Puiyannie's Profile

-忙碌嘅上班族，都希望用最快嘅時間食完一個lunch。但食快餐唔等於要頹食，呢間漢堡包外賣店將一道料理一種風味，濃縮成一個漢堡包！🐮餐廳用料非常講究，全部牛肉都係自家製，採用100%安格斯牛肉，肉質鮮嫩多汁、肉味濃郁，牛肉油花分布均勻，口感細緻🤩麵包有烘過，外面少許香脆，裡面鬆軟，果然連細節位都一絲不苟。🖤黑松露帶子牛肉漢堡包餐配黑松露醬 (套餐跟薯餅及汽水) $104原來食burger都可以咁奢華😍餐廳將一道高級菜，濃縮成一個burger。原粒帶子外皮煎香，肉質嫩滑。黑松露醬香味十足，更可襯托出牛肉、帶子嘅香味，必食🥰💛芥末牛肉漢堡包配特製芥末醬(套餐跟薯餅及汽水) $68芥末醬係餐廳特製，保留芥末獨有嘅味道，同時無其他芥末醬咁攻鼻，略為清爽，中和牛肉膩感。🍗港式生炸雞牌 $28 (套餐+$20薯餅轉雞脾）外脆內軟，外皮有蜜糖嘅香甜味，雞肉亦保留肉汁，唔太鍾意食肉嘅🐷都推薦👍🏻🥔薯餅 同樣外脆內軟，口感豐富，食到粒粒薯仔肉，趁熱食最好味。另可安排到會，詳情請向店員查詢～…Read More

-相信好多香港人都只係經過重慶大廈門口，但無試過入去😂 🐷同好多香港人一樣，今次第一次去重慶大廈，事關聽朋友講入面有間印度餐廳嘅菜式非常好食，仲有好多名人幫襯過。🧆乳酪脆米球 $88香脆嘅脆米球入面，包裹住番石榴、薯仔蓉、各式酸辣醬等。連埋乳酪一齊食，配搭特別，味道清爽，加上係凍食，所以好開胃😋🧄蒜蓉烤餅 $35烤餅烤至薄脆，有淡淡蒜蓉香味，將咖哩鋪面一齊食，口感、味道更豐富👍🏻🫓馬來鬆餅 $45口感鬆軟煙韌，唔會太油，同樣好適合同咖哩一齊食。🌶極辣咖喱羊 $135好適合覺得標準咖哩辣度唔夠嘅人，🐷又想挑戰下😏平時食開辣嘅🐷隊友都食到，不過要飲少少凍飲🤣羊肉煮得軟稔入味，完全無羶味，配料亦非常多，包括薑絲、番茜等，咖哩嘅薑味偏濃，非常惹味🤩🥔薯仔椰菜花 $98點左濃味嘅野，當然要叫返啲蔬菜中和味蕾。呢款咖哩味較輕身，蒜香、番茜味道突出，薯仔吸收左醬汁，整體味道清新而不失惹味。🐟香烤原條鯧魚 $168見到魚身上有好多香料，以為一定會好濃味。點知原來係好香嘅鯧魚原汁原味，仲要無腥味，肉身嫩滑，外脆內軟👍🏻🌹玫瑰奶昔 $45相比其他印度餐廳，呢度嘅奶昔落左較少印度香料，所以較易入口。玫瑰味道芳香，同奶昔嘅味道比想像中夾😍🍋凍檸茶 $42🐷深入重慶大廈後有感:其實唔需要太擔心，入面南亞哥哥好熱情，問路時佢地會主動帶路，大廈入面亦有保安，都有唔少香港人。餐廳老闆仲非常熱情好客，主動關心客人係咪滿意食物質素🔥👍🏻…Read More

