為食迷你兵's Profile

第二次來到位於旺角黑布街的大隻佬，餐廳位置近旺角東火車站，行完街坐低食個面最方便不過啦！今次點咗老闆大隻佬力推的招牌鼓油王炸醬撈面。老闆向十五十六的遊客推介：「撈河粉已經少見，仲要炸醬撈喎！試下啦！」蔥花湯隨撈河送上，撈河尚算足料，有冬菇、肉絲、叉燒，加上自家秘製的鼓油王汁，口感豐富。鼓油王汁的份量剛剛好，不多也不少，令每一口河粉都有香口的芡汁。唯一要扣分的是份量比較少，女生吃剛好有飽肚感，若果男生吃的話，相信要多叫一碗才夠飽呢！所以覺得撈河的份量跟價錢($44)有點兒不成正比。題外話，有熟客問老闆：「最近有冇出咩新野呀？」，老闆毫不猶豫：「冇喎！咪又係嗰啲，出新野就變質嫁啦！」由寂寂無名的小店做到明星們都熱捧，相信就是靠老闆這份堅定不移的信念。…Read More

係西灣河問人有咩好野食就一定太安樓，而講串燒佢地都一致評呢間沙嗲佬係必食之選。先介紹店舖，係太安樓邊位對住巴士站。地方細細足以做外賣生意。(無位坐)而餐牌選擇都唔係好多，大路野黎。咁我就叫左３串野食頂下肚，都等得唔算太耐。因為即燒黎講算快。野食黎左無影到，燒賣 - 幾好，但我只係講粒燒賣燒得幾好。個汁其實好一般，好重花生味同埋鹹，無咩層次。豬肉 - 唔知係咪因為個汁應該配返Ｄ鮮肉汁，即時好左Ｄ紅腸 - 鹹上加鹹作為為食兵的我，好食就真係講，唔好食更加會講。我其實都食過幾次，真心覺得名過於實好很多。。。唔係唔好食，但當你食過咩叫好時，就知點解會咁。但我可以肯定呢間一定係全西灣河最好食的串燒P.S. 佢日頭唔開，晚上６點後先見佢的。…Read More

筲箕灣好多野食，但好多都兩極化。一係勁好味，其他就好難食，無咩中間的鋪頭。我由細係筲箕灣大，大大小小的店都有試過。而我去食親都一定係好食先食，如果唔係返上屋企煮麵食好過。有晚夜媽媽見肚仔餓落街搵野食，記得容媽媽應該未收工就去買黎食。其實我早前已經食過，佢有好多野食。個撈麵好食，如果食辣仲正。但今次唔想食麵所以只係叫左容媽媽雞翼同雞翼尖返屋企食算。返到屋企已經勁香，一打開成屋都有雞翼既香味。容媽媽雞翼 - 不太鹹、幾入味，只係我覺得過左少少火，肉可以再滑身d就更好！[推介] 惹味雞翼尖 - 好食！不太辣、入曬味、又夠滑，仲要食落去好香。介每次食完都想再食的感覺。…Read More

有日神咁早送迷你兵女皇返工，咁就諗食咩早餐好啦。係我心入面葵盛除左住同工業外，係咩都冇．．．咁我地又唔知食咩好又唔想食老麥，行行下想飲茶就咁岩比我撞到呢間野啦。入到去地方算大，都幾好坐。但因為太黑所以無影到一坐低姐姐已經好快過黎問我飲咩茶啦，咁問完佢就即時去沖。快手水仙茶 - 茶一杯淡、唔香茶一送到姐姐先比張特價點心紙我...如果唔比就唔知有其實價錢唔係差太遠咁我地叫左燒賣、奶皇包、蝦腸同鮮竹卷食燒賣同奶皇包大約5分鐘左加送到蟹籽燒賣皇 - 食落去味精味好出，以我咁鐘意食燒賣既人黎講，如果淡少少應該幾好味，肉都算厚無咩特別。香滑奶皇包 - 奶皇包又係飲茶必食！呢個普通非常，不是流沙款式。而奶皇因想做香滑口感所以加多左奶，所以會比較香奶味。高湯鮮竹卷 - 我覺得最好食係呢個，可能呢味菜好食與可都只係睇個味精上湯。足料皮薄，可以一試珍寶鮮蝦腸 - 最差呢碟，最耐都係佢。等咁耐以為即拉即蒸，點知一黎到我摸到隻碟熱既，完全知咩事。果然食落唔滑仲好粉，所以都冇食曬去。最後因仲有時間所以坐多30分鐘都冇人理，呢個係幾好，同埋係工業區都算好坐。埋單就覺得呢個質量就有點貴，不過我覺得比返工業區的食群，呢間算不過不失。如果我係呢頭返工都應該會成日黎食。…Read More

