傻大姐中的傻小妹的個人專頁

好內有同靚靚表妹食飯傾計～ 難得約到 梗係要食好D啦。我鐘意呢度靜靜地 冇地鋪既嘈吵 岩曬傾計。2 course lunch set ($98-158) + 餐湯/沙律+飲品。餐包有幾種選擇 熱辣辣 好軟熟 絕對唔係hea既餐包。香草腩肉雜菜沙律配梅子醬 腩肉好好味 脆口。沙律菜好新鮮爽脆 梅子醬酸酸甜甜 好開胃。一定要提下 車厘茄好香甜～海鮮忌廉湯～好濃 creamy～ 青口好滑 配上三色椒 yummy!炭燒加拿大有機帶骨豚配乾蔥紅酒汁。Wooo 賣相已經好呃like.... 影左一輪相先。豚肉扒厚切 火喉控制得好好 一點都唔會太硬或者好乾 依家好嫩&Juicy!!! 配菜好特別 薯蓉好濃牛油味 Ham特別處理過 脆脆的 好像食薯片。乾蔥原粒食 好甜 同豚肉好夾。沖繩黑啤燴澳洲和牛面額伴米飯。黑啤的甜 配上和牛面額 好惹味。和牛面額係驚喜地嫩滑 燴得好腍 好入味。絕對是必試之選！銅鑼灣上樓高質西餐 誠意推介👍🏻…查看更多

又返工又讀書 今日終於完成短期目標 一於食返餐好 慰勞下自己～燉湯湯底 推介～ 先飲左兩碗先打邊爐 揀左蟲草花花膠燉雞湯。幾足料 鮮甜 湯料又花膠又蟲草花又雞腳 全部都好好食。牛肉控既我 點了牛三拼&鮮滑牛。牛三拼有牛柳粒 牛邊位 手切牛。各有各好味。牛粒柳肉味好濃 牛邊位入口最滑 手切牛肥瘦又適中 所以叫三拼最好。打邊爐食羽衣甘蘭 我都是第一次。沙律食得多 打邊爐都唔錯喎 一直都好鐘意呢種菜 有種獨特既香味 又係super food. 鯇魚片 幾新鮮 用燉湯底淥新鮮魚最perfect！松葉蟹皇餃 幾有創意。啖啖蟹膏 我真心驚喜 哈哈～ 最後食埋個手打烏冬 就飽曬～飲品 推介青檸梳打&洛神花 自家製。我自己鐘意洛神花多點 酸酸甜甜又清熱氣。特別要讚下呢間火鍋店用環保餐牌 用marker寫落膠餐牌 轉頭就可以循環再用 讚！…查看更多

約左好姐妹一家三口食飯 auntie好鐘意打邊爐食雞煲 一定要帶佢去間正斗有feel既。同事推介油麻地火水爐 話環境懷舊有feel 食物又有質素 即刻訂定枱～ 環境好得意 好鐘意佢既舊式格仔地磚 有好多懷舊佈置和裝飾 好多‘影點’。$258安格斯肥牛海鮮任飲任食 抵！鮑魚雞煲 嘩嘩嘩～ 雞件啖啖肉 好香濃惹味 雞煲配鮑魚 真是好鬼襯架喎原來。鮑魚幾新鮮 彈牙 正～海鮮拼盤～ 海蝦 蠔 花甲 鯇魚片。新鮮度唔錯 花甲和蠔都好肥美。任食item～ 安格斯牛 西班牙黑毛豬任食 真是好抵。肉質唔錯 而且唔會太肥。丸類餃類蔬菜基本上好齊款 食唔曬咁多種 總有你岩食既款式。懷舊紅豆冰涼粉～ 岩曬打完邊爐食。紅豆好軟腍腍 什果涼粉 勝在夠凍夠清涼。…查看更多