-🫧位於灣仔嘅呢間酒吧以洗衣機為主題，頗有玩味。店內有復古水晶燈、霓虹燈招牌等，到處都係打卡位📸 🍊CITRUS CAKE $148以TWO MOONS CALAMANSI GIN為基酒，帶有柑橘香氣，混合香港本地及東南亞的柑橘，帶有杜松子、雲杉淡淡底層風味。 再加入柚子、熱情果、柑橘，味道酸酸甜甜，果香豐富，味道清爽😍 ☕️TEA TIME $148EARL GREY GIN為主調，口感上融合左茶香、香草、花香和淡淡的木質香氣。同時亦加入苦艾酒ROSSO VERMOUTH，同埋玫瑰、柑橘，集甜酸苦於一身，味道相當有層次，鍾意花茶味酒必試👍🏻 …Read More

-🌕就快到月餅節，🐷第一次試望月嘅月餅，聽好多人都話呢間月餅好食，到底係咪真呢？今次仲有Lulu豬月餅，🐷同大家一齊開箱，睇下係咪真係咁好食先😋💛流心奶黃月餅-罐頭豬LuLu特別版套裝 (4件) $248望月今年中秋首次同LuLu豬合作，推出特別版月餅禮盒套裝，作為Lulu豬fans必須試🤩餅皮有牛油味，奶黃內餡奶味突出，流心混入咸蛋黃碎，口感、味道有層次，甜度比普遍月餅低，所以無咁易有膩感，但流心略嫌不足。💚流心抹茶月餅 (4件) $218翠綠色紙盒包裹金色禮盒，設計簡潔之中帶點奢華。餅皮牛油味比奶黃月餅更突出，內餡採用日本製抺茶，茶香甘美，餘韻悠長，甜度適中，同樣流心略嫌不足。但由於味道相當唔錯，都係值得推薦👍🏻望月今年仲推出左啲味道比較特別嘅月餅，例如流心杏仁茶月餅、流心奶茶月餅、花生醬軟心月餅等。✨️想試嘅朋友可以盡量去門市選購，因為網店好多都賣哂，但門市仲有存貨。…Read More

-咕嚕咕嚕有新搞作！知道佢地出左歌劇院系列Cocktail💫每款都好靚，好有視覺效果，就決定過黎試下佢地嘅新品😍我地仲發現佢地有新優惠同活動🤩• Happy Hour (星期六至四 16:00-21:00)第一杯 House Red / House White/ Processco /Bottle bear / Single Mix / Soft Drink 只需$10！另再享優惠價 $10/串 日式串燒• 星期二 或 四 21:00後女士免費贈 Welcome Drink 2杯• 星期四 20:00 - 22:00 Band Show💃🏻La Traviata $128 (HH)視覺效果一流，將面具放係舞台上，店員隨即點火，舞台邊金光閃閃，非常華麗✨️Cocktail以Gin為基酒，配以佛手柑利口酒、伯爵茶，整體味道清新，柑橘香調帶淡雅茶香味。🍍Happy Ending $68Mocktail，熱情果、菠蘿味道突出，再加入梳打水，充滿熱帶風情。✨️實驗室cocktail雖然係free cocktail但一啲都唔馬虎，店員注入乾冰，瞬間煙霧瀰漫💨燈光照亮燒瓶，好適合打卡🪄呢杯cocktail係🐷最鍾意嘅，以gin為基酒，酒味較濃，伯爵茶香味濃厚且帶酸酸甜甜檸檬香味，集視覺同味道於一身嘅cocktail❤️❣️Summer Memories同樣係free cocktail，Gin酒加入藍柑、菠蘿、芒果、紅石榴糖漿。營造出漸變色效果，味道偏甜。🥩日式燒牛肉 $88牛肉燒至半熟，牛味適中。蘸上生雞蛋，蛋汁增加牛肉嫩滑口感，濃郁洋蔥味道相當解膩👍🏻🐔雞皮 $15雞皮呈現鬆脆感，每一口都享受到爆脆口感。 🐚磯燒鮑魚 $20鮑魚新鮮彈牙，磯燒汁鮮香帶微甜，帶出鮑魚鮮甜海鮮味。🐟三文魚腩 $25燒至表皮香脆，肉身嫩滑有肉汁，同時富有油香味。…Read More

