winkei's Profile

朋友話介紹我地佢最近常去的食堂, 地點係德福廣場一期, 九龍灣港鐵站上蓋, 好方便。餐廳名叫 [燈籠滷味], 原來係新開無耐。係門外睇左一陣餐牌時, 讚一讚在店外的職員, 有禮又熱情。餐廳採光度高, 裝修簡潔, 而且好乾淨。餐牌食物種類多, 有散叫, 有1人及2人套餐, 便當及拌麵只係$73起, 而且位於大型商場內, 真係超值。朋友成日食, 仲介紹埋我可以DOWNLOAD佢的APP, 可以儲分換食物我同朋友揀左2人餐$238 :主菜: 滷味[台灣至尊] – 雞翅膀, 黑輪條, 凍豆腐, 鳥蛋, 大豆皮, 空心菜配台灣王子麵 +$1主菜: 滷味[內在之美] – 大腸, 豬耳朵, 麻吉燒, 金針菇, 黑木耳配QQ刀削麵 + $4小食 : 甘梅香脆地瓜條飲品 : 凍台味奶茶, 阿里山黃金夕陽果茶 +$8甜品 : 燈籠芋見你(冷) + $28上菜速度好快, 難怪人流會咁多, 未到7點都坐滿人, 而且職員多, 好快手。甘梅香脆地瓜條即炸即製, 上枱時仲熱辣辣, 地瓜條好甜, 好脆口。滷味[台灣至尊] – 雞翅膀, 黑輪條, 凍豆腐, 鳥蛋, 大豆皮, 空心菜配台灣王子麵好鍾意食王子麵, 彈牙又好味。佢的湯好濃郁, 配埋咁多材料好豐富, 雞翅凍豆腐好入味, 整碗味道一流滷味[內在之美] – 大腸, 豬耳朵, 麻吉燒, 金針菇, 黑木耳配QQ刀削麵 好耐無食大腸, 好回味, 有驚喜的係麻吉燒, 入面的年糕好煙韌, 好有口感。我自已中意每啖都加小小湯, 濃郁又唔會太鹹, 好入味凍台味奶茶朋友每次黎都會飲, 奶茶好香夠回味阿里山黃金夕陽果茶 (檸檬汁, 橙汁, 綠茶)整杯飲品好醒神開胃, 味道酸酸甜甜, 又有綠茶的味道, 飲落水回香度好高燈籠芋見你(芋圓, 地瓜圓, 仙草, 芋泥, 紅豆, 紫米, 燕麥, 黑糖, 花奶)好鍾意有咁多的材料的甜品, 每款都有, 樣樣可以試得。味道唔太甜, 啱晒我和朋友。本身已好飽, 好彩一碗都夠2人份量, 飯後甜品真係必需呀 !…Read More

今晚好姊妹話搵左好地方食飯, 仲話打咭靚地方。原來今晚好姊妹book了係世貿中心的 Check in Taipei臺北棧。一入門口已見到精緻的裝修, 而且仲有數間小廂房, 問過職員, 下次光顧時可以要求, 職員會盡量安排。餐廳不論裝修, 甚至天花板的設計輝煌華麗, 打咭一流。餐廳係主打台式食物, 而且仲係精緻的台式美食。我和好姊妹點了 :蒜香三色台腸 $68以為是小食之一, 一上枱時份量相當多, 總共三款腸, 台腸簿切再煎香後加上蜜糖撈均, 每啖都好滋味, 用黎送飯好惹味肉鬆皮蛋魯肉飯 $78滿滿的肉鬆已令到整個魯肉飯加分, 我地喜歡將皮蛋弄碎撈均一齊食, 啖啖都好正, 肉粒夠滑, 還有滿滿的汁。原本戒飯的好姊妹都食左大半碗海鮮炒王子麵蛋餅 $128精緻的蛋餅未食已比我地不停影相, 趁蛋餅仲係熱時要即食, 輕輕便可切開, 一切開, 香味四溢, 打開後已見到大大隻蝦, 同埋台灣出品的王子麵, 唔好睇佢細細件, 連埋蛋餅一齊食, 都好飽肚。大蝦有5-6隻, 王子麵炒得彈牙, 味道適中, 好啱胃口開心果奶奶麻糬 $98餐牌寫明不含糯米, 用日本鮮牛乳及木薯粉製成,仲要DIY用筷子將麻糬沾滿濃香的開心果碎再切開一團團, 好玩又得意。而且入口冰涼, 凍凍的啱晒而家天氣。麻糬本身味道偏淡, 沾滿開心果碎真係一流14吋巨大酥脆扁可頌 $98第一次食扁可頌, 職員介紹係扁左牛角包咁, 扁可頌好脆亦鬆化, 配有6種台式配料, 任你配合黎食, 味道有 :  QQ麻糬粒, 特濃紅茶醬, 黑芝麻CREAM, 金鑽鳳梨餡, 台灣芋泥及OREO餅碎。配料好多, 雖然扁可頌有14吋, 但真係沾唔晒, 但好特別, 扁可頌亦好出色餐廳除左裝修, 服務亦不錯, 店員主動介紹扁可頌食法, 又主動添水, 希望下次可以坐到小廂房啦…Read More

