pobo89 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2022-09-20
嵐山 。北海道丼 $178 。磯煮鮑魚雜錦魚生丼 $188 。雜錦壽司拼迷你牛肉烏冬 $168 。安格斯牛肉壽喜燒 $145 魚生好新鮮,好鮮甜,好足料 壽司飯同隔離鋪嵐橋一樣已經有調味 重點今日嘅海膽好正好新鮮 超creamy一啲都唔腥 揀呢間其一個原因係 就算唔食生冷野都仲有好多選擇 好似鰻魚飯、壽喜燒等等 Lunch set都幾抵食~~份量算多 最後送甜品雪糕,仲有豆腐、芝麻味可以揀 平日食開嵐橋,估唔到呢間都唔錯! 質素都高,可以encore! 評分: 味道 4 環境 4 服務 4 衛生 4 抵食 4
2022-08-31
拾肆 Juyon Omakase ▪️木 UDDO $480+ 。前菜、茶碗蒸、壽司十二貫、味噌湯、雪葩 呢度早前因疫情只做晚市 最近先開返午市,都要book咗一段時間先有位 下午1:30,得返兩邊有客人 環境唔錯但燈光偏黃,有啲暗 我同朋友都揀咗《木 UDDO》 有前菜、蟹肉茶碗蒸、壽司十二貫、味噌湯同柚子雪葩 如果想試埋刺身同料理,可以揀《花 HANA》 整體壽司種類都算多(我鍾意試多啲唔同款) 有北海道帶子、白魷魚、牡丹蝦、春子鯛、鮫鰈、地金目鯛、池魚 仲有三文魚籽、醬油漬赤身、熟成大拖羅同馬糞海膽 大拖羅就油脂唔算好多,但魚味濃郁 師傅話呢個月份仲係夏天,日本拖羅都會係咁 反而我幾鍾意呢個質感,唔會成口油、太膩 師傅俾海膽一啲都唔手軟,多到紫菜都承受唔住😂 牡丹蝦上面有燒過嘅蝦頭膏、蝦籽 用埋蝦殼粉提鮮,好香好濃 食材新鮮高質,有時令熟成魚 份量剛好,師傅時間掌握都適中 每位嘅服務態度都好好 客人少,佢哋都樂意同客人交流,幾好傾 而且午市$480性價比高,值得一試啊! 評分: 味道 4 環境 3 服務 4 衛生 4 抵食 4
2022-08-31
𝐖𝐞𝐥𝐥 𝐆𝐫𝐨𝐮𝐧𝐝 𝐂𝐨𝐟𝐟𝐞𝐞 。Iced Americano $32 銅鑼灣禮頓中心新開嘅純白風咖啡店 簡單裝修,但整體感覺舒適 由於連住另一間兒童教育中心 入面其實大概只有6-10個座位 主要以外賣咖啡為主 由台灣靚女姐姐主理,老闆應該都係台灣人 主打台灣 @coffeestopover 烘焙嘅咖啡豆 有提供意式咖啡同手沖 食物暫時只見少量袋裝pastries,未見有輕熱食 天氣熱選擇咗叫兩杯Iced Americano 入口初段口感微酸 但之後就慢慢飲到果香中和返 感覺如果叫奶啡口感應該都幾好 另外我見都有人叫matcha latte 有matcha類可以選擇 重點價錢算平,坐落係銅鑼灣一啲都唔算貴 下次係附近血拼完又多一個休息嘅空間啦 評分: 味道 4 環境 4 服務 4 衛生 4 抵食 4
2022-08-21
Grand Hyatt Steakhouse 。Chargrilled Octopus $250 。Australian Full Blood Wagyu - M9 Tenderloin $890 。Australian Wagyu - M5 Striploin $580 。Truffle Fries $90 。Vanilla Soft Ice-cream with Brownie (Free as birthday treat) 環境好典雅,好傳統嘅扒房風格 我哋被安排咗上2樓,環境再寬鬆、安靜 上菜前有任食嘅蒜蓉包 牛油同蒜蓉超多,味道超香 建議趁熱食,真係非常香脆鬆軟 平常少自己整嘅前菜叫咗燒八爪魚腳 整幾juicy但好細條,呢個價有啲貴 下次唔會再叫呢款 純種嘅M9和牛果然有佢貴嘅價值 叫咗medium,處理得非常好 牛柳肉質食落唔會好乾身,仲好嫩滑 牛味仲好濃郁,炭火嘅焦香令肉味更加濃 另一款M5西冷都係medium 外皮都係處理到焦香,但肉質仍然嫩紅 牛味同樣非常濃郁,但肥膏比想像中多! 如果預算冇咁多,建議可以揀呢款都一樣好食 呢度提供左六款醬汁客人選擇 由於第一次食有啲難揀 佢哋好貼心咁安排咗六款醬汁俾我哋試 最後最鐘意係蘑菇汁、紅酒汁 另外再加咗份松露薯條,好食鬆脆 不過好飽,其實食唔哂🤣 因為慶祝生日,佢哋仲送咗一份甜品 仲有一張即影即有相可以帶走~ 整體質素唔錯,全晚服務都好好 呢度嘅氣氛真係好啱慶祝~ 評分: 味道 4 環境 4 服務 4 衛生 4 抵食 4
2022-08-21
松藝館 ✦ 2 COURSES / Starter + Main $258 ❙ Starter ❙ 。Soft-boiled Egg, Asparagus, Truffle Shavings 。Porcini & Mushroom Soup, Truffle Shavings ❙ Main ❙ 。Australian M6 Wagyu Sirloin, Truffle Shavings +$98 。Roasted Australian M6 Wagyu Sandwiches, Truffle Mayonnaise, Truffle Shavings +$48 餐廳環境一流,大部分都望到維港海景 經常full booking,建議提早訂位 今次同朋友嚟食lunch,好彩俾咗向海嘅位 每個set都會有跟餐前麵包 仲會配埋海鹽牛油、松露牛油忌廉醬 幾鍾意松露牛油忌廉醬,好香好夾送麵包 牛肝菌濃湯好濃,份量適中 上面有幾片黑松露用嚟提升香氣 口感順滑唔會好稠厚,仲食到些少牛肝菌粒 個人覺得已經好好飲 亦係最有松露味,唔使突登加錢轉龍蝦湯🫣 溫泉蛋露筍松露 真係按字面上菜,無特別😂 澳洲M6和牛三文治做得算出色 三文治底面烘過,好重牛油味 入面仲有松露蛋黃醬同焦糖洋蔥 和牛都整得幾嫩,份量十足,啖啖和牛 加埋一齊食咗一半已經開始飽 整體餡比較碎、醬又多,會邊食邊跌 另一款主菜加錢叫咗M6和牛西冷 可以轉肉眼,不過我鍾意食西冷有多啲口感 叫咗medium,不過都快變medium well😅 但肉質還可,唔會好乾身 本身西冷唔算有好重調味 首先一定要連上面黑松露片一齊食 再要點旁邊嘅松露油先提到味,但份量得好少🥹 用完海港城coupon,相對算抵食 但真心甜品可以skip,真係好一般 普遍都係嗰2-3款 🤦🏻♀️ 將3 courses嘅錢用嚟加錢食貴價款仲好 評分: 味道 3 環境 4 服務 4 衛生 3 抵食 3
|