donnaho's Profile

如果唔係幾次都係咁, 都唔會想寫衰佢之前一路都有幫襯, 一路都相安無事, order嘜就係俾d嘜, 珍珠夠多兼大細珠都有最近幾次連接出問題...初初係突然無細珠, 只得大珠, 心諗「lunch咋喎, 咁都無, 入貨預得咁差既...」並且以為一次半次係咁, 但結果一兩星期去一次既頻率係次次都係咁 之後試過一兩次order黑糖薑茶, 店員整完倒出黎先「俾我地發現」整左奶茶當時諗住lunch hour可能太忙, 一兩次就唔出聲啦 今日真係有點過份友人去買...又無細珠啦... 準備嘟八達通時, 2個店員企係係度望住個八達通機係度run, 一d都無打算入去整杯野飲睇唔過眼既友人直接話俾現金算數, 店員先叫另一個入去整野飲.....唔係以為我地無錢俾下化!? 店員整完一倒出黎 --- 又係奶茶???? 無野呀!!!!! 仲有呀, 平時飲到尾, 仲有起碼十幾20粒珠的呢幾次買, 都未飲晒d珠已經無晒.....好縮皮喎! …Read More

之前食過幾次, 試過weekday晚上2位食, 人流唔算多, 亦試過星期六晚碰下運氣walk-in, 8位都ok唔知係咪而家多人認識, 所以就算已book位星期五晚, 仍然見到好多人係出面等其實我已經早2日就打去訂位, 聽把聲似係老闆, 態度唔錯的, 我希望可以一家人坐角落位或圓檯, 唔駛搭檯食對方都無問題, 話俾圓檯我星期日晚早左20分鐘到, 見佢坐爆晒, 出面都有d人等緊, 都知佢勁忙, 所以只係入一入去問左句係咪未有位, 就出番黎係附近行下等夠鐘訂位時間前幾分鐘我再返去, 望入餐廳, 坐係度既客仍然係同一班人, 有d唔對路, 問一問貌似老闆既後生仔:「我訂左位架喇, 請問幾時會有位呀?」雖然佢個樣一臉無奈兼尷尬, 答左句:「呀, 唔好意思呀, 一半架喇, 等多一陣」但係我眼見2張圓檯都有客, 一班剛開始食, 另一班菜都未點....如何一半....? 結果等足半小時, 情況無變, 佢地唔知係咪生意太好, 當我意圖問下野個陣, 佢地都似乎避開我, 似乎無心留客... 最終我地都無再等落去當然明白生意好自然踢腳甩碌, 不過, 訂左位都要等, 呢個真係唔太ok... 係~人多係要等下架啦~ 之但係, 我訂左位喎, 係咪應該有樣野叫做「訂左位就等於留位」呢?…Read More

中環終於有珍珠奶茶店, 係好興奮既事!可惜一拎就有d失望...食個早lunch就去買, 所以去到人唔多, 買完就剛好有人排長龍落單 & 等候位置比想像中大, 因為係地庫, 入去只得1條好窄既走廊, 所以排隊就變得較唔方便買左1熱1暖既飲品, 質素ok, 同平時好味個d level差唔多既, 珍珠都幾好咬口可惜一拎上手就發覺比凍飲少左份量!! 雖然平時都約略有咁既感覺, 不過今次真係好明顯囉!我唔知係唔係因為用既係密封杯, 所以會有倒少d之嫌...希望一切只係我既猜測... 員工態度ok, 唔算好亦唔係特別差, 唯獨係當我問佢點樣分2杯飲品邊杯打邊杯個陣, 個位員工有d串咁一句野都無講, 轉個杯身俾我睇個label...呢個態度就唔太好啦... 希望盡快會有改善啦…Read More

