嗜甜蟻后's Profile

平日行經深水埗，下午茶時間想食少少野醫下肚，隨便入咗一間台式食店。見到餐牌有幾款選擇，主食 + 小食連飲品 $38 (凍飲另加費用)叫了滷肉飯 + 小香腸、花枝丸、滷蛋同埋凍飲食物質素一般，滷肉飯好油，小香腸好多肥肉，其他小食沒什麼特別其實依間只係港式嘅台灣餐廳，沒有其他台式的風味。餐廳環境一般，職員落單時怠慢，職員們大聲高談闊論，影響食客。之後睇返，原來都有食客寫食評時投訴依間餐廳服務與素欠佳，下次都係睇左食評先博一博。咁樣嘅環境同食物質素，都唔會令人想幫襯多一次。…Read More

九龍城係眾人所知嘅泰菜勝地，今次拜訪人潮不絕 "金泰國" 覓食 😋星期日下午茶時段去到都要等位，好彩都係等左大約15-20分鐘就有枱。叫左必食 "燒牛肉"、泰式炒金邊粉同埋泰式提子沙冰。燒牛肉可以嗌幾成熟，今次叫左5成，熱辣辣，點埋佢嘅辣汁，YUMMY，但筋多左D，較難咬到。泰式炒金邊粉好大碗，味道酸酸甜甜，正 👍🏻另外仲叫左燒雞翼，睇落平平無奇，但食一啖就有意外驚喜，肉嫩香脆，正泰式提子沙冰用原材料生果打成沙冰，所以每飲一啖都好夠味，夏天飲一流。整體食物、服務都尚可，可以再 encore …Read More

星期六行經教育路附近，見到依間 cafe 裝修吸引到，行工業風格，門外睇 menu 有意粉飯、burger、小食、特式咖啡飲品同埋甜品，最重要有我最愛既蘋果批配雪糕，所以即刻入去試下。我叫左冬蔭功海鮮椰香手打意利麵、蘋果批配雪糕、茉莉花濃縮咖啡先講下意粉，好香椰香味，每一條意粉都掛到冬蔭功汁汁，夠辣，正 👍🏻其次蘋果批配雪糕，即叫即整，等左大約20-25分鐘，熱辣辣，蘋果批脆卜卜，蘋果蓉味道剛好酸度，一冷一熱 😋 極力推介另外叫左杯  coffee sigatures  茉莉花濃縮咖啡，好特別，上層係手搖茉莉花泡泡，好香茉莉花同咖啡好夾。食物同服務都好出色，真心推介，會必定再來…Read More

行經旺角，見到依間刀削麵館，餐牌上主打花雕醉雞，就試試運氣。叫左個 "花雕醉雞刀削麵"，附送紙包野飲，或者可以加錢叫其他飲品都得。醉雞用膠盒上菜，另外附上一隻醉雞蛋。依個價錢黎講，醉雞份量都算多。醉雞食落好香花雕味，不是太酒，刀削麵彈牙，個人認為麵條唔算太厚，唔錯。另外餐牌有幾款係麻辣冷拌，應該都幾惹味，下次可以一試。整體食物質素不過不失，都可再 encore。如想食平價醉雞，可以一試。服務一般，環境衛生中規中矩。…Read More

深水埗有好多特式餐廳，中日韓西咩菜式都可以搵到。今次行經元洲街附近，見到越南粉麵同埋服務員熱氣招待，膽粗粗試一試。原來小店由正宗越南人開，味道迎合了香港人口味，真係難得遇見。揀咗生牛肉湯河 $49湯底好入味，加少少魚露更出色 😍 因為似太多湯，所以之後有口喝情況。而牛肉用熱湯整熟，出嚟效果唔鞋口 👍🏻可以另加小食，香茅雞翼同樣出色雖然店內環境裝修一般，但服務員態度同埋食物質素性價比高，值得再幫襯 🫶🏻…Read More

深水埗大南街文青聚集地點。這裡咖啡店一間接一間，總有一間合心水。這間吸引之處，除了手沖咖啡，這裡甜點也相當吸引。＊＊＊＊＊咖啡店主打手沖咖啡，選用日本及本地烘焙咖啡豆。店舖內有設有吧枱，與咖啡師距離拉近，客人可詢問咖啡師建議及交流心得。店內提供甜品蛋糕，當中焙茶戚風蛋糕相對出色，令我一試難忘。如果喜歡手沖咖啡，或喜歡研究不同咖啡豆風味，也值得一試。眼見當日食客一邊品嚐咖啡，一邊與咖啡師傾談咖啡心得，感覺好像朋友般。…Read More

元朗大西北這地方，有間隱世咖啡店，於平日、假日朝聖的人龍不斷，為的是一杯「精品咖啡」。此咖啡店雲集「得獎虹吸咖啡師」獎項，咖啡愛好者必定一試！推開門，咖啡香味撲鼻，香味幾乎包圍整間店舖。他們的精品咖啡限量供應，因視乎店舖烘焙進度。從挑選咖啡豆、選用烘焙技巧及調製講究度，已看到他們對咖啡的「高質」要求，已值回票價 🎟️。＊＊＊＊我最愛一早朝聖，因為唔洗等位。一邊看書，一邊品嚐精品咖啡及香草包，我們就是給自己抖抖氣，慢活生活，為自己快速充電，才有力氣繼續前進。 …Read More

