HappyLoSoDuck的个人专页

又到星期一,又到糧尾,之前來過貪佢靜靜地,又有平平地午市一人鍋,今日諗住來食多次。點知來到門口真係有驚喜,居然做埋買一送一,今次真係糧尾恩物好，就食豪D,叫個$75手切牛肉,又可以自選湯底,跟住出去雪柜拎一支飲品+自助醬汁,再睇定陣間食咩甜品,真係好忙食物到,牛肉6片,係薄咗D又少咗D,但什菜籃都唔少嘢,應有盡有,仲跟個自選麵底,咁食法,好多其它區舊同事會睇唔過眼以為食得好豪華甜品要咗個芭菲,真係唔食得都睇得,個樣好呀引,其實佢抺荼味都幾濃,加埋D脆米好夾,係D cream多咗少少個人唔太like最最最後高潮到,埋單兩位只收$90,我同朋友即刻嘩一聲,二人食都唔駛一百,真係以為食緊茶記定麥記後話：諗住趁佢今個月仲有優惠帶多D人去食多次,點知未到二樓樓梯已見幾十人係度等,所以要平、靚、正機會只有一次…查看更多

每次好想食burger都會諗起來Burgeroom,不過今次之後,要再發掘下其它店先今年疫情後第一次來(可能我都唔係咁鐘意食burger),來到照舊行去收銀落order,點知原來佢改咗先坐低,後用QR Code落單。好又係照舊classic burger+薯條+冰茶。咁見佢好似改咗有人serve,所以都唔好意思自己起身去唧定茄汁等食,一於等食物到先。有得食,見個樣就好似冇咩點變,係薯條好似唔同咗冇連皮杯冰茶都係差不多。不過個漢堡舊肉好似冇咩味,D醬汁又少咗好多:(,食落就變咗太乾,好彩個包就仲暖同幾軟。到食薯條,本來都唔錯,但係最出事係跟來D茄汁,應該係換咗一隻唔係果D咩大路牌子,食落好酸又冇茄味,茄汁係食薯條靈魂,咁搞法又點會想再食好啦帶住少少失望咁食完去埋單,諗住見佢幾年都冇加過價算係咁,點知原來依家會收加一服務費,即變相加價。結論：lunch hour都唔多人係有原因…查看更多

見有雜誌介紹，睇到晚市個餐好似幾吸引，咁第一次就試咗佢個set lunch先，好味就可以再去食佢個晚餐，午市套餐都幾多款式，唔介紹自己睇坐低見到隔離枱個小菜好似幾得，問下原來係雞翼香鍋，睇介紹佢地自己都推介必食香鍋，咁我就叫咗碟牛肉香鍋先名就叫香鍋，其實都係用碟上，先食舊牛肉，超惹味，應該係孜然粉，成碟都好好味食唔停，可惜係唔太夠鑊氣，只係暖暖地。不過有樣唔明，明明話係新店，點解越坐越熱流晒汗，個冷氣好似只出風，雖然跟餐要咗罐汽水，但都不能降溫，直至埋單走人等𨋢位先開始感覺到有冷氣風，唔通店員都自知唔夠鑊氣，所以唔咁大冷氣怕D小炒太快凍…查看更多

又來“京都”搵食，一來到樓下就聽到有位阿姐好大聲話新開有九折，咁我就即係停低問一問，阿姐話5樓麻辣風雲好好味，荃灣成日都好多人等位，好又即管去試下有幾好食先一開𨋢門就見到好多張櫈，不過係未有客等位，可能我去當日太新未有咁多人知住都係先睇下lunch menu先咦，有個水煮肥牛薯粉，呢個唔係太多地方有，即刻叫個中辣再配定個凍檸茶先，可能要即時降溫送到來，個湯底好橙紅，試咗啖唔太夠花椒味唔太惹味，食落去D薯粉份量太少，夾來夾去都係芽菜同芽菜，再配幾款什菇，好彩牛肉都唔太韌唔過肥，不過我呢D食肉獸就唔夠滿足。再來要過小鍋米線，menu寫有好多配菜，米線粉量都足，配菜都係一般菜式，唔特別，如果想搵間平平地又唔駛搭枱坐，呢度都可以打下躉，慢慢咁食個lunch。本來見到佢寫有招牌酸菜魚都想搵日試，不過近期有個post係個咩群組出現，搞到個人有D亂唔知仲來唔來試好？…查看更多