-茶館以木質傢俬為主調，由裝潢到擺設都古色古香，營造出寧靜舒適氛圍。店內提供多種優質茶葉任君選擇，好適合放鬆身心，品嘗好茶。🍵抹茶百兩金 $40以牛奶奶凍製成牡丹花，打卡必選😍奶凍甜度、濃度恰到好處，淋上醇厚帶回甘嘅抹茶，整體味道清新。🍫杜拜朱古力mini林明頓 $40由開心果酥皮、抹茶餅碎組成嘅香脆外皮，包裹住鬆軟嘅朱古力蛋糕，味道、口感富有層次。🫖mini鮮奶茶combo $59小朋友先做選擇，🐷全都要😏推薦俾選擇困難症嘅朋友，呢set茶可以一次過試哂3款口味，包括留香、絕色、糯香普洱😍▪︎留香: 主調為百瑞香，係帶草本植物香氣嘅烏龍茶，香醇柔和。加入牛奶，比一般奶茶更清新芳香。奶蓋鋪上乾玫瑰🌹整體香味得以昇華。▪︎絕色: 將普洱熟茶、乾燥糯米香葉混合，製作出糯香普洱☕️除左普洱茶本身嘅陳香外，仲帶有獨特嘅糯米香氣，使茶湯滋味更加豐富。加入牛奶，奶蓋上再灑上普洱茶粉，整體味道更香濃、柔和。▪︎糯香普洱: 無加入其他材料嘅糯香普洱，茶味最濃，亦最消滯解膩，鍾意普洱嘅朋友必試👍🏻🍍煙火氣 $69以鴨屎香、鳳梨、香水檸檬調製，具濃郁花香、果香，以及淡淡蜜香、烘焙香，香氣複雜且持久。氣泡茶灑上桂花，配搭新穎，極具cocktail元素。…Read More

-經過銅鑼灣，發現呢間台灣甜品過江龍，主打仙草冰品同台式飲品，夏天解暑一流！柔和燈光配上木製枱椅，裝潢走文青風格。🥭芒芒雪花冰 $148雪花冰底係牛奶味，唔會太甜。芒果醬味道酸酸甜甜，似楊枝甘露味，亦有粒粒芒果肉，同牛奶冰味道好夾。雪花冰中間有曲奇餅乾碎、杏仁片，令整體口感更豐富。🫚銷魂薑母湯 $47薑湯味道濃郁，香而不辣，相當暖胃。芋圓、芋頭球同樣極具芋頭香味，前者口感煙韌彈牙，後者軟糯鬆化，帶芋頭顆粒，推薦😍🫘相思紅豆湯 $47紅豆湯煲至微微起沙，口感綿密，帶天然紅豆香味，甜度適中。珍珠Q彈有嚼勁，另加$6一份白玉湯丸，口感柔軟有彈性，帶糯米香氣。…Read More

-好少去半山食野，經過見到呢間印度餐廳座無虛席，由廚師到樓面都係印度人，一定食到正宗印度風味，果然有驚喜😆🥗Beetroot Salad $98清甜嘅紅菜頭，配以牛油果、蕃茄、洋蔥，再加入酸酸甜甜嘅印度沙律調味汁混合，味道、口感都頗為清爽。🐑Lamb Keema quesadilla $148將融化嘅芝士，加入用印度香料烹調嘅羊肉碎內，再用粟米餅包裹住。🐷雖然唔係太鍾意餅類，但呢個的確值得一讚，首先辣度足夠🌶芝士味道唔算太突出，但令整個餡料味道變得稍為creamy，印度香料嘅孜然同羊肉味道非常夾🤩🦐Tandoori Prawns $188大蝦以多種香料醃製，當中茴香、蒜味較明顯。餐廳再將大蝦放入印度傳統土窯爐焗烤，烤完嘅大蝦依然保留肉汁，而且非常入味😍🥦Gobi manchurian pasta $138以辛辣醬汁烹調蝴蝶粉、花椰菜，味道層次豐富而且開胃。特別之處係花椰菜以炸漿包裹，炸至金黃，口感有啲似炸雞，外層酥脆，內層鬆化，推薦👍🏻🥭Desi Mango Daiquiri $98以Rum為基酒，加入芒果蓉、乳酪、青檸，再灑上甚有印度風味嘅豆蔻。味道獨特，芒果味香甜濃郁，帶豆蔻清香味，尾韻Rum酒味偏濃😋…Read More