朋友一直知我掛住首爾, 又掛住當地美食, 今晚食飯朋友揀左間充滿韓國風味的餐廳 韓大叔大排檔, 地點係九龍城, 坐港鐵宋皇臺站B3出口, 步行約3-4分鐘便到, 好方便。餐廳為每位客人送上韓式小食, 而裝修及佈置都充滿韓風, 播放著K-pop。睇睇餐牌除左韓國菜外, 原來仲有刺身, 燒物等等。無酒精飲品第二杯仲可以半價。小小店子可以有咁選擇, 好期待。我和朋友點了 :刺身 : 油甘魚刺身3片 $58三文魚刺身 5片 $58火炙紋甲魷魚壽司 (2件) $20馬刀貝壽司 (2件) $20熟蝦壽司 $20鐵板串燒 - 月見波板糖 $40鐵板串燒 - 三文魚腩 $30韓式豬五花炒年糕 $88換購醬油蟹1隻配紫菜伴飯 $88芒果梳打  $38 西柚梳打 $19 (無酒精飲品第二杯半價)刺身及壽司油甘魚及三文魚刺身都係厚切, 而且相當新鮮, 肥美可口壽司價錢唔貴, 分別 $20 (2件), $38 (2件), 比較喜歡馬刀貝, 肉質鮮甜爽口, 火炙紋甲魷魚即整, 上枱時仲聞到火炙味醬油蟹1隻配紫菜伴飯晚市可以加$88 換購醬油蟹1隻配紫菜伴飯 ! 真係超值。醬油蟹多糕, 而且唔係細隻, 朋友中意慢慢拆, 然後放入紫菜伴飯一起食, 味道唔腥, 有埋紫菜伴飯味道好夾。由於 +$88 好抵, 眼見其他枱都有ORDER, 而職員有耐性教客人如何食用, 不錯呀 !鐵板串燒月見波板糖欣賞小小店子竟然鐵板串燒有多款選擇, [月見]原來指日文「賞月」的意思。後來延伸到一顆蛋黃在料理中。上枱甚有驚喜, 除了有蛋黃在料理上, 將一片五花肉切成波板糖形狀, 再用木簽札上去燒, 香味濃郁, 用心之作。鐵板串燒 - 三文魚腩三文魚腩以S形態上枱, 三文魚皮燒得金香, 咬落去仲脆卜卜, 入口溶化, 的確好味韓式豬五花炒年糕炒年糕每次去首爾必食, 估唔到份量咁大, 豬五花薄切易入口, 肉質唔鞋, 配合炒年糕一流, 味道帶辣, 辣度適中。芒果梳打超清爽, 味道微甜, 推薦之一西柚梳打味道微酸, 易入口, 食年糕時必飲餐廳的食物選擇好多, 仲有不少小食, 煎餅, 飯卷, 人蔘雞湯, 炸雞等等......每款都好想試, 下次再叫埋其他朋友, 多D人可以ORDER 多D食物。原來LUNCH 仲有85折喎 !…Read More

