OpenRice 主頁      English OpenRice      TableMap      開飯遊踨
   中文 | English
技巧樹熊
我是住在土瓜灣的技巧樹熊。我在柴灣工作。我最常於太古土瓜灣荔枝角出沒,最鍾意泰國菜日本菜意大利菜迴轉壽司店中菜館酒樓自助餐火鍋海鮮
食評會員 6次成為首位寫食評會員
食評數目 食評數目 1455
編輯推介數目 編輯推介數目 74
食評被推次數 會員推介次數 7575
人氣指數 人氣指數 9539
討論區留言 留言數目 71
上載相片 上載相片 25348
上載影片 上載影片 45
我的推介食評 我推介的食評 4781
我的餐廳 我的餐廳 1267
關注 關注 187
粉絲 粉絲 2167
技巧樹熊  等級4
關注 關注  留言 留言給此食家 
排序方法:  日期 笑臉 笑臉 喊臉 喊臉  編輯推介  餐廳總分 
顯示選項: 所有香港 澳門  
 
 
 
 
 
  文章形式 文章形式   |   地圖形式 地圖形式
共 1455 篇香港及鄰近地區的食評,正顯示第 1 至 5 篇的食評
2024-04-12
Share on TwitterShare on Facebook
類別 : 多國菜中菜館酒吧火鍋海鮮

話說前排約朋友食生日飯,T先生話佢去搵廷師傅,因為大公館又有一個新一季嘅menu,有些人嘅taste 唔需要懷疑同擔心,即刻少少地,兩個人食一局。

大公館小碟前菜三款,靚到無朋友,玫瑰蜜餞燒雲腿、鮮花椒慢煮蟶子皇、淮山合桃山渣盒。法國玫瑰蜜的雲腿,加上整得靚靚的饃饃包,山渣皮造型嘅小手袋,入面包住合桃加上淮山蓉,下面放上一片勁清新的淮山,不過最愛還以萵荀片包住強烈花椒調味的蟶子皇。

 


呢個花膠小青柑燉水鴨湯,非常特別,佢個小青柑都食得,因為包住好大件豬肉同水鴨,仲要有好大塊花膠一齊燩,個湯好好飲好出色,成隻小青柑都食得,正。

 

 


外形滿分的百花羊肚菌炒龍蝦球,最出色唔係炒龍蝦球,雖然溫度同質感都高質,但羊肚菌釀上墨魚膠配龍蝦又係一個唔錯嘅配搭。

 


是晚最愛的一定係龍井煙燻脆皮白鱈魚,鱈魚用上龍井茶葉鍊油後再去醃製過,之後再配上炸龍井茶葉同炸珍珠葉,件白鱈魚嘅質感極佳,應該無人不愛。

 


金勾魚湯玉銀環用上大虎蝦乾在上面,夾係件日本大根蘿蔔上,入面有菠菜苗同魚湯,好睇得來又好食。

 

 

 


單尾主食係鳥巢鵪鶉蛋鹵肉拌手工麵,用上炸茶樹菇、仲有用鹵水醃過的流心鵪鶉蛋,加上台式鹵肉拌淮山麵,只可惜係個淮山麵太細碟,如果唔係咁精美,應該會更吸。

 

 


甜品我較愛含雪燕骨膠原又養顏的雪燕牛油果燉牛乳,金沙冬蓉手袋酥係勁靚,酥皮搓成手袋形狀,想起全盛時期的8,酥皮內有冬瓜蓉加鹹蛋黃。

 

 


大家睇完有興趣真係要試下,天天供應,不過星期一至星期四仲有個特別優惠價,想知再同你講多啲。

大公館
地址: 荔枝角長義街9號D2 Place 1期10樓A號舖

評分: 味道 5   環境 5   服務 5   衛生 5   抵食 5

推介此食評

1
 
 
你覺得這篇食評:
鼓勵
期待
有趣
感動
羨慕
靚相


查看結果

2024-04-08
Share on TwitterShare on Facebook
類別 : 西式

香港四大名雞,Louise/Neighborhood/Batard/Belon,間間都有自己嘅粉絲,你睇完我嘅排位都知道,我最鍾意一定係Louise,你又有冇preference ?

