piggyhippo's Profile

星期六(31/8)8點鐘左右係旺角見到呢間食馬拉野，被門口傳宣馬拉國慶九折,任何消費送凍薏米水吸引，見裝修又唔差又唔駛等咪試下，點知中伏!一行2人叫咗肉骨茶套餐同印尼炒飯，呢間野俾錢方法學足馬拉，掃QR code叫完餐，係電話用電子付款方式俾埋錢先叫落咗單，慌死你走數咁。但佢俾錢個度有D問題，本身諗住用visa，搞咗一輪都係話無法付款，最後只好用八達通俾。最初以為自己論盡，但跟住見隔離枱都係俾唔到。等咗陣，肉骨茶餐先到，見個杯說好了的凍薏米水未有，就問下個待應喇。點知佢話因為人多所以送晒喇。心諗星期六嘅8點都有大量吉枱，另外一層係冇人嘅，咁叫人多。咁算喇，佢幾粒薏米加水都要唔俾你，想招萊客人，結果就令人不愉快。薏米水都算喇，試下個餐先喇。真係未食過清湯一樣嘅肉骨茶，而且主要係骨，肉得一粒，真係好適合節食同三高人士食。然後到個印尼炒飯，由於心有不悅，忘記了相機先食，只能形容一下，真係咸到一個點，有腎病千祺唔好叫，佢個幾塊蝦片，真係應該叫蝦米片，每塊size大約3-4cm大小，似粟米片size，而且冇乜味仲要好似疏疏地氣咁。總括，整體用餐體驗很差，下次一定唔會再去!…Read More

尋日去左深水埗捌哥食馬拉嘢，叫左餐後就奉上肉骨茶，味道很濃，雖然沒有肉同骨，但味道很好，還可無限添飲，有東南亞水準。另外，有一款藍色嘅飯，係用藍花香料做，不過食落其實冇乜特別味，雞油黃薑飯好食d。美中不足係佢個豆芽雞，味道是夠的，但雞大部份是雞背，冇乜肉同埋唔熟，要叫佢攞入去再煮下，我諗要加錢叫雞脾好dd. 另外，佢個咖央多麻麻地，覺得維記好食d, 可以不試。總結是好一般，不過少食馬拉嘢都可以試下嘅。…Read More

一入店內已感受到濃烈的日本味，今次特地選了吧枱的位置，感受一下日本的風味。我們叫了招牌的雞湯拉面，同冷沾面。拉面的雞湯底creamy得黎又唔太肥膩，手打泡沬有cappuccino的感覺很特別，面下炸得硊硊的牛磅條很好味，一定要趁未被浸淋時吃掉，最特別是一塊慢煮叉燒同雞肉，滑得黎有彈性。據店主說全部都係來自日本，仲要慢煮了10個鐘。但一定要試的反而是冷沾面，面身很有彈性，配上超級濃湯，好味到難以形容。本來仲想試炸雞，但估唔到碗面其實睇落唔特別大碗，食落就份量十足，炸雞要留待下次先試。…Read More

餐廳裝修簡潔光鮮，入內已呼吸到一股清新悠閒的空氣。一向以為cafe形式的小店只有飲杯咖啡的份兒，想不同食物也多元化，不但有咖啡花茶小食，還有意粉，意大利飯，沙律甜品等等，很適合悠閒一族與朋友相聚一刻。今次，我們叫了all day breakfast , mini burger及沙甸魚意粉，味道很好，尤其mini burget, 漢堡肉質咬落很juicy,感覺得鮮嫩， 完全感受到店主對食物那份對執著與誠意，是此店必試之選。All day breakfast亦有驚喜，蛋炒得很滑，濃濃的蛋味，沙那美腸像一片薄硊，感覺很特別。最特別是那個烤磨菇，很fresh。配上我最愛的粗薯條，簡真是prefect。沙甸魚意粉，沙甸魚份量很多，蕃汁酸甜度剛好。…Read More

與友人經過，見裝修行有日本feel, 入內試下，誰知中伏！我們叫了一個苦瓜奄列咖哩炊飯，一個紅豆賓及忌廉綠茶豆乳。首先，忌廉綠茶豆乳如同溝了大量水的維他奶，淡而冇味。接著，紅豆賓極甜，口感與普通面包店的紅豆包冇分別。咖哩炊飯的咖哩比超市買的即食咖哩更差，奄列像忘記調味。無怪乎，開店時吸引排隊人潮，而在不用等大把位。奉勸一句，食物始终是食店的重點，單靠裝修而食物水平差是做不住的！…Read More

