maymkm's Profile

我好鍾意食牛, 每次去食西餐都必叫就係5成熟牛扒, 但今次LUNCH帶住小朋友就叫左8成熟啦, 自己平時買扒番屋企煎, 都知道想整件好味的扒都幾難, 買件貴小小, 整衰左真係肉都赤埋,所以我通常寧願出去食好過呢度個扒都幾厚身, 幾大件, 都算好抵食, 8成熟都好霖, 好有肉汁, 不過我自己唔太喜歡面頭件牛油, 可能我唔鍾意食牛油啦, 但我仔就超LIKE 另外叫左份豬鞍, 起初都唔打算叫, 但個經理話鍾意食肉可以試下, 咁就試左, 比我想像之中超好, 冇諗過豬可以霖過牛, 個邊位仲脆卜卜架~ 超正推介等我試下搵唔搵到豬鞍, 自己又試下煎先~ …Read More

原先打算黎太子區食餃子, 好出名嗰間呢~~~ 點知見好多人排隊, 唯有試呢間.我同我媽都幾鍾意食上海菜, 而呢間經過過幾次都幾多人食下, 就試下啦我揀左酸辣面+餃子, 我媽食豬軟骨湯面, 我的酸辣湯面都OK呀, 都係正宗味道, 有酸有辣都好適中餃子就冇嗰間餃子鋪好味, 不過整體黎講都OK呀價錢都適中, 唔太貴, 但座位就比較人貼人, 可能人比較多, 用餐時間都唔會好耐, 上菜都好快, 下次多幾個人, 可以試下其它嘢…Read More

尋晚兩個人晚餐, 叫左生牛肉湯河, 無骨鳳爪, 蝦餅凍蒙生牛肉湯河賣相唔錯, 味道都好OK, 無骨鳳爪係我至愛, 辣度酸度都調得幾好, 而蝦餅凍蒙, 我就唔太鍾意個蝦餅, 口感好似有D骨咁, 差少少但大至上都OK的, 可能夜晚唔多人, 座得都舒服, 唔會太焗促…Read More

約埋三五知已一齊去聚下, 呢度算真係好唔錯~ 之前星期六, 成個場爆晒, 所以約平日黎就唔洗點等, 仲座得好舒服呀~人多左, 終於可以叫多D同人SHARE~ 今次呢個牛仔骨真係堅巨, 成個母艦咁, 食左幾件先記得影相, 味道好香, 抵食海鮮炒飯, 真係海鮮仲多過飯呀~ 同埋有種好香的調味, 唔知呢種叫咩呢? 好少食得到裡面有一個魚, 好香好滑, 可惜得一件, 每人可以SHARE少少試下慢煮豬仔骨, 個肉好霖, 但我鍾意個薯蓉多D之後仲叫左PIZZA, 沙律,  可能叫得太多肉, 真係有D飽飽不過我真係好鍾意個沙律, 見到會好開心, 可惜唔記得影相…Read More

唔經HONEST BEE, 都唔知有關抵食小店, 尋晚經HONEST BEE, 訂左幾SET壽司, 出乎意料的好味呀, 好味到我今日都想再訂黎食雖然係送貨, 但軟殼蟹都仲係脆, 三文魚好香, 我試左個軟殼蟹卷, 三文魚芝士刺身, 三文魚壽司, 三文魚腩壽司, 花之戀, 我一向都好鍾意三文魚, 所以大部份都係, 個腩好肥美, 好香, 我只係食個熱食, 都飽晒, 可能有芝士啦三文魚芝士刺身個口感唔錯, 又軟又滑的, 因為半熟, 咬一半會有D難攪, 不過係好味花之戀就冇太大驚喜, 下次可以試其它嘢…Read More

啱啱個星期日, 應朋友邀請一齊去試新嘢, 石門呢個地方, 我都係第一次去, 一向我都好鍾意食西餐, 尤其是牛扒同埋意大利飯, 一行6人, 點左6樣嘢首先先黎幾個餐包仔, 包種幾好, 好香, 不過係凍左小小, 跟住個蘑茹湯同埋洋蔥湯, 蘑茹湯超香, 好濃郁, 好快就比我哋清碟, 跟住個洋蔥湯賣相就麻麻地, 不過都係好飲之後就開始上主菜, 乳鴿意大利飯, 乳鴿燒得好香, 好有肉汁, 乳鴿雖小, 但勝在味道夠, 而個意大利飯真係令我好驚喜, 自從喺歐洲食過正宗意大利飯後, 喺香港都好難再食到, 因為香港D意大利飯已經變得好港式, 全部都”林啤啤”, 我鍾意佢的意大利飯, 好有口感, 抵讚再黎就係炭燒西冷牛, 淨係見到嗰D一格格網紋, 已經垂涎三尺, 好香好嫩, 好有肉味, 我冇點個紅酒汁, 因為我鍾意就係嗰種網燒味, 真係好正, 有種苦苦哋嘰味, 超正, $208抵食跟住到慢煮黑毛豬, 好淋, 可能我鍾意食牛多D, 所以就OK啦, 不過不失, 但我就鍾意個配菜, 黑松露薯蓉, 好香呀~~~再黎煎鱸魚, 外皮好脆, 肉好滑, 可能份量較小, 我哋6個人都係每人一小件試下, 不過下次我會再食, 可惜今次冇影相最後就係最吸引的海鮮併盤, 好大盤呀~ 成SET長腳蟹, 份量十足, 好香, 好入味, 盤下面D配菜全部都好入味~ 如果兩個人食就真係超飽喇~我哋6個人SHARE食就差唔多.餐廳環境比人有個好輕鬆的感覺, 唔會好似去酒店咁咁拘謹, 起碼講吓嘢都唔洗比人昅住嘛~~ 後話: 當日聽到隔離枱有人話個意大利飯生米, 又話個扒燶左, 我其實心理真係好想笑出口,因為正宗意大利飯就真係好似生米咁嘰口感嘛~ 同埋人哋個扒都講明係炭燒, 咁緊係會有D炭燒味啦, 唔識咪話係燶係苦囉~~ (我其實好想同隔離枱講, 不過見佢好火, 我就免得多事啦, 哈哈)…Read More