當佢新開個陣行過已經俾佢門口個塊勁勁勁大塊既pizza吸引住企左係度!! 終於今日黎食!12點幾去到大家都好忙, 等左幾分鐘先落得單, 佢有樓下位, 所以係地下counter度落單俾錢, 就可以落去下面等佢送黎.我地見住師傅係面前整咁大塊既pizza, 真係大開眼界!師傅仲非常貪玩咁問「係咪影我呀?」跟手就擺pose, 超搞笑! 老闆都好好笑架, 又係問同一句「係咪影我呀?」可惜問完已經又好忙咁接電話take order...見佢門口d pizza咁吸引, 問下店員係咩味, 佢話一個係pepperoni, 一個係plain, 咁我就要左塊pepperoni啦, 再加杯可樂估下幾錢?? $40咋!!!!!!!!!!! 到樓下等幾分鐘, 店員就送pizza落黎!難為佢竟然搵隻細紙碟裝個塊完全over size隻碟既pizza!!!果真係大過塊面!!!!一見到係驚喜到暈!!食落第一感覺係唔算熱, 可能真係就咁係門口個display拎黎就算, 唔會加熱第2個感覺就係個底唔厚但食得好舒服! 唔會太厚只係食麵粉, 亦唔會薄脆到「界」口~ pepperoni就真係只有pepperoni既料, 當然好多芝士啦! 食到pizza邊都係好軟身既麵包, 好新鮮!可惜風口吹住, 本身唔算熱既pizza已經凍晒了...同埋都真係幾大件...所以放棄左3分1個邊... (已經勁飽了!)下次一定要再黎!!!溫馨小提示:座位唔多, 12:30pm已經好多人, 樓下坐爆左, 要堂食就要早黎喇!…Read More

放工再次去試另一味既包~ 見到openrice另一分店有人叫香芋包, 好似好好味, 就點呢個啦, 另外再加一個菜肉包!拎到返屋企叮一叮, 熱辣辣已經好香size依然照大, 大過我個拳頭!! 而且仲係好平幾蚊一個!!! 香芋包紫色好靚, 麵包鬆軟, 不過就無嘜香芋味饀料都係紫色, 但就唔多覺香芋味, 不過都好好食!菜肉包有少少驚喜, 仍然鬆軟啦, 重點係入面都唔少料!肉應該係雞肉吧, 好滑, 菜好難得地新鮮~ 不過真係太大個, 做晚餐都過飽...下次要嚴重考慮一下份量先買2個~ 另外已經見到佢設有八達通付款喇, 進步得好快喎! 而且有位員工企係櫃檯同客人講「請等叫number」, 咁樣明顯地好好多, 唔駛d客手足無措咁不過由於新舖大家都走去試野, 所以都好多人, 但勝在佢地手腳夠快我排隊俾錢花左1分鐘, 等拎包都只係1分鐘, 非常快!!…Read More

見住佢話開都開左好多個月...終於真係開門做生意喇! 尋晚放工見到佢勁多人, 所以決定今朝一定要買!去到望個價錢牌, 仲以為自己睇錯...幾蚊一個包咁平??? 心諗...肯定係細細個.....於是叫左個叉燒包 + 麥皮饅頭 = total都只係$6.5!! 俾左錢拎張飛去另一邊, 有少少唔知係點流程, 不過員工都好快手就出左我個number一望....嘩!!! 超大個!!!!! 每個包足有拳頭咁大個!!! 厲害呀!!!朝早太肚餓已經急不及待食左叉燒包, 所以影唔到相...真係好好食, 麵包份量較多, 叉燒如果可以多d就好, 賣相有d似菜肉包叉燒好好味, 麵包係軟身都剛好, 係公司叮一叮熱熱地, 超正! 下午先食埋個麥皮饅頭, 味道同普通饅頭一樣, 不過見到有d應該係麥皮粒吧, 可能只係咁樣不同而已麵包仍然非常既軟身, 叮左都仲非常好味, 好有麵包香~~~ 流程算簡單, 服務都唔錯, 如果收銀可以唔單收現金就最好了~必定再食呀!!!…Read More

星期六下午, 竟然唔多人, 我地就坐左窗口位入到去就留意佢既裝修好簡單乾淨, 最欣賞佢天花板整左個三角型貼左相, 好靚~ 下午茶選擇好多, 價錢唔貴點左生牛肉湯河餐 & 紮肉餐生牛肉份量算足架喇, 男仔食tea的話都夠食, 肉質唔錯, 湯河亦好多, 可轉其他麵 紮肉賣相有驚喜, 放得好靚, 朋友都話唔錯飲品大大杯, 非常落本! 檯面有不知名醬料, 不過大家試左少少, 隨即落左好多, 就知好味~哈哈! 味道有少少似XO醬 + 馬來棧, 有少少辣, 好惹味! 服務好好, 唔錯既餐廳, 會再黎!…Read More