觀塘駱駝漆大廈一向甚受歡迎, 除了不同食肆, 亦有不少小店進駐, 亦係觀塘區返工LUNCH熱門地點之一, 今日同事介紹一間平靚正, 連晚市都好抵食的餐廳。就係位於4樓的慢煮屋。慢煮屋好有一種家的感覺, 裝修簡單舒適, 光猛清潔。今日和同事食晚飯, 見到餐牌套餐由$52起, 午市仲有小食送，而且不設加一。我和同事點左2個套餐加1個小食真鵝肝澳洲和牛M8丼$116飲品 : 凍芒果乳酸梳打 (+$12)牛油果三文魚丼 $96飲品 : 雪糕(椰子)特飲 (+$18)小食 :  燒三文魚骨 $38用手機落單好方便, 天氣咁熱當然要杯特飲爽一下。凍芒果乳酸梳打入面有蒟蒻, 芒果乳酸味道不大甜, 職員細心地先問我地想要少甜定正常, 我地選擇了正常 (味道也不會過甜), 十分清爽雪糕(椰子)特飲職員預先問我要芒果梳打或菠蘿梳打, 我選擇菠蘿梳打, 雪糕要椰子味, 兩種味道好夾, 雪糕好快溶, 要快快食呀 !燒三文魚骨 $38燒三文魚骨十分香脆甘香, 份量也多, 眼見其他食客都有點這份小食真鵝肝澳洲和牛M8丼大大件的鵝肝, 煎得夠香易入口, 澳洲和牛份量多, 而且十分大片, 嫩滑入味。睇得出廚師的一番功夫。一啖一口, 滋味十足。還附有溫泉蛋及西瓜做飯後果, 好滿足牛油果三文魚丼色彩繽紛, 整個丼原來有大件煎香的三文魚柳及牛油果, 還有火龍果, 青瓜絲及車厘茄, 附有鮮檸檬片。三文魚柳煎香但肉質唔會鞋, 牛油果及火龍果大方地係一件件上, 而不是一片片, 性價頗高係觀塘又搵到一間用心製作食物的小店, 必定要支持支持…Read More

Team Building完左同同事慶功一下, 我地揀左好多好食評的NATA - Steak, Wine & Cocktail, 餐廳係巧明街, 只要係APM商場穿過去, 好易搵。好彩我地預先係Openrice訂座, 當日係星期四都滿座。用餐時間120分鐘, 時間十分充足。我地點了以下食物 :香草蒜片白酒煮海鮮配蒜香法包 $166炸芝士 $58慢煮牛肩胛肉 $198明太子忌廉大蝦意粉 $148三色芝士焗帶子薯蓉 $78榛子朱古力焦糖香蕉梳乎厘班戟(2件) $95飲品:Honeycomb Latte $52Yuzu Coffee Tonic $48自助落單後, 食物好快送上, 而且仲係熱辣辣。職員又肯主動換水樽, 收拾餐具。服務確實不錯。香草蒜片白酒煮海鮮配蒜香法包 $166蒜香法包有4片, 海鮮種類有蝦, 蜆, 魷魚, 帶子。配了香草蒜片煮的白酒汁, 十分香濃味甜。用黎沾上蒜蓉包, 停唔到口。價錢亦好抵 $166炸芝士 (2條Mozzarella, 6粒Cheddar) $58炸Mozzarella完全做到拉絲效果, Cheddar味道香又濃。芝士控的我地一定不能錯過。三色芝士焗帶子薯蓉 $78除左炸芝士, 三色芝士焗帶子薯蓉亦係我地心頭好, 濃濃的芝士配上香滑的薯蓉, 中間還會有帶子在內, 作為餐前小食最好不過了 慢煮牛肩胛肉 $198枱上有小火爐可以保暖或加熱, 牛肩胛肉肉質柔嫩, 口感極佳, 本身沒有調味的牛肩胛肉我喜歡加上的海鹽, 令到肉味更加突出, 加上份量也不少, 好滿足明太子忌廉大蝦意粉 $148喜歡餐廳用了新鮮的大蝦, 數量也不少, 醬汁也特別多而且味道香濃, 令到整碟意粉十分豐富榛子朱古力焦糖香蕉梳乎厘班戟(2件) $95一上枱已忍唔住打咭, 細心的擺設已加分, 梳乎厘班戟十分鬆軟, 榛子朱古力配上梳乎厘好襯, 就算咁飽都忍唔住食得晒Honeycomb Latte  $52想不到Honeycomb配上Latte, 有驚喜喎 ! 味道唔會太甜, 加上有焦糖脆脆, 甜得黎又唔會膩Yuzu Coffee Tonic $48配搭新鮮, 柚子的微酸加了Tonic, 可以帶起了味道, 最後加上咖啡, 十分清爽高質的晚餐, 令到大家十分盡興, 餐廳還有紅酒提供, 下次可以一試…Read More