回頭指數 💯 | Cobber Coffee and Tonys Pastry觀塘不嬲出名人多、車多、工廈多，而且好西更加多 🤪依間樓上工廈 Cafe，長期等候入座人龍超高，食過之後就會明白點解大家都甘願等 ⏳今次揀係平日下午時間去，等候入座人龍亦多，大約等咗 20-30 分鐘就有位。餐廳內都算多座位，食客較多比較嘈雜。用手機落單，因為已經食咗午餐，所以只叫 “梳乎厘班戟” 💗 同埋松露薯條 🍟榛子朱古力焦糖香蕉🍌梳乎厘班戟落單後等咗 15-20 分鐘，梳乎厘咬落熱辣辣，空氣感 🆙 質感軟綿綿，配埋焦糖粒粒、榛子醬同埋焦糖香蕉一齊食，真係一食難忘，真係數一數二最好食嘅梳乎厘班戟 😍松露薯條 🍟 $68爆多松露醬，熱辣辣脆卜卜，好大份，都係普普通通百香果冰茶Iced Grapefruit Ade下次要試埋佢嘅意粉同埋其他菜式，依間真係值得再回頭，推薦👍🏻 💯…Read More

回頭指數 💯 | Cobber Coffee and Tonys Pastry觀塘不嬲出名人多、車多、工廈多，而且好西更加多 🤪依間樓上工廈 Cafe，長期等候入座人龍超高，食過之後就會明白點解大家都甘願等 ⏳今次揀係平日下午時間去，等候入座人龍亦多，大約等咗 15-20分鐘就有位。餐廳內都算多座位，食客較多比較嘈雜。用手機落單，因為已經食咗午餐，所以只叫 “梳乎厘班戟” 💗 同埋松露薯條 🍟榛子朱古力焦糖香蕉🍌梳乎厘班戟落單後等咗 10-15分鐘，梳乎厘咬落熱辣辣，空氣感 🆙 質感軟綿綿，配埋焦糖粒粒、榛子醬同埋焦糖香蕉一齊食，真係一食難忘，真係數一數二最好食嘅梳乎厘班戟 😍松露薯條 🍟 $68爆多松露醬，熱辣辣脆卜卜，好大份，都係普普通通百香果冰茶Iced Grapefruit Ade下次要試埋佢嘅意粉同埋其他菜式，依間真係值得再回頭，推薦👍🏻 CP 值 💯…Read More

Chill Cafe | Plan B Cafe山林道出名食肆林立，周圍有好多特別餐廳同埋 cafe，今次誤打誤撞入去咗依間 cafe，店內環境都有好多打卡位，啱曬一眾鐘意呃 like 嘅朋友仔 😆餐廳內座位算充足，當日未見需要等候入座。餐廳環境算寧靜，同閨密或者獨個兒睇書嘆咖啡都係唔錯選擇。🥐🥓🍳 英式全日早餐 $148美式凍咖啡 ☕ $36食物中規中矩，沒特別大驚喜，同一般 cafe “ALL DAY Breakfast” 差不多，價錢比一貴了少少，由於位於尖沙咀 / 佐敦地帶，所以價錢都未必做到相宜。餐牌上有其他 Fusion 特別菜式同埋甜品，當日見到在場食客都必點甜品，今次一個人去食，下次約埋多 D 人再試下唔同款式。…Read More

平時中午或者下午茶時段，都有好多人排隊，一盒盒咁 order，八卦睇下有咩咁特別，原來就係為咗新鮮出爐 🍮 布甸蛋撻。問店內姐姐，點解叫 “布甸蛋撻”? 因為蛋撻內餡全部用新鮮雞蛋做蛋漿，而且不加水，所以出嚟效果會好似布甸咁軟同滑，而且牛油皮比一般蛋撻厚身，食一個已經好夠。經過深水埗，一試無妨 ！…Read More

新蒲崗老子號糖水店 | 華園甜品專家新蒲崗必食中式糖水店，曾獲 ⭐ 米芝蓮推介，市面上好少搵到嘅 “腰果糊” 係依度可以試到，但只會星期六、日供應。蛋白燉鮮奶 $26 (冷 / 熱)招牌甜品，熱辣辣，香滑軟綿，甜度及恰到好處，必叫之選！腐竹白果雞蛋 $28 (冷 / 熱)腐竹煲到溶曬，甜度適中，試過咁多間最正最好食嘅腐竹糖水。芒果腸粉 $37芒果唔酸，口感一般老子號糖水店價錢貼地，中規中矩，一試無妨 ！…Read More

其實係食物擺設及餐廳環境算係打卡位但食物一般 餐廳坐位唔多上菜慢 所以用餐時間不足 因為特別order大份食物 需要時間食用 但好快便提醒要埋單及趕交枱 相信他們可以控制現場執生技巧餐廳外打卡位其實沒什麼特別如果花朵盛放時，應該幾靚最大問題是服務態度女士服務員沒問題但美中不足是當中有位男士服務員 負責booking 及埋單 有趕客成份 相信有部分食客 也感受到過 如不是他 不會影響大家心情整體來說 到此一遊也罷不會有令人想再重遊此地感覺…Read More