RitaLee2526's Profile

為朋友慶祝生日，挑選了幾間餐廳，最後朋友選擇了天外天。當日下午五時多才想起沒有查詢可否在甜品加上朋友生日快樂字句，立即致電餐廳，職員很熱心幫忙，立即為我查詢可否添加。可能因為一個月前已經訂位，所以冇特別要求都有窗邊靚景位。朋友挑選了片皮鴨套餐，前菜係蜜汁叉燒，鮑魚雞粒撻，青瓜白玉木耳。涼拌前菜口感清新，鮑魚撻口感豐富不油膩。叉燒外皮甜脆可口，油脂豐富，尤其令人一試難忘。之後到主角片皮鴨，一半是鴨皮，另一半則鴨皮帶肉，滿足了只愛吃鴨皮的朋友，亦滿足了喜歡鴨皮帶肉的我。之後是雞油菌杞子淮山燉土雞湯，由於只顧談天忘了拍照，燉湯湯料十足，飲完唔口渴，應該無添加味精。龍躉斑件啖啖肉，海鮮炒飯亦10分足料。之後生日甜品，職員送到我朋友面前，並為我哋拍照留念。職員拍照技術不錯，值得一讚😂順帶一提，當日電話電源不足，問職員可否借我外置充電器，職員亦10分樂意幫忙。價錢雖然不便宜，兩人埋單大概$1900，但美景美食加100分服務態度，絕對值得推介。有機會下次會再試試其他美食。…Read More

同友人即興約食飯，友人高度推介。6點去到，無book枱，只有吧枱位，我地都ok就入座。一入餐廳，環境昏暗，富有日式格調。點左十件壽司🍣，當中海膽壽司令人一試難忘，十分新鮮無腥味，其他壽司材料都好新鮮好味。另外點左海膽玉子，海膽好足料，絕對唔係得少少，趁熱食絕對好好食，同朋友之後再叫左蟹肉玉子都好好食，但個人偏好海膽玉子。仲有不得不提既係個鹽燒海鰻，外皮香脆，肉都有少少鹽味，同平時食開既蒲燒鰻魚唔同味，但絕對係好食，令人驚喜之作，同友人之後再點多一人一串。黎到knutsford點可以唔飲酒，友人推介飲梅酒，亦係意想不到既易入口，偏甜，但都有19%alcohol，適合同朋友傾計小酌。另外都點左和牛串，牛油果蟹肉壽司，蟹肉炒飯，味道都ok。價錢中上，唔算好貴，值得推介。…Read More

聽聞一芳呢個名好耐，但一直無機會去試，終於今日見條排隊人龍唔係咁長，就去試下。本來想試佢最出名既一芳水果茶，但見到有黑糖粉圓奶茶，由於我係個黑糖珍珠控，之前已經試過isqaure對面大排長龍果間，所以又想試下呢間有無咩驚喜。黑糖珍珠奶茶係每日限定100杯既，好在今日未賣哂，但呢款係固定左冰量同甜度，無得揀少冰少甜既，但好在有得揀M同L兩種size。等左一陣就到我，珍珠係細細粒既，但奶茶無咩黑糖味，但勝在唔太甜，岩哂唔好甜既人，但個人認為30蚊呢個價錢有少少貴。希望下次試下招牌水果茶會感覺好d啦。…Read More

平時見到呢間餐廳排哂隊好多人食，又見到openrice咁多好評，以為d野食一定好好食，今日見唔洗排隊就入左去。同朋友兩個人叫左個BLT burger餐同buffalo wings,因為見到BLT burger好評最多，但原來個burger好一般，完全無特別，buffalo wings又勁咸唔好食，未食過咁難食既buffalo wings，另外薯條都係好普通，出面大把餐廳好食過呢間，令人好失望，以後一定唔會再黎。…Read More