放工經過灣仔見到 CHOTTO MAKI , 一於外買返去做今晚晚餐。餐廳有堂食及外賣, 眼見好多顧客都係外賣多, 等外賣期間人流也不少。係門口已有大餐牌, 入到餐廳有其他新款推介, 職員有耐性地講解新款的味道。而且款式也頗多。最後我選了以下3款:C-DRAGON (食材有 : 炸鰻魚, 炸蕃薯, 飛魚子, 蛋黃醬, 鰻魚汁) $68PHILADELPHIA (食材有 : 三文魚, 忌廉芝士, 牛油果, 飛魚子, 蛋黃醬, 鰻魚汁) $68WESTCOAST (食材有 : 碎吞拿魚, 酸黃瓜, 辣三文魚, 黑芝麻醬, 炸蒜) $58價錢大眾化, 而且係即場即製, 呢一點好有誠意。等緊外賣都見到唔少顧客入去幫襯, 應該儲了不少熟客, 職員和顧客有傾有講, 好熟悉。外賣包裝一點都唔馬虎, 精緻的外賣盒已經賞心悅目, 拎完外賣都趕住回家同家人分享。小朋友喜歡鰻魚, C-DRAGON 大卷可以比佢獨享 : C-DRAGON $68(饀料有 : 炸鰻魚, 炸蕃薯, 飛魚子, 蛋黃醬, 鰻魚汁) 炸鰻魚放係大卷上面, 加了沙律醬令到炸鰻魚味道提昇, 滿滿的飛魚子亦是小朋友最喜愛, 還有好特別的是加了炸蕃薯, 蕃薯雖然炸過, 但一點都不會油膩, 而且十分有飽肚的感覺。PHILADELPHIA $68 (饀料有 : 三文魚, 忌廉芝士, 牛油果, 飛魚子, 蛋黃醬, 鰻魚汁) 三文魚配忌廉芝士真係絕配, 忌廉芝士可以帶出了三文魚的味道, 還有我中意的牛油果, 整體性價好高WESTCOAST $58 (饀料有 : 碎吞拿魚, 酸黃瓜, 辣三文魚, 黑芝麻醬, 炸蒜) 滿滿的碎吞拿魚配了酸黃瓜原來味道好夾, 辣三文魚惹味可口, 仲有好香的黑芝麻醬及脆卜卜的炸蒜, 值得一讚呀 !…Read More

難得有朋友係英國返黎可以約到聚舊, 一於搵間舒服又特別的餐廳, 係Openrice search 到亞太中心有間 PATAIIEL餐廳, 訂座仲有9折。亞太中心係觀塘站A出口附近, 行去只係5分鐘, 而且位於3樓, 不用排隊等升降機, 直接上電梯好方便。晚餐係半自助餐形式, 睇食評已好吸引小店雖然唔大, 但有精緻的裝修, 枱上裝飾好可愛。一個Open Kitchen睇到廚師為自已準備的食物, 簡直賞心悅目。餐牌主菜共有10款, 半自助餐包括有前菜, 沙律, 冷盤, 餐湯, 飲品。除了主菜, 有驚喜係不論前菜, 沙律及冷盤都係用心製作, 白蝦, 翡翠螺及青口, 味道不俗, 擺盤用心，而且不停添加。沙律亦係我心儀之選, 款式不但多, 更用上新鮮沙律菜, 多款沙律都係親自調製味道, 用心之作, 充滿誠意。個人中意食紅菜頭沙律, 十分喜歡佢地調的汁, 好清新。當日餐湯係南瓜湯, 幼滑好味, 易入口。主菜:慢煮豬腩肉配黑松露薯蓉豬腩肉夠厚身, 用上西式的方法慢煮豬腩肉, 腩肉加上少少脂肪, 咬落去十分香口, 皮十分脆卜卜, 整體係高水準之作。    配菜有黑松露薯蓉, 西蘭花, 欣賞廚師對擺盤十分講究, 加上漂亮的食用花, 加了不少分 香煎澳洲鱸魚配甘筍薑蓉鱸魚表皮煎得香脆, 肉質夠嫩, 份量亦多, 還有營養豐富的露筍, 睇得出廚師的心思及技巧。套餐包飲品, 我地點了熱咖啡及熱檸水高質素的晚餐又點少得甜品呢, 只要加$25便有蛋糕, 侍應仲溫馨提示, 如有生日或慶祝可以免費寫字, 餐廳仲會送贈即影即有相片一張做紀念, 好窩心。難得去到一間夠寧靜舒服,而且夠乾淨, 服務又周到的餐廳。見到餐廳有單張可以有包場服務, 公司遲下要搞Team Building, 和侍應閒談下原來包場有9折, 餐廳原來仲有廂房, 可以同HR傾下…Read More