呢排同事成日講尖沙咀有間高質放題 四百零蚊一位 食2.5小時本身我唔係特別喜好放題 不過戀人話要食放題 當然要去。入座後已經加分 有別於平時擠迫的放題 枱與枱之間好有空間感 一點都唔狹窄。每人送一隻龍蝦 有不同的食法。我揀左芝士焗 最普通但我最鐘意既做法～ 龍蝦都好大隻 而且係真心鮮甜 肉質又幾彈牙 啖啖肉 幾正喎。生蠔任食 超抵。幾鮮甜架 任食係超回本。刺身壽司當然必食 大部分都好新鮮 三文魚甘香肥美 厚切 好正。壽司手卷基本的有～ 特色的都有不少。軟殻蟹手卷正斗 紫菜脆口 軟殻蟹又新鮮炸起 加埋脆卜卜蟹子 yummy:) 炸物燒物～ 我超鐘意厚燒玉子 燒到外面帶點脆 蛋香又濃 encore左數次。串燒一口牛 必吃！超正 好香牛味 肉質嫩滑又juicy. 雞翼有3種味 香辣個隻最惹味。燒菠蘿一向是我放題不可不食既item 酸酸甜甜夠多汁 開胃。花膠燉湯！！！無諗過放題有咁大舊花膠既燉湯飲 正！清甜 花膠大大舊 飲多兩碗可以回本。茶碗蒸 蕃茄手打烏冬呢d熱食都唔錯。講真 食物款式太多 實在冇辦法試曬。但我真心覺得一樂呢間放題係真心高質素。雖然比起一般的 價錢高少少 但回本食物超多 物有所值。…查看更多

天氣好凍 走過寒冷的街道 好友將我帶到一間小小的店 柔和的燈光 淡淡的花香 將我沈重的心情都慢慢沉澱起來 好好享受寧靜的晚餐。Set dinner / openrice訂座主餐牌半價都好抵～ 我們揀左set dinner, 有餐湯。沙律。主菜。餐酒。晚餐種類很豐富 豬牛羊雞魚、意粉意大利飯都有。餐湯～芝士忌廉湯 濃濃芝士味 入口頗滑。前菜～ 煙鴨胸黑醋沙律 鴨胸幾軟熟 沙律菜亦幾新鮮爽脆。主菜～ 慢煮豬鞍好juicy~ 份量亦好大 慢煮過後再加香草、黑椒、海鹽輕輕煎香 配上紅莓汁 原汁原味。配菜～沙律菜 焗薯粒。炭燒紐西蘭肉眼～ 肉質鮮嫩 牛味頗濃 火喉剛好 鎖住肉汁和水份 yummy~ 配菜和豬鞍有點不同～鮮甜車厘茄 炸薯條 各有各好味。炸水牛城雞翼配辣蕃茄莎莎醬。雞翼炸得好香脆 炸粉唔會太厚 微微帶點辣沾上蕃茄醬更惹味。如果唔飲餐酒 可以半價飲花茶或者其他特飲。天氣太凍 女生都是飲下洛神花茶加蜜糖比較好：）…查看更多

近來比較忙 很久沒有和家姐二人世界 我們都是日本控 之前睇中左要試銅鑼灣的勝手 日式shabu shabu 終於有時間去～ 小店環境不錯 除了火鍋 串燒亦是他們的賣點之一。店內嚴選的Sake有不少的選擇 下次放工後想飲杯酒 食下串燒 又有一個好地方。二人前火鍋的𩶘魚湯底 很清甜而且無味精 簡單的加了蔥花 已經好美味。喜歡日式shabu shabu的原因 是因為湯底和食物都不花巧 可以嚐到食材真正的鮮味～ 鹿兒島A5和牛&黑豚肉～ 嘩 真的無得彈。賣相已經很呃like。和牛色澤光亮 雪花細緻的分佈 入口即溶 牛肉味香濃 肉質非常嫰滑 真正靚牛。黑豚肉亦毫不遜色 即使煮久了口感仍然軟熟不會硬 帶有獨特的黑豚肉味 yummy!海鮮有鮑魚和蟶子皇。鮮甜 爽口彈牙 配上𩶘魚湯底 完全可以品嚐到海鮮本身的鮮甜味。什菜盤&烏冬～ 大蔥 菇菌 蔬菜都十分新鮮 亦處理得好乾淨 和湯底很配搭。烏冬不要以為只有急凍才好食 勝手準備的手打乾烏冬 煮6分鐘 一樣彈牙而且口感豐盛 一樣非常正。聞到旁邊客人食串燒 我們都忍不住點了免治雞肉棒和豚肉泡菜串。免治雞肉棒 咬下去 除了雞肉 還帶有少少脆口的軟骨 增加了層次 配上雞蛋和醬油一齊食 好有日本風味。豚肉泡菜串 燒得香香的豬肉包著爽脆泡菜 口感豐富 而且帶點微辣 好開胃。綠茶紅豆奶凍 為我們的晚餐寫上一個完美的句點。紅豆軟軟綿綿 奶凍很滑亦不會太甜。整頓晚餐都很滿意 很值得推介給朋友呢～ …查看更多