夠鐘放飯，又係時候要搵食，今次搵到呢間馬來西亞嘢，諗起好耐冇食喇沙，就決定一試，睇下有咩lunch set先唔知係咪新開，員工好似都未熟店舖流程，入坐、落單又有D亂，真係要有D耐性包容下。見介紹有個煎面睇都覺好好味，可惜冇做lunch set。不過今次係一心想食喇沙，所以唔諗咁多落單先，再加杯桔仔酸梅特飲。好快送到來，就咁望就知個湯底好濃同一陣陣椰香，配上油面+米粉（即滲滲），D米粉好索係索晒湯味如果個米粉比例再多D就更好跟餐杯桔仔水就失望少少，好稀好啖，冇桔仔味又冇咩酸味，如果加錢就真係唔底飲。…查看更多

之前試過幾次用優惠券不快經歷，希望呢間連鎖店會有好D服務+品質:)呢間一向知道品質唔差，而且泰國嘢落足泰式香料都幾難唔好食最婜要都係睇咗餐牌先，有冇set lunch啱口味又價錢公道先叫咗一個泰式米粉，因為要夠一百先可以用優惠券，所以飲品就加$6要珍珠，剛好用一張（利申：做人要精打細算）不過呢碗粉真係份量超少，兩柱就食完，湯水又唔太滾，仲有牛肉牛丸都係一般貨仔，好彩有券落樓先六十零蚊，當食環境冇咁肉赤另一款set有埋前菜，主菜好似有誠意D，例牌我要咗沙律前菜，冇咩驚喜，普普通通cesar salad主菜到，要咗個冬蔭功螺絲粉，一嚟到就見到好大隻虎蝦，食落啲肉好爽口都仲有少少鮮蝦味，另外仲配咗唔少款海鮮，襯個冬陰功又好惹味，不過食食下好似鹹咗少少，但可以接受，呢個要比最後跟過blueberry cheesecake，剛好中和番頭先個冬陰功味，咁就啱啱好一個完美嘅set lunch…查看更多

難得放假，一於出去搵朋友食lunch。成日聽到有公司由中環搬去鰂魚涌，今次就去下呢區睇下lunch time有幾旺。坐港鐵係太古站D出口行過去會方便好多，12點鬆D到，沿途經過好多食肆，留意到都係常見連鎖店，而且間間都好多人係門口好墟冚，唔知係等位定外賣，總之周圍都係搵食打工仔，又一搵食艱難例證。入番正題，朋友介紹話呢間set lunch d扒唔錯，咁山長水遠出到去咪食得好少少，最好係可以先book枱唔駛walk-in排。order咗就先上餐前飽，軟淋淋+牛油，好味道。要咗雞肉沙律，賣相好fresh好清新，D雞肉全瘦，cesar salad唔多醬汁，呢個前菜就係為咗準備個大main course主菜到，塊扒係用木板上，D網燒格仔望落好靚，前菜擺放好襯，先食薯條，真係要小心好熱好熱，但食一條後就停唔到口要繼續趁熱食，好香好脆。西冷其實係可以，唔可以話好好食但又唔太差，我比分會係賣相好過品質，試一次就夠。總結，其實返工區區都唔便宜，要搵平、靚、正就真係要日日出去搵食試過先知…查看更多

