泉哥美食日記's Profile

最近疫情開始放緩，當然要出街食下好嘢！最近搭唔到飛機，最想食嘅一定係Omakase廚師發板，喺網上見到關於呢間嘅推介，就訂枱過嚟試吓。前菜有三款螢光魷魚；黑梅貝；菜之花由左邊到右邊食起，螢光魷魚有啲麵豉香味，加埋紫蘇葉減少腥味、黑梅貝爽口又鮮甜、菜之花就平時食嘅菜更加爽口。薄切鮫碟魚賣相已經一流，配埋萬能蔥，內面魚質肥美仲有經過火炙，雙重口感入口就溶。間八呢款魚本身已經好彈牙，再加上表面嘅麵豉，口感味道都夠豐富。白象拔蚌表面有啲竹炭鹽同埋柚子皮粒粒，爽口加添鮮味。時令嘢就有太刀魚，雖然佢質感厚身但係同樣爽口，仲有啲柚子胡椒提升鮮味。北寄貝 mix 赤貝呢個組合，無論清新定係厚肉都齊，加埋用醋整成嘅啫喱就更加清新。中拖羅見到花紋超靚，好有吞拿肉味同樣肥美，加上芥末減少油膩感覺。吞拿魚配紫菜，其實係餃位，同埋仲有經過火炙，啲油香特別突出，入口好快溶化㗎！肥美！鯖魚通常有少少腥味唔係人人都鍾意，但係佢今次配搭昆布、紫蘇葉、芝麻，減少腥味之餘提升鮮味，又上升一個層次。青柑桔啫喱就協助可以保持味蕾清新，嘗試不同的壽司。來到萬眾期待嘅壽司帆立貝大大片而且有青檸加持，更加清新鮮味。深海池魚肉質實淨少少，但係唔阻油份+魚味，同樣好出眾。金目鯛顏色已經夠靚靚，魚味清新鮮甜。牡丹蝦仲有蝦mix蝦膏，蝦嘅甜味慢慢出，好惹味。根室馬糞海膽超級清新鮮甜，少吃怡情，反而唔鍾意買一板咁多返屋企食。呢個份量啱啱好，最頂峰嘅味道！醬油漬赤身本身冇乜期待，但係原來係用咗蒜去整，第一次食到有蒜味！而且完全唔腥，高質素。日本豆腐+蔬菜蛋+日本海蝦呢款日本組合熱食，特別在豆腐裏面有不同的蔬菜，非常豐富，表面仲有鮮甜海蝦，整體清新而且新鮮。面豉湯裏面有好多豆卜之類，除咗行山之外都充滿口感，朔晒啲湯嘅香味抹茶奶凍原來係餐廳自家製，甜味剛好，抹茶味道香甜，上面仲有一粒黑豆，提升層次，大滿足嘅Early-dinner～…Read More

黎到西九food court想食台灣嘢我介紹呢間-阿佳拌麵見到佢個店面就好似去左台灣夜市一樣, 個D字體, 燈牌都令你好似置身係台灣咁 無得去旅行2年啦! 唯有食下台灣食物回味下吧鹽水雞拌麵佢個麵係用醬油炒過, 好入味, 唔需要要額外加調味料; 鹽水雞應該係手撕雞, 都係撕開一條條咁。 可以加$5追加魚蛋或者千頁豆腐, 我見未試過千頁豆腐所以就試試佢! 個口感好似魚片咁好夾口好彈, 用醬油浸過睇落似豬紅咁, 但我覺得好好食, 未食過豆腐係呢個口感魷魚麵線係好正宗既台灣麵線, 我好中意食呢種幼幼既麵線, 個湯係杰身, 加上花生, 羌茜好香, 佢係預設左會加醋, 如果唔食醋既朋友可以提早出聲, 好似我咁唔中意醋就會覺得有D酸; 而魷魚好新鮮, 爽口, 好夾!環境…Read More