媽媽生日要食好啲，去美麗華就最方便又舒服。百樂小館係'潮'食，啱晒媽咪口味！預先訂咗枱，店員招呼殷勤，卡位亦坐得很舒服，前菜有媽咪鍾意嘅潮州鹹酸菜，甜甜地好開胃。滷水鵝片拼盤～ 必吃推介！鵝片肉質非常嫩滑 肥瘦適中 花椒八角的香氣撲鼻 入口有淡淡丁香桂皮的味道 入味得來不會過咸 好好食！ 墨魚片軟熟 厚薄適中。豆腐香滑。五花腩一層肥一層瘦 口感一流！杏汁白肺湯～ 杏汁湯非常濃郁，像杏仁糊般的口感，杏仁味豐溢！豬肺很滑溜 完全是誠意之作：）五香芋絲卷～ 芋頭粉絲必吃！熱辣辣 外面帶點脆 芋頭鬆化 帶點五香味 芋頭好足料 正！紅棗烏豆豬尾煲～ 壽星媽話要試 我原本有點抗拒 覺得好肉酸 牛尾食得多 豬尾真的冇試過！上菜時 遠遠已經聞到紅棗香氣！鼓起勇氣試左一件豬尾 原來又幾好味！肉質都幾腍 而且非常之入味 媽咪食到好高興！清心丸綠豆爽～ 呢個糖水必食！清心丸QQ的 我一向好鐘意 綠豆粒粒爽口 又唔會太甜 飯後甜品的好選擇！壽星媽食得滿足 指明下次想食潮州菜要再來：）…查看更多

在朗豪坊等睇戲 去朗晴坊食飯最好不過 勝在方便又多選擇。在樓下研究左一輪 揀左一間西餐未試過既。環境幾寬敞 燈光柔和 座位又舒服 幾適合傾計 一個人想靜靜食下野 又岩feel。二人餐 晚餐 價錢都幾優惠 不過我今日決定 a la carte～ 炸墨西哥芝士條～ 店員推介* 外脆內軟 芝士在半溶狀態 軟心 好濃味creamy 外層帶微微香辣和香草味。配埋sour cream 好惹味！芝士愛好者必試！沖繩活性水飼豬鞍扒～ Wooo 好大份。一個女生實在好努力先食得完。豬鞍大約7-8成熟 帶點微粉紅 肉質軟熟 帶點海鹽味。伴上蜜糖芥末醬 兩種食法～ 甜品都幾吸引 可惜一個人 實在食不下 哈哈～ …查看更多

穿過落地玻璃 望著太陽漸漸掩沒在旺角的唐樓中......心裏有點傷感 生活迫人 靜靜地坐著欣賞日落的景色 有多久未嘗過呢～開揚的景色 柔和而恰到好處的燈光 帶給我和好友一個輕鬆的晚上。北海道帶子羽衣甘藍沙律～帶子煎得金黃香口 雖則是急凍 但口感確實不錯 肉質彈牙而且鮮甜 處理得好好。羽衣甘藍是近年人人都吹捧既super food 口感比一般沙律菜較為硬 帶有甘甘的薄荷味。配料仲有提子乾 車厘茄 紅、橙色的車厘茄很清甜。醬汁是帶甜的黑醋汁 refreshing！夏天清新之選～西西里牛油龍蝦意粉～ 龍蝦開邊有半隻 肉厚帶有不少的膏 焗的時間控制得宜 唔會過熟～ 意粉的醬汁非常開胃 甜甜鮮蕃茄醬 帶點微微的香辣 意粉的軟硬度亦好好 yummy~烤依比利亞黑毛豬鞍配法式黑醋蜜糖汁～黑毛豬鞍很大塊 喜歡厚切。烤得外脆內軟 肉味很香濃 juicy唔會乾 讚！ 配菜也毫不遜色 除了車厘茄 秋葵 粟米芯全部都輕烤帶點海鹽咸香外 黃蕃薯超甜又軟熟 健康又好味的配菜～女生喜愛甜品 Lemon～ 夏天必吃～ 賣相絕對是IG呃like之選。很靚！味道亦很特別。馬鞭草菠蘿沙冰 酸酸甜甜 好清新好凍～ 檸檬脆皮內包著有鮮西柚肉的乳酪 咬下去一脆一軟 有層次。再配上旁邊的杏仁脆脆 perfect!!過了一個舒適而又滿足的晚上～…查看更多

