Rara.love.food's Profile

首先外賣已經俾錯左，其次係牛既份量少得可憐！得兩三塊，肥肉又多，又冇汁。以前食吉野家都可以加牛汁啦，外賣機乜都冇得俾人加。加埋隻蛋三十五蚊唔係貴，但寧願俾多少少錢食好啲都唔食佢！…Read More

在厚街小巷入面既隱世串燒小店🤍🤍🤍呢間小店黎過幾次，性價比高👍🏻👍🏻成日都開到好夜，真係可以做到夜繽紛羊架外脆內juicy,真係好好味，每次必食⭐️⭐️⭐️⭐️⭐️其他串燒都好惹味，雞軟骨👍🏻雞翼都好食青椒燒得好味，有啲醬汁，幾惹味之前試過個茄子都好特別，多蒜同埋竟然會有菜脯係入面，口感好正👍🏻👍🏻👍🏻韮菜係細細條個啲，睇得出有心思，個人比較鍾意食細細條夜晚小店好熱鬧，見到好多熟客幫襯…Read More

其實本人一向唔太好食西餐意粉類，但經朋友介紹一齊去過一次後，之後自己都會成日想去食返佢啲意粉🍝呢個蟹肉意粉有少少辣辣地，好惹味又乾身，洋蔥又甜甜地，好好味😋😋但係我個人都係比較鐘情呢個蘑菇意粉，好香口，有少少油香，又辣辣地，自己一個食都唔夠喉。呢個雞肉多士都好出色，勁多牛油果醬！雞肉好多醬，好夠味，重點係塊包係熱同脆！好香口，下次要再食！呢個炸魷魚鬚睇落好似好少，其實份量都ok,係用大條既魷魚整，係炸魷魚粒，唔係鬚，都好食既。個雞翼個人就覺得有啲漏同埋有汁就變到淋淋地。佢地既沙冰都好飲，好足料。呢個疏乎厘就不過不失，因為個人唔係好識欣賞甜品。…Read More

豪隍無論咩時候，都會見到條人龍排緊隊等入去，可以話係觀塘入面既隱世點心之選💛💛仲標榜香港製造，真係抵到爛！等一陣都好值得！呢個釀尖椒茄子勁多魚肉，上碟熱辣辣，正！呢度最方便係每枱都有哂豉油喼汁，唔洗成日問侍應拎咁麻煩，抵讚👍🏻👍🏻腐皮卷滿滿蝦肉，好味！呢個炸雲吞都好出色，雖然入面個料唔多，但雲吞好香脆，沙律係醬唔係水👍🏻👍🏻炸饅頭就不過不失啦，個人覺得唔夠脆鮮蝦菜苗餃，抵食，好多蝦肉叉燒腸都好味，入面啲叉燒食得出係有心思既燒賣大大粒，又好味，食唔出有肥豬肉，所以次次都會叫黎食！…Read More

同朋友去過幾次Nadaman食Lunch,貪佢坐得舒服，食物都唔錯，又夠靜，可以傾下計。佢個lunch set其實幾抵食，又可以一次過食到唔同既野，有飯有湯有前菜，有時想食刺食，又想食熟食，呢個餐就啱啱好，一次過滿足哂我想食既野個刺身唔錯，好新鮮！天婦羅都好食，有兩隻炸蝦🍤夠哂飽。最好食係個銀鱈魚西京燒，味道同份量都剛剛好，送飯一流！最後仲有個甜品雪糕，非常滿足。係呢度食飯既好處係始終佢都係酒店入面，service一流冇得彈，鐘意坐幾耐都冇問題👍🏻👍🏻…Read More