聽聞lunch hour呢度好full, 以為一個人黎會ok啦, 點知佢座位唔多, 一個人都好難搵到位坐, 最終坐左係未有人坐過既bar檯位置個度有4個位, 但一望埋去, 第一個感覺係唔想坐入去!同一般bar檯位唔同, 人地就算仍然係對住個水吧或整野食既地方, 都仍有足夠空間俾客人, 但佢係客人既食野檯就exactly係整完野食放出黎等waiter捧走既位置!!! 最終都坐左係度, 因為真係好想試下係咪咁好味...set lunch都有幾個選擇, 多數都包括半個waffle, 所以就直接揀早餐版既set lunch不過等既過程又令我覺得唔開心喇, 等佢杯熱檸茶已經夠耐, 足足十幾分鐘, 原因係佢得1個人做水吧, 整野飲俾其他客都未整得切! 飲品黎左, 但野食都仍要等接近20分鐘先到!!! 原因係竟然仲有好幾檯客人既野食係未到!!!我見到隔離檯4位客人, 竟然可以有2個主菜黎左, 隔好耐先黎多1個, 然後竟然上左甜品既waffle, 仍然未上到最後1客既主菜, 個客人催左N次都仲未到!!! 超唔得囉!!最後我碟主菜終於黎到!係好特別既, 成個煎pan上碟, 佢都幾慳時間又夠諗頭! 薯仔切晒正方型粒粒, 份量好足, 而且煎得好味, 仲有芝士, 可惜唔夠多, 蛋就正常既poached egg, 無咩太特別, 都好味既~ 可惜之後又係等...等waffle甜品...又等十幾分鐘, 終於我轉埋位, 都忍唔住要催, 催左2次先黎, waiter解釋因為係即整, 所以需時喎...唉, 但咩都等十幾分鐘, lunch hour邊有咁多時間呀... waffle的確非常好味, 外脆內軟, 唯一敗筆係竟然唔夠熱!! 又話即整, 都可以唔夠熱, 扣晒分!!! 糖醬係好味, 但唔算特別覺得有咩楓葉味...可能已經俾d扣分位蓋過左喇... 都會再黎, 不過下次絕對唔會lunch黎!…Read More

weekday晚上去到, 可能未放晒工, 所以無嘜人, 坐係沙發位望下個環境, 都幾舒服呀坐左一陣等人, 頓覺冷氣都幾大, 可惜已經開始多人, 調唔到位了...點左豬軟骨烏冬 & 豬頸肉烏冬豬軟骨拎到黎有d散, 賣相唔太好, 食落係ok既, 肉質都唔錯, 烏冬的確較赤X彈牙又唔會入面唔熟, 而且長度適中, 我最怕過長彈到周圍係 / 或過短夾極都唔夠一啖, 湯底幾好味豬頸肉就分開上, 煎到脆脆地, 唔錯喎~不過略嫌有少少乾身...烏冬同樣唔錯, 湯底都係一樣既幾好味~不過, 唔知係咪waiter都新人, 定係無客太得閒無野做, 有個waiter經過個陣見到我對面位無有人黎, 放係檯面份menu有d唔整齊, 佢打算拎起疊起佢, 都無問題, 問題在於佢係番我前面, 將幾塊menu板一野「轟」一聲楝落張檯度!! 我望住佢整都俾佢嚇左一嚇! 之後佢都唔覺有咩問題繼續行左去..... 雖然係咁, 同一位waiter係事後見到隔離檯有客人話張檯搖搖下個陣, 肯落手去整張檯腳位, 有智慧又肯做既...只係需要加強培訓如何做個好waiter而已... …Read More