奧海城探完兒甥女 一個人去搵食。聞到好香既辣味 尋找之下 原來是十二味麻辣的分店 正喎 二話不說入去獨食啦～ 麻辣香鍋 必吃～ 自己點選辣度 餐廳建議肉類 蔬菜類 比例2:1。食之前緊記要撈混 確保味道均勻～鮮牛肉嫩滑 豆皮煙韌有咬口 薯粉 金菇沾滿辣汁 好正～ 麻麻辣辣 川味很濃 配上蔥花芫茜花生碎 真是好惹味！涼拌土豆絲 爽口 幼絲 很香的麻油味 不會太咸 夏天的好選擇！今日好想食甜品 選了餐廳推介的四川冰粉 很清新～清甜 冰凍 冰粉口感似啫喱 帶有淡淡的玫塊香 可以一解食川菜的油膩～食辣野 最好飲凍野 小當家選擇都幾多 有泰國梳打水 又有椰青水清熱氣 讚！…查看更多

日本的氣味～結婚週年紀念 滂沱大雨 老公拖著我的手 走到上環九如坊 走進一間不起眼的日本小店。柔和的燈光 兩位親切的日本師傅 小小的店 我們被安排坐在師傅面前 令我彷佛去了日本的居酒屋。我很喜歡吃蟹 原來老公刻意挑選了以蟹為主題的無菜單料理。兩位日本師傅很專業 亦很友善。整個晚餐都很用心的準備和解釋每道菜的食法和食材。這個亦是我特別喜歡吃無菜單料理的原因～前菜。賣相已經很吸睛 西瓜形狀的明太子 醃製過的鱈魚卵 帶有淡淡海水味和鹹香。炸蝦香脆彈牙。炸沙甸魚乾仔 首嚐 很特別 脆卜卜 有咬口又惹味。山芋配飛魚子 秋葵 山葵 淋上醬油 口感很豐富 山葵的清甜 飛魚子的爽脆配上醬油 前菜已經看得出功架～刺身。深海池魚 厚切 肉質清甜爽滑 比一般池魚、油甘魚更為鮮嫩。 吞拿魚入口油脂甘香 口感爽脆。第一次試毛蟹刺身 很有驚喜。咬下去口感似荔枝 肉質彈牙爽口 鮮甜。除了刺身新鮮以外 伴碟的花亦很有心思 全部日本空運到港 特別是深紅色的四季紅 帶點微微辣 伴著刺身一起食 更能突顯刺身的鮮甜。伴碟所有的花都是可以食的 食完刺身後 貼心的師傅更加將底部的橙去皮切片給我們食～一品料理。鮟鱇魚酸酸的醬油汁 配上醃製過的青瓜和紅白蘿蔔 魚肉很嫩滑且鮮甜 一口青瓜一口魚肉 清淡得來有層次！燒き物。炭燒鱈場蟹 燒鱈場蟹腳 我每次去日本都食。真心喜歡。鱈場蟹腳肥美 炭燒香氣四溢 肉質豐厚彈牙 啖啖肉，鮮味濃。無論沾日本橘柚 或者蟹醋 還是吃原味 都一流！揚げ物。海膽鱈場蟹春卷創意之選～春卷包著很大隻的鱈場蟹腳 蟹腳爽口鮮甜不在話下 重點是海膽 橘黃色鮮豔有光澤 入口綿密細緻 滑不溜口 質素媲美日本吃到的一樣！**毛蟹+蟹膏**WoooOoOoooOooo~~* 毛蟹拆好肉 配上蟹膏 堅。享受！毛蟹肉質很綿密 鮮甜就當然的！和鱈場蟹的口感很不同 兩種各有千秋。重點：毛蟹的蟹膏真是無得彈 味道清甜 口感滑溜得很 入口即溶 一啖蟹肉 一啖蟹膏 真是很享受！松葉蟹鍋。毛蟹和鱈場蟹都吃過 滿足非常 竟然再來一鍋松葉蟹 湯裡面充滿蟹膏 所以很清甜 ～ 松葉蟹肉好像絲絨般幼細 放湯很好食！ 蟹腳甜心的剪開了 啖啖肉。雖然已經很飽 但仍然一滴不剩的飲曬蟹湯 因為太香蟹膏的味道了:)以為要食甜品的時候 驚喜又來了。海膽+蟹蒸飯～ 三種蟹肉和海膽 粒粒飯都有鮮甜味 帶有蔥花的香 師傅再加了三文魚子 口感又豐富了 好滿足～甜品。爆炸糖啫喱哈哈 兒時回憶～ 竟然加爆炸糖在啫喱裡面 好有創意！配上日本的香梨 太滿足！高水準的蟹宴～ 無菜單料理的驚喜 日本師傅的專業 令我彷佛置身北海道一樣～…查看更多