呢間餃子店每次經過都想試，但每次都見到好多人排隊卻步。今日9pm行過見到唔算多人，所以決定一試。等咗半個鐘左右就可以入座啦。排隊嘅時候已經諗好咗要食乜嘢啦。因為朋友有講過呢度嗰啲煎餃比較好食，所以今日一次過就叫咗三款😛首先係芝士粟米雞肉餃子，因為本身個人都比較鍾意食粟米所以一咬佢係有驚喜嘅。佢個餃子皮係好薄，咁所以食落去無咁重粉，係好食好味，加埋佢嗰個辣菜譜成個口感又即刻提升左。另外仲嗌左菜芯豬肉餃，喺其他餃子鋪好似都未見過有菜心餃嘅，咁所以一見到就覺得好特別。咬落口係淋嘅，比我想像中嘅係有啲分別。因為我比較鍾意食爽嘅，所以下次都未必會再試呢一款的。但係個味道都係好菜芯味嘅。第三款係西洋菜豬肉餃，一咬落去都係好大浸西洋菜味，好似飲緊西洋菜湯咁，味道唔錯嘅。除咗餃子我哋仲叫咗兩款小食：口水雞同埋麻辣雞腎，嗰個汁兩個係相同嘅。如果鍾意食辣又唔想單調淨餃都可以試下呢兩個小食。最後就係呢度見謝謝都好Nice嘅。因為我哋叫嘅全部都係煎餃，我又想試吓佢嘅湯，咁所以就問咗加湯要幾錢，咁佢就話加$4。但唔知係咪因為我哋兩個人叫咗五樣嘢，食所以佢最後免費送咗俾我。開心！…Read More

呢間係旺角既串燒長期都多人食，主要係因為野食正正常常，選擇都多，但其實個人就覺得有少少貴，但都可以接受。燒大蟶子好似4x蚊一隻，都算大隻，而且食得出好新鮮，全晚最好食係佢呀👍🏻👍🏻👍🏻👍🏻燒茄子都好出色，仲要幾大條，唔錯。燒雞腎牛脷個啲好似一叫就有兩串，雞腎細細粒，所以有啲咸。芝心丸好食，雞肉串都好味，如果有汁燒就更加好。另外冇影到辣雞翼，食得出係焗出黎再燒既，所以好一般。反而小食個個田雞幾惹味味，好食！份量都係偏細，但田雞肉幾厚實。燒韭菜就正正常常啦。…Read More

原本想去食壽司郎，但因為實在太多人，又截左人龍，所以就係附近睇下有咩食。見到呢間小店，以前唔多覺眼，可能係新開既，餐牌價錢都好合理，食物唔算多種類，但勝在每款都幾吸引。仲要餐牌價錢唔加一！值得一讚！呑拿魚腩蓉丼，份量剛好，但男仔食可能唔夠，每樣食物都睇得出好用心，連麵豉湯既油揚都好足料，蛋都出奇地好食。魚腩蓉👍🏻👍🏻炸雞即炸，新鮮又多汁，大大舊，抵食！壽司都好新鮮，唔馬虎👍🏻👍🏻👍🏻好食兩人埋單二百幾，抵呀！…Read More

經過見到呢間餐廳幾吸引，人龍有四五個，心想應該等一等就有位，於是排左大約十分鐘就入得。叫左個蟹肉蛋卷，熱辣辣，好香脆，蟹肉亦大大舊，但出奇地蟹肉冇乜蟹味，有少少失色。呢個白苦瓜炒菇，十分好味，個醬汁好開胃惹味，白苦瓜好入味，推介！白滷水鵝肉，鵝肉比較少，得上面幾塊，下面好多都係皮同兩舊豆腐，份量較少，但味道好食，鵝肉入味。細細碗滷肉飯$28，好好味，係滷肉好林，加埋滷汁同溏心蛋👍🏻👍🏻👍🏻呢個芒果柚子小丸仔，柚子果肉勁多！甜味來自芒果汁，十分冰凍，甜度剛好👍🏻👍🏻👍🏻呢個pancake十分推薦！！！！好食過好多cafe既pancake好多，大大份好軟綿綿又唔太空氣，又唔太甜，下次可以就咁黎食一個pancake,食完已經好想再食👍🏻👍🏻…Read More

呢間雲川燒都長期多人食，見到個餐牌樣樣都好想試下，好多炸既小食好似都好好味。叫左酸辣米線，豬頸肉加蘿蔔。豬頸肉應該係招牌，差唔多個個都叫，真係幾好食，鐘意佢夠薄同唔太肥，夠入味。蘿白就一般般，有啲假甜，但好大舊，有三四舊，抵👍🏻呢個麻辣拍青瓜好好味！會食唔停👍🏻👍🏻👍🏻青瓜夠爽脆，麻辣醬夠掛汁，正。呢個香煎墨魚餅好出色，炸得啱啱好，入面既墨魚好爽，好彈牙，估唔到呢間既小食係咁出色。仲有好多樣想試，炸雞翼，豬耳....下次可以試下。…Read More

