新開幾天經過就試一下，曾經在深圳吃過一間叫姚的酸菜魚，不知道是不是同一間~ 不用等位就直接入座，本以為幸運，怎知是中伏的開始….. 等了很久上第一道菜水煮牛肉酸菜魚雙併，真的不明白為什麼不夠熱！第一口魚是腥的，再食又是腥的！大失所望！早知吃另一家酸菜魚吧！ 水煮牛肉也不熱，牛肉很薄，又不夠味！ 快吃完油炸鬼才上，這次是即炸夠熱不夠脆！ 甜品想食大堆頭，可惜沒有只可食普通的冰粉，還好味道正常~ 最後叫了一杯橙茉莉花茶，味道也很淡~ 總結來說，這店主打招牌酸菜魚是我食過最差的，真的不要浪費時間來，隨便去一家也比這家好吃十倍！

鐘意食火鍋程度真係好高，麻辣湯底X牛肉更加係我最愛，今次黎試下牛大人，企係門口一邊選湯底同套餐已經聞到陣火鍋味，最後揀左澳洲極上和牛($298) 既食到飽套餐。 湯底當然選擇麻辣湯，辣度可選大、中、小。 坐低後，即刻走去攞野飲，好多款冷泡茶，最後一次過攞左三款試飲：洛神花茶、白桃烏龍同埋桂花烏龍，三款都好飲夠濃夠茶味，下次要試埋其他。攞完野飲當然係去攞醬料準備開餐用。 見到有種洋蒽牛肉醬，試左用佢黎點牛肉又真係幾正。 講下牛肉先呢個餐有太多款牛肉，上腹牛五花、安格斯特選牛板腱、安格斯牛小排、手切封門柳……….(未能盡錄) ，每一款都叫左一碟試一試，之後當然係主打澳洲和牛M5牛肩卷。 澳洲和牛M5牛肩卷，牛味較重，食落有口感；另一款我食左幾次就係安格斯牛小排，雖然較腍，但入口夠油香。仲有每位送左2粒澳洲M9和牛牛丸，牛味又真係較普通牛丸重。 牛大人用app點餐，唔同配料分晒種類有埋相，除左主打食牛，試埋其他配料 海蝦(肉質夠實) 、脆肉鯇(新鮮爽脆) 、沙白(大大粒無沙) 、干貝鮮魚漿同澎湖花枝漿(鮮味口感未有想像中彈牙) 、豬五花片(唔榎帶少肥膏) 。 除左用app點配料，仲可以去自助配料凍櫃，攞蔬菜類、丸類…… 正餐食飽飽就念起甜品，侍應會遞上一張甜品紙，每人一份限定甜品，有幾款Movenpick雪糕同台中仙草凍。 見有特別甜品----台中仙草凍特色野，當然要試一試，有花生粒、紅豆、椰果、仙草，凍凍地又有不同配料甜度適中，最適合食完麻辣火鍋既結尾。

夜晚佐敦收工，搵下有咩食既期間，見到呢間個名幾特別既酒家，又見到門口特色小菜介紹，就入黎試一試。 餐牌上有個「環球三蝦祭」，就叫左其中兩個：「星洲麥皮蝦」同「法式蜂蜜芥末蝦球」。呢兩味蝦確實有驚喜，「星洲麥皮蝦」用原隻大蝦(唔係蝦仔^^)、「法式蜂蜜芥末蝦球」就用蝦球(唔係蝦粒^^)，所以食落d蝦既口感係爽口彈牙、實肉有鮮味。 雖然兩味都係蝦🦐🦐🦐但食法完全唔同。 「星洲麥皮蝦」原隻大蝦配上麥及蛋炒埋，食落口有少少奶油味又加上有麥皮既甜香，口感脆香，但記得趁熱食，放耐左麥皮就無咁脆口。 「法式蜂蜜芥末蝦球」蝦球被薄薄既炸漿包住，再配上特製既醬汁。雖然醬汁有芥末，但不會嗆喉，加上蜂蜜既甜，有種微酸帶甜既感覺。 「鮮沙薑豬手粒」豬手切成細細粒，一口一粒，特別之處係用上鮮沙薑帶出沙薑味而不是比碟沙薑醬你點，所以沙薑味更香更有新鮮感。 「神燈小炒王」除左有豬板筋、四季豆、腰果、蝦乾，仲加左馬蹄同埋油炸鬼，油炸鬼十分脆口，馬蹄又夠爽甜，而加埋少少微辣，鑊氣夠加上口感非常豐富。 「即燒古法金錢雞」傳統懷舊菜式，瘦肉、雞膶，肥豬肉串成，即叫即燒，雖然有一大舊肥肉，但配埋柚子汁後，油膩感減去，多一份甘香。值得一試既傳統懷舊菜式。 「水煮魚」較為失色既菜式，香辣味不足，使用魚塊鬆散欠鮮味。再食神燈，一樣美味