-好少去大埔行街搵食，咁岩見到呢個街坊地段竟然有間咁靚嘅西餐廳。餐廳由外到內都以🐷最鍾意嘅深藍色作為主調，一入餐廳映入眼簾嘅係一大座水晶燈，復古裝潢令人有時光倒流嘅感覺💙 Tasting Menu $598Set Dinner $398 🐮自家製生牛肉他他將鵪鶉蛋黃加入牛肉他他攪拌後再食，肉味偏濃帶蛋香味。牛肉混入蕃茄粒、洋蔥粒、黑椒、辣椒等，味道比其他餐廳嘅生牛肉他他惹味😋 🐚三文魚籽配原隻磯煮鮑魚沙律 +$18鮑魚非常新鮮，肉厚而飽滿彈牙，帶醬油鮮甜味。灑上三文魚籽，味道更鮮美更有層次。 🦞龍蝦濃湯 +$18整個湯都有大量新鮮彈牙嘅龍蝦肉，肉質結實唔鬆散。湯底無太多嘅調味，真正原汁原味龍蝦湯，必試😍 🍄‍🟫牛肝菌野菌忌廉湯 成個湯都充滿住牛肝菌嘅香味，無添加太多香料已經香氣四溢。由於有好多牛肝菌野菌蓉，所以質感較厚身，推薦👍🏻 🧈自家製牛骨髓牛油包剛出爐嘅麵包格外鬆軟，塗上淡淡油脂香味嘅牛骨髓，香而不膩。牛骨髓帶微顆粒狀，口感豐富。 🐟西京燒比目魚 以味醂、糖等調味料煎比目魚，味道微甜開胃，帶濃厚日式風味。比目魚肉質嫩滑，保留大量肉汁、水份。雖然魚肉較厚，但食完都無膩感，推薦🤩 🐮黑松露鵝肝威靈頓牛柳切開威靈頓牛柳鬆脆嘅酥皮，包裹住濃香牛味嘅牛柳。先有鵝肝油香味，再滲出黑松露獨特香味，味道相當有層次。 💚特濃開心果麻糬杯🐷一直都對nuts嘅製品興趣不大，但見呢排好多地方都有開心果嘅製品，所以就試下係咪咁好食🤔點知一試就返唔到轉頭！開心果mousse口感軟滑細膩，開心果味非常突出，同時有陣陣甜味、奶香味。Mousse之中有脆粒、麻糬，口感層次分明。🐷同🐷隊友一致認為最出色係呢個甜品！😋🍷Sangria +$68採用紅酒、白蘭地為基調，再加入橙汁、菠蘿汁、檸檬汁、西柚汁等，整體酒味適中，偏甜易入口。 🩵Slime +$68Tiffany blue嘅外型好受女仔歡迎，椰奶加入薄荷，頗為特別，味道清新。 …Read More

-今次我地發現左觀塘工業區都有高質中菜館！張公子係以傳統粵菜、魯菜為主嘅中菜館，整個中菜館都佈滿藝術品，包括書法、水墨畫、仿石製收銀處等，裝潢雅致。🫖中國茗茶 $18/位🍋豔影蝦球 (轉帶子) $68炸皮薄而鬆脆，包裹住嫩滑嘅帶子。金黃色嘅醬汁同樣出色，以檸檬汁同沙律醬調製，賣相、味道令人食慾大增😍🐮公子牛肋排 $398唔太鍾意食肉嘅🐷都覺得好好食！餐廳將原條牛肋骨起好肉，方便客人進食。肉質香嫩油花均勻，煮至稔身入味。自家製醬汁偏甜，帶蒜味，相當解膩，所以食完成個牛肋排都唔會覺得滯🥰🍅鮮腐竹蕃茄浸菜苗 $138蕃茄湯底清甜帶微酸，非常開胃。腐竹同菜苗吸收哂蕃茄湯底味道，相當入味，整道菜式好有住家菜嘅感覺。🐟奶湯雲吞煲 $148魚湯湯底，魚味濃郁而無腥味，味道柔和鮮甜。雲吞皮薄餡靚，包住新鮮彈牙嘅大蝦，健康之選。…Read More

