咁啱嗰日去港島區，順便提早另一半慶祝生日，搵吓北角炮台山嗰邊有咩好食
之後見到呢間係啤啤熊主題嘅西餐廳，雖然我唔係特別鍾意啤啤，但係個環境真係幾靚，所以去試吓

我哋原本當晚坐粉紅色半私人空間嘅二人枱，隔籬枱嘅兩個乘客食完之後，職員見我哋正餐食得差唔多，特地安排我哋自己過去右手邊4人枱坐，真係非常窩心

我哋叫咗兩個晚餐，海膽帆立貝意粉嘅像素比較甜，木魚都幾龍尾，份量都多

另外叫咗明太子忌廉蜆肉意粉，啲錢都好大啫，冇泥沙，個醬汁調得幾好味，呢款真心推介

我哋單點左一份一夜干燒魚，份量非常之多，而且考得唔錯，配上豉油或者檸檬汁都好正

加$8有榛子牛奶，味道比較甜，拉花嘅泡泡都做得唔錯

男朋友想試富士山啤啤熊特飲，因為套餐唔可以加錢換呢一款飲品，所以佢正價$88買來試吓飲，雖然呢杯飲品成本唔高，但係個賣相真係打卡一流，飲品裏面仲有個會閃燈嘅玩具，而且會轉色，真係打卡一流。係用波子汽水，再加啤啤熊造型嘅立體冰塊

早前在OpenRice要求在甜品免費寫生日朱古力字，朱古力醬汁令到我非常驚喜，啲朱古力字唔係咁容易拆得甩，朱古力字嘅藍色部份以為係悉數冇咩特別嘅味道，點知係藍莓味嘅果醬，紅色朱古力嘅部份係士多啤梨醬，同平時職場寫嗰啲好大分別，而且字體非常優美❤️❤️😍

伯爵茶慕絲甜品嘅造型真係好得意，而且好少有呢個口味嘅慕絲❤️❤️❤️❤️好睇得來又非常之好食

另外點解我幫襯呢間舖頭嘅原因，就係切餅費只需要$50 ，好多餐廳都係開價$100 ，而且職員幫我哋上咗個生日蛋糕之後，仲幫我哋張枱擺位打卡影相，真係非常之窩心，希望下次去呢間餐廳呢個身形細細粒嘅年輕女職員可以在服務我哋

我問職員，原來呢間餐廳只係開業左半年，希望之後可以繼續做落去，真係好想再去第二次

同事知道呢間餐廳在元朗好出名，約埋lunch過去食 我地12:05左右去到，都開始有人流 未去到12:30已經full晒 Lunch set選擇款式真係好多款！ 睇到花多眼亂，我本身揀左火炙壽司🍣定食$118 質素好唔錯，好鮮甜，好耐無食過咁好味嘅高質壽司 呢啲set lunch星期六日都有供應，不過就要加一服務費 平日免加一 非常豐富，有蒸蛋，好足料，有啲一條條好似叫做壽司的翅，味道有啲似粉絲好爽口 沙律配芝麻醬 個麵豉湯好驚喜，有三文魚粒，海帶，好清香

當日去果邊拎貨，先去醫肚 見門口餐牌全是吸睛的窩夫甜品 一個人食唔晒，叫午餐試吓先 一人梳化座位好舒服 Set lunch百搭多選擇 想飽肚啲可能叫飯 我揀左8粒wasabi明太子章魚丸 真係好多料，整得好好味 甚少有機會食呢款小食可以在咁高質嘅環境下慢慢食 跟餐餃子的質素也很好 飲品全是特飲，有部分款式要補差額 熱飲偏甜 整體滿意 另一間分店在屯門，超級一東一西的距離

今日咁岩去果邊拎貨 我從來無去過呢個商場，真係好local好多小店 見openrice講到呢度招牌玉子燒咁好味 我都買左一份食，等候期間我行開左差唔多十分鐘去拎貨 回頭見已經整好左 真係幾好食，又juicy 好香蛋味，好大份，食完唔會覺得好油膩同埋罪惡感 撐小店

當日突然地約左一家大細食飯，佢地有bb車 囡囡2歲多，唔知在旺角邊度食 我決定去呢度食，環境好，而且食物質素有保證 我今次揀左饅魚茶漬飯 個wasabi真係好攻鼻 上餐果陣附上進食方法的menu 我地每人叫的定食都好吸引 好大份，一如以往的好食 朋友未食過都覺得質素很好呀 上菜都好快， 我揀的飲品都好好飲，唔落糖都好夠莓果味 有3片原片的奇異果

是日同同事去試下呢間餐廳名很特別的餐廳 幸好12:00放飯，否則都難坐到卡位 好窩心坤職員將浸左熱水的筷子比我地 食物款式有好多款，有麵，飯，小食等等 QR code order, 花多眼亂唔知點邊款好 呢度出名花膠同雞， 我點左個沙薑雞米線，番茄木瓜湯底 幾大碗，清清地 啲雞幾新鮮入味 下次可以再食其他款