呢間一向等位都唔需要好耐, lunch hour都唔多人, 可能因為佢門口唔算吸引吧...不過其實入面裝修算唔錯既, 好有英國cafe既感覺, 仲有部點唱機係度添~ 今日自己一個食lunch, 坐係高檯個邊, 我身型較矮都坐得舒服, 所以照計佢既設計都算唔錯既! 點左個all day breakfast...之前試過叫個smoothies就等左十幾分鐘先有, 嚴重超時, 今次就快好多喇, 10分鐘就有! 拎黎賣相真係好靚~多士烘得有少少熱, 唔算好熱, 麵包算軟身, 牛油就超大舊, 不過用左無鹽牛油, 加埋麵包又唔算好有麥香, 所以成舊無嘜味...我要自己加d鹽先得... poached egg有水準既, 剛剛好既蛋溫同熟度, 配合煎得好脆既煙肉, 非常好味!煙肉其實略鹹, 所以同蛋一齊食就剛好, 而且唔算好肥, 適合我呢d唔鐘意食肥膏既人~ 腸仔煎得唔錯, 都係配蛋食好d~茄汁豆就好開心地超多!!! 而且好多茄汁~好好味呀!!!不過仲有一樣唔知咩黎, 食左幾啖, 唔知咩味...怪怪地, 最終都係放棄左佢... 整體黎講服務係ok既, 全部都係菲律賓waitress, 態度好好, 有笑容, 我一入去坐低佢地已經拎menu黎, 非常快~不過可能新做吧, 雙人檯面無任何pepper & salt或其他醬料, 佢地人拎左野食俾客人之後又唔似乎唔多理個場, 搞到我要行去另一邊卡位先拎到...呢樣有待改善啦... …Read More

訂左檯雖然都要等, 不過因為未夠鐘, 所以時間其實係剛好既, 即係話真係夠鐘先好黎到... 上到2樓等完就有位, 地方都係迫迫地, 檯同檯之間的確係唔夠一個人身位過架喇, 不過尚算坐得舒服地方好大, 而且窗口位雖然望出去只係普通街景, 又只係2樓, 不過都裝修得幾靚, 可惜我地見到好似只得4人檯, 唔知有冇得2個人坐呢....?見到佢都有唔少menu, 不過望左一陣, 又見過呢度食評, 結果都係揀左肉眼扒先黎餐湯 & 麵包同朋友都係叫紅湯, 勁多料! d料有埋肉既! d菜好似唔駛錢咁~多到呢~ 而且好夠味!麵包好得意, 細細個好似cupcake size咁, 而且好軟好夠熱! 主菜黎喇~我要6成熟, 都應該係變左7-8成, 但至少肉質唔錯, 無嘜細筋, 而且入面都仲紅紅地, 算係咁啦!塊扒都大塊架, 幾厚身, 唔會感覺呃錢囉~ 配菜既薯菜都好好味, 佢唔多, 但蔬菜就好多! 果然最好味係粟米!!! 好大粒而且粒粒都實淨唔係煮過龍個種稔晒既~good!! 蒜蓉汁係另上既, 非常好, 自己鐘意幾多就幾多! 味道都唔錯, 唔會太鹹, 好配塊扒既味! 朋友要既8成熟, 反而就唔算好熟, 差唔多7成...我地仲係度笑係唔係2塊其實一齊煮.... 飲品正常一杯, 都幾大杯~甜品聽聞布甸唔太吸引, 就要左涼粉涼粉的確大大粒! 好好味! 試左朋友既布甸, 其實都唔差呀~ 雖然價係偏貴, 不過有扒食, 下次一定會黎~不過一定要book位, 特別係平日夜晚 (相信weekend都係)實在太多人喇, 長期都有人等位既~waiter服務態度都唔錯, 上野都好快手! …Read More