-德國餐主要都係食肉，🐷就唔太好肉，因為覺得好滯，不過🐷隊友話呢間嘅豬手好好食，就過黎同佢試下。點知發現豬手同脆皮腸真係好好食，餐廳嘅配菜仲好開胃，食多啲肉都唔覺得滯呀！😍餐廳外仲一架德國運過黎香港嘅啤酒車，原來德國人好鍾意一邊坐住啤酒車吹風傾偈，一邊飲啤酒。大家黎到可以同啤酒車打卡架🍻🥗羽衣甘藍柚子芒果藜麥沙律 $165羽衣甘藍碎上，加入粒粒藜麥、紫洋蔥碎、蕃茄粒，口感爽脆豐富。混入黑椒、檸檬汁等調味，完全無苦澀味。沙律上再加入新鮮彈牙嘅大蝦、酸酸甜甜嘅柚子、芒果，相當開胃😋🥓德國金裝豬牛肉脆皮腸配酸椰菜 $150脆皮腸有豬肉嫩滑嘅質感，亦帶牛肉嘅香濃肉味，相信呢個就係餐廳用兩種肉製作脆皮腸嘅原因，非常有心思😍酸椰菜唔會太酸，略帶甜味，頗為消滯，同脆皮腸嘅味道好夾呀👍🏻🐖脆皮燒豬肘配酸椰菜及脆薯角 $280豬手原隻上枱，店員俾我地影完相之後仲會幫我地切埋，好貼心呀❤️豬手外皮非常香脆，每一下咬落去都發出酥脆嘅聲音🤩肉質嫩滑，保留肉汁。除左酸椰菜之外，每枱亦有黃芥末醬，同豬手味道都好夾😋🫚Spice $78西餐嘅熱酒通常都係Mulled Wine，今次係呢度試左另一款名為Spice嘅熱酒，以Stone's Ginger Wine作為酒底，加入茉莉花茶、新鮮金桔、薑、蜜糖，薑味突出，味道偏甜帶微酸，天氣涼涼地飲返杯就最適合🥰💛Passionfruit Cooler $70熱情果香味非常突出，酒內有粒粒熱情果肉，同時加入梳打水，整體偏酸。尾韻帶蘋果甜味，令人食慾大開。…Read More

-經過旺角，發現呢間開左唔係好耐嘅甜品店，柔和燈光配上木製枱椅，裝潢走文青風格。甜品種類亦比較多，包括燉品、窩夫、果汁等。🥥楊枝甘露椰皇燉蛋白配芋圓 $62桃膠+$8 椰果+$8燉蛋白好出色，帶清香椰子味，味道清爽。芋圓嘅芋頭味突出，口感煙韌彈牙。將楊枝甘露倒入燉蛋白，芒果鮮甜而帶微酸🥭同椰子味道非常夾😋🍌香蕉雪糕窩夫 $54窩夫外脆內鬆軟，唔會太滯。焦糖香蕉配搭朱古力雪糕，整體味道有層次。🫚桂花薑湯小丸子 $28薑味濃郁，帶少許辛辣味道，桂花香味同樣突出。小丸子滑溜軟糯，推薦👍🏻🍐燉雪梨海底椰雪耳 $38天氣又凍又乾燥，最岩飲碗燉糖水滋潤下😋雪梨燉完都無酸味，雪耳大大件，燉至軟滑。整體帶果香而且唔會太甜，仲非常足料。…Read More

