同事三人行到了附近的餐廳食飯，在平安夜吃了一頓頗不錯的午餐＝）
同事推薦日式煮豬排，就叫了這款了。
侍應首先端來麵鼓湯，豆腐粒很幼滑，熱但不燙口，味濃但不太咸。
日式煮豬排來了，是先炸一大片豬排，再以醬油煮好，放在碟子上，另上一碗珍珠米煮成的白飯，另有小食放在一旁。
豬排炸至橙黃色，加入雞蛋和醬油再加以烹調，把豬排的熱氣程度減至最低。放進口，一片豬排外層軟稔稔，咬下去怠到一層脆皮，最後是軟硬適中，不太老很易咬開的豬排。口感非常特別。但，如果醬油可以調較一下咸度，如果淡一些會更好！
最後是餐很甜品紅豆雪糕，十分鬆軟，入口即溶，紅豆大大顆，稔稔的甜甜的，為這個午餐寫下完美的句點，也算是我今年聖誕節最好吃的一頓飯。

值得一讚的是，上菜速度和補充熱茶的速度也很快，傳統日式陳設美輪美奐～

舊同學年尾升職加人工，一班人去左佢office附近間好彩食。

之前幫襯過好彩，除左海鮮最深印象係燒雞，今次都有點，食落都唔錯，好哂味。

我地叫左條班，真係好滑好好味，真係雞有雞味魚有魚味。

大伙兒仲點左蒸鮑魚，不過不合我口味無食，西蘭花炒帶子就合我心水，帶子好鮮甜，西蘭花都好爽脆 ^^

仲有個老火湯都好有阿媽的老火味道，湯渣都比我地清哂

埋單1人70蚊，唔算好貴，中菜來說都ok，個場都幾靚下，仲有些古董，唔知係咪真的。

我去食壽司，當然食好最愛的三文魚啦～
男朋友就鐘意食唔同花款的，但我都係鐘意三文魚多啲

咁今次我就叫咗金三文魚，三文魚醬油漬壽司，仲有三文魚手卷～

夠瘋狂了吧^^

不過而家冇咗之前嗰啲4.5一客三文魚醬油漬壽司，同埋$3一件的三文魚壽司的超值優惠，不過而家金三文魚真係好味啲=)貴啲都抵~~

而且，無論佢貴定平，呢度啲三文魚壽司都好有水準，好鮮好厚身，正！！！

不過,如果服務快少少就好了~

今日同同學去咗PANCAKE COLOUR ，因為得三個女生，所以只叫了兩個DINNER套餐（湯＋主菜＋平咗的飲品＋甜品，只計主菜＋飲品錢，但memu上沒說明），一份小食，加一杯飲品。

首先叫了一客焗豬扖飯，龍蝦汁海鮮飯，炸雞軟骨，餐湯是忌廉湯，甜品是紅茶啫喱。
忌廉湯：暖暖地，一啲都唔熱。湯呈淺橙色但入口只有粟米及很淡的蝦味。
焗豬扖飯：ｏｋ好味。豬扖可以軟身啲。
龍蝦汁海鮮飯：海鮮有青口（芝士同青口啲肉分開咗，芝士硬硬地），大大隻帶子，八爪魚（賣相好似雪藏的）。豬扖飯好味啲
炸雞軟骨：啲骨好難咬開，好多油，可以講得上難食。
紅茶啫喱：淡香紅茶味，開頭因茶味而喜，但感到太淡，不夠甜
柚子梳打：好飲

時間限定：個半鐘之內要食完，一定最少叫一個dinner set
環境:好靚

三個女生是吃不完這些餸菜的：ｐ

彩晶軒係我公司的飯堂，如果有任何比較重要日子，如同事離職，生日，入職，或者老細請食飯，都會去彩晶軒食lunch
昨日因為同事last day，所以中午去咗呢度食
最好味的是皮薄而白雪雪的叉燒腸，叉燒半肥瘦，好易咬開
仲有蝦蛟，大大隻蝦，又爽又新鮮，啲皮又唔易破～
而雞扎就係用雞，以瓜同筍取代火腿、芋頭，雖然可以照顧老人家飯食清淡的健康目的，但倒希望能提供懷舊原裝的雞扎......
同事叫了兩大碗南瓜粥，最初還害怕會吃不完，誰知成了搶手貨，到最後更加「照鏡」！原因只得一個，就是南瓜的香甜融入白粥中，淡淡的清甜在夏日不會太膩，感覺剛剛好