平時都不時會叫下呢間既外賣速遞, 初期都ok的, 外送同堂食相差不遠後期開始外送既質揀下降, 用料唔新鮮, 份量明顯細好多, 而且漏呢樣漏個樣不過因為時好時壞, 而且附近無嘜壽司外送, 唯有繼續叫呢間...之前都曾經試過堂食都食到一肚氣! 當時係一個星期日黃昏, 明明我屋企人先到拎籌, 大家都一定係睇住個number做人, 預計等幾耐之際, 竟然到我地個number個下, 佢先黎問我地坐bar檯定卡位! 我地5個人想舒服d坐下, 就話卡位啦(講真, 5個人黎食common sense都應該唔會想坐bar檯吧...)點知佢竟然叫我地再等, 我問佢等幾耐...「10張左右啦」下?????? 有冇搞錯, 咁張籌拎黎做嘜?!!!! 之後我地一直同佢理論, 都已經有唔少人聽到我地講野, 有幾個甚至行埋黎, 問同樣既問題!證明唔係得我地一檯人先係咁既遭遇!! 到最後我們都無謂再等落去, 只好坐bar檯....當時我地仲問佢有冇意見紙可以投訴下, 點知個waiter叫左個經理級人過黎話佢地無意見紙, 問我有咩幫到我, 我地再講一次成件事...個經理最後講我地唔掂, 竟然只係指住張墊檯紙上面幾個分店負責人手提號碼, 叫我打電話去同佢地投訴!!! 搞錯呀!!! 堂食都咁?!!! 結果, 今日我又要再次打去投訴!!! 睇相就知咩事!全部壽司拎到黎, 唔係橫「司」街頭, 就係甩皮甩骨d料跌晒落黎! 大個盒仲要sin埋一邊!! 唔好話我知係自然發生既事! 我絕對有理由相信經手人 - 無論係店員定係外送員 - 一係就跌過落地, 一係就勁大力撞到側埋一邊!!! 仲要個外送員一d都無提起!激死我, 我仲要俾左$8 tips!!!!!! 我平時都唔多食劣評, 但今次真係覺得勁唔掂囉!!! …Read More