這間餐廳在楊屋道街市對面，但食飯的途中有好多蒼蠅🪰，有點影響食慾 當日星期日lunch時段惠顧，環境跟尖沙咀分唔不同，有熱氣球，而且樓底高 幾好坐，坐在窗邊卡位 食物款式多 朋友點的饅魚便當🍱份量少，佢係女仔都食唔飽 我的主菜係泰式串燒配炒飯，好大份，味濃，飯粒分明 餐前湯品可選中式或西式，上次試過西湯好重薑味，今次揀中式燉湯，足料好味 前菜類似四喜烤夫，味道偏咸，有腐皮，雲耳，素肉 飲品可選凍熱特飲，咸檸檬蜜味道不錯 服務態度一般，下次想去返尖沙咀分店 價錢唔算平，多數啲set $98-118,再加一服務費

同朋友好耐無見,相約到呢間餐廳
好容易搵到,但餐廳音樂比較大聲,
環境幽暗,有情調
揀好食咩要先到收銀處比錢,然後返埋位等食
我地叫左好多野食,
呢兩支飲品打卡岩晒,我飲右邊果支Rose Lemonade酸酸甜甜,很不錯
黑松露醬薯條整體幾好味,仲有好多芝士

把刀幾有趣,用佢黎切豬鞍真係唔駛點用力就好容易切得到豬鞍真係好厚身, juicy, 非常嫩口,好滿意,伴菜的紅菜頭也也不錯 煙三文魚pizza係薄脆批,賣相靚,口感也不錯

當日同朋友兩人12:45去到餐廳食個chill lunch 今次係第三次黎喇😍😍😍證明真係值得一吃再吃架 Outdoor只有4張枱，想霸個靚位要睇彩數 去到1:15左右就坐滿晒喇 當日心情唔太好，睇到藍天白雲的維港靚景 所有煩惱也一掃而空 其中一個職員佢本身係「英文人」，但佢講雞翼、睇住好熱，佢講得好純正呀 學廣東話好有前途呀 叫左一個火箭菜pizza，一客雞翼，兩杯水果系列飲品 個雞翼類似炸雞翼，少少辣好香口呀！ Pizza好大個好抵食架，又足料，口感好唔錯 每次都會order 朋友飲椰子🥥，我飲嘅草莓由頂到底都有好多草莓果肉，唔會好甜 真係值得一試呀！

當日係星期6, 最近好多餐廳都休業,或者只做外賣,

友人11:00am左右開始等,估唔到要等到12:30pm先有位~

第一次幫襯呢間分店,比起黃大仙果間就腳好多,出左地鐵站轉個彎,行多2分鐘都唔駛就到了

香港人真係好中意排隊等位食壽司呀 當日芭菲減價$22,即使果日凍,唔係好想食凍野,

但都係無阻我去食呀魔鬼又打敗了天使~~ 當日迴轉帶相對無咩壽司...其實疫情期間,都係即叫即做比較衛生,
萬一有客人對住迴轉帶咳,咁d食物就出事了....保障返客人係好事 當日order第一輪,試左真.墨魚汁拌麵,真係好唔錯,又有好多蟹籽, 我都係第1次在呢道食麵類,口感唔錯,唔會好咸,墨魚的口感相當好~

黃金脆薯$12 好抵食,好大份,而且好新鮮,沙律醬似係千島醬?份量都好多呀!
炙燒芝士三文魚腩是我的最愛,真係每次都會order!! 蝦三味 好抵食,而且好新鮮~ 黑色碟的原條海饅相當吸引,友人教我可以mix其他壽司同甜品蛋糕一齊食, 真係相當之特別,我都覺得饅魚係可以當甜品咁樣一齊食 尤其係梳乎里饅魚呀!一食落口就即溶,公公婆婆無牙力都可以照樣食得到~空氣感真係好強
天婦羅蟹腳壽司,好大隻~好少可以食到天婦羅蟹腳!都幾特別! 吞拿魚碎軍艦我平時好少食,但黎到呢度,點都要食下出名的鮮味吞拿魚~好食!! 茶碗蒸一如以往咁大碗又好多料,有菇,雞肉,蟹棒,帆立貝,又有濃濃的雞湯味,好滑 忘了前面呢碟叫咩名,但幾好味
期間限定的炸蔥赤蝦壽司,忘了真正個名~真係好濃烈的炸蔥,再配上淡淡的蝦味,呢款下次有機會都想再食 開頭上菜的惠方卷,完全包到散晒...我朋友叫職員過來,比佢睇下, 職員叫廚房再即刻整返新的一碟,再親自拎出黎比我地食
甜甜地,唔點豉油食已經好好味,仲有麻油香味tim!
第2個胃正式打開的甜品時間 巴斯克烤芝士蛋糕 cream比想像中大呀,酸酸甜甜的口感,再配上綠茶真係一流

綠茶蕨餅芭菲 我次次黎呢道都係食綠茶款,可惜撞唔到有期間限定的白桃款,否則都想試下

我地嫌綠茶粉唔夠,自己再添加
最後去到埋單時間,每人食左$170左右~飽到傻左