今日係朋友生日，知道佢鐘意食放題，就揀左呢間位於旺角兆萬中心９樓充滿日本風味既放題同佢慶祝。佢呢度係入座即送火鍋，有和牛壽喜燒鍋同埋海鮮鍋，咁我地都鐘意食海鮮所以就揀左鱈場松葉蟹海鮮鍋，有松葉蟹鉗、鮮蝦、青口等海鮮。呢個火鍋係一個迷你鍋，所以唔怕會食到太飽，而食唔落其他野食，仲有飲品任飲。之後我地點左個刺身拼盤，款式好多！最驚喜係有海膽刺身，仲有北海道帶子、榮螺片、日本有頭甜蝦、大赤貝、珍寶赤蝦、希靈魚、象拔蚌，泰式生蝦等等，刺身味道新鮮。掃一掃QＲ ＣＯＤＥ就可以繼續點野食，仲有可以食埋磯燒新Menu，有好多款式選擇，咁我地點左燒物有端爐燒既牛舌，燒菇同埋雞翼，我喜歡牛舌口感軟身。再點壽司船除了多款選擇外，大部份既味道都唔錯的，賣相都相當吸引。仲有水蟹粥，炸蠔，香蒜炒和牛粒醬汁味道濃郁避風塘雞軟骨及珍寶蜆肉就好香脆， 最後當然就係甜品時間，除左朱古力心太軟，仲有Movenpick，Dreyers雪糕，韓國雪條、雪米糍等真係大滿足，朋友都話食得開心～呢個價錢$259加一, 食到咁豐富既食物,性價比高, 所以真係值得一試。…Read More

牛大人都唔係第一次食，因為覺得質素真係OK所以keep住同朋友食。台灣鳳梨雞鍋一貫咁好食，裏面大大隻雞，令到成件事好鮮甜。極上和牛吃到飽呢個餐令我最滿意嘅就係佢裏面有包含和牛牛丸，香濃好味到暈。當然叫啲最高級嘅牛，手切封門柳肉味濃郁、澳洲和牛M5牛肩卷牛香十足、安格斯牛小排脂肪比例平均，脂肪稍為重些，啱晒女仔食！（免費）紫芋霜奶x4 要Like FB先有，非常特別第一次見，芋頭味好香仲有一粒粒很有咬口。新鮮沙白，鮮甜海蝦呢啲海鮮夠新鮮；台式美食不能錯過彈牙鹹香私房鴨血（辣）、水蓮爽口又入味、澎湖花枝漿，台灣海鮮漿呢啲口感彈牙夠足料。美人花膠、牛媽秘製滷大腸等都相當不錯。鍾意食水餃就會叫埋高麗菜水餃、台式蛋餃、台式蝦餃，個皮唔薄有台灣風味，裏面嘅配料亦好好食好突出。鬼馬老油條、即炸午餐肉、爽脆炸魚皮、士林鹽酥雞（辣）、魚香皮蛋豆腐呢啲基本上可以即叫即食，我特別鍾意食皮蛋豆腐因為好香，仲有鹽酥雞熱辣辣。另外出面仲有好多唔同嘅飲品、配料任君選擇，我哋都拎咗好多王子麵、烏冬呢啲澱粉質嘢，食完就夠晒飽肚。甜品方面今次有哈根達師嘅特別口味：士多啤梨×朱古力，非常特別，正！其他自取位置…Read More

I love牛大人！真係好吸引！火鍋熱潮最近都算係好興，特別係因為牛大人開咗，有更加多人熱愛打邊爐，訂枱都唔容易。就係既然訂枱都咁難，入到去梗係叫最貴嘅套餐，食最高級嘅牛，湯底都揀返係牛大人紅燒牛骨鍋，味道濃郁香濃。而且仲會贈送每人兩粒和牛丸，好多人都係為咗依樣野去食，同平時出面食嘅好唔同特別香濃。C餐可以同時食到唔同級數嘅牛，最高級一定係牛胸爽+安格斯牛小排+澳洲和牛M5牛肩卷，牛胸爽好似好爽口嘅脂肪，安格斯牛小排+澳洲和牛M5牛肩卷就視乎個人口味鍾意食牛味重啲定係脂肪分布靚啲。Like FB送免費金鑽愛玉冰，甜甜地裏面有菠蘿，打邊爐飲一流。其他唔同嘅級數就例如有牛媽秘製滷牛肚/牛媽秘製滷牛筋/干貝鮮魚漿/台灣鱸魚片，牛媽秘製滷牛都比較入味，魚相關嘅食物就鮮味十足。牛仲試埋B餐嘅美國SRF極黑牛肩胛+安格斯特選牛板腱，明顯冇最高級嗰餐咁正，但係如果比呢個價錢有呢款級數都可以，牛香十足。除咗肉之外當然做得食台灣最出名嘅魚香皮蛋豆腐/士林鹽酥雞/真豬小香腸，魚香皮蛋豆腐鹹香質感柔滑，士林鹽酥雞/真豬小香腸嚟到嘅時候仲係熱辣辣，外皮香脆。花蓮扁食（手工小雲吞）、私房鴨血（辣）、水蓮菜、瓜仔雞水餃都唔錯，很有台灣風味，特別係鴨血非常彈滑，都好值得試。另外出面仲有醬料同埋飲品可以自由選擇，有幾款係自家制嘅茶，無糖小清新，都係我嘅首選。…Read More