Bella Shine推出了半自助晚餐, 價錢好親民, 價錢由$158 (仲要有兒童餐), 除左主菜, 仲有沙律, 餐湯, 冷盤, 涼粉, 雪糕, 甜品, 水果及飲品。 半自助晚餐有13款, 款式算多。我和BUDDY揀 :巴馬臣芝士寶雲酥焗羊西冷 $198澳洲穀飼100日肉眼牛扒220g 配燒汁 $228一order左就即刻去拎野食, 先拎左蘑菇湯, 啖啖creamy, 熱騰騰好暖胃。冷盤有蜆, 蝦及青口, 餐廳調左個汁, 個汁微酸帶甜, 好開胃, 用黎沾海鮮好啱味。沙律位置有新鮮沙律菜, 想唔到仲有羽衣甘藍, 作為開胃菜最適合不過。甜品除左有涼粉, 仲有數款小蛋糕, 個人中意芝士蛋糕, 細細件, 一口一啖, 而且更會補充。水果方面仲有菠蘿及哈密瓜。主菜 :巴馬臣芝士寶雲酥焗羊西冷 $198羊西冷呈上時已切好一片片, 肉質好嫩好香, 一試難忘呀 ! 澳洲穀飼100日肉眼牛扒220g 配燒汁 $228我地要求5成熟, 煎得好香, 肉眼扒多汁肉味濃, 雖然有燒汁, 不沾都夠好味整頓飯性價高, 職員們會主動添水及收拾碗盤, 當晚有數枱似係熟客, 見職員會同佢地一齊傾一齊笑, 好和諧。…Read More

星期日要帶仔仔去荔枝角參加工作坊, 參加完都已中午, 平時少去荔枝角工業區諗住好難搵地方食飯, 預先係Openrice搵定資料。比我搵到係附近有一間星期日也會開的西餐廳係誠信中心, 名叫 : 孵化生活。仲可以提早係Openrice 訂座, 好方便。餐廳好近荔枝角站, 到達門口已見華麗裝修, 充滿格調, 播放輕快歌曲, 令到有好CHILL的感覺。午市有套餐, 每個套餐都包括前菜, 主菜及飲品。我地點了3個套餐 :-美國安格斯牛沙朗 (8oz)配薯條 $198-慢煮西班牙伊比利豬鞍架配焦糖蘋果 $178-烤檸檬香草燒春雞 $158-Hot Cappuccino (加配$20)-套餐包餐飲水果茶 (當日係紅柚果茶)每個套餐都包餐湯/沙律。估唔到一上枱已有驚喜,  :)泡沫蘑菇湯配充滿蒜蓉的黑法包:), 泡沫蘑菇湯已好吸引, 泡沬帶有味道, 蘑菇湯內有豐富的蘑菇粒粒, 好出色。而蒜蓉黑法包香而脆, 仔仔食得好滋味。另一選擇前菜 -  田園沙律 同樣出色, 用上新鮮沙律菜及水果, 還有NUTS。最欣賞係個沙律汁, 問過職員係自已調味, 味道清新帶甜, 開胃醒神美國安格斯牛沙朗 (8oz)配薯條 $198我們要求5成熟, 牛沙朗切好一片片, 每片牛沙朗都有豐富的油脂, 吃起上黎好香, 好嫩滑。慢煮西班牙伊比利豬鞍架配焦糖蘋果 $178仔仔食到唔停口, 因為豬鞍架雖然厚身但唔會鞋, 好易入口, 配有的汁味道好夾 烤檸檬香草燒春雞 $158上菜時還配了粗薯條, 燒春雞的雞皮燒得甘香可口, 仲有脆卜卜, 口感極佳。雞肉入味, 實在不錯 Hot Cappuccino (加配$20)其中一杯要了Hot Cappuccino, 香味濃郁而且好滑, 好滋味 水果茶 (當日係紅柚果茶)茶味濃, 帶有少少甜, 而杯底有紅柚肉, 係一杯用心製作的飲品雖然係星期日, 但都有不少食客, 順道問下職員, 原來晚市未有限時, 而且價錢又相宜,  職員仲可以比我睇埋晚市餐牌。下次同朋友聚會談心, 又多一個好選擇。…Read More