-第二次介紹呢間高級中菜啦！好耐冇食，又想再食😆佢地有優質嘅食材、無敵維港海景🌃好適合大時大節帶長輩黎食餐好嘅🤩 🫖茶位$20/位🥜小食$20/位 🍄羊肚菌松茸竹笙花菇燉湯 $98/位集多種鮮味食材於一身，分別有瑤柱、冬菇、羊肚菌、竹笙、菜膽等，當中竹笙大件厚身，吸收大量湯水，必試👍🏻 🦐潮式香炸蝦棗 $108蝦棗以蝦作主料，整成大棗形態嘅丸子，係象徵團圓嘅吉祥菜。蝦棗外脆內彈牙，帶鮮蝦香味。蘸上特製柑桔醬，甜中帶酸，非常開胃😋 🫑豉蒜炒三蔬 $168三蔬包括豆、青椒、涼瓜。涼瓜微甘唔會苦，青椒炒到稔身入味。呢道菜好有鑊氣，豉蒜味道香濃，一食就停唔到口啦🥰 🍜薑蔥鮑汁叉燒撈麵 $198鮑汁味道帶海鮮鮮香味，薑蔥則清新醒胃。伊麵底軟滑彈牙，掛汁入味，整體比較飽肚。 🥚生磨蛋白杏仁茶 $48/碗非常香濃嘅杏仁味，蛋白口感嫩滑似豆腐花，養生甜品。…Read More

❣️天氣凍，最岩去打邊爐😆旺角呢間潮汕火鍋店，除左打邊爐之外，仲有特色潮汕小食。裝潢懷舊，仿如置身八十年代嘅餐廳。🐮牛骨湯底 $68味道清新，帶蘿蔔、粟米清甜味，更突出食材本身味道。🥩匙仁 $98牛肩胛骨上面托著一塊嫩肉嘅中心部分，脂肪含量較高，肉質柔嫩，牛味香甜。❣️嫩肉 $68較其他牛肉厚身，更有口感。🐑蒙古羊肉片 $68肉質新鮮緊實，羊味較重，脂肪較多。🐟潮州魚蛋 $33口感彈牙，帶新鮮魚味，無腥味亦無細骨😋🐟魚册 $33起源於廣東潮汕的特色美食，由魚肉漿製作而成，將魚糜刮薄成片，包裹紅蘿蔔絲、芹菜絲，最後輕輕一卷就完成。口感豐富，味道清爽。🐔炸獅頭雞肉丸 $38由於輕輕炸過，外層微脆，帶油香味。內層雞肉較鮮嫩，有肉汁。🥬油麥菜 $23🌶醬料費用 $15@1…Read More

-假期去東涌行街，咁少過去，梗係想搵間特別嘅餐廳食晚飯🤔咁岩搵到呢間中東菜，一開始俾佢富有異國風情嘅裝潢吸引，柔和嘅燈光、牆上嘅油畫、復古嘅鏡框，餐廳各處都係打卡位🌿🍆Feta Eggplant Salad 茄子炸至外皮薄脆，肉質嫩滑且富油香味，淋上大棗糖漿、自家製薄荷醬，香甜解膩。大大片菲達芝士鋪面，味道強烈，富有鹽味。🐙Chargrilled Octopus Tenticles 八爪魚有嚼勁，唔會太難咬，以橄欖油煎至外脆內軟，加入大蒜、風乾蕃茄，非常惹味😋🦐Grilled Tiger Prawns 虎蝦新鮮嫩滑，烤到岩岩好熟，保留肉汁。蝦身上嘅調味料唔太濃味，所以食得出蝦嘅原汁原味，想要重味啲嘅朋友可以蘸檸檬大蒜醬🥰🍷MDM Mule Mulled wine變奏版，除左變成凍酒之外，仲以薑啤、波本威士忌取代紅酒。味道同樣偏甜，莓味、冬季香料茶味突出，酒味較輕👍🏻🍹Passionfruit Yakult 以新鮮熱情果汁、果肉調製，再加入益力多、檸檬汁、梳打水，甜中帶酸，開胃清新。🍚Rice Pudding With Vanilla Ice-Cream 特別嘅甜品配搭，雲尼拿雪糕有香濃雲尼拿味，仲有雲尼拿籽混入雪糕之中。米布丁帶淡淡米香，口感豐富，整體味道溫和、低甜度。…Read More