最近搬咗屋,初初對佐敦區不太熟悉,但今天很開心,俾我發現一間日本拉麵店,水準超乎我想像。menu佢一款雞白湯底拉麵,濃郁至極,就算食到最後仍然陣陣雞香撲鼻,你會到最後連一丁點湯都一飲而盡,麵條柔軟爽滑,雞肉幼嫩鮮甜,多款配菜配搭恰到好處。另一款黑蒜醬油湯拉麵,都不遑多讓,獨家淆製黑蒜醬油風味,同樣吸引,麵條把醬油索得滿滿的,非常滋味,各樣肉食配菜計算非常到位,每件肉質鮮甜多汁,咬口軟綿綿。除咗拉麵高質之外,另一款咖哩炸雞飯同樣出色,酥炸雞炸得香噴噴,外皮酥脆,當你一口咬下去雞汁源源湧進口腔,鮮甜多汁,完全做到外脆內軟,焦滿自家配製咖哩醬汁,令你吃不停口,還有顆顆圓潤飯粒,晶瑩亮麗,口感煙煙靭靭,酥香雞肉加上顆顆圓潤飯粒,真係冇得輸。仲有佢嘅秘密武器,醬漬日本溏心蛋,真係錦上添花,另我呢個初到貴境嘅住客,帶出一個很美好嘅開始。…Read More

昨日跟幾個同事食午飯時間非常愉快,我哋會買外賣返公司食,行經呢間餐廳見到佢嘅食品款式非常吸引,我哋各自點了一款一同share。我點了一個慢煮天多利雞,我對雞肉有特別喜愛,亦非常講究,呢款雞肉質素非常高,肉質軟綿多汁,雞肉濃香,配菜又非常豐富。另一款薑汁松阪豬同樣吸引,每件松阪豬,滿滿薑汁清香,製作獨特,肉質濃郁鮮甜,還有好多品種配菜同食,非常享受。第三款夏威夷海浪三文魚,同事就最喜歡食,三文魚佢同樣有要求,三文魚賣相已經比佢吸引住,肉質鮮明亮麗,入口滑捋捋,陣陣肉香充滿口腔,份量絕不吝嗇,加埋蟹籽同溫泉蛋,令到呢個午餐更加錦上添花,大家食得好開心。…Read More

呢排明顯多咗人叫外賣，實在太方便啦。屋企食來食去都係果幾味，為咗冇咁悶，不如轉下口味啦！是日到了竺扶大班燒味叫外賣，店舖門口掛了搶眼的金漆招牌。先點一份沙薑豬手粒，炎炎夏日一定要食份量多，好抵食阿!!口感清新，夠爽口，唔油膩，整體黎講沙薑好入味啫啫滑雞煲一開蓋即刻聞到香噴噴，熱騰騰，外賣都一樣！！集齊色、香、味，最關鍵的是把握好火候和醬汁!做得很好吃，入味。雞肉和豬肝跟啫啫煲汁酱很夾耶～茄子魚腩煲，魚腩大概有 6-8 塊，大大件。魚頭肉質細嫩，營養豐富，一D都唔腥。茄子係吸油的蔬菜，充滿魚腩香，油脂滋香。爆過的蔥段及薑片，惹味又好下飯！小菜很出色～～～滿意。…Read More