難得放假，又難得放寬社交限制，最可惜天公不做美，落大雨仲要係黃雨，咁最好節目就緊係全部室內活動，搵個商場有戲院有美食，好容易就過一日呢度係登食評，所以套戲就唔評論，今次揀咗我好少會選擇嘅餐廳。雖然都係有set lunch，其實價錢同香港區啲lunch差不多，不過就轉下風格試一試。睇咗餐牌先因為想食甜品，所以我食2 courses，蟹肉意粉主菜同埋拿破崙甜品，咁唔會過飽一嚟到就見到佢個蟹殼洗得好乾淨，應該所有蟹肉都已經拆曬落嚟放落啲意粉一齊煮，上面再放幾條新鮮沙律菜，食落感覺好fresh好清新，都有好濃嘅蟹肉味，但係畀我呢啲大胃王就略嫌份量少咗啲呢個拿破崙甜品都唔錯，個酥皮夠脆，如果牛油味再香啲會更好味。因為個人口味唔鍾意飲咖啡，所以跟餐就叫咗一杯凍檸蜜，只可以話一般茶餐廳貨色，不用期望朋友就貪心，一次食晒佢3 courses，首先要咗呢個羽衣甘藍沙律，朋友大讚D菜好新鮮，配油醋汁好開胃跟住呢個黑松露意粉，一送到嚟已經一陣陣黑松露味，如果鍾意食黑松露就一定要叫呢款，唔會失望，朋友又係大讚呢個色signature蛋卷，個蛋糕好軟熟，綠茶味好濃，啲cream又夠滑，如果多幾粒紅豆就會更perfect最後呢杯係朋友加錢order嘅latte，望落去就知道一定畀我嗰杯跟餐檸蜜好好多啦…查看更多

有日經過見到又有新店開張，大大個招牌寫住B&L仲以為係食beef，咁我呢D牛魔王就緊係即望下門口個餐牌，D牛扒set lunch都唔太貴，呢區來講較經濟，咁第日即係去試，又係先睇menu唔駛諗，即叫個5成西冷扒餐，是日餐湯係南瓜唔吸引，都係例牌要Caesar salad穩陣，order完上個餐前飽來到仲熱辣辣，又軟熟，點少少油醋汁，好味道個少律來到個樣都幾好，配半隻白烚蛋，D菜都好新鮮，又係唔錯終於到主菜，送到面前有一陣陣bbq味，好香，切開點解5成會咁熟，係咪塊扒太薄身，控制唔到火喉？跟住塊扒真係好薄，我諗係快餐店個牛扒早餐都厚過佢味道就。。 。可能普通貨式味道都係普通，冇驚喜。最後都係果句，食完唔會掛住想來多次，咁應該明白點解…查看更多

疫情關係，舊年WFH差不多有半年，多咗時間睇午間電視節目，成日見到Ricky師傅好用心咁煮好多好美味食物，但知佢一向係高級西廚，我D一介草民又點會去。點知最近有個飲食節目，就係去咗佢間餐廳，原來祥仔師傅轉咗style，做番本土少少，價錢多D人可接受高級快餐，所以決定去試節目中介紹應該係佢最得意菜式之一，脆脆豬扒飯同兩日兩夜羅宋湯。先睇menulunch menu專屬信用咭優惠menutea menu其實都係因為信用咭做推廣，所以一定係叫$148快餐點解叫快餐，因為落order後唔駛幾分鐘，個羅宋湯就到，真係快過快餐店，不過。。。叫得做兩日兩夜，咁不奇然幻想佢會係好杰好濃沃蕃茄湯底，點知潷一羹來試，超失望，稀lei lei，估計可能噚晚唔記得睇火太杰唔夠賣，溝咗水(利申純粹亂翕)，好淡。湯都未飲完，主菜就到，豬扒同飯分碟上，好處係唔怕浸淋塊豬扒，切開睇下先都幾淋身又好厚肉，但一切就皮肉分開，同張廣告相差咁遠，又少咗D蔥花响面，算啦，因為。。。最重要一樣，明明呢度寫住係“炒飯”，但點解我呢碟係白飯黎？個廣告嚴重誤導另一主菜Carbonara，見到得隻碟大，仲諗住份量咁少架，不過食落芝士白汁好重手，個汁好足料，加埋隻溫泉蛋，食完成碟真係好飽好漏。最後店員話今日冇泡芙，轉跟蘋果金寶，一送到個賣相已經好吸引，呢個係凍食，個皮好香好酥脆，蘋果餡甜甜地，配粒士多啤梨中和番D甜，估唔到呢個最有驚喜，就算好飽都要食晒唔好嘥，呢個真係舐舐脷題外話：去到企咗係店門前，只見門口兩位店員不停傾計，雖然都係傾緊工事，但有幾位客人企正店前係咪需要比D反應問下有咩事呢？呢D唔係服務性行業應有態度咩？有客企係度成分鐘唔通可以只係望你地傾咩工事？…查看更多