因為讀書關係所以好多年前已經開始食佢，由未出名到排曬隊、上新聞。其實早幾年佢已經講話業主加租只做多兩年約，但時間一年又一年咁過，我諗係佢同業主傾掂數先到今日都仲係到。每次一行過鋪頭，就一定有好強烈又香的炸豬扒咪沖入鼻內，係無錯係沖入個鼻。裝修十年如一日，只係價錢年年上升。無計來貨、人工、租金不停上升，好難再做返9蚊個豬扒包、6蚊隻熱狗。左邊落單，對面取包。有時如果係個大老闆娘做落單時，大家要小心因為佢好串，但當你落左單後佢又會大叫你落左咩好得意。今日最新報價我叫左個豬扒包食，其實我已經食左午飯，經過再買黎食。好大個open kitchen 係好多年前佢地已經識咁做。你睇幾多腸準備整熱狗所有炸野即叫即整，保証新鮮脆口。當然新鮮炸完一定多d油，所以我多數等一陣先食。你睇！豬扒大過個包，咁先叫豬扒包家嗎！仲有上層茄醬下層沙律醬，兩件酸酸的物體加起來更刺激食慾。放左一陣豬扒都能保持香脆，但就比以前薄左。其實大家經過都要快d食，因為真係唔知仲有幾耐做。推介食店…Read More

呢間野已經唔係第一次黎，店舖小小但客似雲來，可算是川龍街最旺的食店。外觀無咩好影正常餐廳一間，我地直接入正題啦！間野半自助式咁，門口落單之後自己搵位坐低就會有人拎野比你食。服務一般，唔叫差但就一定唔係好好，似老麥咁。今次我地只叫左生煎包同兩杯柑桔汁，因為上次已經食過佢個粉絲，完全無驚喜所以無再叫，想食飽ｄ其實可以叫埋，但我建議你食多４個生煎包會更好。姐姐好快手9秒99就比左兩杯柑桔汁我地台灣柑桔汁 - 品道就一般，好個人口味差異，但唔係難飲。不過唔知點解飲完仲渴。。。。。生煎包 - 上碟無賣相可言，可想而之佢係全打實力派。咬開幾多湯，底皮脆口、肉汁濃，佢仲加左黑白芝麻多左陣香味，仲可以點豉油加豆瓣醬會唔同效果。因工作關系成日去上海，而上海的生煎包其實比香港好食好多陪，我指求其入一間都好食過香港。但呢間野係香港可以算整得最好食的頭幾間。咁岩我地坐位睇住廚房，可以見到姐姐點整生煎包。動作超快唔洗１５分鐘就煎好一底要食新鮮就要睇彩數，但我可以肯定話你知，新鮮好食好多倍。甲為我有一半是新鮮整起的最後呢餐只係食左$76蚊，唔算貴。整體而言，呢間係我覺得值得回頭食的餐廳。…Read More

呢間鋪如果路經此地只睇外裝，一定唔會選佢。因為簡陋的裝修加上大排當式的圓凳，真係好難吸引到人經過食佢。但往往就係呢類鋪頭先食得出驚喜，呢到可以話由晚上7點開始旺到1點都仲有客。 作為為食的我地緊係只吃食物唔吃裝修啦！ 只要你唔介意流水式作業，包你呢餐一定話正。今次我地就叫左生蝦、豬頸肉、青咖哩牛肉、蒜蓉包、飛天通菜。落單５分鐘左右就先上左個生蝦可以食住先啦！[為食推介]生蝦 - 極力推介！！蝦鮮、肥！個汁仲精彩，有青辣汁同平時點紅色果隻。個青辣汁係仲辣，愛辣之人必試！而平昤果個都好帶到成個味出黎。因為廚房細所以之後d野都要得大約10分鐘到先黎，但都算上得快。先介紹青咖哩牛肉 - 唔食得辣叫呢個岩岩好，細細的辣好香咖喱味。但牛肉過曬火，我建議你地食雞會好d。蒜蓉包 - 中規中矩，幾香脆但又未叫有驚喜，點過咖喱汁食次後係好食幾倍。[為食推介]碳燒豬頸肉 - 又一極力推介！！平昤食豬頸肉多數只有肉無乜肥膏，但呢碟果係每件都痴住少少肥膏位。味道極香，入口味濃。就好似食手切牛腩如果走肥會點呀？呢個肥膏真係精髓所在，而個汁都係好配個豬頸肉，少少辣好醒神！仲有個飛天通菜唔記得影相，好食的香、爽脆，如果係叫菜呢個都係一個好選擇。之後仲叩左個青檸７同椰青。埋單2個人$340/4個餸+1個小食+2個野飲我覺得價錢算ok，因為食到個質量。…Read More

今日食完晚飯經過見到一間舊式格局的糖水鋪，因為本人喜歡中式真功夫糖水多過新式甜品店。所以既時沖埋去睇下到底咩料子。在門外睇下餐排先，以防中伏。睇到正正常常又有招牌芝麻糊就入去試試啦！入面唔大，中規中矩的格局，6張枱左右。同時都有好多人叫不同的糊仲有桑寄生水，咁我都唔諗好快手叫左碗芝麻糊食下。係枱上面有樣野我幾鍾意佢地會講返食咩會對身體有咩好，其實好多人都唔知其實中式糖水本身的好處。呢張紙就一一解答曬，仲可以令自體唔多好既人當補身咁食。芝麻糊好快就到左啦，店內姐姐手腳真快。淨係睇個樣無得唔合格，因為都係黑。但一試第一淡就知出曬事，無味既！食多幾淡試真d，芝麻糊極微，仲帶少少苦味，唔知係芝麻唔靚定咩啦。口感似羹多過糊，水不似水糊不似糊的感覺真係叫人難受。我第一次食細細碗的糖水只係食左一半就想走⋯⋯今次真係中曬伏，仲要話招牌⋯⋯希望佢其他招牌唔係咁啦⋯⋯…Read More