係APM睇完戲又係醫肚的時候, 同BUDDY揀左係APM商場4樓的四湯八麵餐廳, 晚餐有套餐及散叫, 睇返套餐最抵, 由$88起而且款式選擇多。餐廳光猛整潔,裝修以木色系列, 簡單舒服, 還有數張卡位, 可以自成一角。我和BUDDY選擇了最旁邊位置, 有些枱面配有橙色懷舊燈, 款式獨特。我同BUDDY 叫左2個晚市套餐,  食物會職員送上時, 職員細心說明, 甜品會稍後奉上。 :古早藥膳燉排骨手工麵 $89配小食 : 滷味雞翼配糖水 : 四季桂花雪耳糖水飲品 : +$8 轉熱桂圓紅棗茶 (可免費享用熱檸水 / 季節茶 – 當日係烏龍茶)阿嫲無骨豬手便當 $93配小食 : 沙爹豬皮蘿蔔配糖水 : 四季桂花雪耳糖水飲品 : +$12 轉無糖冷泡薄荷烏龍茶 (可免費享用熱檸水 / 季節茶 – 當日係烏龍茶)古早藥膳燉排骨手工麵 (配有燉排骨, 肉丸, 肉札)麵類有3款可選, 有台灣扁麵, 上海幼麵, 日式食拉麵。燉排骨好入味, 而且炆得好淋, 易咬又JUICY。小食 : 滷味雞翼滷水味重, 但又不會口乾, 趁熱食最滋味熱桂圓紅棗茶桂圓紅棗茶可以補血, 養氣, 治失眠, 味道有桂圓的甜, 口感極佳阿嫲無骨豬手便當(配有溏心蛋, 滷肉, 滷豆腐, 醃酸菜)無骨豬手分開上, 份量也不少, 豬手夠滑, 肉身又唔會鞋。加上便當本身已有溏心蛋, 滷肉, 滷豆腐, 整個飯已經好豐富, 滷肉肥瘦均勻, 性價高, 滷豆腐好入味, 用心之作小食 : 沙爹豬皮蘿蔔沙爹帶辣, 豬皮夠爽, 特別一讚係蘿蔔十分鮮甜, 加上沙爹汁亦突出無糖冷泡薄荷烏龍茶原本只係烏龍茶, 但加上新鮮薄荷葉碎入去, 口感更加清涼, 食了帶辣的沙爹豬皮蘿蔔, 飲一啖無糖冷泡薄荷烏龍茶, 好爽四季桂花雪耳糖水職員好細心留意到我地用餐完畢, 收拾碗碟外然後馬上奉上熱糖水, 雖然只係套餐送的糖水, 但不會馬虎。桂花數量多得很, 而且唔會好甜, 夠清潤. 係APM竟然可以用八十幾蚊可以係一間用心製作的晚餐, 有主菜, 小食, 飲品, 糖水的晚餐。用餐期間見到不少客人取外賣, 原來外賣自取有85折, 難怪外賣及堂食咁受歡迎。…Read More

小朋友想食甜品, 二話不說放工去 西樹泡芙買返去食。公司附近的觀塘站已有一間, 十分方便。小朋友一直好中意食, 所以今次買下其他款式先。買左3件唔同的味道 :*流心奶黃肉鬆 $33*白桃吉士 $29*榛子Tiramisu $28每次外賣職員都會比埋小乾冰包, 保持溫度, 好貼心, 仲要講解保冷方法。加上紙盒夠硬拎到返屋企都唔會變形。流心奶黃肉鬆新年限定泡芙上面滿滿的肉鬆就算拎到返屋企都係脆脆地, 入面奶黃唔會過甜, 而且寓意 [黃金滿屋], 新年買黎招呼朋友好有意頭白桃吉士白桃味道清甜, 配合埋吉士味道又唔會被搶去, 白桃清甜加了不少分數榛子Tiramisu平時仔仔食朱古力三重奏, 今次改買榛子Tiramisu, 本身外型已經好吸引, 榛子味濃而香, Cream好滑入味, 泡芙仲微脆咬落好滿足…Read More