與朋友點了兩款Pizza, 分別是香濃什雜菌及魔香辣腸配薯條，再加焦糖味Panzcroti, 味道一般用料較單調，芝士味亦談不上香濃，而那個焦糖味的麵粉球，就像食炸麵粉，只有甜字。 順帶一提該店不設洗手間，連位處的商場都沒有，要到the one一樓借用，有點遠，食pizza很多時都要用手，雖烈建議店舖自行加裝洗手盤供顧客使用。總結，如趕時間又想慳錢不妨考慮，至於味道幾廿蚊便張就下喇！…Read More

食店已改名為滋味屋日本家庭料理。堂食叫了可樂叉燒飯，上菜時是一盒發泡膠飯盒，極不環保，賣像茶餐廳外賣。味道方面，叉燒又乾又硬又黑，飯是劣質珍珠水的份量控制得得差，煮得飯太淋，一pat pat.名為可樂叉燒，一點可樂味也沒有，與快餐店甜汁沒分別。友人叫了吉列豬排飯，同樣也是差到極點，好似翻炸多次。 此店除全場價錢最平，沒有什麼賣點。…Read More

我與友人路過石排灣邨，本來想去一間叫華記嘅大排檔試下，可惜遍尋不獲，於是誤打誤撞下，去了一間位於漁光道熟食大樓內叫祥記的大排檔，我們叫了宮保雞丁、椒鹽雞軟骨拼田雞及炒菜，等了一會，見到阿姐攞住碟類似西芹炒雞枊黎，佢問我地係咪叫左小炒王，我地說沒有，佢周圍問其他枱係咪叫左小炒王，然後佢轉頭返黎問，攞住同一碟野，問係咪叫左炒雞丁之類嘅野，我地話只叫了宮保雞丁，佢竟然話，咁呢碟係。大家看看相就明是怎樣看都不會是宮保雞丁。一吃下更覺不知所謂，一點都沒有辣味，分明是西芹炒雞丁！碟內只有西芹雞丁西椒，宮保雞丁最重要材料"乾椒"欠奉，沒有丁點辣味。再三問阿姐，佢堅稱呢碟野係寫你地枱號架，但始終沒有正面回答我呢碟係咪宮保雞丁。無可奈何下，唯有照食。而椒鹽雞軟骨拼田雞，田雞只得有骨部份，雞軟骨非常咸，而且不知為什麼會有雞皮在內。炒菜算是較正常，只是菜老了點。…Read More

係深水埗偶爾見到有間叫混亂拉面嘅舖頭，入去一試，店內裝修有d求其。我們點了豚肉拉面同玉子豚肉拉面，估唔到咁大碗，真係有d混亂，其實佢應該用個大d嘅碗，食時都有d狼狽，差唔多全碗野都係芽菜充撑，豚肉勁肥，湯底比較啖口(雖然其中一碗已加3倍醬汁同蒜) ，勝在聲稱冇味精！全店其實冇乜款式得拉面同撈面(我諗應該係，佢寫黏立冇汁嘅面) 揀，唔知係咪想學豚王同一蘭(味道方面呢間望塵莫及) ，d面其實似係扁身烏冬而唔係平時食開嘅日式拉面，唔知係咪d面粗嘅關係，感覺得好少面，而且又吸唔到湯底嘅味，唔見得比傳統拉面好(講到拉面同一蘭冇得比) ，芽菜係多到一個不太合理嘅份量。有點少建議，就是menu 加返中文，我見好多等位人都要問係咩黎，尤其問號個款，都冇人叫，唔知係咪大部份人都唔知係乜。…Read More

上星期聖誕節與老公去了食午餐，見到有兩個鬼仔係度煮野食，以為都應該正宗便入去試試。我們點了一個魚枊埃及飯及一個烤雞肉埃及飽。魚枊炸得太過火，表面被炸至深啡色還有點黑而非金黃色。心想可能埃及陽光好，膚色深些好正常。但咬了第一口，就覺得應該係過火。肉很乾，而且很咸，正常應該不會咁重手落鹽，想必是魚枊不新鮮，雖是急凍，但也有分優質及劣質的罷！ 跟住個埃及飽仲差，個捲著肉的包好像是被浸淋了的面粉皮，完全沒有飽味，質感可用噁心來形容，捲內烤肉完全沒有味，不要說有沒有烤過，又沒有醬汁，要點提供的醬才勉強嚥下，可說是我食過咁多中東捲中最難食的一個！真不明白為什麼還會有人幫襯！最後是甜品，我們要了蘋果批及布甸，又是想像不到的難食，甜到不得了，比較好的是布甸上有幾粒新鮮石溜肉，可惜太多核要吐，其實店主有沒有諗過，食甜品時要吐果核是大殺風景的呢？…Read More