聽朋友話和花亭係尖咀海運好食過太子, 又新鮮, 見佢isquare新開, 諗住去新個間試仲好啦...點知...一去到6點半, 可能好多人未放工, 得幾檯有人坐, reception問我想坐bar位定卡位, 我望一望d bar位, 都幾ok既, 不過有卡位應該會坐得舒服d, waiter帶左我入去最入個度坐2人卡位見佢d座位都好寬闊, 檯與檯之間距離都算遠, 起碼行到入去沙發位坐到唔會撞黎撞去又要郁檯... 可惜坐低無耐, 越黎越凍, 佢個冷氣風口吹到正一正! 坐多一陣, 見waiter又帶另1個客人入黎, 都有d搞笑, 全間店幾乎係空既, 佢竟然都可以放個新客係我隔離張檯坐....可能諗住方便佢地吧...初時都無諗住凍得咁誇張, 圍條圍巾就算...點知越坐越凍, 隔離個客都覺得好凍...卒之忍唔住問左waiter一句「可唔可以開細d冷氣?」但個waiter竟然話「唔好意思, 冷氣係商場架」 超搞笑囉!!! 呢排位係完全既凍死人架喎!!! 等左一陣我朋友都黎埋, 終於可以點下野食, 希望食d野無咁凍... 見佢個餐牌算中規中矩, 野食款式唔多, 但都幾特別但已經有幾個好可惜既發現:- 竟然無芝士蟹籽壽司- 所有關於蝦既壽司都比出面貴: 例如甜蝦壽司竟然賣$28! 牡丹蝦竟然賣$45!!! - 刺身偏向貴又份量唔多, size都偏細- $10 & $15既壽司係超少選擇, $20以上先多番d... 第一round我地叫左: 三文魚刺身 - 色澤光鮮, size算細, 但都叫做厚身, 食落去真係覺得新鮮, 肉質好實, 好有三文魚味! 可惜既係只得5塊, 但已經$35!!! 甜蝦壽司 - 結果都係要叫...$28呀...好慘... 同其他壽司店既甜蝦無咩分別, size都差唔多, 都算新鮮既 魷魚鬚壽司 ($10) - 第一次見有呢種壽司~好似好得意咁! size算正常, 而且都係有光澤, 未食過所以無得比較新唔新鮮, 但有魷魚味, 所以評為新鮮吧, 而且感覺都幾得意~ 「魚立」魚壽司 ($20) - 純粹係見佢menu個樣都唔錯而叫的, 都係個句, 有光澤, 食落算新鮮 蟹籽壽司 ($10) - 呢個好失望, 拎黎望落去都幾ok呀, 顏色都鮮紅既, 諗住唔錯啦, 點知食落去完全無味既!! 即時好唔開心囉!! 而且塊紫菜竟然係圍到散散地開晒口既...唔得囉... 三文魚子壽司 ($28) - 一拎黎竟然係超少三文魚子!! 連壽司外層紫菜個頂都鋪唔過!! 食落係幾好味既, 比出面平時食個d實好多, 可能咁樣叫做新鮮d掛...但最唔開心個下係後黎見到隔離檯叫呢個, 竟然d三文魚子係多一倍!!! 證明d師傅落料係亂黎既!!! 同樣地, 塊紫菜都係圍到散散地... 海膽魷魚壽司 ($20) - 魷魚都新鮮的, 但海膽味就唔重囉, 我估佢溝得好稀吧... 份量都算多既... 山葵鮮蝦壽司 ($20) - 呢個夠特別, 山葵即係wasabi, 平時食個d都係用八爪魚, 今次試下配蝦...唔錯既, 都算新鮮...份量都算多既...第2 round叫左: 三文魚壽司 - 見佢promotion$3/件, 就叫左6件, 當然唔會有刺身咁厚, 係大件ddd, 但就薄好多, 亦無刺身咁新鮮, 證明係為清貨而有既promotion 不過就發現師傅d刀功好差, 竟然可以切到塊三文魚唔平滑既! 我都係第一次見... 多春喜靈魚壽司 ($24) - 不過不失之作, 望落去有d乾身, 見到魚肉位置有d裂痕, 不過點左豉油都唔覺的了... 三文魚柚子胡椒火灸壽司 ($15) - 呢個係特別既, 重點係特別得黎又唔算貴! 燒過既三文魚, 上面放左2舊仔既類似橄欖同柚子碎, 感覺幾好味架! 不過奇怪在唔多覺有胡椒味囉... 記得要成舊放落口, 我朋友無聊食左上面個2舊野, 點知單食超難食, 吐番出黎, 浪費左喇... 芝士半熟蝦火灸卷 ($28) - 無左最愛芝士蟹籽, 唯有叫番樣有芝士既補數! 都算幾特別, 下面個卷其實只係普通飯卷, 都算大舊, 唔會呃錢既, 上面既蝦真係半熟, 幾特別, 芝士略嫌唔夠重味, 不過特別可以一試囉整體上所有壽司舊飯都係好大舊, 本人覺得咁樣做法係有少少呃錢成份, 令你食得唔多但飽左...大部份服務係ok既, 有問必答, 亦總有waiter在左近, 斟茶都唔多駛叫唯一唔好既服務就係收銀員拎俾張單我簽個陣, 零笑容, 又唔會講聲多謝, 簽完張卡就黎好無禮貌俾左我就算, 完全無服務態度可言, 呢下我真係有d嬲架!! 環境係坐得舒服既, 又唔算嘈, 只係有客入黎個陣, 全場店員都叫句日本語歡迎個下反而感覺到係嘈多過warm... 而且奉勸各位怕凍人士, 千祈咪坐最入個area, 我走個陣經過其他area都完成唔凍既! …Read More

