finefoodbear's Profile

呢間餐廳環境舒服，氣氛輕鬆，食物水準都不錯。仲有韓國歌曲，滿滿韓國氛圍～沙律新鮮爽口，蔬菜脆脆的，配上清新的醬汁好開胃。蒜蓉包熱騰騰上桌，外脆內軟，蒜香濃烈。烤石斑魚肉質滑嫩，魚皮微焦帶香氣，味道剛剛好。龍蝦汁意粉香濃順滑，配上一隻大蝦。蜂蜜柚子茶甜中帶點果香，喝起來清爽解膩。甜品部分，曲奇慕絲蛋糕滑滑的又不太甜，配上曲奇碎口感更豐富；富士蘋果蛋糕酸甜平衡，果香自然。整體來說，呢餐吃得很滿足，讓人想再回訪。…Read More

只此一家別無分店嘅牛魔王清湯腩，個個住喺灣仔區嘅居民應該聽過。位於春園街，經常座無虛席，中午仲要大排長龍。牛坑腩米粉，以坑腩部位熬煮，口感腍中帶爽，與米粉及清甜湯底配搭。牛坑腩充滿牛香與膠質感，好彩今日晏咗嚟都仲有得食。蝦籽牛爽腩雲吞撈麵雲吞皮薄餡靚，蝦肉爽彈。爽腩帶筋膜、煙韌軟糯與雲吞相映成趣；麵條均勻沾上香濃蝦籽，層次豐富。蜆介鯪魚球以新鮮鯪魚肉打製成球後酥炸，外脆內彈牙。配鹹鮮的蜆介醬一同品嘗，香味獨特。…Read More

好耐冇去泰國玩啦，軒尼詩道呢一間泰國菜由泰國人主理，入到嚟連廣東話都聽唔到。最緊要係啲嘢食夠正宗。生菜包好辣好過癮，配返杯Shingha啤酒飲好gur。泰北香焗雞係無骨嘅，啖啖肉配特製醬，好味。千祈唔好錯過bb魷魚同埋冬蔭功湯蒸蛋，蒸蛋上面淋滿冬蔭公，非常之特別，創意十足。Mummum雞炒闊河可能係食過最好食嘅河粉吖，香噴噴，配料滿滿，河粉極之煙韌。見到甜品咁特別都忍唔住叫，鹹蛋果仁豆腐雪糕又咸又甜，沖擊味蕾。🧸評分：🧸🧸🧸🧸4/5🗺️香港灣仔軒尼詩道333-335號軒轅大廈地舖#mummum.thai #灣仔 #泰國菜…Read More

今日喺灣仔QRE搵到一間令人滿意嘅花膠雞米線專門店～店舖唔算大間，但勝在方便及整齊企理，又有卡位，最緊要夠冷氣。花膠濃湯雞烏冬加魚腐花膠濃湯雞用花膠同雞肉熬製出嚟，湯頭濃郁鮮甜，花膠口感滑嫩又滋補，少有地可以配稻庭烏冬，麵條扁而幼滑，口感特別爽滑。胡椒豬肚濃湯雞米線加魚片頭胡椒豬肚濃湯雞米線係用胡椒豬肚同雞湯熬成嘅濃郁湯底，香辣暖胃，米線吸滿湯汁，配料通常有豬肚片同嫩雞肉，味道層次豐富，好適合冬天飲。追加白灼時蔬及鹵水雞翼，好飽好滿足！…Read More

襟江酒家重現港式粵菜的光輝歲月，以百年歷史承載著香港飲食文化的精髓。餐廳環境古雅懷舊，彷彿走進老香港茶樓時代。招牌港式懷舊點心全以人手製作，皮薄餡鮮，散發傳統風味。薑汁雞包仔皮薄鬆軟，薑汁香氣濃郁，雞肉嫩滑彈牙。鴛鴦燒賣以豬肉與豬肚新鮮製作，口感鮮甜多汁。懷舊魚翅餃沿用古法，餃皮晶瑩剔透，內餡豐富，魚翅與鷄茸交織出細膩鮮香。雀巢芋角外層炸得酥鬆如羽，內裡香滑芋茸與肉碎完美融合，層次分明。香滑芝麻卷入口即溶，芝麻香馥郁甜而不膩，是經典港式甜點代表。黑芝麻糯米糍外糯內香，咬開爆出濃濃芝麻餡，帶來滿嘴香氣。…Read More