尖沙咀有一條開滿韓國食店的街，一日慕名而去，由於事前沒有做research，便隨便入了一間。這間店名為亞之媽，韓文解大嬸，覺得幾有趣，於是選了這間。誰知簡直覺得中了伏。我們點了一個魚湯及一個豬肉拌飯。先說豬肉伴飯，豬肉有一陣臭豬味，很明顯是劣等豬肉，不能接受 。魚湯方面，一上菜已聞到一陣濃烈的腥味，但入口完全沒有鮮味，反而淡茂茂，門口還說是特色菜，我說是特「腥」菜就真。 無怪乎間間都有人排隊，唯獨這間門口是沒有人的，下次揀食店都係要醒少少，睇睇食評先好入去!…Read More

舖頭裝修很有韓國風，舖內鐵絲網上扣滿情人鎖。我和老公叫了招牌元祖奶奶雞同石頭飯。石頭飯幾好，半生熟雞蛋的蛋汁足夠撈完全個飯，可惜辣醬太小，如窩底有港式飯焦會更好味，雖然韓國當地的石頭飯都是沒有飯焦的，所以這個其實是韓國正宗風味！招牌雞方面，調味汁幾好味，對於慣於清淡的我們，就稍為咸了小許，但都可以接受，不過就冇乜特別，似雞煲咁嘅味。最可惜是用了雪雞，冇雞味，同可能煮得太耐，好老，好鞋！浪費了個汁！而且，韓國是有用窩同有個爐熱著的，所以這個只用大碟上菜，就求其咗D，亦失去了風味!總括而言，第一次貪得意可以去試下，不與韓國比較的就不會抱大期望，但不會有興趣試第二次了!還有一個重點，香港店沒有前菜，這又是比韓國差了一皮!…Read More

星期日行街經過一家門面不什起眼的老字號酒家「珠江酒家」。本來見它門面殘舊，不太想入去，但老公再三說想去試試，就免強入去。我們很好彩，當時晚上六點，剛好有一張門口的二人枱，待應說七點半要交枱，有人已預訂。其後，很多walk-in客都沒有位，因為枱一早已訂滿。待應說要早一天晚上五點打去先可以訂到枱。真估不到這樣一間小店子，會如此受歡迎。入到去看見牆上貼滿一些手寫紙，上面的菜色有些很特別，不是外面經常可以吃到的餸菜，包括蝴蝶腩、豬肺、珍肝等，看上去好像很有趣，亦很有懷舊味道，開始想，無怪乎老公說了多次要來吃。我們兩個人選了招牌菜「勝瓜浸蝴蝶腩」及「唐芹炒豬肺」。餸菜很快送上，份量很多，沒有多餘的裝飾，很家常feel。先來的是「唐芹炒豬肺」，有點失望，因以為炒是很乾身的，但卻好像湯浸一樣，可能是濕炒吧。豬肺看上去洗得很乾淨，白白的，沒有"押"味，聞上去很香胡椒味，但食落就沒有什麼味道，亦沒有想像的野味，献汁有點像落了很多生粉的淡口胡椒豬肚湯。份量好像有整個豬肺，吃來吃去都吃不完。之後上「聖瓜浸蝴蝶腩」，但蝴蝶腩好像煲完湯的超廋豬肉，本來以為應有點肥肉吧，而且又是沒有什麼味道，只是老公說那塊黏著肉的膜，質感很特別，滑滑的，但亦是沒有味道的，我不太喜歡。勝瓜則偏老，中間食到有核的，可能現在不是吃勝瓜的時節，但心想為什麼不轉用合時的瓜菜，用節瓜也好啊!總括來說，在食物水準方面有點失望，惟服務尚可接受。我們看見其他枱有些煎炸類的餸菜，看上去好像很好吃。我想下次可以再去試一試炸的餸菜，如果都是不好吃，這家酒家可以black list 了。…Read More

今日同同事到好耐冇去嘅sweet 19 lunch，餐牌只得牛仔腸同蟹肉意粉，兩款都係敏感人士忌食菜式，再冇其他野揀，覺得佢編排餐牌有D問題，同選擇太少。我哋一行三人，兩款菜都有點，份量比以前少咗好多，可能太耐冇去，而家物價又標升，所以覺得特別細碟，唔係好飽，而且質素一般。之後加咗兩個cake，要咗最出名嘅金字塔同另一個焦糖香梨蛋糕，兩款都好好食，可以一讚。不過餐廳兩個tom boy侍應就態度欠佳，問佢除咗set lunch外，有冇其他menu，佢好似唔想理你咁，好副氣咁答，冇架喎，然後走咗去。問佢有咩蛋糕揀，佢又好冷淡咁答你，我都唔知有咩喎，你自己去餅櫃睇喇!呢D咁嘅service，完全唔襯間cafe囉。佢主餐嘅野又唔係好食，只係個cake可以，服務又咁差，下次都要諗下係咪再去。如果只為食cake去，佢個cake set 都要成六十幾蚊，咁不如去酒店，起碼人地D服務都prof D 喇!…Read More