經過見唔多人就諗住即管試吓，一坐低就見到個廚房佬喺度同個水吧嘈完交氣沖沖咁走返入廚房；過咗一陣又見到同一個廚房佬走出嚟撩交嗌，成餐飯見個廚房佬三番四次咁出出入入表達不滿。Waiter過嚟幫我哋三個人落單，全程靠記唔使寫單，結果就係漏單。一杯咖啡要催三次先上；最後一個意粉等咗20分鐘都未上，再催就話漏咗單要等多10分鐘，結果15分鐘後仍然未見蹤影。我哋決定唔等走人嘅時候，個Waiter就好緊張咁再走入去廚房再催，結果就聽到個廚房佬大大聲咁話「叫佢哋走啦」。餐廳入面嗰位貌似經理嘅女人，全程無跟進顧客要求，對員工嘅疏忽，嘈交一律視而不見。淨係識得同D客喺度講英文，完全唔知佢存在嘅功能係咩。
…Read More
…Read More
