plee lee's Profile

串咀餐廳，唔會俾機會！5:05到達餐廳，已經有兩三枱吉枱，好心地企門口等職員帶入座，5:07有人address 我哋，佢同我講5:30截單，做唔切？！點樣做唔切呀，成一個半鐘先閂門！咁就唔好講話5:30截單啦？！咩叫5:30截單？你直接寫五點截單算啦？職員擺明係想早放工！或者人哋真係唔休做！職員態度唔好，先特登寫篇comment 預告大家, 人哋一句唔好意思都唔識講，真心嬲左！同埋唔好5:00諗住人哋實會俾你入餐廳！…Read More

快食一個lunch，本身諗住食樓上拉麵鋪，完全唔知道開咗間番茄師兄，之前機緣巧合下，一係多人一係唔就腳，一係排晒大隊，都冇機會食。一心快lunch ，見新開，又冇人等位，抱住冇咩要求心態,竟然又有驚喜喎！原本諗住叫牛肉，點知點錯左免治牛肉，全部嘢都唔係預計嘅，估唔到又幾正喎😂😂不過怕一Pat Pat 嘅就唔好叫免治了👍個蛋係very ok 嘅❤️ 算茶餐廳之中幾好味嘅雞蛋之一。不過大家記住要帶cash…原來淨係收現金……Read More

大家唔好信佢個牌，明明寫住早餐去到11:30 ，11:20入餐廳外賣早餐，竟然講冇早餐？如果我遲咗入去你同我講冇我覺得OK囉。俾埋個時間你同你講仲有起碼10分鐘喎，職員嗰個猙獰樣答我「係冇早餐」。態度差到！早晨有quota架咩？佢個lunch咪一樣配菜！唔好同我講佢d配菜賣晒，澳洲牛奶公司都冇佢咁寸嘴，至少人哋明買明賣！真係未試過食茶餐廳早餐可以咁樣，差唔多時間就唔做早餐？即係睇你心情？多人做唔晒就早啲cut? 咁你個餐牌唔好寫11:30⋯⋯串咀寫11點咪得囉！又要串唔起，輸打贏要。真心差！…Read More

真心高質，好少會有一間休閒類餐廳食物係咁出色。通常Cafe，都係主打嗰幾味,不過呢間餐廳，餐牌並冇嗰啲all day breakfast, 換來嘅特色waffles令人回味!值得推薦!!!雖然Pizza比較咸，不過都好味嘅。仲叫咗Tiramisu，有驚喜喎！真心推薦！基本上今次全部order 嘅食物都真係唔錯!價錢亦合理,以cafe 來說算係清泉。唯獨位置唔算就腳，比較隱蔽，差啲認錯隔離執笠鋪係佢嘅位置。On list 的回頭翻啃餐廳之一😙…Read More

星期日飲茶旺角冇咩好選擇，上OpenRice 見到好多好評就過嚟試吓…都要等位…大概等咗半個鐘。真心抵食，好耐冇食過咁大件嘅點心，比好多而家嘅酒樓一籠點心得一兩件，仲要細細件相比，性價比好高。每一粒點心都好大，足料。味道不過不失，唔算好特別，但係水準平均。以size，碟頭，價錢公道取勝。可惜嘅係餐廳位置及餐廳環境並不適合大夥人。飲茶都係適合多啲人先可以試得多唔同嘅菜式，加上碟頭大，叫幾個點心，其實已經好飽。…Read More

其實原本好想比一個正評佢地，因為食物及環境係不錯的，不過最後佢哋嘅服務及回應客人詢問的方式卻大大打了折扣。事件起源係餐牌列明芒果糯米飯配椰子雪糕，但到上枱食到雪糕嘅時候先發現唔係椰子味而係曲奇味。由落單到上枱，從來都冇侍應表示雪糕味道改了，係打開雪糕筒先發現，再特別reconfirm 一下問一問侍應，侍應嘅回應竟然一句唔好意思都冇，直接話係呀轉左曲奇味然後直接離開。根本冇諗過講一句唔好意思。呢個回應其實感覺唔良好。奉勸一句，小心中伏，商品完全不符合餐牌但係並唔會通知客人嘅一間餐廳。…Read More

小有時間可以食到早餐，呢一間早餐時間唔算長7:15-11:30，真係要早啲先過到嚟食。不過真係對沙爹牛麵火腿通粉嗰啲有啲厭倦，所以特登過咗嚟食蕃茄湯底。之前喺度食過常餐蕃茄底都OK，所以今次再次過嚟食多次。不過相比中午常餐，早上湯底比較淡，少少失望。牛肉係好林，真係差個湯底唔夠濃。或者真材實料，天然味道掛…（自欺欺人）其他食物正常，$48 凍飲、多士、火腿、蛋。ok la… 好過另一間連鎖冰室..偷咗你塊火腿，都要呢個價錢。…Read More

開張一段時間，睇相見佢個明太子蛋餅賣相吸引，特登搵時間試食一下。星期日中午，唔洗等直入。唔好彩撞啱冷氣壞咗，🥲雖然有風扇但係流住汗咁食。叫咗一個花雕麻辣意粉，一個流心蛋餅，一杯咖啡。承惠$290，唔算太貴。味道正常，有麻辣味但係並沒有什麼花雕味，沒什麼驚喜。蛋餅最後上枱，本來好期待，但係實在等得好耐，味道一般，並冇流心效果。有點失望。唔肯定係因為餐廳冷氣壞室溫偏熱，影響心情及食慾，感覺一般。可以一試但並不會強烈推薦。…Read More

