麻辣風雲 (荃灣)

非常多客既餐廳
原來咁好食 難怪排長龍
酸菜魚好食 又滑又嫩

自選干鍋
值得一試
非常多材料選擇


我要左蔥爆干鍋
田雞
雞軟骨
鴨腎
鮮枝竹
廣島蠔

好鐘意佢個田雞好入味
肉質彈牙
有獲氣呀！

川味美食 (佐敦)

服務差劣 員工態度極糟透

第一次黎
晏晝三點幾
店好旺
冇檯淨
得一張兩人檯近門
放左擦檯布
我問可唔可以坐
坐低之後
店員不止冇收起擦檯布
擦完另一張檯時
更直接將布再飛埋黎我張檯

我有禮貌咁問可唔可以收起兩塊布
圖入面短髮店員 只係求其張布推埋牆
其實張兩人檯已經好細
再放兩塊污糟既布係到已經好唔衛生
睇到食野都唔開胃

我再問一次可唔可以收起
短髮店員即刻好大聲問
"咁你想點呀？？"
態度極差
然後再好唔情願咁收起布

之後食物到左
每一張檯都有幾款調味料
但唯獨我張檯冇
我問店員攞時
另一個店員冇即刻攞
反而係反問我點解要
然後先比其中一款我

進食其間都會聽到店員對其他客唔禮貌
其實你幾平幾好食都冇用
咁既服務質素

****更何況我覺得完全唔好食
薯粉太淋 豬頸肉又太硬

饗kyo日本料理 (銅鑼灣)

未黎之前以為依到係走中上舒適氣氛既居酒屋。點知一個午市就打破哂既有印象
首先。佢地坐位係非常狹窄同近距離餐桌好細。放兩個定食盤都已經冇哂位
同隔離桌真係近到大家傾咩都可以聽到
差在未搭訕
所以有幾嘈可想而知午飯時間有一個餐牌係主打便當定食
有成近廿款食材選擇。都算好多下
友人要左個豚肉泡菜火鍋。
我要左鹽燒鯖魚。
個個定食都有漬物。味噌湯。餐飲同甜品
打打下既同時我先記起店員冇比甜品我地！
雖然只係兩粒雪米糰
但忘記就係忘記，壞印象。雖然午飯套餐係抵好多
但我都叫左個散叫既餐牌睇下
佢都有唔同既小食，燒物同鍋物
壽司同生魚片都好多選擇
但都係大路款式
冇特別既自家料理之下
我只加了一個螢光魷魚
前菜先上
漬物好乾好硬。只係味濃
味噌湯鐘意佢多海帶，爽甜有咬口
而且味道剛好
小食係牛肉粒加蘿蔔。
應該係用上湯煮成。牛肉軟熟有致。唔錯但整體冇特別留有印象到主菜
個火鍋有豚肉片。泡菜。椰菜金菇豆腐
個人覺得材料算新鮮清甜
但豚片就較多肥膏
泡菜太少，根本食唔到有辣味
令成煲菜淡而無味。普通到不行
我既鯖魚睇落賣相可以
但唔夠火候。皮唔算香脆肉質還算嫩既。但調味好不足
只靠豉油伴魚肉食白飯
完全冇滿足感
而且嚴重唔夠熱既菜同飯好難頂

店員小姐又好多時三催四請先會招呼你
效率唔夠而且面口非常唔討好
唔係黑面但疲態表露無遺
想客人比咩反應你？

好奇怪定食黎哂個螢光魷魚都未到
要提好多次先有
色澤唔錯。晶瑩剔透
但味道真係好好好濃烈
腥味好重其實我唔係食過好多次
只係之前試過都覺得味道獨特
但好易入口
今次真係要撈飯食先好吞

食到依到已經對依到好失望
岩岩友人生辰
知道加一蚊有個創意生日蛋糕
係壽司材料做的當我期待之際
木口木面既女店員拎住個插左枝蠟燭既蛋糕過黎
好天公不造美下燭光熄左
佢要反覆點幾次先得
周圍都眼望望
咩心情氣氛都冇哂
重有種白痴既感覺
好冇癮好快食完就走
出到門口等ＬＩＦＴ
見到好多客人既即影即有相

點解人地既創作蛋糕靚咁多＝＝
係咪要食晚市先有時間花心思照顧客人需要？！

峰景餐廳 (赤鱲角)

比起隔離排哂長龍既大家樂味千既味精食物
依到不失為一個等上機既ＨＥＡ點
環境已經掂哂
乾淨整理西式擺設
仲可以望住個落地大玻璃窗既景
一路食一路感受到休閒既氣息食物種類都唔差
係好大眾既西式早餐
多士，ＥＧＧ　ＢＥＮＥＤＩＣＴ唔少得
最後要左個香蕉ＰＡＮＣＡＫＥ賣相真係近滿分啦
估佢唔到咁多份量
一整條蕉下面有３大片班戟
灑上左糖粉同糖醬最誇張既係佢另上一小碟唔同口味既ＪＡＭ同牛油
都太齊全了吧所以未食之前係好好印象的

但當一啖放入口之後
好感就破裂哂
個ＰＡＮＣＡＫＥ食落好似隔夜再隔夜咁既口感
硬到呢．．又乾．．真係唔想食落去
友人話Ｍ記仲好食過佢
但叫左又冇理由咁浪費

唔通佢比咁多ＪＡＭ就係比我地搽勁多去催眠味蕾？
可惜質素真係太差
有靚景都冇用．．如果佢唔改善下食物質素
相信我下次再飛時唔會再見到依間餐廳

Little Burro (銅鑼灣)

早前留意到有新既墨西哥店悄悄咁進駐禮頓道既依個角落真係好靜。亦唔起眼
要多生意真係要打出名堂對墨西哥菜既印象係濃味帶辣勁
食得最多既可算係ＢＵＲＲＩＴＯ
快捷方便又飽肚
一次過滿足哂食碳水化合物。肉同菜既要求今日順路黎試一試依間新成員
十一時開門準時入黎買早餐
個靚仔外國店員仲岩岩先開緊冷氣
但都好快打左招呼
再比張餐牌我

其實得幾樣野簡
四步曲要左ＢＵＲＲＩＴＯ
豚肉。扁豆夾煙肉再加ＳＡＬＳＡ
將外地既材料講番做中文係冇咁有靈魂
大家可以睇番圖中英文餐牌

我有問到兩種ＳＡＬＳＡ有咩唔同
店員都好親切咁解釋
落左柯打後就慢慢再欣賞入面既設計
雖然地方唔大但都係有心思包裝過顏色好鮮豔。亦有熱帶風情
開放式廚房
睇住佢地切生菜。加餡料冇幾耐就包好到個牛皮紙袋比我外賣左十分鐘之後先食
但都比我想像中快凍
冰冰的扣左唔少滋味撕走貼紙。打開錫箔紙
餅皮白白的。前後以扭轉方式封口要食左一大片冇餡既皮先見到綠色既飯
唔係咁貼心可以話頭幾啖就已經判左死刑
點解可以啖到咁
材料話有芝士。酸忌廉，ＳＡＬＳＡ醬
但食唔到芝士。其他調味都唔見得有帶起味道
雖然綠色既飯粒係特別而且有新鮮感
但味道同賣相不相乎
有咁鮮豔既顏色但又啖而無味只有咬到中段有多些豬肉同扁豆先叫味蕾有番安慰
冇我期待既香口惹味真失望
唯一好既係肉類同豆都份量多
加重左口感
但說好了的芝士同煙肉就唔見左
只係滿足左胃既空間但滿足唔到味蕾