味道不錯，大大份，好抵食！！當日叫了兩個外賣送貨，鹹魚雞粒炒飯比較清淡，咖喱牛坑腩飯夠濃味，份量很大，湯沒有味精，很好下次可以試吓堂食外賣速度很快，我會再幫襯！…Read More

一向經常愛周圍搵嘢食, 食到呢一間, 確實令我呢個懶人都要寫寫食評今次來第一目的係要試試個人參醉雞煲, 但可以叫做湯, 仲要好足料, 入面有花膠, 海參, 你話保唔保~~然後再點燒嘢, 因為honey鍾意食嘛牛舌好lum, 好好味再黎個燒皇推介 魔鬼魚, 好脆口呀燒雞亦就變得普通左, 可能其它嘢太出色啦羊架, 好厚身, 但又好lum喎~魚雲, 呢個係我至愛, 個人認為唔夠辣, 可以再辣啲~~後尾再加個燒茄子真係飽到出唔到門口呀~~…Read More

好多年前已經幫襯過, 當時的環境已經被我吸引了, 但由於團購的關係, 再次令我記起有此餐廳~講到地點可算係少少唔方便, 但勝在環境清靜, 呢個係令我對sky zone加分嘅地方當日我們一行四人, 可以座近窗邊位置, 亦係我最想座嘅地方.而講到食物, 其實去之前, 有上來openrice看過, 看到幾個團購的劣評, 令我未食已經對此餐廳大大減分, 所以懷著一個超唔開心嘅心情上去.但當開始buffet的時候, 又未見有以下情況呀~ 首先冇人排隊爭食物,第二, 蠔的refill速度亦很高, 基本上我出去的時候, 都一定有得拎其次食品方面, 確實唔係太多, 但就如團購時列明的款式係一樣,對於我個人而言, 我係貴精不貴多, 所以都唔錯呀~值得一讚嘅係, 服務員好有禮貌, 因為當日有一家三口, 媽媽帶住一仔一女去食,但係個仔就非常冇禮貌, 竟然對服務員呼呼喝喝, 仲嘈喧巴閉, 但服務員面色竟然冇黑面值得加許呀~~~如果要講出唔滿意嘅地方, 可能係凍食食品唔夠凍啦, 呢樣係需要改善嘅~~不過總體而言, 我會再來呀~~~ (臨走先記得同食物影相~~ 嘻嘻~)…Read More

是日朋友生日聚餐, 餐廳環境不錯, 食物也可以啦~可惜忘了記下食品名稱~~我個人最愛炸菇, 外趣內軟, 又多汁, 好味呀~其次係巴馬火腿配蜜瓜薄餅, 甜甜哋, 還可以~意粉可能煮得唔夠耐, 硬硬哋, 但味道好野味~炸薯皮, 一份好似得三件, 唔太多~沙律菜少, 但面頭的卜卜脆很多, 不似沙律呢~~總體味道不錯, 環境清潔乾淨, 服務員充足, 不停會過來加水, 換碟等等服務~ …Read More

差~~~兩個鐘頭內, 等嘢食黎架時間, 仲長過食嘢架時間, 啲嘢等好耐都唔到, 最離譜係"芝士焗大蝦", 我由一坐低就點, 到兩個鐘後要我埋單吹先有得食, 我問個waiter, 我等咗咁耐, 入咗幾次單, 係咪等陣會出返咁多, 佢跟住答我: 唔會架喎, 只會出返人頭數.....咁你一日唔出, 咁我即係冇機會re-order啦, 係咪先~~~~ 真係好嬲, 離譜~~~佢哋仲會喺半個鐘前last order, 咁即係叫我唔洗食唓~~~講真, 又唔係好平, 咁樣等法, 我覺得有啲欺騙成份囉~~~…Read More