呢間係長沙灣既小店得幾張枱，尤其係疫情期間，一邊只可坐一枱客。經過朋友推介先知道呢間小店，果然真係十分高質素，點左呢個餐，二百幾蚊。每一件都好好味，魚生十分新鮮，拖羅同海膽好出色。👍🏻👍🏻👍🏻👍🏻👍🏻其實咁高質素既壽司黎講二百幾蚊一啲都唔貴，但對於比較大食既人黎講就唔係好夠，如果佢可以有啲小食叫下就好。可惜係叫左呢個壽司後唔知叫咩好，因為全部都係丼飯或壽司，但總括黎講係好出色既👍🏻…Read More

呢間日本野夜晚唔係話好多人，坐得都舒服，可以望到維港。價錢其實都唔平，食物質素就中規中矩啦。刺身正正常常，都好食，但佢冇得揀咩魚類，個人對白身魚一般，所以淨係食左蝦，三文魚同呑拿魚。呢個明太子豆腐幾特別，幾好食，但味道偏淡，鐘意明太子既人都可以一試。銀鱈魚西京燒。好好食！好香西京燒既汁味，燒得焦香，食完好難忘，值得一試！食完之後都自己上網研究左點樣煮，想係屋企都整返出黎食。壽司拼盤，唔錯，海膽好食，三文魚子都ok,係個熟蝦感覺似平價貨，唔係好值，其他都唔錯。…Read More

本人平時都好少食好野，難得有人生日，就去試下呢間鐵板燒，睇左好多間，覺得呢間個價錢都算ok，野食相又好似幾唔錯，果然食物同相片都一樣，無花假。我地叫左個980一人前，最近做緊八折優惠。值得一讚係呢度既服務好好，會細心講解會道菜要點食👍🏻前菜係蟹肉沙律，蟹肉幾多，加埋粟米片，口感唔錯。原本好似係海膽蒸蛋，但海膽無貨，轉左做蟹肉，我地都係佢上碟先講，如果我地叫餐個時佢講聲就會好啲。呢個煙燻帶子好有菊花味，帶子好大粒，食完再配埋一啖紅酒啫喱，好特別，好清新。呢個鮑魚有驚喜！估唔到咁大隻，成本應該都唔平，仲識郁既，非常新鮮！鴨肝份量都唔細，好有油香，加上黑醋，味道剛好，最好食上蕉糖檸檬解油膩👍🏻👍🏻呢個和牛最出色！真係好好味，可以就咁食，點wasabi或配炸蒜都好好味，食多碟都無問題！食左咁多油膩野，再用個湯隔一隔，啱啱好。個湯好清甜。最後唔少得就係個炒飯，功夫都一流👍🏻👍🏻總括黎講性價比都幾高，值得一試👍🏻👍🏻…Read More

呢間位於酒店上面的酒吧餐廳，出面露天位置可以望海，入面環境都好舒服，好多附近返工既人過黎食午餐。今次試左佢個set lunch，可以揀要甜品或唔要甜品，百幾至二百幾蚊。酒店餐廳黎講價錢算可以接受，食物唔係話太出色，但都係好食既。呢個芒果蟹肉藜麥沙律算幾大份，好味，好清新，蟹肉都算多。牛柳就不過不失，味道偏淡，但都正正常常。反而配菜既炸薯仔幾好味，好香脆。鴨胸幾好味，味道有啲咸香，唔錯。是日甜品可揀水果或黑森林，我地揀左一樣一個。兩款都好味，水果好新鮮，蛋糕個醬好好味。另外加左兩杯smoothies,一杯香蕉士多啤梨，一杯青榨菠蘿👍🏻👍🏻…Read More

呢間九井壽司個格局成間元氣咁，但同元氣好似係冇關係的，開正係megabox,如果唔係咁啱行開megabox又想食壽司，都唔會搵到佢。整體黎講佢個價錢同元氣差不多，但係質數有啲似爭鮮，非常平庸，唔會話難食，但係就真係唔會expect有驚喜。小龍蝦手卷好明顯就係一般既貨式。三文魚加州卷入面啲料都好少，唔係好食到。😅😅壽司類都冇乜特別，正正常常，係爭鮮既質數。個烏冬湯底都有啲味精既味道。埋單兩人都要成四百蚊，唔係話好抵食，個疫情下選擇不多，就當過下口癮。…Read More