坐車經過旺角消防局幾次見到斜對面開左間好有特式的餐廳, 係Openrice search原來餐廳是 , 主打西餐而且仲有cocktail。提早係Openrice網上訂座較好, 卡位得3張, 想要卡位可以提早預位。餐廳以橙色懷舊為主, 甚有情調。亦係打卡係好選擇。睇睇餐牌, 主菜肉類都係$98起, 價錢公道, 今晚和朋友點左以下 :*安格斯Prime牛肩胛扒 (7oz) 配烤大蒜 $98*黑毛豬鞍架配火腿脆片 $146 (加鵪鶉蛋和帕瑪森起司 $38)*無花果火腿披薩 $128*黑松露和帕瑪森起司炸薯條 $48*青瓜牛油果沙律 $88*西班牙油炸鬼 $58*Bulldog London Dry Gin Tonic $78餐廳只見3個男士工作, 但十分細心有禮貌。對於我們向職員提問的食物問題, 亦能一一解答。青瓜牛油果沙律 $88本身中意食牛油果, 由於今晚比較多食肉, 都想食個沙律清清地, 牛油果份量多, 而且熟度足夠, 加上爽口的青瓜粒, 相映成趣。雖然沙律汁調較得少少辣, 但係夠惹味, 易入口安格斯Prime牛肩胛扒 (7oz) 配烤大蒜 $98要求5成熟果然做到, 牛肩胛扒切成小件, 煎得香口, 肉味及肉汁充足。烤大蒜 – 每米蒜子好香, 無平時大蒜的辣味及味道, 反而烤過更易入口又有益黑毛豬鞍架配火腿脆片 $146 (加鵪鶉蛋和帕瑪森起司 $38)豬鞍肉質厚但又唔鞋, 十分易咬。表面烤蒜配埋豬鞍架一併品嚐, 味道好夾, 十分滿足。鵪鶉蛋有兩小顆, 煎成荷包蛋十分有技巧。特別一提, 配菜有3片紅酒繪梨, 味道清新。黑松露和帕瑪森起司炸薯條 $48薯條即炸後灑上海量的帕瑪森起司, 配有黑松露醬及沙律醬。用熱辣辣的薯條沾上我中意黑松露醬, 不經不覺食左好多啦無花果火腿披薩 $128上枱時擺得好靚, 用無火果及Parma Ham做PIZZA材料真係未試過, PIZZA底做得鬆脆, 新鮮無花果清香鮮甜, Parma Ham的份量亦夠多, 自已切開PIZZA, 每件的材料十分滿足Bulldog London Dry Gin Tonic $78朋友愛飲酒, 叫左杯Bulldog London Dry Gin Tonic, 酒精濃度無預期高, 易入口, 可以細味品嚐西班牙油炸鬼 $58Churros是出名的西班牙傳統甜品, 表面會灑上肉桂砂糖, 然後可以沾上煮溶的朱古力醬。餐廳還配以一杯海鹽雪糕作為伴碟, 令味道更加突出。西班牙油炸鬼咬落表面脆卜卜, 入面煙韌可口, 記得要加朱古力醬先原汁原味呢…Read More

諗起小炒, 必定會諗到 [新匯聚餐廳小廚], 因為佢地的小炒真係無得頂, 因為人流多, 海鮮亦會好新鮮。而且又唔駛加一好吸引。今晚同朋友聚舊揀左新匯聚餐廳小廚, 記得記得一定要訂位, 因為小店經常客滿, 我地準時入座, 因為太早所以暫時未有太多人, 仲可以坐到卡位。冬天就有出名羊腩煲及臘味糯米飯, 不過得2個人好難食到咁大份量, 所以都係叫小菜。我地今次叫左 :*招牌話梅骨 $115*芥末脆鯇魚片 $135*啫啫通菜 (改唐生菜) $88* 蘋果雪梨水 $20* 白飯 $18*椰汁馬荳糕 (免費)等食期間, 都係會見到熟口熟面的伙計, 好多食客都係熟客, 一入黎就已經傾晒計, 好溫馨, 而且職員會好熱心介紹熱門小炒, 新鮮到貨的海鮮。招牌話梅骨 $115用黎送飯真係一流, 每粒排骨炸得均勻, 話梅味濃, 又不會過酸，份量又大碟, 水準甚高芥末脆鯇魚片 $135脆鯇魚片食得多, 用芥末炒就第一次, 脆鯇魚片伴有好多蔥, 蔥炒得好香, 而且附有芥末味, 朋友本身唔食蔥, 都忍唔住大讚。脆鯇魚片當然炒得香, 而且夠新鮮，香味好濃。啫啫通菜 (改唐生菜) $88改唐生菜一樣咁惹味, 底部有肉碎, 記得要食埋, 用黎撈飯一流。蘋果雪梨水 $20原本諗住開壺茶, 職員大力推薦佢地自家煲的蘋果雪梨水, $20一杯, 大大杯而且好清潤, 飲得出係自家煲, 好味免費贈送 : 椰汁馬荳糕欣賞佢地堅持會有小甜品送比食客, 今次係椰汁馬荳糕, 椰汁味好香, 食埋甜品就完美啦到放工時間, 已經差不多坐滿了, 還有不少WALK IN客人, 職員都會問有沒有訂位 ? 所以要食就要預早訂位啦 !…Read More

