uney's Profile

經外賣平台叫，都忍唔住喺度留comment ，叫咗一個粟米豬肉，一個白菜豬肉餃，套餐連兩個小食加飲品，結果淨係嚟咗兩個餃子，仲要兩個都黎錯，諗住算數照食。一入口驚為天人，今時今日仲有咁難食嘅餃子，皮厚，空氣多，餡料無味。蕃茄湯底極度難飲，成兜嘢最好食就係嗰粒粟米。結果食咗兩啖成個揼咗。完全超級難食的餃子，完全唔知自己食緊乜，呢一種食物質素簡直遺禍人間，浪費地球資源。今時今日，連灣仔碼頭都唔會難食，超級超級難食，真係浪費食物…Read More

基本上每星期都會來兩三次，價錢唔算平，但係真材實料雞食得出好新鮮，白蜆米線好鮮甜，蕃茄麻辣湯同雞湯都好足料，啲湯飲晒都唔會口渴。反而咁耐都未食過鮑魚同埋魚翅，希望搵日試吓。女員工雖然黑口黑面，但係基本禮貌都有，睇得出只係生手，唔係冇心機做，老闆好熱情，成日喺入邊忙碌煮湯製作食物，廚房睇到晒，基本乾淨企理。OpenRice非常愚蠢，必須要寫200個字先可以為食物評分，所以基本上剩係得打手，佢哋都係靠咁賺錢。…Read More

今日嚟到order左omakase ，連埋加一，$1076一位。食完之後除咗失望都係失望。無可否認，呢一間係一間相當聰明嘅餐廳，佢用盡心思令人留下深刻印象，而亦都成功做到。餐廳無論喺服務、環境、定位、以致打卡點設計等等都做得非常好。唯一做得唔好嘅就係食物，如果佢係海洋公園或者迪士尼樂園，我一定會比滿分佢，好可惜佢係一間餐廳。作為一間以燒肉作為主打嘅餐廳，首先要講嘅當然係肉嘅質素。成間餐廳所提供嘅和牛都有一個共通點，就係韌都咬唔爛。肉味唔係話冇，不過冇乜特別；當然，除咗肉嘅質素，亦都有啲餐廳會喺配料同醬汁到花心思。好可惜，yakinikumafia 嘅醬汁亦都相當平凡，所謂嘅signature sauce 就係蘿蔔柚子醋加生雞蛋，留意番，佢有另外一個sauce 係蘿蔔柚子醋，簡單講，即係豉油係一個汁，辣油係一個汁，豉油溝辣油當係第三個汁，仲話係秘製添。至於個所謂秘製和牛炒飯，其實就係大量嘅牛油加埋蒜片，炒個飯。啲肉好差又一定唔係，肉味係有嘅，不過冇乜深度，係普通牛肉味。口感方面莫講話入口即溶，連咬都咬唔開。一間口感欠奉，肉味普通，仲要自己燒嘅燒肉餐廳，我諗起嘅就係牛角。不過牛角$88 ，呢度$888另外加一，兩者唯一嘅分別，就喺呢度上菜嘅時候會有個人係你旁邊鬼殺咁嘈咁喺度嗌。有人話呢啲叫presentation，有人話呢啲叫做整色整水，佢把聲值唔值八舊水就見仁見智，不過我就唔會俾。對於呢一種完全忽視食物質素，過度追求「打卡」位嘅反智文化，我實在不吐不快。偏偏仲有好多好似我咁傻嘅人排住隊幫襯呢間餐廳。成個餐唯一令我印象深刻嘅就係個雪糕，的確好香牛奶味。…Read More