上環。荷里活道很有味道 閒時都會去逛逛 捉緊老香港的氣味～ 今天走得有點累 看見一間小店 主打西餐和手工啤 頗有感覺 走入去 送一個悠閒的下午給自己。午餐都有不少的選擇 沙律 意粉 麵包類都有。仲可以配啤酒 不過今日有揸車 都是乖乖地飲茶好了！Spicy Oxtail Linguine～香辣 惹味 yummy～ 有少少濕炒意粉既feel 辣蕃茄 唔會太酸 辣度又夠。牛尾好驚喜！！肉質非常軟熟 味道亦好好 炆得夠火喉～ 配料有很多新鮮的菇菌和雜豆 令到口感很豐富。炒的意粉 可以做到口感煙韌有咬口 都是很有誠意的 因為出面好多餐廳的炒意粉都是太腍的。餐飲揀左法國茶 淡淡茶香 很配合午後的心情。P.S.手工啤其實有好多選擇 selection好多。特別有我喜愛的港製門神啤！…查看更多

中環睇完牙醫 箍牙去到尾聲 就快可以脫離苦海 真是要慶祝一下。夾岩老公lunch hour 佢話帶我食好野 新開 在佢公司附近 ～すき燒森。Lunch Menu都好多選擇 梗係要試sukiyaki 叫左一個mini sukiyaki 一個sukiyaki丼～煎茶好甘香 侍應服務好好 雖然客人多 都常常幫我們添茶～Mini Sukiyaki配牛肉～嘩 一見到牛肉的賣相已經知道味道一定好～ 油花分布好靚 色澤均勻。口感非常嫩滑 入口即溶 濃濃肉味 甘香鮮甜 真是同去日本食的質素一樣。即使一不留神 煮內左 都完全不影響口感 讚！配菜有烏冬 金菇 豆腐 大蔥等等 壽喜燒的湯汁唔會太甜 味道適中 配上和牛是perfect match!前菜有沙律 羅馬生菜新鮮爽脆～ 麵豉湯清甜 豆腐嫩滑 帶點蔥花香氣。Sukiyaki 丼～ 珍珠米軟熟帶點柔韌 醬汁微微甜 牛肉無容置疑地高質素 大蔥洋蔥好腍好入味 連蔥花的幼細度都是表示誠意的一環。飯後甜品 抹茶雪糕 又一驚喜～ 茶味很香濃 雪糕口感細嫩 淡淡的奶味 恰到好處 甜度控制得好好。我其實一向不太鐘意抹茶甜品 因為外面好多只是食到奶味 但呢度既真是值得推介 最後我仲搶左老公半球雪糕。老公果然冇令我失望 給我一頓豐盛的午餐。已經約定了 除牙箍的一天 要黎食晚餐慶祝。…查看更多

