全自費食評🔴黑樺牛 話說呢間舖頭，之前邊爐夫婦已經食過一次，甘岩行開尖沙咀，又想打邊爐就決定再食，好彩唔算難訂位，即日訂都有位🔸黑樺牛火鍋放題 $398 再加一湯底有7款選擇，之前試左北海道牛乳玫瑰芝士鍋就覺得有少少膩，所以今次決定清清地，揀左個野生竹笙松茸菌鍋，愈煮愈出味，又唔會蓋過嘢食味道！唔錯🔸前菜三款1️⃣黑樺牛精選層架 個墨魚滑正常發揮，其他一款牛肉同豬肉就一般2️⃣墨魚滑油炸鬼味道正常，不過較油3️⃣麻辣拼盤有魚皮/牛柏葉/皮蛋同牛展，呢個反而有驚喜，辣得黎幾開胃！🔸北海道大元貝牡蠣海鮮拼盤有專人會幫你計時，夠鐘會幫埋你開殼，仲有少少清酒味，服務幾好，不過蠔有少少碎殼，食用要小心，可改善！🔸A5特上霜降小排A5牛肉大概有5款左右，不過有款售罄。所以只試到4款，呢款邊爐夫婦極力推介，入口充滿油脂感，有口感亦保留到牛味，我地起碼食左4碟！🔸A5肩胛梅花、A5牛頸脊上枱時牛肉係冰凍狀態，需放一陣才可食用，這點餐廳值得改善，可能牛肉預先切好放雪櫃，客人落order就直接送上。 呢兩款肉不過不失，牛味及口感比小排高，可小試。🔸A5玉子後腰肉可能因為腰肉位，油花不多，配上玉子係會令到口感較滑，不過食多會比較膩。🔸醉玫瑰梅花肉梅花肉有濃濃的玫瑰露味，就算放落鍋中煮熟後，食落都有微微的玫瑰露味，頗新鮮，可以一試。總結如果去開尖沙咀又唔知食咩，都可以一試！生蠔可不用額外加錢任食，淺嚐便可！喜愛生啤可加錢暢飲，有白啤同黑啤！牛肉就推薦A5特上霜降小排，其他配料有20-30款，有一般的餃類，丸類，面食類等推薦指數🌕🌕🌕🌑🌑抵食指數🌕🌕🌕🌑🌑黑樺牛地址：尖沙咀堪富利士道6-6A號爵寓1樓…Read More