西灣河太安樓地下喺唔少東區街坊週末掃街的熱門地點。鴻記極品雞蛋仔主打香港傳統美食，但他們並不滿足於傳統雞蛋仔做法，以創新意念令傳統味道煥然一新。他們首創心型雞蛋仔。圓潤的雞蛋仔外形變成了一顆顆心形，不僅可愛吸睛，更讓人一邊吃一邊感受到店家的巧思與用心。雞蛋仔烘得金黃香脆，外層帶著微微焦香，內裡仍然保持鬆軟彈嫩；熱辣辣咬下去，蛋香與甜味在口中化開，令人欲罷不能。除了造型可愛外，味道水準依舊保持傳統精髓，都能吃出香氣分層；而且老闆堅持現點現烤，確保每一份雞蛋仔都香氣四溢、口感完美。…Read More

魅KTV的香港旗艦店落戶中環蘭桂坊，地段一流，唱完k仲可以去飲番兩杯。店內空間設計採現代美學與舒適氛圍結合，燈光氛圍可自由調教、隔音良好，唱歌時的音效清晰而立體。歡樂時光性價比高，包三小時任唱連一杯無酒精飲品。餐飲方面相當豐富，除了小食和串燒外，還有泰國菜和中菜可供選擇。酒精飲品、香檳及多款汽水一應俱全，對不同口味的客人都能照顧到。推薦他們的辣肉腸pizza，薄脆的餅底配上帶辣勁的肉腸，口感層次豐富，十分惹味。AI評分好正，為咗攞高分真係要認真唱下，🐻‍❄️&朋友都玩得非常投入。…Read More

寶琳就係將軍澳綫最後一站，其實過嚟食飯都好方便。近日新開嘅茶意，在地鐵站口對面，新裝乾淨企理，收工返嚟又攰又唔想煮，食埋先返屋企，方便快捷。蒜蓉汁雞扒滑蛋包飯建議第一次嚟食試吓蛋包飯系列，配扒類或者鰻魚，醬汁甜甜哋幾好。蛋嘅份量起碼2-3隻，用上高質嘅蛋，好滑溜。黑椒牛柳粒飯唔怕辣既，就推薦試返黑椒牛柳粒，黑椒味超強，牛柳粒有牛味，配上沙律菜。一般套餐配熱飲，揀咗熱檸水同熱柚子茶，而見到二人餐仲有餐湯，下次再嚟試吓。…Read More

臨近中秋節，介紹下些中菜比大家。一家中華菜館裝潢古色古香，今次嚟到掛滿燈籠，已有節日氣氛。一家三絲拌冷麵三絲拌冷麵有撈起之意，有意頭，撈起撈起。拌芝麻醬好夾，可自行加醋、豉油及辣油。蔥油白切雞招牌菜之一，蔥花多到滿瀉，佈滿滑雞之上。少見蔥油雞做到咁有特色，受客人喜歡。糖醋小排骨雖以小碗盛裝，但份量仍是不少的。酸甜開胃，肉質唔會柴。醬炒花菜茶樹菇呢個醬汁，再加上茶樹菇，令本身清淡嘅椰菜花變得惹味起來。鮮肉鍋貼五粒鍋貼煎得好靚，皮脆肉鮮。別忘了試茶飲，每個名都改到好別緻，包括有溫文爺爺（椰子芝士，伯爵茶，海底椰）同善良姨婆（蝶熱情果，伯爵茶，百里香）。…Read More

由大阪開嚟香港嘅超人氣無限拉麵，7月先開業，食飯時間一般都大排長龍，今日早少少6點前嚟到試試，果然值得！特製和牛牛骨白湯拉麵湯底用牛骨，每日花上長時間熬煮，所以湯底濃到變成奶白色，濃郁之中又滲透著牛骨風味。配料有叉燒同埋掛滿碗邊嘅西冷和牛牛肉，亦有一隻蛋，估唔到一碗拉麵，都有視覺與味覺享受！牛骨麻辣叉燒拉麵麻辣呢碗就好過癮，店員話可以少辣，我哋唔算食得辣都覺得ok。叉燒變成麻辣即成另一風味。煎餃子一碟5隻，即叫即煎，沾上餃子汁吃。…Read More

中環好多餐廳值得專程去試一試，好似呢間阿根廷扒房，主打熟成草飼牛，環境氣氛一流，有好多捧場客。牛骨髓配多士 牛骨髓賣相高級，又富含蛋白質、鈣質同骨膠原，味道奶油香滑，配香脆法包蘸食正！阿根廷一個月熟成草飼牛 肉眼扒經過約30天自然熟成，肉質更嫩滑，風味更濃郁。草飼牛脂肪較少，也更健康，熟成後口感細嫩又帶微炭燒香，烤起上來味道鮮明，又有層次🥩Side Dish揀咗燒烤抱子甘藍椰菜仔，份量都幾多。阿根廷紅蝦意大利粉用新鮮阿根廷紅蝦，加蒜蓉、番茄、羅勒葉同蝦頭熬製鮮甜醬汁拌意粉，蝦肉爽脆彈牙，醬汁味道鮮美，入口層次豐富🍤…Read More