因為樓上改咗點半先開，咁一般office工作就冇機會去食，唔知係咪見少個對手，所以樓下呢間最近做埋午市，需然唔係火鍋底，但係湯底有四川麻辣揀，應該都會幾惹味！唔好講咁多，一於又去盲試一坐低就已經有張點菜紙，即scan就緊係去午餐個tab都話牛魔王就緊係食雪花肥牛+蜂巢牛肚，再配養生麻辣湯米線，期待中來到即試個湯底先，熱辣辣同個麻辣好香，少少麻，少少辣，個米線索埋D麻辣好惹味，不過要小心，太大啖食落去俗親就傷身個肥牛比起樓上質素係高D，食落有牛肉香，蜂巢牛肚真係要一讚師傅個刀功，每片都薄身但個格仔又好豐富，可惜未夠焾身同入味，鍾意爽口呢個就very good:)食辣襯凍飲係常識吧，呢度有沖繩黑糖烏梅汁，好冰涼好消暑都好解渴，下次記得要少冰，因為呢杯好淡味。埋單落樓又係免加一，搵食難但做生意都好難，呢個價錢，坐得舒服，有服務，食物又唔hea，又係旺區，店主又有幾多落到袋後記：過咗十零日再去食，今次個酸梅汁跟餐送，連$8都唔收，即係又平咗…查看更多

其實個劣評唔係比食物質素，係比員工服務質素，詳見下文：仲有商場coupon就緊係趁expire前用埋唔好嘥啦，今次就來食番個葡國菜，一解冇得過大海之苦專登偷偷地提早出發，未夠一點到咗就已有堆人係度等位，咁都要拎張飛等，因為真係好想食。望下門口張menu諗定order咩先？見到兩張set menu好吸引，用埋coupon咪好底食，點知。。。等咗十零廿分鐘後就到我no.門口位店員都幾友善咁問係咪用coupon?因為食set係唔可以用，只可散叫咁好啦，等咗咁耐唔通轉場咩，邊有咁long lunch。仲有計落減券後個價錢都可接受（本來一心想來個平靚正lunch）一於入坐。諗定咗搵人落單，叫下a la carte，再搭個set，點知個店員開始冇咩禮貌話唔得，用券唔準食set，但計過明明散叫都過$100咁我只用一張咪得，原來佢地條數唔係咁計，咁我地話分枱分單囉，佢又話唔得，咁麻煩唯有叫少份set仲好再慳D第一個馬介休薯球拼墨魚球，新鮮熱辣即炸，好味，係D配醬冇咩味，點咗只係食落冇咁乾身。而薯球有薯味冇馬介休味，墨魚球就煙煙韌韌，作為前菜係好。再來咖哩牛肋肉配脆豬，個脆豬好得，真係又脆又鬆化，再加D牛油蒜蓉味，再配咖哩汁，一個字正，得果4片好似有D唔夠。而牛肋肉可以再炆淋D，個薯仔真係好好，唔會煲到散晒，實實地連咖哩汁超夾快快食完埋單返工啦，阿姐拎張單過來，見我放低coupon同咭，即刻變臉，係變黑面兼好冇禮拜咁大大力搶番本埋單簿，跟住又係好黑面咁還番張咭同單，心諗，咁唔鐘意收coupon點解要參與商場活動呀唔通用coupon就低等D？佢知唔知要真金白銀消費先換到，唔係隨街執番來用架你當我係咩人直頭白鴿眼到上頭殼頂，最衰係臨走時比我見到對熟客果種熱情款待，原來佢地係識“禮貌”就算幾好味都冇動力再回頭，就係咁解…查看更多