廠房同事黎香港參觀, 參觀完原本想去飲茶, 但同事想去食燒肉。即時諗起係觀塘廣場有一間 [校長燒肉日韓料理], 除左燒肉, 仲可以食火鍋及自助餐, 飲品選擇又多。一個價錢, 多個享受。而且價錢仲好抵。地點方便, 係觀塘站的觀塘廣場15樓。5分鐘內去到。午市由11:30已經開始, 我地揀左$188 (午市燒烤火鍋自助餐) 任食2小時, 如果4個人仲可以任食4小時。 有燒肉, 刺身, 火鍋。原來刺身要C款先可以享用, 職員會比定貼紙, 當你去拎刺身時就要比師傅睇。 [校長燒肉日韓料理]之前都黎過, 抵食之餘款式都多。而且火鍋食物及燒物擺放整齊清潔，款式亦多。對面的飲品櫃入面總類好多, 有小朋友中意既維他蜜瓜奶, 甚至啤酒 (仲要喜力),火鍋湯底自己取, 有辣有唔辣, 我地揀左豬骨湯底。而燒肉一開爐就可以立即開動, 我地大約12點去到, 未到LUNCH HOUR人流未算多, 但一到12點半起, 顧客都開始多了。主打燒肉火鍋的餐廳, 刺身都有驚喜, 記得要帶貼紙先有得拎。刺身都有5款, 最愛的三文魚亦係食了3轉, 新鮮而且肥美。燒肉的汁類好多, 包你一款啱你點, 豬五花係我地食得最多, 肥瘦均勻, 慢慢燒慢慢食, 不經不覺食左唔少。火鍋方面, 欣賞有不少的菜, 而且夠新鮮, 如果唔想自已恰菜, 熱盤亦係一個好選擇, 熱盤亦有不少款, 其中的豬頸肉好回味, 仲有不少的點心, 還有沙律, 甜品, 同事對餐廳讚不絕口, $188價錢可以食到咁多款的食物。值得一讚, 係職員收拾碟快而有禮, 燒烤盤亦常常替我地們更換, 所以食得放心。…Read More

經過幾次係海港城的 臺北棧, 都會比佢裝修吸引, 今晚約左朋友食飯, 一於揀臺北棧。我亦係Openrice 睇到餐廳有特別好靚的卡位, 我地6點幾去到, 職員好細心咁安排卡位比我地。室內裝修精緻, 溫馨舒服, 係打卡好地方, 牆上掛滿台灣勝地圖畫, 好有親切感。臺北棧的餐牌甚吸引, 最LIKE係有埋圖片比你睇下食物的樣, 未食見到都流口水。我地ORDER以下 :肉鬆皮蛋蛋餅 $78櫻花蝦烏醋茄子 $48招牌魯肉飯 $68三杯片皮鴨胸刈包 $188手工鳳朵酥麻糬蛋撻 $48芭樂苦瓜汁 $52肉鬆皮蛋蛋餅上枱時已吸引, 蛋皮煎得不油, 入面充滿肉鬆, 皮蛋切成大大粒, 加上開胃的沙律醬, 層次感十分突出。好味又不膩櫻花蝦烏醋茄子雖然小食, 但份量絕不少。滿滿的櫻花蝦配上沾了烏醋的茄子, 一啖一口, 不但吃到淡淡的櫻花蝦, 茄子經煮過盡汲烏醋, 所以十分 JUICY, 好回味招牌魯肉飯果然係招牌菜, 整碗飯都舖上味香的魯肉, 而且是肉粒不是肉碎, 肉粒又唔鞋好有咬感, 喜歡它的醬汁鹹淡適宜, 佐飯的確一流:)三杯片皮鴨胸刈包:)好中意食刈包, 一呈上要快快食。每個刈包夠大片, 自已會夾多D鴨胸, 加上醬汁青瓜絲。每一啖都充滿不同味道, 鴨胸夠嫩易入口, 真係想再叫多一碟呢芭樂苦瓜汁眼見每枱至少都有一杯苦瓜汁, 相信苦瓜汁一定有佢賣點, 而且仲有六款選擇, 我地要左芭樂苦瓜汁 (即係番石榴苦瓜汁), 芭樂苦瓜汁味道帶甘, 亦有芭樂的味道, 手工鳳梨酥麻糬蛋撻職員係我地落ORDER時已溫馨提示, 可以係食前通知, 佢地會加熱。果然加熱左不論口感上, 味道上都大大提昇。寫明係手工精製, 將鳳梨酥及蛋撻融合一齊, 除左熱辣辣外, 入面仲加入甜滋滋的麻糬, 真的不得了, 超級好味道整頓晚餐不論在服務上, 裝修上, 食物質素十分高水準, 約定朋友下次再去食過先 …Read More