 

近期好多朋友都推介我食Cafe Bau嘅平原雞,講到非常出名嘅平原雞,好多人都有好多意見,之前都係飲食界嘅朋友茶餘飯後嘅話題。

 


皮薄而肉質較為彈牙,皮下脂肪少,鷄香味濃郁,係佢嘅特質,Cafe Bau呢度菜式用上呢個討論度咁高嘅主角,又有冇令人失望?

 


上星期同一班朋友嚟咗晚飯,終於食咗呢個名物,我之前冇試過米芝蓮中餐廳嘅平原雞,我唔知道究竟個質素係乜,但至少呢晚係Cafe Bau食嘅唔算失準,唯一投訴嘅係點解咁少飯。

 


可能佢用上二澳米,個飯實在幾精彩,自然覺得唔夠大份。

 


如果計埋Cafe Bau共五強,你最鍾意又係邊間呢?

 


下篇文再同大家講吓除咗雞之外有咩好食。

 


評分: 味道 5   環境 5   服務 5   衛生 5   抵食 5

推介此食評

1
 
 
你覺得這篇食評:
鼓勵
期待
有趣
感動
羨慕
靚相


查看結果

2024-04-08
Share on TwitterShare on Facebook
類別 : 馬來西亞菜


曾經好喜歡西環嘅娘惹嫁到,到而家佢搬咗去上環,都一直跟住師傅去食,反而九龍就一直唔多食到正宗的娘惹味道。

朋友介紹我旺角有間叫鐵飯碗,聽個名完全唔似食馬來西亞嘢,原來佢嘅譯音Tiffin同馬來西亞好有關係,呢到唔學術唔講咁多,總之呢個名原來係食正宗娘惹菜嘅一間餐廳

旺角嘅鬧市正宗,仲要係一間好大好有空間嘅餐廳,最重要係價錢唔貴,又幾好食,食完一次立刻想再去。

 


Call幾個人先到多啲野,食個囉雜先,呢個地道馬來西亞蝦醬蔬果沙律,用上嘅生果同醬汁,你已經感受到其正宗。

 

 


秘製沙嗲烤雞串,有種勁正嘅甜味沙嗲,撈飯應該好好,我加落去蕉葉椰漿飯炸雞槌到食,汁都撈埋,而且佢嘅炸雞絕對正宗,椰漿飯撈花生同魚仔特別好食。

 

未試過鐵飯碗砂煲伊麵,原來都係一個幾正宗嘅選擇,至少我未試過呢個感覺嘅伊麵,下次有機會去馬來西亞要再試吓。

 

 


鮮果油條蝦嘅蝦多士炸得唔錯,我唔知係唔係正宗,但又幾好食,幾特別,比起中式嘅蝦多士冇咁油膩。

我熱愛呢度嘅正宗檳城炒貴刁,喜歡佢有豬油,仲有馬來西亞嘅臘腸,炒嘅鑊氣都好夠。

 


班蘭咖央厚多士同馬來西亞榴槤咖央厚多士就看中唔中你口味,我個人覺得榴槤咖央厚多士熱辣辣幾好,不過多啲榴槤應該會更精彩,班蘭咖央厚多士當天味道就唔夠熱。

 

 


菜方面食左三個,馬來風光炒通菜當然要食,怡保炒芽菜的確食到肥仔芽菜嘅感覺,不過最出色係白灼秋葵配參巴醬,好辣又惹味。

 

 

試左幾個飲品,怡保白咖啡同斑蘭咖啡都係正常發揮,朋友的美祿都話好濃味,不過最好係like Facebook 就有薏米水送。

 


仲要有好多菜式,例如咖喱,怡保河粉等等都未食過,有冇興趣一齊再嚟掃餐牌?

評分: 味道 5   環境 5   服務 5   衛生 5   抵食 5

推介此食評

1
 
 
你覺得這篇食評:
鼓勵
期待
有趣
感動
羨慕
靚相


查看結果

2024-04-01
Share on TwitterShare on Facebook
類別 : 阿根廷菜扒房

中環嘅餐廳應該多不勝數,就如銀河星宿,宇宙間來去自如,來往如驛。

選一間好啲嘅地方食扒或者食Fine dining,應該就與舉頭望天一樣,有難度,但並非不可做到。

選一間farewell餐廳,可能更難,因為係會給人記一輩子的回憶。

幸好這次的回憶不錯,選了一間好傾偈的餐廳,服務又好,食物都水準甚高,這間是在大館附近的
La Parrilla steakhouse。

未叫嘢都已經有前菜俾我哋,佢哋自家製嘅麵包都做得唔錯。

 

