嘅「滋味20年工作坊」非常成功後,今次OpenRice聯同信記避風塘海鮮美食合作舉辦避風塘之夜,挑選咗四組幸運嘅會員同我哋一齊於艇仔上食海鮮,感受傳統香港風味。

避風塘美食喺香港所淨無幾,信記負責人Candy話於避風塘船上用餐於六十年代興起,八十至九十年代因為香港經濟起飛,係避風塘美食最興旺嘅時期。而餐廳就於2011年重開,吸引唔少遊客特意朝聖㗎。

當中嘅招牌菜一定係呢味避風塘炒蟹,味道同普通酒樓食到嘅係唔同㗎,加入大量炸蒜及大蔥大火翻炒,寧舍香及有鑊氣!Candy仲有個小貼士畀大家,記得連埋炸蒜撈埋炒麵一齊食!

其中一組幸運兒Cathy同Edith就話,雖然一向都知有呢類型餐廳,但親身體驗都係第一次,覺得好新穎!佢哋覺得避風塘炒蟹同炒麵係最好味,如果下次有機會,都會自己再嚟食咁話。

看似雞蛋但並非雞蛋; 看似石頭卻能溶於口。OpenRice今次與留白舉辦玩味十足工作坊,將顛覆食客對食材的既有認知,以創新手法重新呈現菜式。至於用了甚麼食材,就留待大家親自發掘! 快啲約埋朋友一齊參加工作坊玩樂一番,為視覺和味覺帶來驚喜吧!

開飯喇陪伴咗大家原來已經20年啦!為慶祝20週年來臨,OpenRice將會舉行一連串20週年慶祝活動。第三撃係同荃灣創意分子料理Cafe留白合作舉辦「玩味十足工作坊」,喺報名會員中抽出四組幸運兒一齊親手製作屬於自己獨一無二嘅分子料理甜品!

分子料理聽起嚟好似好高深,但留白嘅店主兼甜品師傅Ken就話無大家想象中咁「離地」,其實廣義上大家成日見嘅士多啤梨啫喱都係分子料理嚟㗎。當然今次搵得Ken帶會員一齊整,就唔會係啫喱咁簡單,而係Cafe招牌甜品之一:「蛋」。

為咗保留神秘感,參加嘅會員事前唔知道整嘅係「蛋」,跟住Ken嘅教導逐步製作,先知自己用朱古力、芒果等材料整嘅原來係一隻識流心嘅蛋!

一開始先用調溫朱古力整裝飾,各位會員就立刻發揮創意畫出唔同圖案,亦有會員用朱古力寫名。Ken亦提醒大家學識整唧筒嘅話,之後自己整唔同甜品都用得著。

而各位會員一致認為最好玩嘅步驟係:整「蛋黃」!用芒果同熱情果蓉模仿黃色嘅蛋黃,最重要嘅原來係靠浸入海藻酸溶液,喺外面形成一層薄膜,咁就做到蛋黃切開即流心嘅效果喇。

按部就班完成「蛋」嘅唔同部分後,最後就係裝飾。各位會員用Ken提供嘅唔同食材自由發揮,完成屬於自己嘅分子料理甜品。

Ruby同Alvis第二次報OpenRice嘅工作坊,今次係第一次成功被抽中。之前有食過分子料理但就未見過過程,今次可以自己落手落腳整覺得好好玩。

Mojo同Yan本身就鍾意周圍搵好嘢食,而且亦會自己煮下飯仔咁,覺得今次整分子料理雖然步驟比想象中多,但就唔算好難,希望之後可以參加更多唔同類型嘅工作坊。

非凡體驗

Towngas
滋味20年工作坊

信記避風塘海鮮美食
避風塘之夜

留白
玩味十足工作坊