因為屯馬線全通，市區居民去新界又方便咗，咁即係又可以發掘多D不同餐廳，要努力寫多D食評先得今次來荃灣海天係因為聽講話佢有靚景，食物又有質素，所以趁weekend來走一轉。十點零去到點知好多人企門口，拎張飛要等成十幾張，差不多半個鐘後終於等到，入坐前知客都聲明限時個半鐘。好，入坐先。好好彩，真係安排咗張窗口枱，今日天朗氣清，對面青夜城都好清楚，見到都心礦神怡，胃口大開先睇下張點心紙見到有兩款紅米點心，睇相賣相都幾唔錯見真身，個飽皮淡粉紅幾靚，食落真係有D米香不過皮厚D，個餡秉承個名要健康，即係幾淡味紅米腸食落幾香脆，襯埋個豉油，好好味呢個黑白粉果，其實個賣相真係一般，夾起仲要皮還皮、餡還餡，雖然好味，但冇“色”所以扣分呢個芝麻芋頭糕，即炸上枱時熱辣辣，食落好香芋頭味，但個邊炸得太硬，老人家食要小心咬，仲有要趁熱食，凍咗會滲返啲油出來就成陣油益味總結，weekend想搵個舒服地方同長輩飲餐茶，之後又可以係附近幾個商場shopping下行下，好快就一日…查看更多

其實茶木係香港都開咗咁多年同咁多分店，已經好多人都去過同食過，食評都應該冇咩人會睇我仲係想寫因為唔同分店，個質素真係可以差多遠。第一唔同區價錢係會唔同，就算同區係唔同商場開，個價錢都可以唔一樣。第二同一碗牛肉麵，可以一間可以用帶軟骨部位牛肉去煮超淋，阿婆都食到，另一間又可以用超韌牛展肉，後生仔都唔會咬得開。差就唔提，等各食家自己慢慢摸索，而樂富分店係其中一間能保持質素分店台灣店就緊係食紅燒牛肉麵一來佢用我偏愛嘅粗麵，二來個牛肉煲得夠入味又淋身，三來個蘿蔔又係夠晒味，大滿足午市跟餐有呢個凍紅豆薏仁水，呢個又係必食，紅豆又甜又淋，薏米加薑好夾，夏天飲真係好消暑記得要少冰，如果唔係會太淡味。始終食set係最底。…查看更多

又搵到新嘢，今次到試個平價蒸氣海鮮餐，照舊先睇menu睇完menu，唔駛諗先來個水師提督套餐丫，唔該落單:)原來呢度係一人一爐，可以隨心所欲，識隨專便，想食乜就自己話事自己蒸自己計時水師提督好快出場，四選一揀咗蟶子皇，咁真係幾長，不過。。。瘦削咗少少，個鮮魚片薄到差不多望到對面朋友仲有少少腥，其餘蜆肉蝦都正常，三選一揀肥牛正常、什菜正常。（咦，點解冇帶子，依家寫食評先發現，冇得追究）海鮮洗得乾淨，夾雜住海鮮味D蒸氣水滴晒落下面個煲，咁差不多食完就會有專人幫你煮粥，有南瓜有芋頭再加白飯，搞下搞下，一鍋好綿南瓜芋頭粥就完成，都幾鮮甜加埋南瓜甜味，一羹一羹食食下就差不多成烹KO咗，絶唔駛加任何調味（需要重口味朋友例外）。$118免加一，埋單時一人一單自己搵收銀找數，咁又慳番計數搵散銀轉錢時間，方便晒煩忙的香港人。…查看更多