一早見到呢間有grand opening, 見佢裝修都非常講究, 相信係貴野, 終於今日lunch黎試下佢分左2區, 一邊係cafe, 一邊係食雪糕, 不過坐邊都有得食相同既野架喇我坐左係cafe個邊, 比較入面坐得舒服d, 1點, 都唔係好多人, 可能因為佢有2樓吧, 分散左d人流一路留意佢d裝修, 非常靚! 沙發檯凳全部都係訂造, 就連天花板既吊燈罩入面都有雕花的!! cafe都係一般starbucks野食, 有三文治, 沙律, pie, cake, 佢仲有mini cupcake, 當然仲有咖啡啦!不過, 共通點係一個字: 貴!以下係大約價錢:三文治 - $28-$40cake - $28-$35pie - $28-$32沙律 - $30-$35mini cupcake $16 <---呢個係靚, 不過都係最唔抵, 因為size真係好細囉!咖啡係特別的, 見住佢有部到天花板既咖啡機, 應該係傳媒報導專登訂返黎, 再請埋個外國人(好似係某某比賽得獎者)返黎專整咖啡! 一路坐一路聞到咖啡係香好多!可惜, 普通一杯espresso已經around $24-$26, 一杯short咖啡已經around $34-$46, 一杯tall竟然去到$44-$50!! 真係超貴囉!!!為左炒雪糕而黎, 咖啡唯有下次先試...單叫左個mini cupcake, 本來想要dark chocolate, 可惜無晒, 唯有要咖啡味真係好細件, 上面滿左咖啡味既cream, cream係非常滑, 入口即溶, 又唔會覺得膩, 剛好! 朋友叫左個milk chocolate味, 佢都話好滑!(不過仍然覺得$16好唔抵食...)之後當然係正餐 - 炒雪糕!雪糕味道唔算多款, 都係正常個d大約十幾款, 炒雪糕menu上面都有差唔多15款揀不過圖片不能作實, 因為張相係講緊所有toppings係雪糕上面, 但實際係炒到唔見影... 可以試味, 試左mint & chocolate, mint都幾好味, 不過通常我試新雪糕店第一次都係食chocolate, 所以都係揀左黑白配~見到店員筆左球都幾大既雪糕, 拎左去凍板度, 加左toppings, 炒黎炒去, 十幾秒後就放落waffles既杯度, 賣相都不錯~當然食落去都仍然係雪糕黎既, 不過連埋toppings一齊食, 感覺都幾好! waffles初時都脆, 不過5分鐘後就開始有d稔, 點嫌有d扣分啦... 整體上員工都非常nice, 又肯講解, 仲會好好招呼係去試食...唔錯! 下次會去試下三文治同咖啡...儲下錢先啦... …Read More

睇食評以為係幾高級既餐廳, 原來係cafe類既餐廳, 不過入到去的確營造到個氣氛, 又唔太嘈, 第一印象唔錯!打電話去book位個陣已經講明我地6個人只可以坐2個鐘, 雖然幾搞笑, 不過都ok去之前confirm多2個人, 再打電話去, 一聽電話問係咪La Vie個waiter好開心咁應「係呀~」印象分又加左d喇雖然最後8位都只係坐2個鐘, 但態度係可以令人心情好好多既~ 去到都幾乎未講晒我d detail, 企係門口個waiter已經識問係咪8位, 非常好! 座位雖然有少少窄, 不過檯與檯之間總算有唔少空間, 感覺幾舒服waiter都係後生為主, 態度唔會超好, 但都nice, 而且識笑, 係重點黎架! 野食種類好多, 而且竟然唔駛$70就已經有好幾款扒餐選擇, 我就點左黑椒汁安格斯肉眼扒薯菜我要左白湯, 其實都係普通忌廉湯, 不過幾好味~扒到了! 竟然超大份! 唔係好厚身, 不過好大塊! 而且叫5成熟, 佢都真係俾到6成熟你, 起碼唔會變左7成以上! 薯菜都唔求其, 係薯角, 仲有好多, 好大舊!叫佢拎茄汁黎, 仲係幾「si 正」既茄汁唧唧樽, 乾淨的~ 見佢好多特飲都可以加幾蚊跟餐送, 就叫左杯藍桔益力多特飲, 完全唔知咩黎, waiter都解釋唔到, 不過實際拎黎係喜多過驚, 幾得意, 而且都真係幾好飲, 絕對唔係「特別難飲」既特飲! 最後8個人最期待既甜品 - 心太軟!!本來其中一個叫creme brulee, 可惜無晒, 唯有叫埋心太軟一拎到黎, 個個O晒嘴~~~咁大個既!!! 完全無諗到加$15就有咁大一個!!! 仲落足料, 真係外脆內流, 一拉開, 流晒d朱古力醬出黎!!! 超正呀!!!!!!!!!!!! 大家食到勁開心!!! 必定會再黎, 不過就一定要book位喇, 我見佢星期六晚都不斷有人停位, 幾好生意架... …Read More