真心問，啲笑笑係咪買番黎定間鋪轉左手？冇咩可能有咁多好評⋯個麵同叉燒咸到冇朋友。中午1:00左右，食午飯，竟然冇咩人，都覺得不妙了，原來都真係幾差。Waiter 安排咗座位,都唔算好禮貌，不斷企喺廚房旁邊,撩耳仔…😨不過算啦有lunch set , 包飲品或者小食，不過麵唔跟蛋，其實已經扣咗好多分，個麵嚟到其實我賣相唔錯，都好多櫻花蝦，不過食咗第一啖，嘩已經咸到呢。😭😭😭以拉麵黎講，非常麻麻，失望失望😞…Read More

其實預咗打卡餐廳，食物就一般架喇，開頭真心冇諗過咁差。呢個價錢，呢個味道，得呢一類嘅選擇，呢種花牆⋯我勸大家唔好有期望。老實講上樓cafe ...呢個裝修...ok la...花花牆，淘寶平價貨，影相加filter,都可以幾靚嘅，真實見到嘅就一般。不過呢個唔係重點，佢啲食物真係唔得囉。首先選擇其實好少，cafe竟然冇咖啡...價錢真係唔值，一個意粉要$100-129...啲料係一般蟹柳嗰啲，味道又唔係特別出色。兩杯飲品，尤其是杯碟豆花青檸梳打！首先佢支飲筒，短到唔會飲到底，杯野淡茂茂，似水多過梳打，冇氣，冇味。平時去食越南湯河，都有半粒青檸，佢就只有一片仔。想去拮下個塊青檸仔，拮都拮唔到⋯最後佢個洗手間，塞架！垃圾桶都冇個，吊住個膠袋放垃圾。…Read More

Lunch 食廚師發板...旺角區呢個價錢算合理。雖然地方唔算坐得舒服...但整體都達到水平!叫咗一個中午松套餐，前菜有沙律同埋小食，然後有九件壽司，每一件都新鮮，整體感覺不錯。吞拿魚、海膽更加是一讚！食完九件壽司之後，最後有手卷，手卷係最有驚喜的，外表以為只是普通的三文魚子手卷，但食到中段會出現吞拿魚同埋薄脆，又配合得不錯！不過燉蛋及麵豉湯是全餐中最失色的。以日本餐廳來說，真的表現比較差。最後以雪糕做總結。算係咁啦👍…Read More

旺角好食嘅拉麵真係冇好幾間，呢間算係多次幫襯都可以保持水準，不時都會再去多次嘅拉麵店。門面其實幾隱蔽，花園街近旺角個頭，冇google map 都未必搵到。座位、餐廳環境就可以la...拉麵鋪，都唔係要求坐得非常舒服架喇。不過呢度勝在比較難搵，繁忙時間等位都唔洗等太耐。食物賣相一般，平實路線，湯底味道適中，豬腩肉都做到要做嘅口感，通常會叫櫻花蝦沾麵，都算多櫻花蝦！唯獨湯底唔夠熱，未算係非常出色嘅沾麵。…Read More

一直見OpenRice人氣榜都有呢間餐廳喺排名榜內...特登訂位試一試...整體來講，餐廳位置方便，近地鐵站，環境充滿藝術氣息，掛住好多出名嘅流行藝術作品。餐廳嘅座位有充足嘅空間，環境都有九分。餐牌其實冇咩選擇，點左一個意粉，all day breakfast 同埋飲品...食物整體賣相好，味道正常，合格分數。真係一間打卡嘅餐廳。好啱坐低，飲杯嘢傾偈嘅地方。不過順帶要讚揚下，當日職員認真量度體溫...感覺良好!…Read More

星期六中午，搵一個地方食lunch，上一次經過時代廣場，見到呢間餐廳裝修都幾靚，今次突然醒起即管試吓。疫情下嘅星期六2:00lunch 係要等位,不過唔算太耐。等左一陣終於有位，叫咗兩個set lunch。一個炸豬扒飯同埋牛肉蛋包飯。配嘢飲或者小食/甜品。叫咗一個士多啤梨西多士。餐廳食物presentation 其實幾好,見到材料都用心，不過可能唔係我杯茶。賣相good，味道好一般。反而甜品士多啤梨多士最好食。但都唔會覺得非常特別。中庸吧！…Read More

星期日經過中環，特登上扶手電梯搵吓蘇豪區有咩好食，疫情下中環大部份餐廳都唔算太多人，想食下甜品，就嚟試吓呢間小店。之前已經想試銅鑼灣分店，可惜未有機會，今次終於食到中環分店！果然冇令人失望！係有heart 嘅冰冰,唔好以為佢剩係得冰,其實入邊係有啲脆粒同爆炸糖真心係有驚喜架！再加上味道新鮮特別，伯爵茶加朱古力，估唔到呢個配搭再加上冰嘅質感，係正嘅！再加上佢係由頭食到尾都有味，唔似其他冰，得第一浸～期待下次光臨！！…Read More