星期三下晝兩點左右去到門口有兩個排緊，等咗一分鐘左右有得搭枱。四人卡位枱面中間有膠板，面對面都冇問題。 揀咗粗麵配牛小腸、魷魚、牛肉餅，好快有得食。第一次食冇加辣試原味，麵一般，配料新鮮好味，尤其牛腸配枱面樽辣油真係正。 要搵檔車仔麵又好食又企理真係唔易，呢間值得再試👌🏾

睇返其他食評至知原來一向服務都咁差，唔知係店特色定係咁啱都係幫我收銀個女職員（睇樣二十至三十中左右）。入去落幾杯嘢全程木口木面一句都冇應過，剩係到最尾講幾錢，當然多謝都冇句。其實我唔係要妳娛樂我，不過人類係應該有基本禮貌嘅。
我自己叫嗰杯係仙草奶茶，冇茶味。冇揀少冰少甜（職員亦冇其他大部份店咁問使唔使揀）但杯嘢入面都冇乜冰同啲奶水係冇甜味。可能原本冇咁差，係諗起嗰個職員個樣至影響晒。

由佢開舖以嚟都幫襯咗幾次，由於座位有限，堂食只係試過一兩次，其餘都係外賣多。開頭感覺佢哋幾有熱誠，食物味道同食材質素都唔差，配菜又豐富，連啲餐具同包裝都有一定品質，加上好多時負責落單同收錢嗰個瘦瘦咃嘅後生仔好好禮貌，所以次次買外賣要等好耐我都會幫襯，通常都會點返佢個豬軟骨。

但自從唔知幾時換咗個高高哋眼細細嘅肥仔喺門口之後，成個感覺就唔同晒。我買兩個便當叫飲品，佢一句dut埋嚟：「凍定熱呀？下次早啲講吖！」開頭我都當佢扮友善但個格配合唔到所以效果有所偏差，咁就照幫襯算。之後有個婆婆好聲好氣問佢：「XX（佢外賣號碼）仲未有嘅？」肥仔答佢：「未有咪未有囉！」我唔知佢係老細覺得自己生意做唔切所以可以咁對客人，抑或係伙記喺度幫自己老細趕客等自己做少啲，但係之前對呢間舖嘅良好感覺真係因為佢一個而蕩然無存。

行過口渴諗住買杯黑糖波霸，個女職員戴住口罩都見到黑口黑面，向佢落單好似聽唔到咁，一啲做人基本禮貌都冇，唔好計服務性行業。未飲都經已對間舖印象大打折扣。
平心而論杯嘢又唔算係我飲過最難飲嗰杯，珍珠口感係正常嘅，不過味道除咗甜味之外乜都冇，不過難飲都飲咗半杯至掉，因為真係好口渴。

睇返其他食評至知原來唔係我一個有咁感覺。講真靠做街坊生意，咁態度可以做咁耐，都幾出奇。

This is my second visit here.  it's about 3 in the afternoon on a saturday and the whole shop's filled with shoppers and staff from the nearby offices.  the queue for ordering food wasn't long though and there were still seats outside, so i grabbed a sandwich and a salad to eat outside.

i picked a smoked turkey and brie sandwich and a small salad, and 2 cups of coffee.  the ingrediants of the sandwich were fresh enough and tasted good.  a little more cheese would have made the whole thing a little better for me though.

there's not much to say about the salad: fresh veggies, 4 choices, and the portion wasn't really that small.

my cup of lattewent pretty good with the food.  it didn't have a strong aroma and tasted kind of mild.

之前見到ig中有關這店的照片，一直想到這裡一試。這天早起便到壹環；店子座位不多，十二點左右到來已只剩下四個位。可能由於未算太多顧客，店員都沒主動招待。不過這更好，樂得坐下慢慢看著週遭環境，研究完餐牌然後才點菜。

點菜是先購票然後有店員上菜。我們一行二人點了一客all day green breakfast，材料都是一般的焗豆、沙律、菇，另外有加上芝士的薯蓉和蕃茄。食物溫度和味道都很好，不過始終是全素，男人吃的話可能會不夠飽。