上星期個朋友係外國翻黎，一路話要食放題，仲話記得兆萬果邊有好多間，我地係下面見倒神戶屋個職員派咗張宣傳單張，就上咗去試下。刺身新鮮味美，而且份量好足好準確。最重要既係個串燒同火鍋，我地都食到停唔倒口。我地嗌咗個鐵板一口和牛粒，嚟到既時候鐵板仲係「嗞嗞」聲，和牛粒散發既香氣不斷地係空中綻放。一咬落去，和牛粒既肉汁係口入面爆發，衝擊住每一個味蕾。師傅烹調既功駕亦表露無遺，和牛粒預先調味，而且恰到好處，唔會太咸，跟住師傅解凍既時間同鐵板的熱度都配合得天衣無縫，火熱既鐵板將肉汁盡量鎖住，室温令牛粒迅速降温，趁熱食就唔會好韌，所以個牛粒一放係枱度，我地就即刻放入口。呢種幸福既感覺，相信大家都會感受到。呢個時候，神戶屋既侍應都好體貼，主動咁行過黎為我地送上熱水，等我地可以清一清味覺。跟住，再黎多個日式即燒牛舌，厚厚嘅牛舌以鹽燒嘅方法炮製，值得一提既係師傅每次都唔會有落好多油，我地叫咗五輪，水準都一直高企，食落去絕對無果種成口油既感覺。相反，牛舌啱啱好熟透，配上香料同鹽等黃金比例調味，食咗一舊之後再食另外一舊，都唔會覺得好膩同麻木，味覺仲好清醒，等待住下一舊嘅來臨。所以，我自己本身都鍾意食牛舌，亦強烈推薦大家試下。…Read More

前幾日上網見到極上帝王水產有好多好評，而且我又好耐冇食過放題，所以我就約左朋友去極上帝王水產食放題😆。一入到去唔洗五分鐘，店員就安排到座位比我地，係午市呢啲人流咁高既時間，店員既服務態度真係值得一讚👍！呢度既刺身非常新鮮，最大的驚喜係既度竟然有我最鍾意食既象拔蚌😍，啲三文魚每件都切得好厚，而且魚身有光繹，肉質又肥美，食落令人好有滿足感☺。而且啲蝦刺身都好清甜，總括而言呢間餐廳既刺身都好好食，所以我地食左兩round刺身😎。呢間餐廳既軍艦壽司都有好多種，而我就覺得呢度炙燒系列嘅壽司非常好食😋。我地點左幾件炙燒三文魚壽司黎試下，啲炙燒三文魚壽司既火候控制得十分適當，每件壽司嘅份量都係大大件，而且啲三文魚仲要係入口即溶，食落口感一流🤤。熱食方面，呢度既牛舌煮得好淋、好入味，而且炸物都係即叫即炸，唔會話因為放得太耐而淋晒👍。係我地差唔多食完果陣，餐廳仲送左一客碳燒日本A5和牛比我地自己燒😳，有得食又有得玩，一個字"正"😎！呢間餐廳既食物選擇非常多，整體性價比高，鍾意食放題既朋友就一定要黎極上帝王水產試下！…Read More

招牌牛爽腩，牛味充足，爽口，非常特別，唔係到到都有嘅牛腩麵。必食推薦！牛爽腩口感十足，舊舊肉同筋嘅配搭都好好！份量適中。麵底，今次簡咗幼麵，爽口彈牙，無鹼水味。正！麵底仲有好多配料，有芽菜，葱，芫茜，同冬菜。味道同口感配合得好好，而且味道都好豐富。仲有配料係用另外一個碗仔裝住，你鍾意落幾多就可以自己選擇。湯底濃郁，超有牛味！！另外出名嘅仲有主打嘅牛丸。手打牛丸，粒粒大細一致，而且勁彈牙，牛肉味濃，而且餐廳選用黃牛後腿肉去整呢粒牛丸。咬落去口感十足，肉汁爆多，勁多肉汁。今次叫左兩個小食，一樣係雞翼，非常入味，表面嘅炸蒜好香，調味用到玫瑰露酒，有好香嘅酒味，炸得好脆。雞翼冇用炸漿去炸。勁多肉汁，亦好香口。炸墨魚丸，非常香口，配上泰式酸辣醬，小吃之選！自家製辣椒油，有種香辣嘅味道，唔會太辣，加落麵到，風味提升不少！紅燈籠椒辣椒醬，比辣椒油辣少少，好少係其他店舖見到同食到呀！！同樣，辣就唔會好辣，但係就有種鹹辣嘅味道。最辣嘅黃燈籠椒辣椒醬，有種酸辣嘅味道！係三種之中最辣嘅，錄意食辣嘅人一定超鐘意！！…Read More

