CherryParadise's Profile

星期五晚上好多人等位諗住好食。點知。。。- 咖喱炒大蜆：張相好靚，但碟野好削，因為啲蜆同個汁唔friend，完全唔入味，好似就咁淥熟啲蜆撈落啲汁咁，搞到啲蜆個味勁瞹昧。個汁其實算可以，撈飯食係okay, 但泰國菜來講佢又唔夠惹味。- 馬拉盞炒椰菜苗：人生第一次向九龍城食椰菜苗覺得好嫩好好食，人生第二次向呢間野食覺得又硬又老。- 鐵板蠔仔炒蛋：味道比較正常，全靠個汁，但都係偏淡，唔好諗住係大排檔個啲咁有獲氣，你只幻想佢係「健康版」蠔餅。- 蒜蓉牛油雞中翼：again, 蒜蓉同牛油同雞翼雖雞撈埋一齊但味道各自演譯。我懷疑佢用大量既蒜掩蓋啲雪味/隔夜味，啲雞翼係乾同鞋的- 椰子雞湯：again and again, 成個湯啲料都係唔入味的，個湯其實係椰汁＆雞肉＆ 菇sss＆3粒車厘茄既mixture其實唔係貴，又唔係等超耐個隻，但overall就係覺得唔值唔忿氣囉。…Read More

叫左蛋撻，波蘿包同腸仔包。麵包十分十分大個，很飽肚又夠味，X心個啲空氣包係無得比。味道是ok的可惜唔夠熱。枱面無menu所以出左鋪頭外面order啲包，俾一眾waiter阿叔取笑…Read More

頭兩篇食評都係懷住俾人揾笨後既憤怒心情, 深深不憤咁寫既~今次, 係懷住不得不讚既心情泥寫既~:)個汁好麻好辣好鬼正~D雞夠晒滑!男友辣到個咀又紅又腫又痺但停唔到口, 同一時間後排臼齒咬緊一粒龍蝦丸既時候, 又擺左粒入口收左落右邊, 搞到成隻倉鼠咁~我就鍾意白魚蛋, 勁有魚味又彈牙!!食完大部份雞後加湯變火鍋。呢個時候一定要叫D好索味既冬瓜片同烏冬, D冬瓜好辣既同時仲KEEP住D清甜味!飲品仲要係任攞任飲!!今時今日呢D鋪頭去邊到揾呀~D阿姐笑笑口勁好SERVICE, 係咁叫你攞野飲, 幫你執枱同主動加湯~同D熟客有傾有笑咁。話說我地去到既時候無位要等, 同男朋友攞左飛後猶豫等唔等好呢?正同人吹水既阿姐(似係事頭婆?)就叫我地坐下先啦~隨便攞野飲下先啦~我地笑問咁都得~佢話係呀~我地飲左唔食都無所謂, 下次再食咪得囉~咁鬼豪氣我點會唔幫襯你??:) 飽到顛左埋單都係264咋!屋苑食肆, 食到好味辣雞煲, 仲食出好濃既人情味~臨尾先發現唔記得叫魚皮!!! 下次一定要試下麻辣炸魚皮!…Read More

依家好多小食店都以食物質素、湯底做招徠，有很多做得很成功，有的魚目混珠。又一個星期六長週後的LUNCH, 又一次為左慰勞自己上OPENRICE揾間有好評 既小店泥試下。入到去鋪頭細細但裝修好舒服，陳設很精緻，廚房設備可以用精密泥形容。但依家諗返起, 由中環走到灣仔, $4 既車錢, 深深咁覺得蝕到入肉。因為D面其實無D相影得咁好食。因為個湯底其實完全唔夠味( 枉佢以呢個湯底做賣點, 比阿媽偷工減料翻煲既湯更無味)。因為佢D火腿, 攞去茶餐廳做腿治都唔夠。一個SET, 我一個女仔竟然連佢點綴個兩條小小的菜都食埋都係覺得好空虛。成舊水一個面。想當初點解我唔去再興食兩個燒味飯呢? 食水深得泥好食, 鋪頭UP DUP得泥食得飽丫。在此提醒D為左食餐好既打工仔，可以慳返D時間唔使行咁入揾呢間野。…Read More

12點半等左九個字先有位, 叫左野食成2點半先有野食, 幾好食都係假的。滑蛋係好滑; 但30小時炆牛幾舊幾水得個「稔」字毫無味道實在叫人流淚。更加唔使講D野飲...尤其係因為等左咁耐...尤其係因為遲我地起碼半粒鐘先入座既其他兩枱顧客叫左同我地一樣既野食都可以比我地早15 分鐘有得食!WAITER係咁SAY SORRY, 但好好的星期六午飯乜穩都無晒。結果食左半粒鐘就閃人!諗諗下....係啦!佢仲俾少個沙律我添呀!激鬼氣! 但我已經向完全無同佢追ORDER 既心情下走人!!:(…Read More