每逢初一十五我都會茹素，尖沙咀很多間素食都食過了，這間是我食得最多次的~ 餐牌選擇很多，小食🥗意粉🍝pizza🍕漢堡包🍔都有齊，最重要甜品都有好多選擇，好適合幾個女仔飲下咖啡☕️食下小食甜品🍮 今次叫咗泰式生菜包🥗all day breakfast 🍳 同埋仲有漢堡包🍔因為只得兩個人，唔敢叫得太多嘢食怕食唔晒~ 泰式生菜包味道清新，加咗香料嘅味道幾好，但係素肉略鹹~ All day breakfast 🍳 有幾款選擇，每款選擇都唔錯，每次來都唔知揀邊個好~ 最鍾意都係素肉漢堡包，仲可以加好多唔同配料，例如牛油果同埋新鮮燒菠蘿，加咗真係好味好多㗎🍍🍔🥗 飲品除咗一半嘅咖啡☕️茶🍵之外仲有好多特色沙冰🍹呢杯沙冰好好飲菠蘿加熱情果Perfectmatch，天氣咁熱啱晒🍹 總括嚟講值得推介👍🏻👍🏻👍🏻

元宵節佳節當然要食湯圓，這間芋圓店一直想試，選擇今天最適合，又可食芋圓又可食湯圓。 晚餐後還有很多人在排隊，想不到這個時勢還有這麼多人，等了十分鐘左右就到我了。 來到這店當然選擇芋圓為主角，配角選了湯圓，紅豆，珍珠，燒仙草，等了很久，終於來了，真的令我很失望 實在太貨不對版了！份量太少了，少得可憐！ 我問了一位男店員，他說相中只用小碗裝的，這個是大碗，所以看起來才少了，我說真的差很多，那你為什麼不用回你的小碗？沒答我，走開了！ 然後我又不服氣問另一位女店員，為什麼和圖片相差這麼遠，她說因為圖片拍照時放了一個架在碗內，所以把碗內的材料升高，這樣拍照會好看一點，還說圖中有九粒芋圓，不信叫我數一數，這根本就是照騙！把整碗芋圓拍得滿滿一大碗，送到桌上卻是另一回事，一碗希巴巴，得幾粒材料的糖水！ 這店我永遠不會再來！太失望了！

經過旺角女人街又俾我搵到間抵食餐廳，餐廳主打焗薯，有成十幾二十款選擇，最後揀左蟹籽蟹腳柳沙律焗薯，所用並唔係細細個薯仔而係比拳頭還要大，上面鋪滿蟹腳柳，賣相、份量同味道都性價比高。除左點主打焗薯，仲點左黑醋鮮果沙律、白酒忌廉煮蜆、芝士煙肉焗生蠔同蒜蓉牛柳粒，飲品點左杯叫Texas(紅葡萄、柚子、梳打) ，值得一提鮮果沙律用上新鮮蘋果鋪底再配上西柚同桃，食前淋上黑醋，黑醋既酸、配上生果既甜，作為餐前開胃頭盤不失為一個精明選擇。價錢方面，兩個人埋單只係二百幾，平、靚、正之選~ #CafeRetour#HKcafe#MongKokCafe#HKGoodFood

