mmi21's Profile

禮拜六帶我隻狗「墨丸」喺鰂魚涌海濱公園放完電，諗住喺附近搵個地方食個 late lunch。平時帶住佢，十次有九次都係去啲 cafe 坐室外，食埋啲 all day breakfast，次次都係食西餐。今日行過太古坊，見到「鏞鏞」室外有幾張枱，問個經理，原來室外位真係 pet-friendly！「墨丸」可以乖乖哋陪住我，呢個 moment 真係開心。坐喺室外，對住太古坊中間片草地，感覺好 chill。我同朋友兩個人，叫咗幾樣嘢 share。我哋試咗個煙燻太爺雞，隻雞上枱時仲聞到淡淡嘅煙燻味，雞皮滑，肉質好嫩，唔會乾爭爭。仲有個金銀蛋浸莧菜，呢啲家常菜最睇得出功夫，個上湯好鮮甜，唔似味精水，皮蛋同鹹蛋嘅鹹香滲晒落啲菜度，成道菜既味道好融洽。最後見到有個幾得意嘅檸汁叉燒批，又叫嚟試下。估唔到個配搭幾夾，西式嘅牛油酥皮，包住中式嘅叉燒餡，面頭仲有少少酸酸甜甜嘅檸檬醬汁，幾開胃，好快就俾我哋食晒。成餐飯，「墨丸」都好乖咁喺度陪我哋，喺香港地，要搵間坐得舒舒服服、食物有水準、又可以帶埋寵物嘅中菜館，真係唔係咁多。今次真係一個好大嘅驚喜，以後帶「墨丸」出街又多個好地方醫肚，唔使次次都食西餐喇。…Read More