另外點了一客捲心菜蘋果沙律，材料新鮮，味道也調得很好，不過略為太多了點汁。

蘋果熱情果smoothie就覺得比較失色，感覺上只像果汁。

原本想點杯latte一試，不過店員稱咖啡機壞了，還是留待下午茶在the petit cafe再喝吧。

呢間同紅磡已結業嗰間唔知有冇關連，先前食過一次午飯，印象都唔錯。

到咗上星期想食西餐，於是預早打電話訂定枱先。接電話嘅職員好有禮貌，第一感覺唔錯。到咗星期五晚出到去，見到店入面原來都係坐得一半滿左右，不過因為店嘅位唔多，所以好彩六個人訂咗位先。

本人點咗個生蠔晚餐，有兩隻生蠔，食落都新鮮。加二十蚊轉龍蝦湯，個湯都夠濃。主菜要羊架五成熟。羊只得兩件，比紅磡店午飯份量少一件。同埋咬到近骨位咬極都咬唔開。全餐覺得最好食都仲係個單叫嘅包。另外一齊食嘅叫咗件牛扒，切開好多筋食唔到。

當晚平均每人三百蚊以上，個人覺得真係唔係好值。希望食物水準可以提升返啲，如果唔係見到佢星期五晚都得啲熟客，恐怕唔係咁易捱得住。

呢度裝修正相信大家都知，所以唔再擺相。但嚟呢度，真係要有心理準備，係剩係食裝修。

食物方面，唔止上菜慢，係連收錢都慢。我去到時係星期六晚八點幾，全場都係坐滿一半左右，但去點菜時由於佢哋係用一部細細部接收器畀客人坐返埋位等通知，而啲接收器係返唔切，所以我去到時有兩個人左右要企喺度等到有機返至點得嘢。

頭先話上菜其實都唔多啱，因為係自取，食完都係自己攞返個兜出去畀佢收。呢啲我係完全冇問題嘅，美國大部份快餐店都係咁。我點咗一個parma ham salad, 一件朱古力牛奶多士，一杯latte，一杯蜜桃綠茶。個沙律份量唔多，但味道還可以，因為菜新鮮，但件多士就真係完全唔合格，一切落去經已係韌到切唔開，食落去唔好話脆，直頭食緊膠咁，應該係因為麵包唔新鮮。

我心目中，整件多士係好基本嘢，呢度做唔到。

latte當然唔會及真正cafe出品，味道似mccafe嗰啲。

員工大部份對客時都好有禮貌，會提仲有幾耐收舖，有需要幫忙時亦好快手。加上裝修實在係有特色，如果食物質素能改善，呢度絕對會係我常到食店。

之前已很想試這小店，這星期六有空便乘早去希望不用排隊。到達時十二時多，剛好有最後兩個空位，結果不用排隊便可以就座了，實在十分幸運，因為才坐下不久門外便開始有人龍了，而當時氣溫是超過攝氏三十度而且極度悶熱…

雖然聽說是甜品較出名，但午飯時間還是吃正餐吧。點了一客蟹肉蟹子意粉，和一個deluxe all day breakfast。意粉在上菜時很熱，這是在咖啡店很少遇到的。份量看似不多，一般食量的我還是覺得足夠了。味道不俗，但汁實在太多，可能是為了迎合香港人口味。

另外的早餐的份量和內容和其他餐廳的相約，唯一不同是沒選用多士而是用了形狀像donut的窩夫。

點了兩杯咖啡，americano是合格的，另一杯creme brulee latte要了立體拉花，味道是不俗，立體拉花則不及allegretto，但店員會主動問是否加立體拉花，在禮貌和服務上又搶回了分數。

整體而言用餐經驗良好，午餐後已沒吃甜品的空間，唯有留待下次吧。見到旁邊店舖正在裝修，應該是在擴充營業，希望將來不用再排隊吧。

星期日行去黃埔經過呢度，懷緬已結業jingle's之餘，順便試一下新店。

卅二蚊杯雪糕揀咗原味，得隻膠杯嘅一半滿左右，入面有少少黃色嘢，應該就係蜂巢。

雪糕係soft serve，溶得快都難免，但基本上係得甜味，完全唔覺奶味。

蜂巢係少，不過杯雪糕咁細杯，再多啲蜂巢就會太甜。

老實講，真係試一次經已多咗。