在悅來酒店參加完一個會議 老公來接我。為了慰勞我用了全日的腦袋 要食返餐好既先得～ 經過悅來坊二樓的牛の鍋 餐牌好吸引喎 又有火鍋又有放題仲有即製甜品 都是二百幾蚊 一於入去測試下性價比有幾高。湯底揀了黑松露龍蝦湯&蕃茄濃湯（+$18就可以雙拼）特別喜歡蕃茄濃湯 好香蕃茄味 酸甜度又剛剛好 配菜或者肉都perfect! 黑松露係老公杯茶 都不錯的 不過我個人喜好蕃茄多點。刺身超推甜蝦 帶子！甜蝦幾新鮮 帶點甜味 口感粘粘的 正～ 帶子都彈牙架 唔食刺身既朋友都可以叫黎淥3秒 一樣咁好味～火鍋配料好豐富 肉類有豚肉 羊肉 牛肉兩款。海鮮有廣島蠔 海蝦 鱸魚片等等。雖然海鮮都是冰鮮 但質素不錯架 冇腥味 海蝦大隻得來都幾彈牙 所以encore左好幾次。牛肉粉絲 我主力食牛肉和極上牛肉 肉質Ok 牛味都唔遜色！豚肉都不錯 肉味頗濃～ 出面任夾既火鍋配料多不勝數。除了常見丸類 仲有魚肉豆腐 脆皮芝士丸 年糕丸等等。蔬菜類都幾新鮮 種類又是數唔曬 淨係菜都五六種。粉麵唔少得烏冬 仲有芋絲薯粉粉絲等 烏冬係手打架～ 烏冬配蕃茄湯 絕對冇得輸。我覺得最出色 真是甜品～放題呀火鍋呀 點會有即製甜品架 呢度偏偏有 仲有十幾款。窩夫即叫即製 外脆內軟 塗了薄薄的糖漿 蛋味又香～ 仲配上軟雪糕 真的好好食！榴槤班戟 班戟皮日日新鮮製造 煎得金黃 班戟皮都帶點榴槤味 忌廉夠滑 yummy~ 可惜 榴槤甘露已售罄 見到隔離枱個杯好正呀～ 梳乎厘蛋多士～ 好特別的甜品 梳乎厘的口感 充滿蛋香 帶點淡淡橙味 大家必試呀～食後感～ 唔洗$300大元 又刺身又炸物 再火鍋 甜品仲要咁有誠意 真是唔食唔得!…查看更多

今日入咗元朗搵好姊妹聚舊，突然之間好想食泰國菜，姊妹就即刻帶咗我嚟呢間泰國餐廳度，佢話全個元朗泰國菜最好食環境又最舒服就係呢間餐廳啦喎，等我嚟試下佢先。餐廳嘅環境果然唔錯，既有室外嘅露天茶座，方便食煙嘅朋友大快朵頤，室外位置嘅地下用上咗綠色嘅地氈，遠望有如一片綠油油嘅草皮，再加上圍邊嘅熱帶植物，令人短暫忘卻世俗嘅煩囂；另外亦有室內嘅冷氣座位，俾唔食煙，合家歡，怕熱又或者帶住 bb 嘅朋友，唔使硬食啲二手煙，室內嘅吧枱鋪設螢光藍色嘅燈帶，頗有夜場嘅氣氛 而吊燈就充滿著泰國風味，加上場內投射螢幕播放緊嘅泰文 mv，令我有返番到 Suan Lum night bazzar 嘅感覺。一坐低店員介紹完食物之後，即刻推介我哋 download 佢呢間餐廳專用嘅 apps，連自家嘅 apps 都出埋，可見餐廳對經營係幾咁用心，除咗有最新消息同食物推介之外仲可以儲印花㗎，啲印花可以攞嚟兌換食物，真係又有得食又有得玩。冬陰功湯（大）， 酸度同辣度都掌握得非常之好，椰味緩緩滲出，味道簡直係全元朗之冠啊，唯獨是係鮮蝦方面如果再鮮一啲相信會更加好。甜柚鮮蝦沙律，賣相好靚，擺到成個雀巢咁樣，相信都要好高嘅技巧，令我諗番起細個去必勝客玩嘅沙律吧，呢碟啲蝦就似樣喇，隻隻都新鮮彈牙，分量又多，配合埋甜柚同埋紫洋蔥一齊食，勁開胃。班蘭咖哩雞，喺 menu 見到呢個咖哩竟然用到班蘭落去煮 已經極有興趣，待應姐姐提議用薄餅去襯個咖哩，薄餅本身嘅油酥味都經已勁香，上枱嘅時候都仲係熱辣辣架，其實淨係淨食都已經夠哂好味，點埋個班蘭咖哩汁簡直變出雙倍魔法，呢個咖哩嘅味道帶甜，同個班蘭味道好夾，香得嚟一啲都唔辣，而啲雞肉就勁嫩滑，臨尾仲想嗌多個白飯嚟撈飯添啊。…查看更多