 
前菜有是日精選湯,牛肉他他,芝士再加上沙律,基本上應有盡有,我選擇咗湯,朋友選擇咗熱溶芝士,全部都俾到你合理嘅預期值。

 

 

 
由於今晚好早晚飯,所以我自己冇叫到扒,叫左Entrana sandwich,thin skirt呢個部位都算唔錯,肉味幾濃,簡單加上蕃茄同蔬菜嘅Baguette,絕對係一個精美有餘嘅午餐。

 

 
我極力推介C小姐食butchers cut,不過最後佢話驚食唔晒,選了carbs De Res嘅Hanger steak,不過佢比較喜歡熟,所以選了medium well,而且又唔會過熟,炭香一流,呢個係絕對出色的一個扒,我覺得勝過上次Hugo的出品。

 
Side點了湯同薯條,全部都好唔差,唔會虎頭蛇尾。

 

 
可惜時間唔夠充裕,因為工作嘅關係都係匆匆來去,雖然唔係好長時間,但係都講咗好多其他工作以外嘅嘢,farewell嘅意義,可能都只是儀式感,因為未來不是不見,只是告別的儀式,或者未來才有機會再見。
又或者,對這個地方對這裏的人物都是短暫的告別,祝你和你們都一切安好。

 
堂食等位時間: 0 分鐘
用餐日期: 2024-03-07        

評分: 味道 5   環境 5   服務 5   衛生 5   抵食 5

推介此食評

1
 
 
你覺得這篇食評:
鼓勵
期待
有趣
感動
羨慕
靚相


查看結果

2024-04-01
Share on TwitterShare on Facebook
類別 : 日本菜爐端燒

上環嘅呢條摩羅上街係其中一條我好鍾意嘅街道,呢度除咗勁有特色之外,仲有好多好食又有特色嘅食肆,剛剛最紅有好想去嘅Fine dining 米芝蓮一星嘅Mora,之前如果你記得我介紹個地道嘅華樂冰室,今日介紹返呢間仟穆。

除咗自己選擇想食乜嘢串燒之外,當然最好係揀一個廚師發辦嘅菜單,喜歡重口味食內臟嘅一定要選三黃雞內臟燒廚師發辦菜單,另外廚師發辦九式串燒菜單就食啲皆大歡喜人人啱嘅串燒。

 

 
先上場嘅日式沙律嘅同酒煮蜆就大概感受到餐廳嘅質素,特別喜歡酒煮蜆嘅新鮮度,當然如果你唔食餐都有得單點。

 

 

 

 
當晚食廚師發辦九式串燒菜單嘅有雞胸軟骨、雞皮、雞翼、雞腎、白鱔、蘆筍、牛脷、雞心、五花腩。

 

 

 

 

 
雞翼絕對係神級嘅出色,佢嘅燒白鱔比起好多出名嘅日式串燒店更加出色,而最重要係嘅佢嘅味道啱啱好,唔會太重味太鹹。

 

 

 

 

 

 

 

 

 

 
三黃雞內臟燒有特別嘅係雞喉嚨、雞大動脈、雞掌心、橫膈膜、雞肝、甲狀腺,係Yardbird都食到好多呢啲部位嘅串燒,但好多都要預訂,而質素同味道都真係差唔遠,個人特別喜歡雞掌心同甲狀腺,我記得好似唔係好多餐廳有呢個選擇。

 

 

 

 

 

 

 

 

 

 
尾聲嘅雞湯烏冬先係重點,食完真係唔夠喉,個雞湯嘅濃郁同溫度幾令人難以忘懷。甜品就正常啦。

 

 

 

 

 

 
餐廳員工都非常有禮貌,同佢哋傾吓偈仲會請你飲杯sake,唯一我覺得唔好嘅就係我坐係門口嘅位置冷氣太勁,影完相啲串燒相對較為快凍,餐廳可以留意一下。

 

 

 
堂食等位時間: 0 分鐘
用餐日期: 2024-03-26        
是次消費: 每人約$850 (晚餐)

評分: 味道 5   環境 5   服務 5   衛生 5   抵食 5

推介此食評

1
 
 
你覺得這篇食評:
鼓勵
期待
有趣
感動
羨慕
靚相


查看結果