YamSuiMing's Profile

已經係第二次漏單，今次坐低左一段時間都未見支裝飲品，已經立即吸收上次教訓，問店員係唔係留單？佢之後即刻俾兩支豆漿我地，仲話冇漏單。等咗差不多15分鐘，遲過我哋入黎嘅客人都有食物，有啲都食完，再追多幾次，問係咪其實漏左單？之後就諸多解釋話咩廚房擺起左張單，並不是漏單，其實你地樓面代表餐廳，我理得你咩原因遲上食物，起碼都講句「唔好意思」呀？仲要堅持自己冇錯咁。之後一肚氣趕住返工開會，叫佢俾個外賣盒我裝起拎走。其實佢係外面排隊等嘅時候已經一早會定個qr code你落住單，箍住你唔好走繼續排隊，但其實都起碼要等多10至20分鐘，而入面其實都未走，我就落得單，我唔知係咪因為依個原因令到啲單咁亂。其實啲餃子真係OK，但係咁嘅系統咁嘅服務都好難會再幫襯。…Read More

本身返工中午食飯時間已經唔多，排隊已經排左10幾分鐘，有位之後一入去落去坐低就落單。等咗好耐，遲過我入嚟隔籬枱嘅人都有有嘢食，就問阿姐係咪漏咗單，佢叫我等吓，等咗一陣又有個阿叔過嚟問我寫嘢，我話我之前落咗單係咪漏咗單，佢又唔答我，態度勁差咁講：「總之而家up多次啦！」，我問係咪真係未整，未整嘅話我應該夠唔夠時間食，佢就好唔耐煩就講：「你講食咩啦！」之後我話我未整就算，起身走人買三文治。未食已經成肚氣，怪唔之得咁多香港人北上食嘢。…Read More