smartmcdug's Profile

夜晚見鋪頭啲丼飯poster幾吸引，價錢ok，點知入到去先話丼飯淨係for lunch，夜晚只有單點，非常失望。其實我一條友唔係太有興緻食好野，於是叫咗啲壽司，三紋魚刺身同軟殼蟹手卷就算。味道正常，無嘜驚喜驚嚇，普通料囉。…Read More

平日下晝兩點多去到，竟然無人，咁都好靜靜地食。肉骨皇梗係食肉骨茶啦。肉骨茶嗰湯好濃郁，幾好味，啲排骨勁多，不過就已經無嘜味。另外，餐廳嘅waitress同廚房都好似係印度人，我估可能係印裔新加坡人，少少特別。…Read More

三點幾去到，唔多人，見大部分人都係叫啲熱食，糖水鋪食熱食有啲奇怪。唔理咁多，叫咗個蜜瓜涼粉撈。好鬼大份，上面啲沙冰好多，食咗好耐先見到底啲蜜瓜球同涼粉。蜜瓜球好甜，涼粉就好爽。整體唔錯。…Read More

攪呢攪路，三點先去到松記，當時除咗我，只有一枱客人，廚房已經收咗爐，好彩仲有燒味飯，咁梗係揀佢最出名嘅燒鵝飯啦。唔使等太耐就有得食。燒鵝係好食嘅，但唔知係咪我太遲去到，骨多過肉，基本上啲肉唔夠我餸晒啲飯，呢度扣晒分。…Read More

3點左右先去到，都仲係唔少人，但總算有位。果時仲未食晏，好肚餓，最衰自己無做research，以為有pasta, burger之類嘅餐，點知原來得Bagel同sourdough嘅餐。有少少不似預期。最後叫咗個三文魚，牛油果sourdough,同一杯熱cappuccino，感覺一般。我見隔離叫cheesecake之類dessert，好似ok。下次有機會試下。…Read More

叫咗個廚師推介二人餐，價錢1688加埋茶錢加一，埋單1901，坦白講有啲唔值。講咗啲好野先，秘製瀨尿蝦係好食嘅，佢用黃金蝦嘅做法製，真係做到啲殼好脆，但當然瀨尿蝦嘅殼比蝦硬好多，唔可以好似食黃金蝦咁，食埋個殼。奄仔蟹都OK嘅，多膏。炒飯都OK。粉絲蒸帆立貝完全唔掂，佢只係放咗粒帶子喺個扇貝殼度，唔大粒，而且唔好食。炒蟶子味道OK，但唔大隻，份量好少。總結：唔會翻兜，完。…Read More

嗌咗串燒定食，師傅發板。我諗都等咗10-15分鐘，師傅燒咗牛舌，雞軟骨，雞腎，雞肝，青椒俾我。內臟我就一般，不過燒得ok，尤其雞肝，甘甘甜甜，幾好食，我初頭以為食緊燒蠔，問返先知係雞肝。…Read More

之前六、日黎親大圍都因為極多人排隊，所以一路都無食過。今次趁放假，終於無嘜人排隊，可以試下呢間熱門cafe。鋪頭有兩層，但無廁所，只有洗手間，如果要去廁所，要出返去右手邊嘅公厠。店內食物選擇都唔少，無揀咗佢哋出名嘅多士，最後點咗櫻花蝦味付豬軟骨茶漬丼，同招牌奶蓋咖啡。先講茶漬丼，斟咗啲茶入飯後，最好等一陣，等佢個啲脆脆腍咗少少先食會更好食。豬軟骨好腍好入味，但略嫌少咗啲，如果多一舊會更好。至於個杯招牌奶蓋咖啡，有少少酒精成份，不過真係好少，好似我唔飲酒嘅都無嘜感覺。杯野飲落完全唔似咖啡，好似飲緊杯甜品咁，我就麻麻哋。Overall，不過不失，下次可以試下其他食物。…Read More

星期日十二點左右黎到，店內唔算多人，揀咗個窗邊位坐，都算幾寫意，一陣食完仲可以去海濱長廊行下。餐牌選擇唔算太多，點咗個雞柳Risotto，幾香，好creamy，雞肉又夠多，幾好食。可以翻兜，放假又多個選擇😉…Read More

cafe分咗兩層，但地方唔大，裝修算有啲特色，但唔算美輪美奐。因為我得一丁友，所以俾咗個bar位我，坐得麻麻哋舒服。最後叫咗個冬陰功雞胸寬條麵。哇！有驚喜，好食喎。啲雞份量唔少，雖然係雞胸，但啲肉好嫩。個麵彈牙，有咬口，冬陰功汁至係靈魂！…Read More

今日原本諗住食E for egg，點知超多人排隊，果斷放棄。記得之前有friend話過油站對面嘅捌哥好食，於是走咗去試下。打開餐牌好多野都好吸引，好似串燒、咖央、魷魚蕹菜等。但得一條友，唯有叫咗個咖喱喇沙，加杯凍馬來西亞茶。可能covid中完無耐，個嗅覺仲未好返晒，食落個咖喱喇沙有啲淡，但個雞好食，對於唔食辣嘅我，辣度適中。馬來西亞茶就正正常常。今次感覺不過不失，如果下次可以約多啲人，食多啲菜就可以試真啲！…Read More