一等為食蟲's Profile

澳門太多美食，但不是每一間都便宜。想抵食，但又想型格打咭？ 呢間餐廳絕對是on the list ! 主打美式快餐 ，餐廳重點係有幾部懷舊真車係入面。當然，車廂已經改造完美變成一架餐車。 露台對住巴黎人嘅巴黎 鐵塔。所以亦成為打咭嘅熱點，見到不少網紅以後面為景點影相打咭。下午時間來想個搵位都難！點餐係自助點餐形式，手機或者係counter點餐都得，但係就要自己攞。美式快餐又點少得漢堡， 包入邊嘅牛肉做到啱啱好 ，夠 juicy，加上香濃BBQ sauce 好味。包亦好鬆軟，聽聞都係酒店自家製 。但薯條說就一般，如果可以做到厚切薯條就更加好。另外叫咗個雞肉蘑菇批， 酥皮 超香，但批餡相對少， cream亦夠香濃， 好快就食曬 ，有啲唔夠喉總結： 值得試下…Read More

難得隔離咗七日先至可以嚟到澳門🇲🇴，梗係要試吓啲米芝蓮餐廳。 聽朋友講呢度啲小菜好精緻，而且服務都係一等一，所以就來試吓。黃金周成個禮拜都full晒。所以等過晒黃金周後，人潮散去，先book到位。入到嚟已經見到氣派不凡。餐館環境優雅、靜謐。而且枱同枱枱之間距離有返咁上下，傾密偈唔怕比人聽到。餐前小食同埋歡迎茶，已經有驚喜！每上一道菜，侍應都會介紹返，上嘅茶原來係根據時節特別調佩。剛秋涼，所以佩上紅茶加玫瑰桂花，花香味特濃，入口清新醒神。第一道菜係鵝肝金錢雞。傳統金錢雞係肥豬膏加雞肝。但呢度就用咗杏包菇代替左肥膏， 用鵝肝代替雞肝，高級之餘亦好似健康啲。 呢個trip 不停咁食， 但塊鵝肝入口即溶。 個啲膽固醇，高脂，乜都唔理住！跟住就係頭盆tasting menu 精選三小品 。 可以試晒「酥炸生蠔🦪+义燒+梅子蕃茄」生蠔就唔使講一睇就知肥美， 义燒係無敵，肉嫩爆汁。 而本人係無食肉獸，梅子蕃茄就無乜comment。再嚟就係焗釀蟹蓋。 依家唔係好多地方有。 所以見到即叫。 呢度菜😋佢話用咗松葉蟹肉、瑤柱、響螺焗釀，一個字 ～好味😋🤣。 旁邊仲加咗隻炸「清水蟹仔」。雙蟹🦀️出動鮮味係口腔內爬行。 而妙齡乳鴿出場啦！定係應該講係乳齡BB 鴿呢🧐？我真係好鐘意食乳鴿， 周圍試， 但真係未試過食一隻咁幼嫩嘅。 拳頭咁大嘅隻，唔使問已經知嫩滑，而且係用南乳醃製同出面用五香粉做唔同，另一番風味。 食到呢度已經飽飽地， 但眼闊肚窄。之後仲叫咗「極品玥龍炒飯」同埋「羊肚菌上素」。 食飽飽。大滿足！ 😊以為唸住收工，驚喜再來。 餐廳送上精美點心拼盤。打咭影相📸️一流👍🏻。食品美味😋仲要服務同環境一流，真係名不虛傳的真米之蓮餐廳🍴👍🏻…Read More

放假就係不停咁食、不停咁飲！就算食咗晚餐，仍然心思思搵吓有乜嘢美食可以送酒。當地人介紹一間係氹仔民生區燒味茶餐廳嘅燒乳鴿同埋燒鵝。入到嚟室內裝修光猛簡潔，就係俾你一個好舒適嘅感覺，做完嘢放工靜靜哋簡簡單單想食一餐的地方。 因為之前已經食咗晚飯，所以只係叫咗乳鴿，同埋例牌燒鵝。 因為同行人係常客而當晚又唔係好多人，所以老闆俾我哋自帶酒，仲借埋冰桶俾我哋慢慢嘆！ 乳鴿首先上場，平常去食炸乳鴿，通常都會附上喼汁同埋淮鹽。不過這一隻乳鴿味道調校得剛剛好，根本不需要任何其他調味！燒鵝出場啦！皮脆肉嫩！ 就係燒得啱啱好！鵝皮香脆、肉味濃、肉汁喺皮同肉之間來回流走，爐火掌握得非常準確。值得一提嘅係所有燒味都係鋪內即日燒。喺門口燒柜就掛咗一啲未燒嘅燒鵝/鴨。所以絕對新鮮製作！如果唔係本地人介紹真係錯過咗呢個美食😋所以喺度分享同介紹一下，同埋記錄一下食過嘅好嘢。…Read More

難得放假同老公一齊搵好嘢食。 嚟到新濠影會呢一間意大利餐廳。未落單，佢已經送上新鮮自家製嘅麵包籃。啲麵包係超級好食。外皮鬆脆內裏鬆軟，而且有免費refil. 首先叫嘅係頭盤。 order左佢嘅特別推介～生蠔。 叫咗唔同兩隻做法嘅焗生蠔 🦪1）芝士焗（用咗三隻唔同嘅芝）2）香草牛油焗。兩種做法都非常之好，生蠔啱啱熟，而且有好濃嘅海水味好新鮮😋。繼續喺頭盤～意大利薄片生牛肉沙 +香煎鴨肝佩香橙🍊沙律。鴨肝煎得剛剛好外脆內香滑。最後係主菜、香草檸檬焗鯛魚。盡顯意式風情，蕃茄同香草配搭檸檬一起焗。完全沒有腥味。聽聞佢Pizza都好出色，但係因為太飽，所以都係留返下次先再試。配合relaxing環境氣氛同親切嘅服務👍🏻享受非常開心一晚…Read More