看到訂座有七折後，決定生日晚餐可以來試一下， 首先是用餐為間為1.5小時，明白多人的話唔好阻人做生意，可是當日只得幾枱客，八乘是吉枱，所以覺得有點可笑😂 第二，所謂有七折，不可點刺身併盤！不可點海鮮併盤！不可點貝類併盤！不可點和牛併盤！不可點甜品！不可點有酒精飲料，不可點一般沒酒精飲品！ 基本上會點的都沒有七折，只有麵食，小食之類才有，我來是食燒海鮮的，根本對這些沒興趣！ 然後就是一定迫我們每人一定要叫一杯飲品， 每杯飲品平均50元，兩杯加一大概100元 那麼所謂的七折我要先付飲品的100元，計完跟本沒有折，如多人的話飲品要幾百元，還要倒蝕， 被七折招徠，最後埋單卻不是那回事😡

位於Isquare 28樓，觀景和環境都很好，望住海景午餐感覺很悠閒寫意。 頭盤每人有3隻生蠔，感覺新鮮，只略咸。 由於是半自助，頭盤及甜點可以自取，但當我走向bar枱時，看到食物真的很少，很失望😞 有一盤麵包，但是硬到完全咬不到，像石頭，第一次用石頭來形容麵包😂 然後到律法，只得三款，一是青椒黃椒橄欖，二是只得生菜，三是KFC的酸菜沙律，就是這樣😔到冷盤也是選擇很少，明明上網看到有很多選擇，根本不是那回事，得南瓜蓉放在青瓜上，小杯是蛋沙律，下面是前青椒，蕃茄芝士及芝士塊😞到熱盤也只得三款，紅酒煮牛肉，稔到不似肉類😓中間是炒雜菜和炸雞，繼續失望下去😓 沒想到過是這種質素，真的很差！ 到甜點看一下有沒有想吃的，選擇真的很少又不吸引，選了杏仁餅，一點都不脆😒再試小蛋糕，又濕又甜，唉！沒心情了😰😰😰 主菜也一般，炸牛仔肉，還以爲在吃炸豬扒，又薄又硬，像吃牛肉干😂 燒羊扒的格格位置有燶味😰 買叫了春雞，除了太嚡之外沒有味道😣 説真的，環境及服務都很好，但食物質素真的很差！ 還了加價差不多$350一位，真的不值！

星期六放工就在附近食晚餐，由於食川菜的原故，口腔一直處於熱辣辣狀態，很想飯後食一些冰凍甜品 經過厚福街時，看到店舖門口的廣告都是滿滿的水果刨冰，感覺立刻清涼！ 士多啤梨，芒果和蜜瓜，真的不知道選擇那個好，士多啤梨怕太酸，還是蜜瓜比較安全，於是就叫了蜜瓜味的刨冰，可以店員説蜜瓜賣完了，只可哈蜜瓜代替，最後我改了芒果口味。 沒有想到送上枱的差別這麼大！明明圖片是滿滿的芒果肉，送來的一半芒果肉也沒有，我問店員為什麼和圖片相差這麼遠，他竟說圖片只供參考太過份了！我說你們這樣做生意不可，是騙人，他竟然說一向是這樣的！ P.s加$10的麻糬十分難食！

我很喜歡食辣，所以川菜，泰菜也是首選，這間餐館是有一次開車經過彌敦道時看到的，外觀裝修不錯，很故式故鄉的感覺，相信食物也不差，所以看完電影就前往一試。大概十點到達餐廳，一個人也沒有，可能是太夜，所以我們怕太夜阻人收工，快快食完就走
先來了干鍋豬腸，但我叫的是干鍋鵝腸，退回去了⋯⋯
香辣蝦來到立刻食一串，因為很餓了，畢竟也十時多了，先食一串，肉很霉，完全不新鮮！連急凍貨都不如，很失望！然後叫的干鍋魚雜到了，魚雜不是很多地方可以食到，圖片是滿滿的魚春吸引了我，所以非叫不可先吃一口還不錯，但第二口第三口吃真就吃出除了調味的麻辣外，魚春不是很新鮮，帶微酸，辣味也蓋不住⋯⋯這味拆骨小炒肉是最差的肉充滿油益味！肯定不是拆肉，是急凍肉切片，所以切口很整齊，一片片的，確實味道很差！我很少在食評給一星，一星代表很差了全晚最正常就是這個豬肝，只是有點乾及硬，但味道也不錯正常的白飯，加了粟米粒🌽説真的，我第一次吃到差的川菜湘菜，對於我這個嗜辣者，只要食材加了辣都一定會更惹味更美味，可是這店的食材太差，可能是過年買不到新鮮的食材吧！