新森林呢間餐廳，好有親切感，以前想食吓西餐，都會嚟呢間焗飯專門店。開喺灣仔與銅鑼灣之間嘅呢間分店，受盡打工仔歡迎，平時lunch time都排長龍。焗之選系列好多選擇，可加配餐湯，小食及飲品。最鐘意叫鴛鴦飯，因為一碟有兩個味道。鮮茄肉醬芝士白汁魚柳鴛鴦焗意粉鮮茄肉醬建議配意粉唔配飯，另一邊係白汁魚柳，完全試曬兩個風味，而且份量都唔少。芝士海鮮焗黑椒雞皇鴛鴦飯黑椒雞皇比較特別嘅，辣辣地，食落又冇咁滯。海鮮有蝦、蟹柳及魚。鮮菌芝士焗西蘭花 健康一d冇加配炸物，反而叫咗焗西蘭花，估唔到咁大盤，順便食多啲菜！…Read More

灣仔參觀完展覽，接近黃昏時間，想食西餐又唔想價位太高，最啱去新金堡餐廳。餐廳位於太源街即係玩具街前少少，店舖門面簡單似茶餐廳，地下果層都只係得兩至三張枱同廚房。店員叫我哋上閣樓坐，驚喜就黎啦。上閣樓嘅樓梯裝修雅致，有好多貓貓相，仲有北歐風裝飾。閣樓有梳化位同卡位，延續北歐簡約風格。晚餐有好美式扒餐、日式三文魚、德國豬手、新西蘭羊鞍等等。🐻‍❄️今晚試左香煎雞扒伴香辣蝦意粉同香煎豬扒伴焦糖蘋果飯香煎雞扒伴香辣蝦意粉🍝雞扒一大塊，外皮煎得香脆，肉質鮮嫩軟腍。大蝦新鮮爽彈，特製醬汁配上意粉好夾😋香煎豬扒伴焦糖蘋果燒汁飯🍚豬扒煎得鬆軟香脆，仲有兩大塊一啲都唔吝嗇。配上焦糖蘋果燒汁非常之入味🍎跟餐仲有羅宋湯或忌廉湯，再配上香脆蒜蓉包，性價比好高。…Read More

幾乎觀塘住或上班嘅人，都會認識呢間工廈中嘅Four O Five!溫馨提示，記得訂座先過嚟，因為經常好full架。原味梳乎厘配楓糖漿超鬆軟、蛋香濃郁嘅日式甜品，上枱成個厚厚嘅班戟，質感輕盈綿密，入口即化。淋上香甜楓糖漿後層次更豐富，配水果同忌廉，賣相吸引又滿足。慢煮大醬和牛面肉 · 蒜蓉薯蓉和牛面肉低溫慢煮，肉質軟腍入味，帶有濃濃大醬香氣。薯蓉滑溜、帶蒜香，完美中和大醬和牛嘅濃郁同油香，食落層次好豐富。明太子醬軟殼蟹意大利粉明太子醬軟殼蟹意大利粉係近年好受歡迎嘅fusion菜，用炸到金黃酥脆嘅軟殼蟹做主角。意粉掛滿鹹香惹味嘅明太子醬，每條麵都吸收醬汁精華。入口creamy又帶魚子鮮香。…Read More

喺金巴利道已經超過20年，由韓國人主理，韓國餐廳嚟講地方都算幾大，座位寬敞，環境都幾啱傾偈，適合朋友家庭聚會。醬油蟹+紫菜飯醬油蟹係韓國名菜之一，用新鮮生蟹浸醃特調醬油製成，今次呢隻蟹肉質鮮甜，蟹膏好豐富。醬油蟹配一配紫菜飯，可以拌蟹膏食，鹹香鮮味兼備，醬油不會掩蓋蟹肉本身嘅海鮮風味。年糕餃子湯結合牛骨高湯、年糕片及韓式餃子，口感豐富且飽肚。湯底香濃，年糕滑嫩，餃子多肉香，再加蛋絲、蔥花等增添層次。生米酒生米酒用糯米或大米發酵而成，酒精度低，味道清甜。適量飲用可促進消化同增進食慾添！…Read More