呢間炸雞價錢雖然唔算好平，不過都有佢可取之處。睇下今晚叫咗啲咩食先同朋友兩個人叫咗都幾多野食總共兩個餐再加一個小食，仲要配埋野飲每個餐都有一件雞，一個意粉/沙津，再加一個小食份量都幾充足，呢間餐廳的選擇多，唔單只供應炸雞，直得一讚！正好比女朋友多啲選擇，今晚夜咗黎，無哂烤雞！唯有要炸雞啦，講開又講，原來呢到嘅雞係無激素、非基因改造，為著健康著想，貴少少都無問題嘅。炸雞之外嘅食物以下呢啲：煙肉磨菇卡邦尼、煙三文魚凱撒沙律、脆磨菇、洋蔥圈卡邦尼同沙律都係正正常常啦！但佢嘅小食店真係唔錯😋洋蔥圈 - 厚肉，仲帶少少甜味，香脆可口最快就係清咗佢脆磨菇 - 以為會好奇怪，點知又幾好味喎，外脆內軟，一咬開啲磨菇汁即刻湧出黎，幾好幾好！呢間餐廳都值得一試！ 大家可以試試。…Read More

早排喺朗屏站出嚟經過見到呢間新開嘅車仔麵店已經好想食，今日決定去試一試。入到嚟第一個感覺就係好乾淨、整潔，燈火通明。 再望吓個餐牌，選擇很多，又任選車仔麵，有車仔麵套餐，有太陽蛋大碗飯系列，仲有撈丁等。最近元朗都冇乜高質嘅芝士撈丁食，見呢度有幾平，就決定試一試。巨大大炸雞扒撈丁，好令人驚喜。塊炸雞扒肥厚得來好嫩滑，廚師控制火候控制得好好，而且雞扒皮仲要煎到脆身，配有少少胡椒味，食落好惹味。而芝士底份量好足，所以帶到好香濃嘅味出嚟。沙嗲牛柏葉，好大碟，而牛柏葉好靚，望落唔會太白咁化學，食落爽口唔洗講，配襯埋沙嗲醬好match，食完一碟都未夠，好想encore。…Read More

星期五放工想食d甜品獎勵下自己完成左忙碌既一周。於是就揀左呢間係擺花街既Mon cher試一試。之前同事都有提過呢間野既堂島卷幾好食但自己一路都未試過，終於的起心肝黎試試佢！間鋪都唔算好難搵，鋪仔細細但裝潢設計都幾有心思。甜品擺出黎已經好吸引，花多眼亂，一個人黎簡左好耐先做到決定。最後我叫左個迷你幸福御守同埋一個招牌既堂島卷。先講個堂島卷，外面嘅蛋糕入口好鬆軟蛋味濃，入面既cream清新唔會好甜，個人黎講都幾鐘意呢個texture！跟住再黎既御守賣相都好靚，擺係個中式蒸籠入面，睇起上黎好似點心咁，食落去甜而不膩，比起堂島卷更creamy，而個皮就較有咬口，係另一種感覺！走既時候發現佢地既蛋糕都好吸引，有melody同hello kitty等款式選擇，相信sanrio既粉絲見到一定流哂口水呀！…Read More

首先讓我講一下環境方面，這裏的裝修很懷舊但又會給予一種很整潔的感覺，而且有卡位，用餐環境十分舒適。然後我再講一下食物方面。有多款配料可以選擇，而這次我選擇了豬紅，滷水雞翼，竹輪和滷水蛋。這裏的豬紅不會太過淋，剛剛好，滷水雞翼亦十分入味。而我最喜歡的是這裏的湯底，是腩汁湯底來的。可以隨個人喜好加入辣醬。飲料方面亦有多款選擇，除了最基本的凍檸茶凍檸水外，還有乳酸氣泡飲料和豆漿。而這次我選擇了豆漿，豆漿有獨立包裝， 十分方便，而且味道不會太甜或淡。除了車仔麵外，店裏亦提供不少小食。這次我就點了一個韭菜鴨血，這款小食微辣，適合喜歡吃辣的朋友。點過餐後，亦會有店員送餐服務，他們態度很周到，老闆亦會跟客人聊天，讓我和朋友都吃得很開心和滿意。…Read More