已約定下回同事生日，一定要再去彩晶軒！

星期六放工去飲下午茶，近近地去尖沙咀彩雲軒，都幾多人，等成三個字先有位。

叫了幾款常吃的點心，還有叫了炒蜆同炒蟶子，炒蜆有大牌檔味道，蜆都大隻，沒什麼沙，而蟶子味道鮮甜，20蚊6隻算扺食。

點心方面，燒賣大大粒，蝦肉佔左粒燒賣成一半，奶皇飽流沙流到出呢，叉燒飽都係用大大粒叉燒，唔係叉燒碎，值得推介係魷魚鬚，我係記得好細個樓下間茶樓有魷魚鬚食，去親飲茶都叫，不過有時凍左就好淋，今次叫呢碟真係又爽身又係即炸起，咬起呢而且仲好煙韌!仲有叫左碟叉燒腸，腸粉就好滑，但叉燒份量就唔算好多。

食完點心，一人一個椰皇燉雪蛤，又香又甜又滑，9蚊一個真係好抵。

原本同同事去食午餐
人家都叫了麵～
等到一點半也還未上菜就去催
隨即聽到打面團的聲音=_="
之後到1:45先上菜
仲要係有一個同事上錯了豬排做餃子
結果用了十五分鐘食完...
碗麵其實幾OK，幾彈牙，都幾有口感，
同外面一般麵店相比，
味道也算中上
而價錢也相宜。

今日同同事們去開荃灣嗰頭，地頭蟲話如心廣開咗間新野，而我地為求新鮮感當然要去試吓啦，行完街就去咗如心廣場間V Cuisine食lunch啦～

入到去V Cuisine，見到裝潢好別緻，四周掛咗好多閃令令的吊飾、京劇戲服同油畫做裝飾，舗面唔算大，但係好有中國feel～

首先我地叫咗蝦餃，啲皮好透明，好薄，入面啲蝦又爽又彈牙，好鮮味。佢地個小蒸籠裝住，好得意～

仲有我最愛的燒賣，同我平時食開唔同，佢係用墨魚魚子鋪上面，大大粒燒賣好滿足^^，仲有啲肉好有口感，一啲都唔肥膩～

特別推介酥皮蛋撻，酥皮好鬆化，仲有好香的奶味，啲蛋好幼滑，好正～

下次去開荃灣我都要再去食多次～

因為同事LAST DAY
所以同一班同事去咗上樓食晚餐
首先叫咗紅燒獅子頭，因為五十零蚊加一蚊送雞絲粉皮
紅燒獅子頭太粉，冇咩肉質感
有些失望
但雞絲粉皮都幾好味
涷食加花生醬味撈勻味道啱啱好，好特別。
跟住食咗小籠包
啲湯好多^^好好味~
仲叫咗酒釀丸子，甜度適中，唔錯～
還有高力豆沙
但豆沙不夠甜，味道略淡～
而場地方面，我們五個人坐在中間卡位，但旁邊的燈吸引了很多蚊子，影響食欲......
此乃美中不足之處~

老闆請食飯，來到間韓燒店子食任食晚餐
雖然是早已經訂座，卻仍要在門前等待半小時
全店最大坐是六人的座位，因此要和老闆分開坐
全店冇咩好大陣韓燒味
肉排很入味，
啲肉都好新鮮
豬肉切到好薄好易燒但又唔易爛，
整體不錯
甜品任拿，都好好味，花奶啫喱至正＝）
不過個場細咗啲
拿食物都要同好多人迫...